Efesɔs 4:14 - Vengo (Babungo)

¹⁴ Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

Efesɔs 4:14 ပူးပေါင်းရင်းမြစ်များ

Matiu 11:7

Vɨɨ ntɔŋ vɔ́ kɨ gə, Yeso tey kɨ gisə tɨ́ vɨɨ buꞌ Jɔn, wuu məkɔ muu mə Nwi, gì laa lee, «Viŋ sii nə fuu gə̀ taa tɔɔ waꞌsə, gə̀ yè kə? Viŋ nə gə̀ maa məye yigiŋ faŋ fɨɨ nəꞌsə mu?

Matiu 24:11

Vɨɨ məsɨɨ təba maa yigisə Nwi fuu mbi vəyaŋ, kɨ bweꞌsə vɨɨ vəyaŋ.

Matiu 24:24

Vɨɨ ndɔ fuu vəyaŋ faŋ vəŋ sɨɨ ba, gisə laa vəŋ luu Kristo, tɨꞌnə me nshiisə-ŋii sɔghɔ. Vəŋ ndɔ də vəshwenə və shuu yɔŋvə maa məyɨ laa vɨɨ ndi jɨɨ, mɔŋ ŋkee maa məbweꞌsə vɨɨ mbɨə faŋ Nwi shoꞌ vəŋ nə.

Akts 23:21

Vəŋ taa jwi, kɨ ghɔ biŋ me, buꞌ laa vɨɨ shɔ muu-yinshwe shɔ̀ɔ, faŋ vəŋ ndènə, kɨ kɨꞌ Pɔɔl. Vəŋ nə lɨ̀ꞌtə laa vəŋ kee taa zwi Pɔɔl me, vəŋ kee zɨ̀ fa me, kee nù fa me. Vəŋ lòotə ŋwaa, kɨ̀ꞌ maa məzɔ nu ŋkɨə faŋ a taa gi.»

1 Kɔrintian 12:2

Viŋ lumə laa yighee vɨsɨ, faŋ viŋ nə kee ta lùu vɨɨ Kristo me, vəzwitə vəbwəvə nəə suŋtə viŋ laa viŋ kɨ beꞌsə vənwi vədayday faŋ kaꞌ mbə kee bee gì me.

1 Kɔrintian 14:20

Vaŋ-nshwi vaŋ, kɨ viŋ kɨ bɨꞌtə vənu yuu vaŋmbwaa me. Nu ŋkɨə faŋ kaꞌ viŋ lùu yaa vaŋmbwaa, faŋ vəŋ kee ta weꞌ maa nu me, lùu maa məyɨsə vənu vəbwəvə. Bàw viŋ kee weꞌ maa kəŋ nu ghɔ́ me. Luu nə, bàw viŋ lùu yaa vɨɨ taa maa məbɨꞌtə vənu.

1 Kɔrintian 3:19

Mə gì nɨniŋ buꞌ laa vənu faŋ mbi ndɨ̀ yaa vənu və tɔ-ley, lùu vənu və vəmfaw vɨsɨ Nwi. Lùu nu yinsəŋ faŋ vɨ nyɔ̀ꞌ taa ŋwaꞌlə Nwi laa, «Nwi kɔꞌsə vɨɨ tɔ-ley maa nu tɔ-ley vəŋ.»

2 Kɔrintian 2:17

Yia kee lùu yaa vɨɨ vəyaŋ faŋ vəŋ fɨꞌtə nu Nwi maa ka me. Yia fɨꞌtə nu Nwi nə fwi yiley, gisə nu ŋkɨə faŋ ŋkə ndɔ̀ fɨ ghɔ Nwi, tɨ́ vɨɨ sɨ Nwi, fɔnə yia faynə yia vɨ Kristo.

2 Kɔrintian 4:2

Yia kee toꞌ nə mənay faŋ lùu nu tɔ dɨɨ me, tɨꞌnə me bweꞌsə vɨɨ me, tɨꞌnə me wasə nu Nwi me. Yia fɨꞌtə luu nu yinsəŋ Nwi ntee, tɨ́ kaꞌ ŋkə kɨ jia fwisə vɨɨ vənshə, vɨɨ vənshə biŋ yia vɨsɨ Nwi.

