Efesɔs 2:19 - Vengo (Babungo)

¹⁹ Nɨniŋ, viŋ kee baa lùu vəndɔ me, viŋ kɨ nii lùu mbinə-mbinə taa ŋwaa vɨɨ ley Nwi, baa lùu vɨɨ ŋiꞌ ŋii Nwi.

Efesɔs 2:19 ပူးပေါင်းရင်းမြစ်များ

Matiu 10:25

Ŋkə kùꞌnə tɨ́ wuu məzwetə nu laa ŋwə lùu yaa wuu mədeesə wi, baa kùꞌnə tɨ́ buꞌ, laa ŋwə lùu yaa tii wi. Vɨ nə tìi mə nə tɨɨ vəzwitə vəbwəvə, faŋ mə lùu tɨɨ fu tɨ́ viŋ nə. Nɨniŋ, vɨ nə taa tii viŋ vaŋ nə kə?»

Galatia 6:10

Yighee kɨ bii maa məyɨ nu jəə ndwə. Bàw nsiŋ gaŋtə vɨɨ ghee nshə, gàŋtə vaŋ-nshwi vaŋ-nsiŋ vɨɨ Nwi fɨ taa nwaa vɨɨ Yeso Kristo.

Efesɔs 2:12

Nə luu maa yighee yɔ́, viŋ vɨ Kristo kee lùu nə nu me. Viŋ nə luu vətɔŋ taa nu vɨɨ Isirayl, kee ŋìi taa məkee mbɨə faŋ Nwi nə gwìa ghɔ vɨ vɨɨ Isirayl me, faŋ Nwi nə kɔ̀ꞌnə vənu tɨ́ vəŋ nə me. Viŋ nə dùꞌ sheꞌ fu, kee kɨꞌ nu jəə faŋ ŋkə taa jwi nə me, kee bee lùu viŋ vɨ Nwi me.

Efesɔs 3:15

faŋ ŋwə nə bɔ̀ŋ ŋgwisə vɨɨ vənshə fɨ taa yizɔ nə fɨ shɨ nsi, shù təzii təvəŋ.

Efesɔs 3:6

Ŋiꞌ nu kɔ́ lùu laa, vɨɨ mbɨə faŋ vɨ nə kee bì vəŋ yaa vɨɨ Jus me, lùu vɨɨ məzɨ vətɔ və Nwi nɨzi, baa lùu way ŋwaa vɨɨ Nwi, ndɔ zɨ məbwey vəlwaŋ nɨzi, faŋ Nwi nə kɔ̀ꞌnə maa məkɔ tɨ́ vɨɨ nə. Lùu nɨniŋ buꞌ Yeso Kristo, faŋ vəŋ bìŋ ntɔŋ yijəə yi nə.

Filipi 3:20

Gə fɨ maa nsiŋ, nsiŋ lùu vɨɨ faŋ fu ŋwaa-nsiŋ lùu yizɔ. Nsiŋ tə sɨ, kɨ kɨꞌ tɨta Yeso Kristo, faŋ lùu mbweysə nyaa-nsiŋ, faŋ ŋwə ndɔ fuu fɨ yizɔ, jwì yɨ nsiŋ.

Hibru 11:13

Vɨɨ ywaŋ-vɨsɨ vɔ́ vənshə nə nùŋ fwisə vəŋ maa Nwi, gə ziꞌ maa shi yiku vəŋ. Vənu mbɨə faŋ Nwi nə kɔ̀ꞌnə maa məkɔ tɨ́ vəŋ, nə kee ziꞌ ghɔ vəŋ me. Vəŋ nə yè vənu vɔ́ sheꞌ fɨ ntaŋ, ŋàytə shɔ, biŋ ntee laa vəŋ luu sheꞌ vəndɔ shɨ nsi nyə̀.

Hibru 13:14

Viŋ kɔꞌ kɨɨ laa nsiŋ kee kìi shiŋii taa mbi nyə̀ faŋ ŋwə gòꞌsə yighee muꞌ me, nsiŋ kəə fɔ ŋgwə faŋ ŋwə ndɔ buu jwi.

1 Pita 2:11

Vaŋ-nshwi vaŋ, viŋ lùu yaa vəndɔ taa mbi nyə̀. Nɨniŋ, mə tɨsə viŋ laa viŋ kɨ baŋnə vətɔ və shɨ nsi mbɨə faŋ fwi siŋ kaw, buꞌ laa vətɔ vɔ́ toꞌ maa məndisə məbwey wiŋ nshə.

1 Jɔn 3:1

Viŋ zɔ! Nwi kàw nsiŋ dɨdɨꞌ. Kaꞌ nsiŋ kɔꞌ kɨɨ laa tɨta Nwi kàw nsiŋ, buꞌ laa ŋwə tii nsiŋ nə vaŋ Nwi. Yinsəŋ nsiŋ lùu vaŋ vi. Nɨniŋ, vɨɨ fɨ mbi kee kɨ̀ɨ nə nsiŋ me, buꞌ laa vəŋ kee kɨ̀ɨ nə Nwi me.