Efesɔs 2:13 - Vengo (Babungo)

¹³ Luu nə, ndwə faŋ viŋ gù fa kəmuꞌ, viŋ vɨ Kristo nə, viŋ faŋ viŋ nə luu ntaŋ fɨ yɨ Nwi yighee vɨsɨ, viŋ shə̀ŋtə jwi yɨ Nwi buꞌ nu mənshi mə Yeso Kristo, faŋ ŋwə nə kù tɔ nsiŋ nə.

Efesɔs 2:13 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:16

Mə baa kìi bisə səmɔ́ꞌ faŋ nsə kee lùu taa nwaa bisə taa ŋkɔꞌ yɔ́ me. Bàw laa mə ndi bisə yinsii nɨzi, kɨ shiinə nsə. Nsə taa zɔ gɨ nyaa nɨzi. Bisə sənshə taa faynə shəŋ muꞌ, gù fa kəmuꞌ, nshii bisə yimuꞌ kɨ shii.

Akts 15:14

Saymon nii duꞌtə ŋwə naysə faŋ Nwi nə ndeynə vɨɨ faŋ nə kee lùu vɨɨ Jus me, shòꞌ vɨɨ fɨ taa ŋwaa vəŋ, vəŋ luu vɨɨ vi, bìŋ yizii yi.

Akts 2:39

fɔnə nu kɔ́, faŋ Nwi nə kɔ̀ꞌnə maa məyɨ, lùu tɨ́ viŋ, ghɔ vɨ vaŋ viŋ, baa lùu nu vɨɨ vənshə fɨ ntaŋ, faŋ Mɔꞌmbi, Nwi ŋwaa-nsiŋ, taa shoꞌ laa vəŋ lùu mbii vɨɨ.»

Akts 22:21

Mə nə gi nɨniŋ. Luu nə, tɨta Yeso gi shee laa mə ndɔ gə, buꞌ laa yi kəə tɔŋ mə ŋkee ntaŋ taa ŋwaa vɨɨ tɔmə day faŋ kee lùu vɨɨ Jus me.»

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Roma 8:1

Nɨniŋ, vɨɨ mbɨə faŋ vəŋ fàynə ghɔ vɨ Yeso Kristo, kaꞌ vəŋ kee ndɔ baa gu nsɔꞌ ndì me.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

1 Kɔrintian 12:13

Faŋ nsiŋ kɔlə lùu nɨŋkwiŋ nɨŋkwiŋ nə, faŋ vɨɨ mɔ́ꞌ lùu vɨɨ Jus, vəmɔ́ꞌ lùu vɨɨ Griik, vɨɨ mɔ́ꞌ baa lùu vəbuꞌ, vɨɨ mɔ́ꞌ kee lùu vəbuꞌ me, nsiŋ vənshə nə fì Zwitə Nwi kɔ́ kəmuꞌ.

1 Kɔrintian 6:11

Nə luu yighee vɨsɨ, vɨɨ mɔ́ꞌ fɨ taa ŋwaa viŋ nə yɨ̀sə kəŋ vənu vɔ́. Luu nə, Yeso Kristo sɔ viŋ fɨ maa vənu vəbwəvə viŋ vɔ́, ŋwə fuusə viŋ, tə laa viŋ luu mbii vɨɨ. Nwi ndɨ̀ viŋ yaa vɨɨ faŋ vənu vəvəŋ lùu vəloomə, buꞌ laa viŋ jwì yɨ ŋwə maa yizii tɨta Yeso Kristo. Yɨ Zwitə Ley Nwi laa viŋ luu vɨɨ ley Nwi ndwə.

2 Kɔrintian 5:17

Nɨniŋ, wə kɨ luu kìi nu kəmuꞌ ghɔ Kristo, Nwi nàysə ŋwə, ŋwə gu fa fi, vənu vəmwavə vi ndì, gù vəfi.

Galatia 3:28

Nɨniŋ nə, wə kɨ luu lùu wuu Jus, wə mɔ́ꞌ luu wuu Griik, ŋkwiinə kee lùu shɔ me. Vəŋ luu sheꞌ fa kəmuꞌ maa yizii Yeso Kristo. Faŋ a lùu buꞌ, tɨꞌnə me wuu shɨ, ŋkwiinə kee lùu shɔ me. Faŋ a lùu wəndɔŋ, tɨꞌnə me wəzwi, ŋkwiinə kee lùu shɔ me, buꞌ laa viŋ vənshə lùu fa kəmuꞌ viŋ vɨ Kristo. Nɨniŋ, viŋ kɨ nii lùu wə muꞌ.

Efesɔs 1:1

Lùu mə, Pɔɔl, faŋ mə tɔ̀ŋ ŋwaꞌlə ŋwə̀ tɨ́ vɨɨ Kristo fɨ shɨ Efesɔs, faŋ vəŋ nùŋ fwisə vəŋ maa Yeso Kristo. Nə shòꞌ Nwi shòꞌ mə, yɨ̀ laa mə kiasə gù wuu ntɔŋ Kristo.

Efesɔs 1:7

Ŋwiŋ wi ghɔ́ nə kù tɔ nsiŋ, yɨ laa nsiŋ fuu fɨ taa nsɔꞌ Nwi buꞌ mənshi mi. Nwi ndenə yibɨsə nyaa-nsiŋ, buꞌ faŋ ŋwə kèe gəŋ saŋ-nsiŋ dɨdɨꞌ.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Efesɔs 2:12

Nə luu maa yighee yɔ́, viŋ vɨ Kristo kee lùu nə nu me. Viŋ nə luu vətɔŋ taa nu vɨɨ Isirayl, kee ŋìi taa məkee mbɨə faŋ Nwi nə gwìa ghɔ vɨ vɨɨ Isirayl me, faŋ Nwi nə kɔ̀ꞌnə vənu tɨ́ vəŋ nə me. Viŋ nə dùꞌ sheꞌ fu, kee kɨꞌ nu jəə faŋ ŋkə taa jwi nə me, kee bee lùu viŋ vɨ Nwi me.

Efesɔs 2:2

Yighee vɨsɨ yɔ́, viŋ nəə shɔɔ fɨ maa jɨɨsə bwəsə taa mbi, zɔnə tɨɨ vəzwitə vəbwəvə fɨ taa mbi faŋ ŋwə sɔꞌ vɨɨ mbɨə faŋ vəŋ twey nu Nwi ndwə nə.

Efesɔs 2:6

Ŋwə nə ywèysə nsiŋ fɨ yiba jɨŋ Kristo, nùŋsə nsiŋ yizɔ, nsiŋ vɨ vəŋ.

Hibru 9:18

Yighee njyə faŋ Nwi nə gwìa mfɔŋ məkee ghɔ vɨ vɨɨ nə, vɨ nə shɔ̀ɔ fɨ taa mənshi nɨzi, buu məkee mbɔ́ tɨŋnə.

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.