Galatia 3:1

Aŋ viŋ, vɨɨ Galatia, viŋ jɨ̀ŋtə dɨdɨꞌ. Lòꞌ ndə lòꞌ viŋ? Viŋ lumə faŋ mə nə fɨ̀ꞌtə tɨ́ viŋ ŋkee ley ley, faŋ vɨ nə bèy Yeso Kristo fuu fəŋkɔꞌ fə ŋkɨꞌsə.

Efesɔs 6:11

Viŋ shuŋ vətɔ və yighaw və Nwi, laa viŋ kɨɨ maa məghɔꞌ Satan, tɨɨ vəzwitə vəbwəvə, maa jɨɨsə nsɨə faŋ lùu jɨɨsə mənay sənshə, faŋ ŋwə tuŋ viŋ shɔ nə.

1 Timoti 3:6

Kɨ vɨ shoꞌ wuu fi faŋ ŋwə bɨ kɨ jɨjwi nùŋ fwi yi maa Nwi me, buꞌ ŋwə taa kɨ mwa, bɨ̀sə tɔ ki, zwitə bwə yɨsə ŋwə gu.

2 Timoti 1:15

A kɨɨ laa vɨɨ vənshə fɨ nsi Asia mèꞌ mə. Vɨɨ mɔ́ꞌ fɨ taa ŋwaa vəŋ luu Figelɔs nə Hermojenis.

2 Timoti 3:13

Luu nə, vɨɨ bwənə nə vɨɨ məbuulə yitɔ yi vɨɨ gə vɨsɨ vɨsɨ nə nu bwə vəŋ, toꞌ bweꞌsə vɨɨ, vɨɨ bweꞌsə vəŋ nɨzi.

2 Timoti 4:3

A kɔꞌ kɨɨ laa yighee ndɔ kɨ jwi, faŋ nu yinsəŋ Nwi ndɔ bɨ tɨ́ vɨɨ, vəŋ twey maa məzɔ, gə̀ kɨ kəə vɨɨ mədeesə vəŋ, faŋ vəŋ gisə sheꞌ vənu faŋ mbə sɨꞌsə tɨ́ vəŋ.

Hibru 13:9

Kɨ viŋ biŋ laa yigisə yifinə faŋ vɨɨ deesə viŋ shɔ nɨŋkwiŋ nɨŋkwiŋ, yɨsə viŋ ndi jɨɨ Nwi me. Yaa kɨ yɨsə nu jəə faŋ ŋkə ndɔ fɨ ghɔ Nwi, yɨsə fwi wə weꞌ. Ntɨsə nsɨə faŋ nsə gì kɔ̀ŋ nu fazɨ, nsə kee kii ŋgaŋtə me; nsə kee gaŋtə vɨɨ mbɨə faŋ vəŋ beꞌsə nsə me.

Jeyms 1:6

Kɨ luu wə ndwaŋ fa fɨ ghɔ Nwi, bàw ŋwə nuŋ fwi yi maa Nwi yinsəŋ, kee kɨ bɨbɨꞌtə me, buꞌ laa wə faŋ ŋwə bɨbɨꞌtə, lùu yaa batə muu faŋ fɨɨ yaa kɨ dɔŋsə, ŋkə kɔ kwiŋ maꞌ nə kwiŋ ŋkwii.

Jeyms 3:4

Bàw viŋ baa ywiitə nu kɔ̀ŋ bay kwalə. Maa wee-soo bay, faŋ ŋkə lùu ŋkee kətɨtiꞌ, ŋkə kiasə bay faŋ ŋkə luu ŋkee kəkwalə, fɨɨ dɔŋsə bay kɔ́ nɨzi. Wee-soo bay ghɔ́ yɨsə bay kɔ́ gə maa kwiŋ ŋgwə faŋ wuu mədɔŋsə bay kɔ́ kəə laa ŋkə gə shɔ.

