Efesɔs 2:14 - Vengo (Babungo)

¹⁴ Nshɨ-tɔ Kristo yɨsə nsiŋ duꞌ nyɔŋ nsiŋ nsiŋ. Ŋwə fàynə vɨɨ Isirayl nə vɨɨ tɔmə day, laa nsiŋ luu fa kəmuꞌ ndwə. Ŋwə bàꞌsə ŋkɔꞌ njyə faŋ nyə nə gaasə vɨɨ nə. Nɨniŋ laa ŋwə nə metə mbeenə vəŋ, faŋ ŋwə nə kɔ̀ ŋwaa wi tɨ́ yiku nə.

Efesɔs 2:14 ပူးပေါင်းရင်းမြစ်များ

Lukas 1:79

kɨ bee maa vɨɨ faŋ vəŋ dùꞌ taa shəŋ mfiŋsə, faŋ ndɨŋ yiku gù shɔ. Ŋwə baa luu kiasə ghuu yitoꞌ kaŋ-nsiŋ maa jɨɨ mənɔŋ-bwaŋnə.»

Lukas 2:14

«Nsiŋ kɨ bəŋsə Nwi fɨ yizɔ, məduꞌ-nyɔŋ shɨ nsi tɨ́ vɨɨ gəŋsə Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:16

Mə baa kìi bisə səmɔ́ꞌ faŋ nsə kee lùu taa nwaa bisə taa ŋkɔꞌ yɔ́ me. Bàw laa mə ndi bisə yinsii nɨzi, kɨ shiinə nsə. Nsə taa zɔ gɨ nyaa nɨzi. Bisə sənshə taa faynə shəŋ muꞌ, gù fa kəmuꞌ, nshii bisə yimuꞌ kɨ shii.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:52

baa nə laa ŋwə nə kee ku sheꞌ buꞌ vɨɨ Jus me, ŋwə nə kù tɔ vɨɨ vənshə faŋ vəŋ lùu vaŋ Nwi, taa məshɨ mənshə fɨ mbi maa məfaynə vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:33

Mə naysə nu kɔ́ tɨ́ viŋ, tɨ́ kaꞌ nsiŋ lùu fa kəmuꞌ, fwi yiŋ duꞌ nyɔŋ. Viŋ taa ye ŋɨꞌ taa mbi nyə̀, viŋ ka fwi siŋ, buꞌ laa mə duꞌtə mə ghɔꞌ mbi nyə̀.»

Akts 10:28

Ŋwə gi tɨ́ vəŋ laa, «Maa viŋ kɨɨ laa vɨ twèy tɨ́ vɨɨ Jus ŋkee nəŋay, laa kɨ vəŋ kɨ zɨnə, tɨꞌnə me, kɨ shɔɔnə ghɔ vɨ vɨɨ faŋ lùu vɨɨ tɔmə day me. Luu nə, Nwi də̀ shee laa, kɨ mə tii wə laa ŋwə lùu wuu bwə, tɨꞌnə me laa ŋwə kee lùu ley vɨsɨ Nwi me.

Akts 10:36

Viŋ kɔꞌ kɨɨ nə yigi njyə faŋ Nwi nə tɔ̀ŋ tɨ́ vɨɨ Isirayl laa, mənɔŋ-bwaŋnə lùu fɨ yiba Yeso Kristo. Yeso lùu wuu məsɔꞌ mbi yinshə.

Roma 5:1

Faŋ ŋkə lùu nɨniŋ nə, vənu vaŋ-nsiŋ lùu vəloomə vɨsɨ Nwi, buꞌ faŋ nsiŋ nùŋ fwi saŋ-nsiŋ maa Yeso Kristo nə, buu nsiŋ vɨ Nwi kìi məduꞌ-nyɔŋ fɨ yiba jɨŋ tɨta ŋwaa-nsiŋ Yeso Kristo.

Galatia 3:28

Nɨniŋ nə, wə kɨ luu lùu wuu Jus, wə mɔ́ꞌ luu wuu Griik, ŋkwiinə kee lùu shɔ me. Vəŋ luu sheꞌ fa kəmuꞌ maa yizii Yeso Kristo. Faŋ a lùu buꞌ, tɨꞌnə me wuu shɨ, ŋkwiinə kee lùu shɔ me. Faŋ a lùu wəndɔŋ, tɨꞌnə me wəzwi, ŋkwiinə kee lùu shɔ me, buꞌ laa viŋ vənshə lùu fa kəmuꞌ viŋ vɨ Kristo. Nɨniŋ, viŋ kɨ nii lùu wə muꞌ.

Efesɔs 2:15

Ŋwə nə ndìsə nuŋsə njyə faŋ Nwi nə kɔ̀ tɨ́ vɨɨ Isirayl, ndì kəŋ vɨɨ vɔ́ vəbɔɔ nə, kìasə vəŋ, vəŋ lùu fa kəmuꞌ ndwə fɨ yiba jɨŋ Kristo faŋ ŋwə nə fàynə yigisə vəŋ.

