Efesɔs 3:17 - Vengo (Babungo)

¹⁷ Kristo baa nɔ̀ŋ taa fwisə viŋ, faŋ viŋ nùŋ fwi siŋ maa ŋwə, laa viŋ kɨ kaw ŋwə ŋkee dɨdɨꞌ. Mə buꞌ ghɔ tɨ́ Nwi laa viŋ nuŋ fwi siŋ maa ŋwə sheꞌ faŋ vɨ yaa kɨ bia tɨ taa nsi, ŋkə ŋìisə ghay ghi taa shɔꞌ, tɨŋ ŋkee kəweꞌ.

Efesɔs 3:17 ပူးပေါင်းရင်းမြစ်များ

Matiu 13:6

Luu nə, shɨshwi tɔŋ, twàŋ say ghɔ́, buꞌ laa ghay ghi nə kee ŋìi nsi me, say ghɔ́ yɔŋ.

Lukas 6:48

Kəŋ wə ghɔ́ lùu yaa wə faŋ ŋwə nə fìanə ŋii yi, tə̀ə shɨŋii ŋkee jəə, zìꞌ fuu yighɔsə, buu bɔŋ fuu yi. Yighee njyə faŋ muu nə fùu, mbə nəꞌsə ŋii yɔ́ dɨdu, buꞌ laa vɨ nə fianə ŋkee jəə fuu ŋoꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:17

Lùu Zwitə yinsəŋ, faŋ kaꞌ ŋkə kee ŋìi taa fwi mbi me, buꞌ laa kaꞌ vəŋ kee yè zwitə kɔ́ me, kee kɨ̀ɨ nə ŋkə me. Gə̀ fɨ maa viŋ, viŋ kɔꞌ kɨɨ nə zwitə kɔ́, buꞌ laa ŋkə taa goꞌ tɨ́ viŋ, baa lùu taa fwisə viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:23

Yeso gi tɨ́ ŋwə laa, «Wə ntɨə faŋ ŋwə kaw mə, ŋwə taa kɨ nuŋsə yigisə nyaa nɨzi, Tii ŋwaa taa kaw ŋwə, yia Tii ŋwaa taa kɨ shi yia vɨ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:23

Nu kaŋ lùu taa fwi vəŋ, nu kə lùu taa fwi mə, tɨ́ kaꞌ vəŋ lùu nə fa kəmuꞌ, ŋkə baw mètə. Nɨniŋ, mbi ye, ndɔ kɨɨ laa, nə tɔ̀ŋ ghɔ tɔ̀ŋ mə, baa nə laa a kaw vəŋ sheꞌ faŋ a kaw mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:56

Wə tɨ̀ me wə faŋ ŋwə kwə mbasə ŋwaa ŋwaa, nù mənshi maa, buu ŋwə gòꞌsə yia ŋwə yighee muꞌ; mə gòꞌsə taa fwi ŋwə nɨzi.

Roma 5:5

Faŋ nsiŋ kɨꞌ nu kwalə fɨ ghɔ Nwi, buu nsiŋ kee ndɔ ndi tɔ dɨɨ shɔ me, buꞌ laa Nwi nə kwàŋ Zwitə Ley ki taa fwisə nsiŋ, ŋkə lwaŋ, yɨ laa nsiŋ zɔ faŋ Nwi kàw nsiŋ.

1 Kɔrintian 3:6

Yia lùu yaa vɨɨ faꞌ taa biisə. Mə bia vətɔ, Apɔlɔs tutə muu shɔ. Luu nə, luu sheꞌ Nwi faŋ ŋwə yɨsə laa vətɔ vɔ́ fuu kɨ ta.

1 Kɔrintian 8:1

Mə kəə baa gi kɔ̀ŋ fazɨ faŋ vɨ kɔ̀ tɨ́ vənwi vədayday. Viŋ gì laa nsiŋ vənshə kìi tɔ ley. Lùu yinsəŋ laa nsiŋ kìi tɔ ley. Luu nə, kəŋ tɔ ley kɔ́ yɨsə wə koꞌsə ŋwaa wi. Nu ŋkɨə faŋ ŋkə gaŋtə vɨɨ dɨdɨꞌ, lùu laa wə kɨ kaw weenshu wi.

2 Kɔrintian 13:5

Nɨniŋ, bàw viŋ kwaꞌtə nu kiŋ laa fwi yiŋ lùu ghɔ Kristo mu? Viŋ fɨꞌnə nu kiŋ maa nshɨ-tɔ wiŋ. Maa viŋ kɨɨ nə yiŋwaa laa Yeso lùu taa fwisə viŋ? Ŋwə nii toꞌ kee lùu shɔ me, buu nu kiŋ kee yikuꞌnə me.

2 Kɔrintian 6:16

Sii kaꞌ nwi dayday dùꞌ taa ŋii Nwi kɨkə? Maa nsiŋ lùu ŋii Nwi, faŋ Nwi nə gì laa, «Mə taa kɨ shi taa ŋwaa vəŋ, toꞌ yia vəŋ. Mə taa luu Nwi vəŋ, vəŋ luu vɨɨ ŋiinə vaŋ.»

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:27

Ŋkə nə bàw tɨ́ Nwi laa Nwi yɨsə laa vɨɨ vi kɨɨ faŋ yigi yɔ́ dùꞌ, baa kwàlə shɔ̀ɔ. Nyə kìi sey kwalə tɨ́ vɨɨ məshɨ məshɨ. Nu kwalə kɔ́ lùu laa Kristo shi taa fwisə viŋ. Nɨniŋ, viŋ kɨ nii tə̀ sɨ maa vəkeynə və Nwi faŋ mbə kwalə shɔ̀ɔ.

Kɔlɔsii 2:7

Viŋ goꞌ viŋ ŋwə ghee nshə, gə nə vɨsɨ vɨsɨ, kɔꞌ bɨbiŋ ŋwə, wèꞌ shɔ, sheꞌ faŋ vɨ nə dèesə viŋ nə. Viŋ kɨ bwaŋ ŋwə ghee nshə nə məŋaytə.

1 Jɔn 4:16

Faŋ yia nə yè nɨniŋ nə, yia kɨ nii yikɨɨ faŋ Nwi kaw nsiŋ nə. Yia baa biŋ, nùŋ fwi sia shɔ. Nwi lùu wuu məkaw vɨɨ. Wə ntɨə faŋ ŋwə kaw Nwi nə vɨɨ nɨzi, buu ŋwə gòꞌsə ghɔ Nwi. Nwi baa lùu goꞌsə taa fwi ŋwə nɨzi.

1 Jɔn 4:4

Gə fɨ maa viŋ, vaŋ vaŋ, viŋ luu vɨɨ Nwi. Nɨniŋ, viŋ ghɔ̀ꞌ vɨɨ təba vɔ́, buꞌ faŋ Nwi lùu taa fwisə viŋ. Ŋwə kwàlə shɔ̀ɔ tɨɨ vəzwitə vəbwəvə faŋ ŋwə lùu taa fwisə vɨɨ təba vɔ́ fɨ mbi nə.

Reveleyshən 3:20

Viŋ zɔ! Mə luu shuufɔ viŋ, buꞌtə. Wə faŋ ŋwə zɔ gɨ nyaa, ŋàꞌsə shuufɔ wi shee, buu mə taa ŋii shɔ, yè ŋwə, yia ŋwə zɨ, mə zɨ yia ŋwə.