Efesɔs 3:1 - Vengo (Babungo)

¹ Lùu ŋiꞌ nu ŋkɨə faŋ mə, Pɔɔl, lùu wuu ŋii mfiŋ buꞌ Yeso Kristo ndwə, buꞌ laa mə nə fɨꞌtə ntɔŋ yijəə Nwi tɨ́ vɨɨ tətɔŋ fu.

Efesɔs 3:1 ပူးပေါင်းရင်းမြစ်များ

Lukas 21:12

Luu nə, nu mɔ́ꞌ ndɔ luu shɔ ŋkəə, buu vənu vɔ́ vənshə gay. Nu kɔ́ lùu laa vɨ ndɔ jiatə viŋ, kɨ shoꞌ ghuu ghiŋ, nùŋsə viŋ nsi taa ndɔꞌ məshəŋtə, kwàŋ viŋ mfiŋ, gə nə viŋ vɨsɨ vəfwàŋ nə vəgoməna buꞌ nu yizii kaŋ.

Akts 21:33

Tɨɨ vəsogeꞌ ghɔ́ shəŋtə jwì, jìa Pɔɔl, gì laa vɨ shuŋ ŋwə nə vəsumə vəbɔɔ. Ŋwə bitə laa Pɔɔl lùu ndə, baa nə laa ŋwə nə yɨ̀ kə bwə.

Akts 23:18

Tɨɨ vəsogeꞌ ghɔ́ ndi ŋwə, gə̀ nə ŋwə vɨsɨ tɨɨ vəsogeꞌ kwalə, gì laa, «Pɔɔl, wuu ŋii mfiŋ wì, nii tìi mə, bùꞌ ghɔ tɨ́ mə, laa mə ndi wee ŋwə̀, jwì nə ŋwə vɨsɨ ghɔ, buꞌ laa ŋwə kìi nu maa mənaysə tɨ́ ghɔ.»

Akts 26:29

Pɔɔl gi laa, «Mə taa shɔꞌtə Nwi laa, kɨ ŋkə taa luu kədə, tɨꞌnə me kətuŋsə, laa ghɔ, viŋ vɨ vɨɨ vənshə faŋ viŋ zɔ yigisə nyaa ndee, taa kiasə lùu yaa mə, goꞌ sheꞌ vəsumə və̀.»

Akts 9:15

Tɨta Yeso baa gì tɨ́ ŋwə laa, «Gə shɔ, buꞌ laa mə shòꞌ wə ghɔ́, laa ŋwə luu wuu faꞌ ŋwaa, fɨꞌtə nu yizii kaŋ tɨ́ vɨɨ tətɔŋ fu, nə tɨ́ vəfwàŋ nə tɨ́ vɨɨ Isirayl.

2 Kɔrintian 1:6

Yighee njyə faŋ Nwi kwàŋ ŋɨꞌ tɔ yia nə, ŋwə yɨ̀ nɨniŋ laa ŋwə boolə viŋ, bwèysə viŋ shɔ. Yighee njyə faŋ Nwi boolə yia, buu ŋwə bòolə viŋ nɨzi, kɔ viŋ nə wutə, tɨ́ kaꞌ viŋ jìa fwi siŋ yighee njyə faŋ kəŋ ŋɨꞌ ghɔ́, faŋ nyə ŋìi maa yia nə, ŋìi maa viŋ nɨzi.

2 Kɔrintian 10:1

Mə Pɔɔl kəə kee vənu tɨ́ viŋ kɔ̀ŋ nu Kristo faŋ ŋwə zutə ndɔ sàylə. Mə faŋ viŋ gisə laa mə bwasə ŋwaa ŋwaa nsi, vɨsɨ viŋ yighee njyə faŋ nsiŋ lùu mɔ́ꞌ, baa nə laa, yighee njyə faŋ mə ndɔ fɨ yɨ viŋ, buu fwi nyaa weꞌ maa viŋ.

2 Kɔrintian 11:23

Vəŋ lùu vɨɨ faꞌ Kristo mu? Mə lùu wuu faꞌ Kristo nɨzi. Mə gisə yuu wuu ŋgienə, mə lùu wuu faꞌ Kristo shɔ̀ɔ vəŋ. Mə nə sàŋ ŋwaa ŋwaa maa faꞌ shɔ̀ɔ vəŋ. Mə nə ŋìi mfiŋ shɔ̀ɔ vəŋ. Vɨ nə sàŋ mə nə vəmfa shɔ̀ɔ ki. Mə nə shɔ̀ɔ fɨ shuu yiku ghee yaŋ.

Galatia 5:11

Gə fɨ maa mə, vaŋ-nshwi vaŋ, ŋkə lùu kəley laa mə kee baa fɨꞌtə nu Nwi, gisə laa vɨ sɨɨtə wə ntɨə faŋ ŋwə bìŋ Kristo me. Ŋkə nii toꞌ lùu nɨniŋ, buu vɨɨ kee kɨ kəə mə nə nsɔꞌ me, faŋ vəŋ yɨsə ndwə nə. Nu ŋkɨə faŋ ŋkə yaa kɨ bɨ tɨ́ vɨɨ, lùu faŋ mə fɨꞌtə kɔ̀ŋ yiku Yeso fuu fəŋkɔꞌ fə ŋkɨꞌsə, faŋ ŋwə nə kù tɔ nsiŋ nə, kee naysə laa vɨ sɨɨtə vɨɨ me. Mə nəə toꞌ kɨ naysə laa vɨ sɨɨtə vɨɨ, buu vɨ kee baa kɨ kɔ ŋɨꞌ shee buꞌ fəŋkɔꞌ fə ŋkɨꞌsə fɔ́ me.

