Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efesɔs 2:12 - Vengo (Babungo)

12 Nə luu maa yighee yɔ́, viŋ vɨ Kristo kee lùu nə nu me. Viŋ nə luu vətɔŋ taa nu vɨɨ Isirayl, kee ŋìi taa məkee mbɨə faŋ Nwi nə gwìa ghɔ vɨ vɨɨ Isirayl me, faŋ Nwi nə kɔ̀ꞌnə vənu tɨ́ vəŋ nə me. Viŋ nə dùꞌ sheꞌ fu, kee kɨꞌ nu jəə faŋ ŋkə taa jwi nə me, kee bee lùu viŋ vɨ Nwi me.

အခန်းကိုကြည့်ပါ။ ကော်ပီ




Efesɔs 2:12
51 ပူးပေါင်းရင်းမြစ်များ  

Nwi nə gì laa, yi taa lumə məkee faŋ yi nə gwìa nə, kɨ kee gəŋsə vətɨɨ vaŋ-nsiŋ.»


Mə baa kìi bisə səmɔ́ꞌ faŋ nsə kee lùu taa nwaa bisə taa ŋkɔꞌ yɔ́ me. Bàw laa mə ndi bisə yinsii nɨzi, kɨ shiinə nsə. Nsə taa zɔ gɨ nyaa nɨzi. Bisə sənshə taa faynə shəŋ muꞌ, gù fa kəmuꞌ, nshii bisə yimuꞌ kɨ shii.


Mə lùu tɨ taŋ, viŋ luu təntaŋ ti. Wə ntɨə faŋ ŋwə lùu taa fwi mə, mə lùu taa fwi ŋwə. Wə ghɔ́ kɨ nii kwaanə vətaŋ vəyaŋ. Kaꞌ wə kee yɨ̀ nu me, tɨ̀ lɨꞌ laa mə lùu fɨ yiba jɨŋ ŋwə me.


Viŋ shɔꞌtə wə faŋ viŋ kee kɨ̀ɨ nə ŋwə me. Gə̀ fɨ maa yia, yia shɔꞌtə Nwi faŋ yia kɨ̀ɨ nə ŋwə. Wə ntɨə faŋ ŋwə ndɔ bweysə vɨɨ ndɔ fuu luu fɨ taa ŋwaa vɨɨ Jus.


fɔnə nu kɔ́, faŋ Nwi nə kɔ̀ꞌnə maa məyɨ, lùu tɨ́ viŋ, ghɔ vɨ vaŋ viŋ, baa lùu nu vɨɨ vənshə fɨ ntaŋ, faŋ Mɔꞌmbi, Nwi ŋwaa-nsiŋ, taa shoꞌ laa vəŋ lùu mbii vɨɨ.»


Lùu ŋiꞌ nu ŋkɨə faŋ mə tìi viŋ shɔ nə, laa mə naysə nu kɔ́ tɨ́ viŋ. Vɨ kà mə nə vəsumə və̀, luu buꞌ laa mə biŋ ŋkɔꞌnə njyə faŋ Nwi nə kɔ̀ꞌnə tɨ́ vɨɨ Isirayl nə.»


Viŋ lùu vaŋ nshiisə-ŋii sɔghɔ sɔ́, nə vaŋ məkee mbɨə faŋ Nwi nə gwìa ghɔ vətɨɨ viŋ. Nwi nə gì tɨ́ Abraham laa, ŋgwisə vɨɨ fɨ mbi yinshə ndɔ kɨ ye mənɔŋ-bwaŋnə buꞌ wee wee ŋwiŋ wi.


Ŋiꞌ yigi yɔ́ lùu laa, kee lùu vaŋ Abraham mbɨə faŋ ŋwə nə bì fɨ taa mənshi ŋwə nə, ndɔ lùu vaŋ Nwi me. Vaŋ Abraham yinsəŋ lùu mbɨə faŋ Nwi nə kɔ̀ꞌnə kɔ̀ŋ vəŋ tɨ́ Abraham.


