Efesɔs 3:9 - Vengo (Babungo)

⁹ tɨ́ kaꞌ mə kɨ ŋaꞌsə sɨ vəŋ, vəŋ kɨɨ nə jɨɨ njyə faŋ Nwi, wuu məbɔŋ vətɔ vənshə, yɨsə vənu. Jɨɨ yɔ́ nə ndènə taa njyoꞌ ŋwə shù fɨshi.

Efesɔs 3:9 ပူးပေါင်းရင်းမြစ်များ

Matiu 10:27

Nu ŋkɨə faŋ mə naysə tɨ́ viŋ taa mfiŋsə, viŋ kɨ naysə taa shɨshwi. Nu ŋkɨə faŋ mə naysə tɨ́ viŋ taa shuŋ, viŋ koꞌ tɨŋnə tɔ ŋii, buu kɨ fɨꞌtə.

Matiu 13:35

Nɨniŋ, ŋkə fàynə maa nu ŋkɨə faŋ nshiiŋii-sɔghɔ nə gì laa, «Mə ndɔ ŋaꞌsə shuu ŋwaa, kɨ gisə yigisə tii, gisə nə gɨ yishaꞌsə kɔ̀ŋ vənu mbɨə faŋ mbə nə ndènə fɨ ghɔ vɨɨ shù fɨ maa vənzi və mbi.»

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Matiu 28:19

Viŋ gə taa məshɨ mənshə fɨ taa mbi, kɨ yɨsə vɨɨ gu vɨɨ məzwetə nu kaŋ. Viŋ kɔ muu mə Nwi tɨ́ vəŋ maa yizii tɨta Nwi, nə yizii Wee (Nwi), baa nə yizii Zwitə Ley,

Lukas 24:47

baa nə laa vɨ ndɔ kɨ fɨꞌtə nu ki tɨ́ vɨɨ vənshə fɨ taa mbi, laa vəŋ kwiinə fwisə vəŋ, buu Nwi ndenə yibɨsə vəŋ buꞌ yizii yi. Nɨniŋ, viŋ ndɔ kɨ fɨꞌtə nu kɔ́, tèy fɨ ntɨꞌ Jerusalem.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:30

Tii ŋwaa nə mə lùu fa kəmuꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:17

Maa yighee yɔ́ Yeso gi tɨ́ vɨɨ Jus vɔ́ laa, «Tii ŋwaa faꞌ faꞌ ghee nshə. Nɨniŋ, mə faꞌ ghee nshə nɨzi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:19

Nə luu buꞌ nu kɔ́, Yeso gi tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, kaꞌ Wee Nwi kee kɨ yɨ tuu nu maa wutə ki me. Ŋwə yɨ sheꞌ vənu mbɨə faŋ ŋwə ye laa Tii wi yɨsə, buꞌ laa nu ŋkɨə faŋ tɨta Nwi yɨ luu sheꞌ nu ŋkɨə faŋ ŋwiŋ wi yɨsə nɨzi.

Akts 15:18

Nu kɔ́ nə luu taa ŋkɨɨ Nwi shù fɨ maa vənzi və mbi.»

Roma 11:25

Vaŋ-nshwi vaŋ, mə kəə yɨ̀sə viŋ kɨ̀ɨ nə nu mɔ́ꞌ nɨzi, faŋ ŋkə nə ndènə fɨ ghɔ vɨɨ. Mə kəə naysə tɨ́ viŋ laa kɨ viŋ taa kɨ bɨꞌtə ŋkiŋ nu fɨ maa yitɔfə yiŋ me. Viŋ zɔ! Nwi nə yɨ̀ fwisə way vɨɨ Isirayl luu səfɨsə, gə kɔ tɨ́ yighee njyə faŋ vɨɨ tətɔŋ fu ndɔ jwi kɨ kɨɨ nə Nwi, nwaa vəŋ lwaŋ,

1 Kɔrintian 2:7

Nu tɔ-ley ŋkɨə faŋ yia gisə nə, luu ŋkee nu tɔ-ley Nwi, faŋ wə mənsaw nə kee ta yiye me. Ŋkee fɨshi, faŋ Nwi nə kee ta zì kɨ bɔŋ mbi me, Nwi nə duꞌtə Nwi tə nu tɔ-ley kɔ́, tɨ́ kaꞌ nsiŋ vɨ vəŋ ndɔ luu mɔ́ꞌ taa yikwalə yi.

