Efesɔs 4:16 - Vengo (Babungo)

¹⁶ Faŋ nsiŋ lùu ŋwaa Kristo, Kristo lùu tɔ taa ŋwaa nsiŋ nə, ŋwə yɨ̀ vədɨꞌ vənshə fɨ maa ŋwə ghaytə fàynə, buꞌ laa vəyəə vi vənshə faynə̀, faŋ mfɨꞌ wutə vəŋ kùꞌnə tɔ tɔ maa məfaꞌ faꞌ nə, ŋwaa ghɔ́ nshə ta, gə vɨsɨ, faŋ vəlaŋ vi kawnə vəŋ vəŋ nə.

Efesɔs 4:16 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:5

Mə lùu tɨ taŋ, viŋ luu təntaŋ ti. Wə ntɨə faŋ ŋwə lùu taa fwi mə, mə lùu taa fwi ŋwə. Wə ghɔ́ kɨ nii kwaanə vətaŋ vəyaŋ. Kaꞌ wə kee yɨ̀ nu me, tɨ̀ lɨꞌ laa mə lùu fɨ yiba jɨŋ ŋwə me.

Roma 12:4

Nsiŋ lùu yaa vəlaŋ faŋ mbə lùu vəyaŋ mbɨɨ ŋwaa wə muꞌ nə. Vənu mbɨə faŋ vəlaŋ və ŋwaa vɔ́ yɨsə, kee lùu nɨndɨŋ me.

1 Kɔrintian 10:17

Faŋ nsiŋ zɨ̀ bee kɔ́ nə, bee kɔ́ faŋ nsiŋ zɨ, luu sheꞌ ghɨsə bee muꞌ. Ŋkə də̀ laa nsiŋ, faŋ nsiŋ kɔlə lùu vəyaŋ nə, nsiŋ lùu sheꞌ fa kəmuꞌ, buꞌ faŋ nsiŋ vənshə zɨ sheꞌ fɨ maa ghɨsə bee muꞌ.

1 Kɔrintian 13:13

Vənu lùu shɔ vətia faŋ kaꞌ mbə kee ndɔ mè me. Nu kəmuꞌ lùu laa nsiŋ kɨ nuŋ fwi saŋ-nsiŋ maa Nwi. Nu mɔ́ꞌ lùu məbwey vəlwaŋ faŋ nsiŋ kɨꞌ fɨ ghɔ Nwi nə. Nu lwesə vətia luu ŋkawnə. Fɨ maa vənu və̀ vətia nə, nu ŋkawnə kwàlə shɔ̀ɔ vənu vɔ́ vənshə.

1 Kɔrintian 8:1

Mə kəə baa gi kɔ̀ŋ fazɨ faŋ vɨ kɔ̀ tɨ́ vənwi vədayday. Viŋ gì laa nsiŋ vənshə kìi tɔ ley. Lùu yinsəŋ laa nsiŋ kìi tɔ ley. Luu nə, kəŋ tɔ ley kɔ́ yɨsə wə koꞌsə ŋwaa wi. Nu ŋkɨə faŋ ŋkə gaŋtə vɨɨ dɨdɨꞌ, lùu laa wə kɨ kaw weenshu wi.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Efesɔs 1:4

Ŋwə nə shòꞌ nsiŋ buꞌ Yeso Kristo ŋkee maa yighee njyə faŋ ŋwə nə kee ta tey kɨ bɔŋ mbi me, laa nsiŋ ndɔ baw fɨ̀nə ŋwə, laa tuu ŋkee wee-ndoꞌ kee lùu maa nsiŋ yikəꞌ ŋwə me. Ŋwə nə kàw nsiŋ dɨdɨꞌ,

Efesɔs 3:17

Kristo baa nɔ̀ŋ taa fwisə viŋ, faŋ viŋ nùŋ fwi siŋ maa ŋwə, laa viŋ kɨ kaw ŋwə ŋkee dɨdɨꞌ. Mə buꞌ ghɔ tɨ́ Nwi laa viŋ nuŋ fwi siŋ maa ŋwə sheꞌ faŋ vɨ yaa kɨ bia tɨ taa nsi, ŋkə ŋìisə ghay ghi taa shɔꞌ, tɨŋ ŋkee kəweꞌ.

Efesɔs 3:7

Mə nə kìasə gù wuu faꞌ ntɔŋ yijəə yɔ́, faŋ Nwi nə kèe gəŋ saŋ, kèy mə nə faꞌ ghɔ́ nə, sùŋtə mə ŋkee nə wutə ki kəkwalə.

Efesɔs 4:12

Ŋwə nùŋ vɨɨ vɔ́ nɨniŋ, laa vəŋ kɨ lootə vɨɨ Nwi, vəŋ kuꞌnə maa məfaꞌ faꞌ vəŋ tɨ́ Nwi, laa ŋwaa Kristo kɨ gə vɨsɨ vɨsɨ.

