Efesɔs 2:8 - Vengo (Babungo)

⁸ Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ.

Efesɔs 2:8 ပူးပေါင်းရင်းမြစ်များ

Matiu 16:17

Yeso bəŋsə tɨ́ ŋwə laa, «Mənɔŋ-bwaŋnə tɔ ghɔ mɔɔ, Saymon, wee Jona, buꞌ laa nə kee twèlə mbɨꞌtə wə mənsaw twèlə nu kɔ́ tɨ́ ghɔ me, nə twèlə sheꞌ Tii ŋwaa faŋ ŋwə lùu yizɔ.

Matiu 20:9

Vɨɨ mbɨə faŋ vɨ nii ndì vəŋ sheꞌ maa vəshɨshwi tee nə, jwi, vɨ kɔ yiwa yibɔɔ yibɔɔ tɨ́ vəŋ.

Mark 16:16

Wə ntɨə faŋ ŋwə taa biŋ ntɔŋ yɔ́, fì muu mə Nwi, buu ŋwə ndɔ zɨ məbwey vəlwaŋ. Wə ntɨə faŋ ŋwə kee yibiŋ me, ndɔ ŋii taa nsɔꞌ Nwi.

Lukas 7:50

Ŋwə baa gì tɨ́ wəzwi ghɔ́ laa, «Məbiŋ wə gàŋtə ghɔ, gə nə mənɔŋ-bwaŋnə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:36

Wə ntɨə faŋ ŋwə nùŋ fwi yi maa Wee Nwi ghɔ́, kìi məbwey faŋ ŋwə gòꞌsə yighee muꞌ. Wə ntɨə faŋ ŋwə kee bìŋ yigisə Wee Nwi me, kaꞌ ŋwə ndɔ kee ye məbwey vəlwaŋ me, tɨꞌnə me fùu fɨ taa nsɔꞌ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:10

Yeso bəŋsə tɨ́ ŋwə laa, «A nii toꞌ kɨɨ nə vəkɔ və Nwi, nə wə ntɨə faŋ ŋwə gisə tɨ́ ghɔ laa, Kɔ mə nə muu mə nu, buu a bitə tɨ́ ŋwə, ŋwə kɔ ghɔ nə muu mə vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:35

Ŋwə gi tɨ́ vəŋ laa, «Lùu mə lùu fazɨ kɔ́ faŋ ŋkə kɔ məbwey tɨ́ vɨɨ. Wə tɨ̀ me wə faŋ ŋwə jwi yɨ mə, kaꞌ jɨŋ kee baa zà ŋwə me; twey-muu kee baa ywey ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:37

Vɨɨ mbɨə faŋ Tii ŋwaa kɔ laa lùu vɨɨ vaŋ, vɨɨ vɔ́ vənshə taa kɨ jwi yɨ mə. Wə tɨ̀ me wə faŋ ŋwə jwi yɨ mə, mə kee taa jɔŋ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:40

Nu ŋkɨə faŋ Tii ŋwaa kəə, lùu laa, wə tɨ̀ me wə faŋ ŋwə yè ŋwiŋ wi, nùŋ fwi yi maa ŋwə, zɨ məbwey vəlwaŋ. Nɨniŋ, mə ndɔ yweysə ŋwə maa vəshi vəshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:44

«Tuu wə kee lùu shɔ, tɨ́ kaꞌ ŋwə jwi yɨ mə maa laa Tii ŋwaa faŋ ŋwə nə tɔ̀ŋ mə nə, suŋ wə ghɔ́, ŋwə jwi yɨ mə me. Wə tɨ̀ me wə faŋ ŋwə jwi yɨ mə, mə ndɔ yweysə ŋwə shi yiba.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:65

Yeso baa gi laa, «Lùu ŋiꞌ nu ŋkɨə faŋ mə nə nàysə laa, kaꞌ wə kee jwi yɨ mə me, tɨ̀ lɨꞌ laa Tii ŋwaa sùŋ ŋwə me.»

Akts 13:39

Luu nə, wə nùŋ fwi yi maa Yeso, buu Nwi taa ndenə vənu vəbwəvə vi vənshə, nu ki baa lòomə.

