Efesɔs 3:20 - Vengo (Babungo)

²⁰ Nwi kɔꞌ kɨɨ maa məyɨ nu faŋ ŋkə shɔ̀ɔ vənu vənshə, shɔ̀ɔ vənu mbɨə faŋ nsiŋ buꞌ ghɔ shɔ tɨ́ ŋwə, baa shɔ̀ɔ vənu mbɨə faŋ nsiŋ bɨꞌtə. Wutə ki kwàlə shɔ̀ɔ ki, faꞌ taa fwisə nsiŋ.

Efesɔs 3:20 ပူးပေါင်းရင်းမြစ်များ

Matiu 3:9

Kɨ viŋ kɨ bɨꞌtə fɨ taa fwisə viŋ maa məgi laa kaꞌ nu kee baa bɨ̀ tɨ́ viŋ me, buꞌ faŋ Abraham lùu tii wiŋ nə. Mə naysə tɨ́ viŋ laa kaꞌ Nwi ndì ŋoꞌsə sə̀, kìasə, nsə gu vaŋ Abraham.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:10

Ndɔꞌ yaa kɨ ŋii sheꞌ maa məshaw, nə maa məzwi, baa nə maa məbɨsə vətɔ. Gə̀ fɨ maa mə, mə nə jwì laa vɨɨ kii məbwey vəlwaŋ faŋ ŋwə kee yaa kɨ me me.»

Roma 16:25

Nsiŋ kɨ bəŋsə Nwi faŋ kaꞌ ŋwə kwàŋ wutə maa viŋ, viŋ weꞌ maa nu Yeso Kristo faŋ lùu ŋiꞌ ntɔŋ yijəə Nwi faŋ mə fɨꞌtə tɨ́ vɨɨ nə. Nyə nə ndènə shù fɨshi,

Roma 4:21

Ŋwə nəə kɔꞌ kɨɨ laa Nwi kìi wutə maa məyɨ nu ŋkɨə faŋ ŋwə nə kɔ̀ꞌnə nə.

1 Kɔrintian 2:9

Lùu nu yinsəŋ faŋ vɨ nə nyɔ̀ꞌ taa ŋwaꞌlə Nwi laa, «Nwi lootə ŋkee nu kwalə tɨ́ vɨɨ mbɨə faŋ vəŋ kaw ŋwə. Lùu nu faŋ tuu wə nə kee ta yiye me, baa lùu nu faŋ tuu wə nə kee ta yizɔ me, baa lùu nu faŋ tuu wə nə kee ta yibɨꞌtə me.»

2 Kɔrintian 9:8

Viŋ kɔꞌ kɨɨ laa Nwi kìi wutə maa məkey viŋ nə vətɔ vəjəəvə vənshə, mbə yaŋ sàynə, laa vətɔ vəjəəvə lwaŋ ghɔ viŋ, kùꞌnə ghee nshə, maa vənu vənshə, tɨ́ kaꞌ viŋ baa kɨ yɨsə vənu vəjəəvə vənshə, mbə yaŋ sàynə.

Efesɔs 1:19

Bàw viŋ kɨɨ nɨzi faŋ ŋwə wèꞌ shɔ̀ɔ ki. Ŋwə faꞌ taa ŋwaa nsiŋ, vɨɨ məbiŋ vi, ŋkee nə wutə ki kəkwalə.

Efesɔs 3:7

Mə nə kìasə gù wuu faꞌ ntɔŋ yijəə yɔ́, faŋ Nwi nə kèe gəŋ saŋ, kèy mə nə faꞌ ghɔ́ nə, sùŋtə mə ŋkee nə wutə ki kəkwalə.

Kɔlɔsii 1:29

Lùu ŋiꞌ nu ŋkɨə faŋ mə kɨɨtə, faꞌ nəŋay, baa nə wutə ŋkɨə faŋ Kristo kɔ̀ shee nə. Wutə ki kɔ́ faꞌ taa ŋwaa mə ŋkee dɨdɨꞌ.

1 Timoti 1:14

Nɨniŋ, gəŋsə tɨta ŋwaa-nsiŋ, Yeso Kristo, faŋ ŋwə kèe gəŋ saŋ nə, shɔ̀ɔ ki, yɨsə mə nuŋ fwi nyaa maa ŋwə, kàw ŋwə.

Hibru 11:19

Abraham nə biŋ, nùŋ fwi yi maa Nwi, laa kaꞌ Nwi ywèysə Isak fɨ shɨ yiku. Yinsəŋ, Isak nə luu yaa wə faŋ ŋwə ywèy fɨ ghɔ yiku, yè Abraham fi.

Hibru 7:25

Lùu nu ŋkɨə faŋ ŋwə kìi wutə maa məbweysə vɨɨ yighee muꞌ, faŋ vəŋ shɔ̀ɔ fɨ ghɔ ŋwə, buu gə yɨ Nwi, buꞌ laa ŋwə kìi məbwey faŋ ŋwə gòꞌsə yighee muꞌ, tɨ́ kaꞌ ŋwə ndwàŋ Nwi tɔ vəŋ ghee nshə.

Jeyms 4:12

Luu sheꞌ Nwi nɨnɔŋ, faŋ ŋwə nə nùŋsə ntɨsə sɔ́, baa kìi wutə maa məsɔꞌ vɨɨ. Ŋwə kìi wutə maa məbweysə vɨɨ fɨ fuŋ, baa kìi wutə maa məndisə vɨɨ nɨzi. Nɨniŋ, a sii lùu ndə, tɨ́ kaꞌ a shia nsɔꞌ tɔ weenshu wə.

2 Pita 1:11

Nɨniŋ, viŋ taa kii jɨɨ yinsəŋ maa məŋii taa yifwàŋ Yeso Kristo, faŋ luu mbweysə nyaa-nsiŋ; nsiŋ vɨ vəŋ taa gòꞌsə shɔ yighee muꞌ.

Ŋwaꞌlə Jud 1:24

Nsiŋ kɨ bəŋsə Nwi faŋ ŋwə kìi wutə maa məyɨsə viŋ weꞌ maa nu Nwi, kee gù nu shɔ me. Kìi Nwi kìi wutə maa məsɔ yibɨsə yiŋ yinshə, tɨ́ kaꞌ viŋ ndɔ jwi nə məŋaytə, jwì tɨ̀ŋnə vɨsɨ Nwi, faŋ ŋwə kìi feenə nshə.