Efesɔs 3:16 - Vengo (Babungo)

¹⁶ Faŋ yikwalə Nwi lùu yiyaŋ dɨdɨꞌ nə, mə buꞌ ghɔ tɨ́ ŋwə laa ŋwə yɨsə Zwitə ki kuꞌsə wutə maa viŋ, tɨ́ kaꞌ fwi siŋ weꞌ maa nu ki.

Efesɔs 3:16 ပူးပေါင်းရင်းမြစ်များ

Matiu 6:13

Kɨ ghɔ biŋ yia ŋii məmɔŋ maa məyɨ nu bwə me. Gaŋtə yia fɨ ghɔ vənu vəbwəvə. [Wutə məsɔꞌ vɨɨ nə wutə məyɨ vənu vənshə, nə feenə, kii sheꞌ ghɔ, tɨta Nwi. Ŋkə goꞌsə yighee muꞌ. Amen.]

Roma 2:29

Wuu Jus yinsəŋ lùu wə faŋ fwi yi ley, sheꞌ yaa vɨ sɨ̀ɨtə ŋwə fɨ maa fwi yi, faŋ lùu nu faꞌ Zwitə Nwi. Ŋiꞌ wuu Jus kee lùu nu faŋ vɨ ye nə yisɨ maa mbasə ŋwaa wi me, luu nə, lùu nu fwi yi. Kəŋ wə ghɔ́ fi bəŋsə wi fɨ ghɔ Nwi, kee fi fɨ ghɔ vɨɨ me.

Roma 7:22

Mə biŋ ntɨsə Nwi nə məŋaytə fɨ taa fwi mə.

Roma 9:23

Ŋwə nə baa kəə də̀ feenə wi faŋ ŋwə kwàlə shɔ̀ɔ nə, tɨ́ vɨɨ mbɨə faŋ ŋwə kee gəŋsə vəŋ nə, nùŋ vəŋ laa vəŋ ndɔ baa kii feenə nɨzi.

1 Kɔrintian 16:13

Viŋ kɨ kɨɨ buꞌ viŋ gu nu me! Viŋ nuŋ fwi siŋ maa Yeso Kristo, wèꞌ shɔ. Viŋ kii fwisə weꞌsə, tɨ̀ŋnə weꞌ.

2 Kɔrintian 12:9

Luu nə, Nwi bəŋsə shee laa, bàw mə ŋaytə sheꞌ buꞌ gəŋ si, faŋ yi gàŋtə mə shɔ nə, buꞌ laa wutə ki wèꞌ taa ŋwaa wə ntɨə faŋ ŋwə bɨbwa. Nɨniŋ, mə koꞌsə ŋwaa sheꞌ maa bəə ŋay kaŋ, tɨ́ kaꞌ wutə Kristo ŋìi taa ŋwaa mə, shìinə mə.

2 Kɔrintian 4:16

Nɨniŋ, kaꞌ yia kee bwa me. Yiŋwaa yia kɔlə ye ŋɨꞌ, Nwi weꞌsə fwi sia, nsə gù fa fi shi shi.

Efesɔs 1:18

Mə baa buꞌ ghɔ tɨ́ Nwi, laa ŋwə yɨsə sɨ ghiŋ ŋaꞌsə, tɨ́ kaꞌ viŋ kɨ̀ɨ nə ŋiꞌ nu ŋkɨə faŋ ŋwə tìi viŋ shɔ nə, ndɔ kɨɨ laa məbwey vəlwaŋ faŋ ŋwə kɔ̀ꞌnə tɨ́ vɨɨ vi nə, luu ŋkee nu jəə.

Efesɔs 1:7

Ŋwiŋ wi ghɔ́ nə kù tɔ nsiŋ, yɨ laa nsiŋ fuu fɨ taa nsɔꞌ Nwi buꞌ mənshi mi. Nwi ndenə yibɨsə nyaa-nsiŋ, buꞌ faŋ ŋwə kèe gəŋ saŋ-nsiŋ dɨdɨꞌ.

