Efesɔs 4:11 - Vengo (Babungo)

¹¹ Vəkɔ vi faŋ ŋwə nə kɔ̀ tɨ́ vɨɨ nə, lùu laa vɨɨ mɔ́ꞌ lùu vɨɨ ntɔŋ vi, vɨɨ mɔ́ꞌ luu nshiisə-ŋii sɔghɔ, vɨɨ mɔ́ꞌ luu vɨɨ məfɨꞌtə nu Nwi, vɨɨ mɔ́ꞌ luu vɨɨ mətɨsə vɨɨ, vɨɨ mɔ́ꞌ luu vɨɨ mədeesə.

Efesɔs 4:11 ပူးပေါင်းရင်းမြစ်များ

Matiu 28:20

deesə vəŋ maa mənuŋsə vənu vənshə faŋ mə yaa nàysə tɨ́ viŋ nə. Viŋ kɨ lumə laa mə taa luu yɨ viŋ ghee nshə, gə ziꞌ maa vəndwə və mbi.»

Akts 13:1

Nshiisə-ŋii sɔghɔ nə vɨɨ mədeesə nu Nwi nə luu shɔ taa məshəŋtə vɨɨ Kristo ntɨꞌ Antiɔk. Nə luu Barnabas nə Saymon faŋ vɨ nə shù yizii yi nə Wuu-fəŋ, nə Lusiɔs fɨ Kirene, nə Manaen faŋ ŋwə nə tà ghɔ fwàŋ Herod, baa nə Sɔɔl.

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

Akts 21:8

Fu lee yia ndɔ gə ntɨꞌ Sisaria, gə̀ ŋìi taa ŋii Filip, wuu məfɨꞌtə ntɔŋ yijəə Nwi, faŋ ŋwə nə luu fɨ maa vɨɨ kwatia vì, faŋ vɨ nə nùŋsə vəŋ maa faꞌ Nwi maa yighee vɨsɨ nə. Yia kɨ nii shì taa ŋii ŋwə.

Roma 12:7

Wə ntɨə faŋ Nwi kɔ̀ wutə tɨ́ ŋwə maa məgaŋtə vɨɨ ŋɨꞌ, kɨ faꞌ sheꞌ faꞌ wi ghɔ́. Wə ntɨə faŋ Nwi kɔ̀ wutə tɨ́ ŋwə maa mətwelə ŋiꞌ nu fɨ taa ŋwaꞌlə Nwi, kɨ yɨsə sheꞌ nɨniŋ.

1 Kɔrintian 12:4

Vənu mbɨə faŋ Zwitə Nwi kɔ wutə tɨ́ vɨɨ laa vəŋ kɨ yɨsə, lùu nɨŋkwiŋ nɨŋkwiŋ. Luu nə, Zwitə Nwi kɔ́ luu sheꞌ kəmuꞌ.

Efesɔs 2:20

Viŋ lùu ŋii Nwi, faŋ vɨ bɔ̀ŋ viŋ fuu vɨɨ ntɔŋ Kristo nə nshiisə-ŋii sɔghɔ. Vɨɨ ntɔŋ Kristo vɔ́ lùu shɨŋii kɔ́. Yeso Kristo luu ŋoꞌ mfay ŋii yɔ́.

Efesɔs 3:5

faŋ Nwi nə kee ta yɨsə laa vɨɨ kɨɨ nə nu kɔ́ me. Sheꞌ ndwə ŋwə yɨsə Zwitə Ley ki twelə tɨ́ vɨɨ ntɔŋ Kristo nə tɨ́ nshiisə-ŋii sɔghɔ, faŋ luu vɨɨ ley vi.

Efesɔs 4:8

Nɨniŋ, ŋwaꞌlə Nwi gì laa, «Ŋwə nə kòꞌ yizɔ nə vəbuꞌ və yighaw faŋ ŋwə jiatə, kèy vɨɨ nə vətɔ.»

2 Timoti 4:5

Gə fɨ maa ghɔ, bàw a jia fwi yə, nyə ley maa vənu vənshə, kɨ biŋ ŋɨꞌ buꞌ nu Kristo, faꞌ faꞌ wuu məfɨꞌtə ntɔŋ yijəə Nwi, faꞌ faꞌ wə nshə yaa wuu faꞌ Nwi.

Hibru 5:12

Yighee kùꞌ tɨ́ kaꞌ viŋ deesə vɨɨ mɔ́ꞌ, buꞌ laa viŋ yaa zwetə fɨshi. Luu nə, viŋ kee bee ta kɨɨ nə nu me! Viŋ bəə wə faŋ ŋwə jwi deesə viŋ nə mfɔŋsə vənu kɔ̀ŋ ntɔŋ Nwi. Viŋ kee ta lùu vɨɨ tɨ́ kaꞌ viŋ zɨ̀ fazɨ vɨɨ taanə me. Vɨ bee kii kɔ̀ məməŋ tɨ́ viŋ faŋ lùu fazɨ vaŋmbwaa nə.

Ŋwaꞌlə Jud 1:17

Gə fɨ maa viŋ, vɨɨmba vaŋ faŋ mə kàw, viŋ lumə vənu mbɨə faŋ vɨɨ ntɔŋ Yeso nə fɨꞌtə laa mbə ndɔ gay.

Reveleyshən 18:20

Luu nə, viŋ kɨ ŋaytə buꞌ shɨ kɔ́, mɔɔ yizɔ, viŋ vɨ vɨɨ Nwi, nə vɨɨ ntɔŋ Kristo, nə nshiisə-ŋii sɔghɔ, buꞌ laa Nwi shìa nsɔꞌ tɔ shɨ kɔ́ faŋ vəŋ nə yɨnə viŋ nə.»

Reveleyshən 21:14

Vɨ bɔ̀ŋ mfaysə ŋkɔꞌ yɔ́ nə ŋoꞌsə njɔsə-bɔɔ, faŋ vɨ nyɔ̀ꞌ təzii tə vɨɨ ntɔŋ bi-njɨɨ yɔ́ mbɨɨ yi.