Efesɔs 2:17

Ŋwə nə jwì nɨniŋ, fɨꞌtə ntɔŋ yijəə tɨ́ viŋ, viŋ vɨɨ faŋ viŋ yaa luu ntaŋ nə, nə tɨ́ vɨɨ mbɨə faŋ vəŋ nə luu nshənə. Ntɔŋ yijəə yɔ́ də̀ jɨɨ məduꞌ nyɔŋ tɨ́ nsiŋ.

Efesɔs 3:15

faŋ ŋwə nə bɔ̀ŋ ŋgwisə vɨɨ vənshə fɨ taa yizɔ nə fɨ shɨ nsi, shù təzii təvəŋ.

Efesɔs 4:16

Faŋ nsiŋ lùu ŋwaa Kristo, Kristo lùu tɔ taa ŋwaa nsiŋ nə, ŋwə yɨ̀ vədɨꞌ vənshə fɨ maa ŋwə ghaytə fàynə, buꞌ laa vəyəə vi vənshə faynə̀, faŋ mfɨꞌ wutə vəŋ kùꞌnə tɔ tɔ maa məfaꞌ faꞌ nə, ŋwaa ghɔ́ nshə ta, gə vɨsɨ, faŋ vəlaŋ vi kawnə vəŋ vəŋ nə.

Kɔlɔsii 1:20

Nwi nə baa tə laa vɨɨ vənshə bəŋ jwì, gù fa kəmuꞌ, ghɔ vɨ Nwi, fɨ yiba Kristo. Nwi nə yɨ laa Kristo kù fuu fəŋkɔꞌ fə ŋkɨꞌsə, tɨ́ kaꞌ vətɔ vənshə fɨ yizɔ nə fɨ nsi kiasə, kee baa lùu vɨɨ mbeenə vi me, luu nə, gù vɨɨmba vi buꞌ mənshi mə Kristo faŋ ŋwə nə tùtə nə.

Kɔlɔsii 2:20

Faŋ viŋ nə ŋìi taa nu yiku Kristo nə, ŋkə də̀ laa kɨ vəzwitə vəbwəvə fɨ taa mbi nyə̀ kee baa sɔ̀ꞌ viŋ me. Nɨniŋ, sii yɨ kə viŋ shi yaa vɨɨ fɨ taa mbi nyə̀, biŋ laa vɨɨ kɔ̀ nuŋsə yimɔ́ꞌ tɨ́ viŋ laa,

Kɔlɔsii 3:11

Viŋ kɨ kii nshinə yifi yɔ́, buu ŋkwiinə kee baa lùu shɔ taa ŋwaa viŋ me. Vɨɨ Griik kee baa lùu nɨŋkwiŋ fɨ ghɔ vɨɨ Jus me. Vɨɨ faŋ vɨ sɨ̀ɨtə vəŋ, kee baa lùu nɨŋkwiŋ fɨ ghɔ vɨɨ faŋ vɨ kee sɨ̀ɨtə vəŋ me. Vəndɔ nə vɨɨ fɨ taa gay kee baa lùu nɨŋkwiŋ fɨ ghɔ vɨɨ binə binə me. Buꞌ kee baa lùu nɨŋkwiŋ fɨ ghɔ wə faŋ ŋwə tɨ̀ŋ tɔ ŋwə me. Vɨɨ vənshə luu sheꞌ nɨndɨŋ. Nu kwalə luu sheꞌ Kristo faŋ ŋwə lùu taa vənu vənshə.

Kɔlɔsii 3:15

Viŋ kɨ yɨsə laa mənɔŋ-bwaŋnə faŋ ŋwə ndɔ̀ fɨ ghɔ Kristo, shiinə viŋ maa vənu vənshə faŋ viŋ yɨsə, buꞌ laa Nwi nə tìi viŋ laa viŋ jwi dùꞌ nyɔŋ, lùu yaa ŋwaa wi muꞌ, kɨ bwaŋ Nwi shɔ ghee nshə.

Hibru 13:20

Nwi faŋ ŋwə kɔ məduꞌ-nyɔŋ ywèysə tɨta ŋwaa-nsiŋ Yeso Kristo fɨ shɨ yiku. Yeso luu nshii nyaa-nsiŋ faŋ ŋwə shii vɨɨ vənshə. Nə luu mənshi mə Yeso faŋ Nwi nə ndì, yɨ̀sə laa məkee mbɨə faŋ Nwi nə kɔ̀ꞌnə tɨ́ nsiŋ nə, weꞌ gòꞌsə yighee muꞌ.

Hibru 7:2

Maa yighee yɔ́ Abraham nə ndì vətɔ mbɨə faŋ ŋwə nə fì fɨ yighaw, gàasə vəshəŋ yighuŋ, kɔ̀ shəŋ kəmuꞌ tɨ́ Melkizedek. Gə fɨ maa yizii Melkizedek, ŋiꞌ yizii yi lùu laa, «Fwàŋ faŋ vənu vi lùu vəloomə.» Ŋwə nə luu fwàŋ Salem, faŋ lùu laa fwàŋ məduꞌ-nyɔŋ.