Efesɔs 4:15

Bàw nsiŋ kɨ toꞌ sheꞌ maa jɨɨ yinsəŋ, kàw Yeso Kristo faŋ ŋwə lùu tɔ taa ŋwaa nsiŋ nə. Nsiŋ kɨ weꞌ maa nu ki, gə̀ vɨsɨ vɨsɨ.

Filipi 1:9

Nɨniŋ, mə shɔꞌtə Nwi tɔ viŋ laa viŋ kɨ kaw yiŋwaa yiŋ, viŋ viŋ, gə vɨsɨ vɨsɨ, kɨɨ nə Nwi nə nu jəə.

Kɔlɔsii 2:19

Vəŋ gaasə fɨ ghɔ Kristo, faŋ lùu tɔ tɨ́ ŋwaa vɨɨ Nwi nə. Vɨɨ vənshə faŋ vəŋ fàynə ghɔ vɨ Kristo, Kristo kɔ fa tɨ̀ me fa faŋ vəŋ kəə tɨ́ vəŋ. Ŋwə baa yɨ̀sə laa vəŋ lùu fa kəmuꞌ, tɨ́ kaꞌ vəŋ kɨ ta weꞌ nə vənu və Kristo faŋ Nwi kəə. Ŋkə lùu nɨniŋ, sheꞌ faŋ ŋwaa wə fàynə shəŋ muꞌ vəlaŋ vəlaŋ.

Kɔlɔsii 2:2

Mə kɨɨtə, tɨ́ kaꞌ fwi siŋ weꞌ, baa nə laa viŋ kɨ kawnə yiŋwaa yiŋ, gù fa kəmuꞌ, baa nə laa viŋ ndɔ kii ŋkee tɔ ley maa nu Nwi, kɨ̀ɨ nə ŋiꞌ nu Nwi ŋkee jəə, faŋ ŋkə nə ndènə fɨ ghɔ vɨɨ nə. Ŋiꞌ nu Nwi kɔ́ luu sheꞌ nu Kristo, wuu məbweysə ŋwaa-nsiŋ.

1 Tesalonika 1:3

Yia kɨ lumə vəfaꞌ vəjəəvə viŋ faŋ viŋ faꞌ buꞌ məbiŋ wiŋ maa Nwi, baa nə vənu vəjəəvə viŋ faŋ viŋ yɨsə fɨ taa ŋkawnə, baa lumə faŋ viŋ jìa fwi, kɨ̀ꞌ tɨta ŋwaa-nsiŋ Yeso Kristo maa yizii Nwi, faŋ lùu Tii ŋwaa-nsiŋ nə.

1 Tesalonika 2:13

Nɨniŋ, yia bwaŋ Nwi buꞌ viŋ ghee nshə. Yighee njyə faŋ yia nə jwì nə yigisə Nwi tɨ́ viŋ nə, viŋ zɔ, nùŋ fwi siŋ shɔ, kee ndì yigisə yɔ́ yaa yigisə wə mənsaw me, ndì lùu yaa yigisə Nwi, faŋ nyə lùu nɨniŋ yinsəŋ. Nə luu nɨniŋ buꞌ laa Nwi nə faꞌ taa ŋwaa viŋ, faŋ viŋ nə nùŋ fwi siŋ maa ŋwə nə.

1 Tesalonika 3:12

Bàw tɨta Kristo yɨsə ŋkawnə yiŋ yaŋ, viŋ kɨ kawnə yiŋwaa yiŋ, baa luu kaw vɨɨ vənshə, gə vɨsɨ vɨsɨ, ŋkə lwaŋ taa fwisə viŋ bə̀, sheꞌ faŋ yia kàw viŋ nə.

2 Tesalonika 1:3

Vaŋ-nshwi via, bàw yia kɨ bwaŋ Nwi buꞌ viŋ ghee nshə. Ŋkə kùꞌnə maa məyɨ nɨniŋ, buꞌ laa viŋ wèꞌ maa nu ŋkɨə faŋ viŋ nùŋ fwi siŋ shɔ nə. Ŋkawnə yiŋ faŋ viŋ vənshə kaw nə yiŋwaa yiŋ, viŋ viŋ, baa lùu yiyaŋ, gə vɨsɨ vɨsɨ nɨzi.

1 Timoti 1:5

Ŋkee ŋiꞌ nu Nwi lùu laa, nsiŋ kɨ kaw nə yiŋwaa nyaa-nsiŋ nə fwi yiley. Nsiŋ kii ŋkawnə yɔ́ faŋ nu kaŋ-nsiŋ lùu kəley, buꞌ faŋ nsiŋ nùŋ fwi saŋ-nsiŋ maa Kristo ŋkee maa yinsəŋ.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Jɔn 4:16

Faŋ yia nə yè nɨniŋ nə, yia kɨ nii yikɨɨ faŋ Nwi kaw nsiŋ nə. Yia baa biŋ, nùŋ fwi sia shɔ. Nwi lùu wuu məkaw vɨɨ. Wə ntɨə faŋ ŋwə kaw Nwi nə vɨɨ nɨzi, buu ŋwə gòꞌsə ghɔ Nwi. Nwi baa lùu goꞌsə taa fwi ŋwə nɨzi.