Efesɔs 1:4

Ŋwə nə shòꞌ nsiŋ buꞌ Yeso Kristo ŋkee maa yighee njyə faŋ ŋwə nə kee ta tey kɨ bɔŋ mbi me, laa nsiŋ ndɔ baw fɨ̀nə ŋwə, laa tuu ŋkee wee-ndoꞌ kee lùu maa nsiŋ yikəꞌ ŋwə me. Ŋwə nə kàw nsiŋ dɨdɨꞌ,

Efesɔs 3:2

Maa viŋ nə zɔ kɔ̀ŋ ŋiꞌ faꞌ kaŋ maa məndeynə nu Nwi, faŋ Nwi nə nùŋsə mə shɔ nə, laa mə kɨ gisə nu ki, faŋ ŋwə gaŋtə vɨɨ shɔ nə, tɨ́ viŋ.

Efesɔs 6:19

Viŋ kɨ shɔꞌtə Nwi tɔ mə nɨzi, laa Nwi kwaŋ nu ki taa fwi mə, ŋàꞌsə shuu ŋwaa, mə kɨ jia fwi nyaa, yɨsə vɨɨ kɨ kɨɨ nə ŋiꞌ ntɔŋ yijəə Nwi yɔ́, faŋ nyə nə ndènə fɨ yikəꞌ vɨɨ nə.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:26

Nu ŋkɨə faŋ mə fɨꞌtə tɨ́ vɨɨ nə, ŋkə nə lùu shɔ ŋkee fɨshi faŋ mbi, tɨꞌnə me, vɨɨ nə kee ta lùu shɔ me. Luu nə, ŋkə nə kee ta fuu ntee me, luu vɨɨ kee kɨɨ nə ŋkə me. Nwi yɨ̀sə ndwə laa ŋkə fuu ntee sɨ vɨɨ ley Nwi.

Kɔlɔsii 3:3

Viŋ kɔꞌ kɨɨ laa viŋ duꞌtə viŋ ku tɨ́ vətɔ vɔ́ fɨ shɨ nsi. Məbwey fi faŋ viŋ kìi ndwə nə, lùu ghɔ Kristo. Nwi duꞌtə Nwi kɔ məbwey fi ghɔ́ tɨ́ viŋ, faŋ kɔlə kaꞌ wə kee ta yiye me.

Kɔlɔsii 4:3

Viŋ kɨ shɔꞌtə Nwi tɔ yia nɨzi, laa Nwi gaŋtə yia, ŋàꞌsə jɨɨ tɨ́ yia, tɨ́ kaꞌ yia kɨ fɨꞌtə nu Nwi tɨ́ vɨɨ, baa naysə nu Kristo faŋ ŋkə nə ndenə fɨ ghɔ vɨɨ nə. Luu sheꞌ buꞌ nu Kristo kɔ́, faŋ mə lùu feenə taa ŋii mfiŋ nə.