Akts 14:27

Faŋ vəŋ nə bəŋ jwi zìꞌ Antiɔk, bàytə vɨɨ məbiŋ nu Kristo, nàysə vənu vənshə faŋ Nwi nə gàŋtə vəŋ, vəŋ yɨsə, baa nə faŋ Nwi ŋaꞌsə jɨɨ tɨ́ vɨɨ tətɔŋ fu, laa vəŋ biŋ nu Nwi.

Akts 15:11

Maa nsiŋ nùŋ fwi saŋ-nsiŋ maa tɨta Yeso, laa nsiŋ ndɔ kii məbwey vəlwaŋ buꞌ gəŋ si. Maa vɨɨ vɔ́ yɨ sheꞌ nɨniŋ.»

Akts 16:14

Taa ŋwaa vɨɨ vɔ́ faŋ vəŋ nə bàytə yifi, zɔ̀ nu ŋkɨə faŋ Pɔɔl nəə gisə nə, wəzwi mɔ́ꞌ nə luu shɔ, yizii yi luu Lidia. Ŋwə nə ndɔ̀ fɨ shɨ Tiateyra. Ŋwə nə luu wuu məbeꞌlə njwisə baysə, ndɔ̀ lùu wuu məbəŋsə Nwi. Ŋwə zɔ yigisə Pɔɔl, Nwi ŋaꞌsə fwi yi laa ŋwə zɔ yigisə Pɔɔl nə fwi yiley.

Akts 16:31

Vəŋ bəŋsə tɨ́ ŋwə laa, «Nuŋ fwi yə maa Yeso Kristo, buu a ndɔ kii məbwey vəlwaŋ, viŋ vɨ ŋii yə.»

Roma 10:14

Luu nə, sii kaꞌ wə tìi yizii Mɔꞌmbi kɨkə, faŋ ŋwə kee nùŋ fwi yi maa ŋwə me? Sii kaꞌ vɨɨ nùŋ fwisə vəŋ maa ŋwə kɨkə, faŋ vəŋ kee bee ta zɔ̀ kɔ̀ŋ ŋwə me? Sii kaꞌ vəŋ zɔ kɔ̀ŋ ŋwə kɨkə, faŋ wuu məfɨꞌtə nu kɔ́ kee lùu shɔ me?

Roma 10:17

Nɨniŋ, kaꞌ vɨɨ nùŋ fwisə vəŋ maa Nwi, buꞌ faŋ vəŋ zɔ nu ki. Vɨɨ fɨꞌtə nu ki, buꞌ laa lùu yigi faŋ nə gì nshɨ-tɔ Kristo.

Roma 4:16

Nɨniŋ, Nwi nə kɔ̀ꞌnə nu jəə kɔ́ lùu tɨ́ vɨɨ faŋ vəŋ nùŋ fwisə vəŋ maa Nwi. Nɨniŋ laa ŋkɔꞌnə yɔ́ lùu nu faŋ Nwi kɔ sheꞌ buꞌ gəŋsə si, baa nə laa nu ŋkɨə faŋ ŋwə kɔ̀ꞌnə nə, lùu nu vɨɨ vənshə maa yinsəŋ. Ŋkə kee luu sheꞌ tɨ́ ŋiꞌ ŋii Abraham, faŋ vəŋ kɨ̀ɨ nə ntɨsə Nwi nə me. Ŋkə lùu tɨ́ vɨɨ mbɨə faŋ vəŋ nùŋ fwisə vəŋ maa Nwi yaa Abraham nə yɨ̀. Nɨniŋ, Abraham lùu tii ŋwaa-nsiŋ vənshə vɨsɨ Nwi.

Roma 4:5

Kɨ luu wə kee kɨ faꞌ vəfaꞌ maa məbɔŋsə vənu vi me, luu nə, nùŋ fwi yi maa Nwi, buu Nwi ndì vənu vi yaa vənu vəbivə. Lùu nɨniŋ buꞌ faŋ ŋwə nùŋ fwi yi maa Nwi faŋ ŋwə kiasə vənu və wə faŋ ŋwə yaa manə Nwi, yɨ̀sə mbə loomə.

