Efesɔs 2:5 - Vengo (Babungo)

⁵ kɔ̀ məbwey tɨ́ nsiŋ fɨ yiba Kristo maa yighee njyə faŋ nsiŋ nəə kɨ bii vəŋku və vɨɨ taa nu bwə kaŋ-nsiŋ nə. Luu sheꞌ buꞌ gəŋsə Nwi, laa Nwi bweysə viŋ ndwə.

Efesɔs 2:5 ပူးပေါင်းရင်းမြစ်များ

Lukas 15:24

Ŋwiŋ ŋwaa ŋwə̀ nə kù, baa bwèy ndwə. Ŋwə nə ndì, vɨ baa yè ŋwə. Nɨniŋ, vəŋ tey kɨ ŋaytə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:21

Sheꞌ faŋ tɨta Nwi yɨsə vɨɨ kukə baa ywey, ŋwiŋ wi ghɔ́ yweysə vɨɨ nɨzi, faŋ ŋwə kàw.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:63

Viŋ zɔ! Kɔ Zwitə Nwi kɔ məbwey tɨ́ wə. Kɨ ŋkə kee luu ŋkee nu mbasə ŋwaa me. Maa lùu ghaŋ tii mə gì tɨ́ viŋ nə. Yigi njyə faŋ mə gi tɨ́ viŋ nə, ndɔ yɨsə Zwitə Ley Nwi ŋii taa ŋwaa vɨɨ, vəŋ zɨ məbwey vəlwaŋ.

Akts 15:11

Maa nsiŋ nùŋ fwi saŋ-nsiŋ maa tɨta Yeso, laa nsiŋ ndɔ kii məbwey vəlwaŋ buꞌ gəŋ si. Maa vɨɨ vɔ́ yɨ sheꞌ nɨniŋ.»

Roma 16:20

Nwi faŋ ŋwə kɔ məduꞌ-nyɔŋ tɨ́ vɨɨ nə, taa fiitə tɨɨ vəzwitə vəbwəvə Satan ŋiꞌ ghuu viŋ, ŋkə kee baa luu ntaŋ me. Tɨta ŋwaa-nsiŋ Yeso tu mənɔŋ-bwaŋnə tɔ viŋ!

Roma 3:24

Nɨniŋ, nu vəŋ kiasə lòomə sheꞌ buꞌ gəŋsə Nwi. Vəŋ kee bee kɔ fa tɨ́ Nwi me, buu ŋwə kiasə nu vəŋ, ŋkə loomə me. Ŋwə kiasə nu vəŋ buꞌ Yeso Kristo faŋ ŋwə bwèysə vəŋ fɨ taa nsɔꞌ nə.

Roma 4:16

Nɨniŋ, Nwi nə kɔ̀ꞌnə nu jəə kɔ́ lùu tɨ́ vɨɨ faŋ vəŋ nùŋ fwisə vəŋ maa Nwi. Nɨniŋ laa ŋkɔꞌnə yɔ́ lùu nu faŋ Nwi kɔ sheꞌ buꞌ gəŋsə si, baa nə laa nu ŋkɨə faŋ ŋwə kɔ̀ꞌnə nə, lùu nu vɨɨ vənshə maa yinsəŋ. Ŋkə kee luu sheꞌ tɨ́ ŋiꞌ ŋii Abraham, faŋ vəŋ kɨ̀ɨ nə ntɨsə Nwi nə me. Ŋkə lùu tɨ́ vɨɨ mbɨə faŋ vəŋ nùŋ fwisə vəŋ maa Nwi yaa Abraham nə yɨ̀. Nɨniŋ, Abraham lùu tii ŋwaa-nsiŋ vənshə vɨsɨ Nwi.

Roma 5:10

Yighee njyə faŋ nsiŋ nə luu vɨɨ mbeenə Nwi, ŋwə yɨsə nsiŋ gu fa kəmuꞌ, nsiŋ vɨ Nwi buꞌ yiku ŋwiŋ wi, faŋ ŋwə nə kù tɔ nsiŋ nə. Nɨniŋ, faŋ nsiŋ gu fa kəmuꞌ nsiŋ vɨ Nwi buꞌ yiku yi nə, buu kaꞌ nsiŋ baa luu kɨɨ ŋkee maa yinsəŋ laa Nwi ndɔ bweysə nsiŋ buꞌ məbwey ŋwiŋ wi.

Roma 5:6

Ŋwə nə də ŋkawnə yi tɨ́ nsiŋ, buꞌ faŋ Kristo nə kù tɔ nsiŋ maa yighee njyə faŋ Nwi nə tə nə, faŋ nsiŋ nəə kɨ bii vəbwa, baa lùu vɨɨ məmanə Nwi nə.

Roma 5:8

Gə fɨ maa Nwi, ŋwə nə də ŋkawnə yi faŋ ŋwə kàw nsiŋ dɨdɨꞌ nə, faŋ Kristo nə kù tɔ nsiŋ maa yighee njyə faŋ nsiŋ nəə kɨ bii vəyɨ-kəbwə.

Roma 8:2

Lùu nɨniŋ buꞌ laa nuŋsə Zwitə Nwi, faŋ nyə kɔ̀ məbwey tɨ́ nsiŋ buꞌ Yeso Kristo, gaŋtə nsiŋ fɨ ghɔ nuŋsə nu bwə, baa nə fɨ ghɔ yiku.

Efesɔs 2:1

Viŋ yaa luu vəŋku və vɨɨ, buꞌ vənu vəbwəvə viŋ nə ghuu yitoꞌ kiŋ kəbwəkə.

Efesɔs 2:8

Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ.

Efesɔs 5:14

Luu sheꞌ faŋ vɨ gi laa, «Yenə mɔɔ, wuu mbweysə, ndɔ fɨ shɨ yiku, buu Kristo taa kɔ məley tɨ́ ghɔ.»

Kɔlɔsii 2:13

Yighee vɨsɨ viŋ yaa luu yaa vəŋku və vɨɨ, viŋ nə kee kìi məbwey yinsəŋ me, buꞌ faŋ viŋ nəə yɨsə vənu vəbwəvə, kee bee lùu vɨɨ Nwi me. Luu nə, Nwi bweysə nsiŋ, ndènə yibɨsə nyaa-nsiŋ, buꞌ faŋ ŋwə nə ywèysə Kristo fɨ shɨ yiku.

Taytəs 2:11

Nu məkee gəŋsə faŋ Nwi kee gəŋsə vɨɨ nə, fùu taa mbi, kɨ kəə bwèysə vɨɨ vənshə.

Taytəs 3:5

Faŋ ŋwə nə bweysə nsiŋ nɨniŋ nə, kee bweysə nsiŋ buꞌ vəfaꞌ vəjəəvə faŋ nsiŋ nə yɨsə me. Ŋwə bwèysə nsiŋ luu sheꞌ buꞌ gəŋ si, faŋ ŋwə nə sɔ nu bwə fɨ maa nsiŋ, bì nsiŋ fi. Zwitə Ley Nwi ŋii taa fwisə nsiŋ, kɔ nsiŋ nə nshinə yifi.

Reveleyshən 22:21

Tɨta Yeso tu mənɔŋ-bwaŋnə tɔ viŋ vənshə!