2 Tesalonika 2:13

Vaŋ-nshwi via, fwi sia dɔŋsə yia laa yia kɨ bwaŋ Nwi ghee nshə buꞌ viŋ, faŋ Mɔꞌmbi kàw viŋ nə, buꞌ laa Nwi nə shòꞌ viŋ shù fɨshi, laa viŋ ndɔ baw shɨlə, gə̀ nə vɨsɨ. Yɨsə Zwitə Nwi laa viŋ baw, gə̀ nə vɨsɨ nə, baa nùŋ fwi maa nu yinsəŋ.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

2 Timoti 1:9

Ŋwə nə bwèysə nsiŋ, shoꞌ nsiŋ maa vɨɨ ley vi, kee kɨ tii nsiŋ buꞌ vənu vəjəəvə vaŋ-nsiŋ me. Ŋwə nə tìi nsiŋ luu buꞌ faŋ nshɨ-tɔ wi nə kɔ̀ꞌnə taa fwi ŋwə shù fɨ maa vənzi və mbi, laa ŋwə ndɔ kee gəŋ saŋ-nsiŋ, faŋ ŋwə ndɔ tɔŋ Yeso Kristo tɨ́ nsiŋ nə.

2 Timoti 4:17

Luu nə, tɨta Kristo nə tɨ̀ŋnə jɨŋ mə, kwàŋ wutə maa mə, laa mə naysə nu Nwi kənshə, vɨɨ tətɔŋ fu vənshə zɔ. Nɨniŋ, Nwi fuusə mə fɨ shuu bikəə.

Taytəs 1:2

Mə faꞌ faꞌ ghɔ́ buꞌ laa mə kɨꞌ məbwey vəlwaŋ faŋ ŋwə gòꞌsə yighee muꞌ. Nshɨ-tɔ Nwi faŋ ŋwə kee yaa kɨ sɨɨ ba me, nə kɔ̀ꞌnə shù fɨshi maa məndɔ kɔ məbwey vəlwaŋ ghɔ́ tɨ́ vɨɨ.

1 Pita 1:20

Nwi nə nùŋsə ŋwə maa nu kɔ́, shù faŋ ŋwə nə kee ta zì maa məbɔŋ mbi me. Luu nə, ŋwə fuu ntee vɨsɨ vɨɨ sheꞌ maa yighee vəshə. Nu kɔ́ bàw tɨ́ viŋ,

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 14:6

Mə baa kɨ ye, yè nshiiŋii Nwi yimɔ́ꞌ faŋ ŋwə vɨɨlə fɨ nɨntəŋ yizɔ, jwì nə ntɔŋ yijəə faŋ nyə gòꞌsə yighee muꞌ, fɨꞌtə tɨ́ vɨɨ vənshə fɨ taa mbi, tɨ́ məshɨ mənshə, nə təkuu tə vɨɨ tənshə, nə təghaŋ tənshə, nə ŋgwisə vɨɨ vənshə.

Reveleyshən 17:8

Nyaa yɔ́ faŋ a ye nə, nə fɔŋ lùu fa faŋ ŋkə lùu kəbwey. Luu nə, nyə kee baa lùu mbi ndwə me. Nɨniŋ, nyə ndɔ baa koꞌ fɨ taa wee-nsi-yibay, baa lùu shɔ, kɨ nii yindi. Shuu vɨɨ fɨ taa mbi yɔŋ faŋ vəŋ yè nyaa yɔ́ faŋ nyə nə luu shɔ, kee baa lùu shɔ nə me, ndɔ baa lùu shɔ. Luu nə, taa yɔŋ sheꞌ shuu vɨɨ mbɨə faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, yuu vɨ nə nyɔ̀ꞌ təzii tə vɨɨ Nwi taa ŋwaꞌlə ghɔ́ shù fɨ faŋ Nwi nə kìasə kɨ bɔŋ mbi nə.

Reveleyshən 4:11

«Tɨta, Nwi wia, a kùꞌnə tɨ́ kaꞌ vətɔ vənshə kɨ bəŋsə ghɔ, kɔ̀ feenə tɨ́ ghɔ. A kìi wutə kənshə, fɔnə nə bɔ̀ŋ ghɔ bɔ̀ŋ vətɔ vənshə. Mbə nə fùu taa mbi, kɨ nii lùu shɔ, buꞌ faŋ nə gì ghɔ nɨniŋ.»