Roma 9:16

Nɨniŋ, kee lùu nu wə faŋ ŋwə kəə nu kɔ́ me, kee lùu nu wə faŋ ŋwə jɔmə nu kɔ́ nə wutə me. Luu sheꞌ nu gəŋsə Nwi, faŋ ŋwə kee gəŋsə wə nə.

Galatia 3:14

Lùu ŋiꞌ nu ŋkɨə faŋ ŋkə yɨ̀, buu kaꞌ vɨɨ vənshə fɨ mbi ndɔ ye mənɔŋ-bwaŋnə fɨ ghɔ Nwi, faŋ Nwi nə kɔ̀ꞌnə tɨ́ Abraham nə. Ŋkə luu sheꞌ buꞌ Yeso Kristo faŋ ŋwə nə kù tɔ nsiŋ nə. Lùu faŋ nsiŋ fi Zwitə Nwi, faŋ Nwi nə kɔ̀ꞌnə maa məkɔ tɨ́ nsiŋ nə. Nsiŋ fi Zwitə Nwi kɔ́, faŋ nsiŋ nuŋ fwi saŋ-nsiŋ maa Kristo.

Galatia 3:22

Vɨ bee kii nyɔ̀ꞌ taa ŋwaꞌlə Nwi laa wutə nu bwə sɔꞌ mbi yinshə. Nɨniŋ laa Nwi kɔ mənɔŋ-bwaŋnə wi faŋ ŋwə nə kɔ̀ꞌnə nə, sheꞌ tɨ́ vɨɨ mbɨə faŋ vəŋ nùŋ fwi vəŋ maa Yeso Kristo.

Efesɔs 1:19

Bàw viŋ kɨɨ nɨzi faŋ ŋwə wèꞌ shɔ̀ɔ ki. Ŋwə faꞌ taa ŋwaa nsiŋ, vɨɨ məbiŋ vi, ŋkee nə wutə ki kəkwalə.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Efesɔs 2:5

kɔ̀ məbwey tɨ́ nsiŋ fɨ yiba Kristo maa yighee njyə faŋ nsiŋ nəə kɨ bii vəŋku və vɨɨ taa nu bwə kaŋ-nsiŋ nə. Luu sheꞌ buꞌ gəŋsə Nwi, laa Nwi bweysə viŋ ndwə.

Filipi 1:29

Lùu nɨniŋ buꞌ laa Nwi key viŋ nə jɨɨ maa mənuŋ fwi siŋ maa Kristo, key viŋ nə nu məye ŋɨꞌ buꞌ nu Kristo nɨzi.

Kɔlɔsii 2:12

Faŋ viŋ nə fì muu mə Nwi nə, ŋkə nə lùu yaa vɨ zwì viŋ Kristo mɔ́ꞌ, təə, nshinə yibwə yiŋ ku. Sheꞌ nɨniŋ, Nwi yweysə viŋ vɨ Kristo fɨ shɨ yiku mɔ́ꞌ, buꞌ faŋ viŋ nùŋ fwi siŋ maa wutə Nwi, faŋ ŋwə ywèysə Yeso Kristo fɨ shɨ yiku nə.

2 Tesalonika 1:9

Nsɔꞌ ndɔ ŋii maa vɨɨ vɔ́ ŋkee yiweꞌ, vəŋ ndɔ ye ŋɨꞌ yiyaŋ dɨdɨꞌ faŋ nyə gòꞌsə yighee muꞌ. Ŋkə taa ndɔ fɨ ghɔ tɨta Kristo, fɨ maa wutə ki kəkwalə nə, faŋ ŋkə bàw shɔ̀ɔ ki.

Hibru 6:4

Viŋ kɔꞌ kɨɨ laa, wə kɨ luu kɨ̀ɨ nə nu Nwi, kɨ̀ɨ nə Yeso, wuu məbweysə ŋwaa-nsiŋ, baa fì Zwitə Ley Nwi,

1 Pita 1:5

faŋ Nwi shiinə viŋ nə wutə ki laa viŋ ndɔ zɨ̀ məbwey vəlwaŋ ghɔ́, faŋ viŋ nùŋ fwi siŋ maa ŋwə. Nwi nùŋ məbwey vəlwaŋ ghɔ́ laa ŋwə ndɔ fuu ntee maa yighee shə.