Galatia 5:2

Viŋ zɔ! Mə Pɔɔl, mə naysə tɨ́ viŋ laa, viŋ taa kɨ luu biŋ laa vɨ kɨ sɨɨtə viŋ, buu ŋkə də̀ laa, nu Kristo gù nu dayday tɨ́ viŋ.

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Efesɔs 3:11

Nɨniŋ, nu ŋkɨə faŋ ŋkə nə luu maa ŋkɨɨ Nwi, shù ŋkee fɨshi nə, ŋkə fuu ntee ndwə, faŋ ŋwə nə tɔ̀ŋ Yeso Kristo, tɨta ŋwaa-nsiŋ.

Efesɔs 3:13

Nɨniŋ, mə buꞌ ghɔ laa kɨ viŋ bwa maa ŋɨꞌ njyə faŋ nyə ŋìi maa mə buꞌ viŋ me, buꞌ laa lùu nu faŋ ŋkə də̀ laa Nwi kaw viŋ.

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

Efesɔs 4:1

Nɨniŋ, mə Pɔɔl, faŋ mə ŋìi mfiŋ buꞌ yizii tɨta Yeso nə, mə tɨsə viŋ laa viŋ kɨ toꞌ ghuu yitoꞌ kiŋ faŋ ŋkə kùꞌnə maa vənu mbɨə faŋ Nwi nə tìi viŋ shɔ nə.

Efesɔs 6:20

Mə lùu wuu ntɔŋ nu Nwi kɔ́, faŋ mə kɔlə lùu taa ŋii mfiŋ, vəsumə və bwey luu maa mə nə. Bàw mə kɨ gisə nə məka fwi, faŋ ŋkə kùꞌnə laa mə gi nə.

Filipi 1:7

Ŋkə lùu kəloomə laa mə kìi kəŋ məlumə ŋwə̀ kɔ̀ŋ viŋ vənshə, buꞌ laa mə kaw viŋ fɨ taa fwi mə. Mənɔŋ-bwaŋnə ŋgwə faŋ Nwi nə kɔ shee nə, ŋwə kɔ tɨ́ viŋ nɨzi, faŋ mə kɔlə lùu taa ŋii mfiŋ, tɨꞌnə me, tɨ̀ŋnə taa ŋii nsɔꞌ, fɨꞌtə nu kɔ̀ŋ yigisə Nwi, baa də laa yigisə Nwi lùu yigisə yinsəŋ.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

Kɔlɔsii 4:18

Maa məndwə, ye məshɔꞌtə ŋwaa faŋ nyɔ̀ꞌ mə Pɔɔl ŋkee nə ghɔ kaŋ. Viŋ kɨ lumə laa mə lùu taa ŋii mfiŋ feenə. Nwi tu mənɔŋ-bwaŋnə tɔ viŋ!

Kɔlɔsii 4:3

Viŋ kɨ shɔꞌtə Nwi tɔ yia nɨzi, laa Nwi gaŋtə yia, ŋàꞌsə jɨɨ tɨ́ yia, tɨ́ kaꞌ yia kɨ fɨꞌtə nu Nwi tɨ́ vɨɨ, baa naysə nu Kristo faŋ ŋkə nə ndenə fɨ ghɔ vɨɨ nə. Luu sheꞌ buꞌ nu Kristo kɔ́, faŋ mə lùu feenə taa ŋii mfiŋ nə.

2 Timoti 1:16

Bàw tɨta Nwi gaŋtə ŋiꞌ ŋii Onesifɔrɔs, buꞌ laa ŋwə nəə zwisə fwi nyaa ghee ghee, tɔ ki kee dɨ̀ɨ buꞌ mə, faŋ mə lùu mfiŋ nə me.

2 Timoti 1:8

Kɨ tɔ kə dɨɨ maa məbiŋ nu tɨta ŋwaa-nsiŋ ntee me, tɨꞌnə me buꞌ mə faŋ mə lùu wuu ŋii mfiŋ buꞌ nu Kristo kɔ́ nə me. Bàw a bee kii bìŋ ŋɨꞌ buꞌ nu ntɔŋ yijəə yɔ́ nɨzi, faŋ Nwi kɔ̀ wutə tɨ́ nsiŋ nə.

Filemon 1:1

Lùu mə, Pɔɔl, wuu ŋii mfiŋ buꞌ yizii Yeso Kristo, nə weenshu ŋwaa-nsiŋ Timoti, faŋ yia tɔ̀ŋ ŋwaꞌlə ŋwə̀ tɨ́ ghɔ, Filemon, wə faŋ yia kàw. A baa lùu wuu faꞌ Yeso Kristo sheꞌ yaa yia nɨzi.

Filemon 1:23

Epafras faŋ yia ŋwə lùu taa ŋii mfiŋ buꞌ nu Yeso Kristo mɔ́ꞌ nə, shɔꞌtə ghɔ.

Filemon 1:9

Mə bee kii buꞌ ghɔ tɨ́ ghɔ, buꞌ laa mə kàw ghɔ. Mə buꞌ ghɔ tɨ́ ghɔ yaa wuu taa, yuu mə luu wuu taa nə. Mə baa luu wə taa ŋii mfiŋ buꞌ nu Yeso Kristo maa yighee ndwə.

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»