2 Pita 2:18

Vəŋ yaa kɨ toꞌ koꞌsə ŋwaa, gisə yigi faŋ nyə kee kìi tɔ ley me. Fwisə vəŋ ndɔ maa vətɔ faŋ yiŋwaa yivəŋ kàw. Vəŋ kaw maa məzɨ shɨ, suŋtə vɨɨ mbɨə faŋ vəŋ duꞌtə vəŋ nyɨŋkə fɨ ghɔ vɨɨ bwənə, laa vəŋ bəŋ kɨ toꞌ ghuu yitoꞌ vəŋ maa jɨɨ yibwə, faŋ vəŋ nə nyɨ̀ŋkə fɨ maa jɨɨ yibwə yɔ́ sheꞌ maa kuŋtə yighee nə.

1 Jɔn 2:19

Vɨɨ mbeenə Kristo vɔ́ nə fùu fɨ taa ŋwaa nsiŋ. Luu nə, vəŋ nə kee bee lùu vɨɨ vaŋ-nsiŋ me. Vəŋ nəə toꞌ luu vɨɨ vaŋ-nsiŋ, buu vəŋ nə gòꞌ nsiŋ vɨ vəŋ. Luu nə, vəŋ fuu nɨniŋ laa nsiŋ kɨɨ ntee laa vəŋ vənshə kee lùu vɨɨ vaŋ-nsiŋ me.

1 Jɔn 2:26

Mə ŋwaꞌlə nu kɔ́ tɨ́ viŋ buꞌ vɨɨ mbɨə faŋ vəŋ kəə bweꞌsə viŋ nə.

1 Jɔn 4:1

Vɨɨmba vaŋ, kɨ viŋ baa kɨ biŋ vənu vənshə faŋ vɨɨ fɨꞌtə tɨ́ viŋ laa fɨ̀ꞌtə Zwitə Ley Nwi tɨ́ vəŋ me. Viŋ mɔŋ vəŋ, ywiitə laa zwitə ŋkɨə faŋ ŋkə lùu ghɔ vəŋ, nə ndɔ̀ fɨ ghɔ Nwi mu? Viŋ mɔŋ vəŋ buꞌ laa vɨɨ məsɨɨ təba maa nu Nwi fùu taa mbi vəyaŋ.

Ŋwaꞌlə Jud 1:12

Vəŋ bɨsə yizii nshəŋtə yiŋ buꞌ faŋ viŋ vɨ vəŋ yaa kɨ duꞌ shəŋ muꞌ, zɨ. Vəŋ duꞌ taa ŋwaa viŋ, zɨ, lumə sheꞌ nu yiŋwaa vəŋ, kee bee kìi tɔ dɨɨ me. Nɨniŋ, vəŋ lùu yaa mbɔꞌ yifusə faŋ yighuu kee lùu taa tey yi me. Fɨɨ yaa kɨ shɔɔ, saynə nyə. Vəŋ baa lùu yaa vətɨ faŋ mbə kee kɨkoonə me, faŋ yighee məkoonə kɔlə kùꞌ, ŋkee yaa vətɨ faŋ vɨ shoꞌ fɨ nsi ghɔ vɨ ghay, mbə yɔŋ, kùkə laylay.

Reveleyshən 19:20

Vɨ jia nyaa yɔ́, baa jìa wuu məsɨɨ təba wì faŋ ŋwə nəə naysə vəshwenə və shuu yɔŋvə vɨsɨ ŋwə, bweꞌsə vɨɨ shɔ nə, mbɨə faŋ vəŋ nə kìi shwenə nyaa yɔ́, nə vɨɨ mbɨə faŋ vəŋ nəə bəŋsə fənyia fə nyaa yɔ́ nə. Vɨ ndi nyaa yɔ́, ghɔ wuu ntɔŋ wi, vəbwey, mɔ̀ꞌ taa shəŋ wi kwalə faŋ ŋwə kɨɨ, lumə ki zwilə vɨɨ.