Efesɔs 2:7

Lùu faŋ ŋwə də ŋkawnə yi tɨ́ vɨɨ fɨ taa mbi yifi faŋ nyə ndɔ jwi nə. Vɨ ndɔ kɨɨ nə gəŋsə Nwi fɨ maa nu ŋkɨə faŋ ŋwə nə kee gəŋ saŋ-nsiŋ dɨdɨꞌ, gaŋtə nsiŋ dɨdɨꞌ buꞌ Yeso Kristo nə.

Efesɔs 3:15

faŋ ŋwə nə bɔ̀ŋ ŋgwisə vɨɨ vənshə fɨ taa yizɔ nə fɨ shɨ nsi, shù təzii təvəŋ.

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

Efesɔs 6:10

Nu məndwə lùu laa, viŋ weꞌ maa nu Nwi nə maa wutə məkwalə ki.

Filipi 4:13

Yaa kɨ weꞌsə Kristo weꞌsə mə. Ŋwə kɔ wutə shee, tɨ́ kaꞌ mə yɨ̀sə vənu vənshə.

Filipi 4:19

Viŋ kɔꞌ kɨɨ laa Nwi ŋwaa taa kɔ vətɔ vənshə tɨ́ viŋ, faŋ viŋ bəə mbə. Nwi kìi vətɔ faŋ mbə shɔ̀ɔ ki. Ŋwə ndɔ kɔ tɨ́ viŋ ŋkee jəə buꞌ Yeso Kristo.

Kɔlɔsii 1:11

Yia baa shɔꞌtə Nwi laa Nwi ndi wutə ki faŋ ŋkə shɔ̀ɔ vəwutə vənshə, yɨ̀sə laa viŋ kii wutə, tɨŋ weꞌ maa nu Nwi, kɔlə gày kə, viŋ jìa fwi siŋ weꞌ, kee meꞌtə nu Nwi me.

Kɔlɔsii 1:27

Ŋkə nə bàw tɨ́ Nwi laa Nwi yɨsə laa vɨɨ vi kɨɨ faŋ yigi yɔ́ dùꞌ, baa kwàlə shɔ̀ɔ. Nyə kìi sey kwalə tɨ́ vɨɨ məshɨ məshɨ. Nu kwalə kɔ́ lùu laa Kristo shi taa fwisə viŋ. Nɨniŋ, viŋ kɨ nii tə̀ sɨ maa vəkeynə və Nwi faŋ mbə kwalə shɔ̀ɔ.

Kɔlɔsii 2:2

Mə kɨɨtə, tɨ́ kaꞌ fwi siŋ weꞌ, baa nə laa viŋ kɨ kawnə yiŋwaa yiŋ, gù fa kəmuꞌ, baa nə laa viŋ ndɔ kii ŋkee tɔ ley maa nu Nwi, kɨ̀ɨ nə ŋiꞌ nu Nwi ŋkee jəə, faŋ ŋkə nə ndènə fɨ ghɔ vɨɨ nə. Ŋiꞌ nu Nwi kɔ́ luu sheꞌ nu Kristo, wuu məbweysə ŋwaa-nsiŋ.

2 Timoti 4:17

Luu nə, tɨta Kristo nə tɨ̀ŋnə jɨŋ mə, kwàŋ wutə maa mə, laa mə naysə nu Nwi kənshə, vɨɨ tətɔŋ fu vənshə zɔ. Nɨniŋ, Nwi fuusə mə fɨ shuu bikəə.

Hibru 11:34

Vəŋ nə ŋìi taa wisə biinə, nu kee kɔ̀ŋ vəŋ me. Vəŋ nə baa nyɨ̀ŋkə fɨ ghɔ yighaw. Nwi nə kɔ̀ wutə tɨ́ vəŋ faŋ vəŋ nəə bɨbwa. Vəŋ nə gù vɨɨ yighaw weꞌnə, jɔ̀ŋ məshɨ mə tɔŋ məmɔ́ꞌ, vəŋ nyɨŋkə.

1 Pita 3:4

Viŋ bee kɨ lɔꞌnə fɨ taa fwisə viŋ. Viŋ jia fwi siŋ, bwasə yiŋwaa yiŋ, buꞌ laa kəŋ vəlɔꞌ yimbii kee yaa kɨ bɨsə me, mbə kìi vəkeynə fɨ ghɔ Nwi, yaa fa faŋ ŋkə bàw shɔ̀ɔ ki.