Yighee vɨsɨ faŋ viŋ nə kee ta kɨ̀ɨ nə Nwi me, viŋ nəə feꞌ vənwi faŋ kee lùu Nwi yinsəŋ me. Viŋ nə luu yaa vəbuꞌ tɨ́ vətɔ mbɨə faŋ kee lùu mbə Nwi me.


Nɨniŋ, viŋ kee baa lùu vəndɔ me, viŋ kɨ nii lùu mbinə-mbinə taa ŋwaa vɨɨ ley Nwi, baa lùu vɨɨ ŋiꞌ ŋii Nwi.


Mbɨꞌtə vəŋ kee ley me. Məbwey Nwi bəə fɨ taa fwisə vəŋ, buꞌ faŋ vəŋ kee kɨ̀ɨ nə nu me, fwisə vəŋ fɨ̀.


Viŋ nɨzi nə fɔŋ dùꞌ ŋgaasə viŋ Nwi, buꞌ faŋ viŋ nə luu vɨɨ mbeenə vi fɨ taa mbɨꞌtə yiŋ, yɨsə vənu vəbwəvə.


Ŋkə nə bàw tɨ́ Nwi laa Nwi yɨsə laa vɨɨ vi kɨɨ faŋ yigi yɔ́ dùꞌ, baa kwàlə shɔ̀ɔ. Nyə kìi sey kwalə tɨ́ vɨɨ məshɨ məshɨ. Nu kwalə kɔ́ lùu laa Kristo shi taa fwisə viŋ. Nɨniŋ, viŋ kɨ nii tə̀ sɨ maa vəkeynə və Nwi faŋ mbə kwalə shɔ̀ɔ.


buꞌ laa viŋ kɨꞌ vənu mbɨə faŋ Nwi nùŋsə tɨ́ viŋ yizɔ. Nə yɨ̀sə yigisə Nwi kɔ̀ŋ Yeso Kristo, faŋ luu ŋkee nu yinsəŋ, buu viŋ zɔ kɔ̀ŋ vənu vɔ́ faŋ Nwi nùŋsə tɨ́ viŋ yizɔ nə.


Vaŋ-nshwi via, yia kee kaw laa viŋ duꞌ nshi buꞌ nu vaŋ-nshwi vaŋ-nsiŋ mbɨə faŋ vəŋ kukə̀ me. Yia kəə twelə tɨ́ viŋ laa kɨ viŋ luŋ yaa vɨɨ mɔ́ꞌ faŋ vəŋ kee kɨ̀ꞌ məbwey vəlwaŋ me.


Kɨ viŋ kɨ tii vəki sheꞌ faŋ mbasə ŋwaa wiŋ kàw me, yaa vɨɨ məmanə Nwi yaa kɨ yɨsə nə.


Nshɨ-tɔ tɨta ŋwaa-nsiŋ Yeso Kristo nə tɨta Nwi faŋ ŋwə nə kàw nsiŋ, kèe gəŋ saŋ-nsiŋ, bàwsə fwi saŋ-nsiŋ, nsə kuꞌnə yighee muꞌ nə, yɨsə nsiŋ kɨ kɨꞌ ŋkee nu jəə.


Lùu mə, Pɔɔl, wuu ntɔŋ Yeso Kristo, faŋ mə tɔ̀ŋ ŋwaꞌlə ŋwə̀ tɨ́ ghɔ, Timoti. Nshɨ-tɔ Nwi, wuu məbweysə ŋwaa-nsiŋ, nə Yeso Kristo, faŋ nsiŋ kɨꞌ ŋwə nə, nə tìi mə maa faꞌ ŋwaa ghɔ́.


Vəŋ nə ŋìi taa wisə biinə, nu kee kɔ̀ŋ vəŋ me. Vəŋ nə baa nyɨ̀ŋkə fɨ ghɔ yighaw. Nwi nə kɔ̀ wutə tɨ́ vəŋ faŋ vəŋ nəə bɨbwa. Vəŋ nə gù vɨɨ yighaw weꞌnə, jɔ̀ŋ məshɨ mə tɔŋ məmɔ́ꞌ, vəŋ nyɨŋkə.


Nɨniŋ nə, Nwi də̀ maa jɨɨsə səbɔɔ laa ŋkɔꞌnə yi lùu yinsəŋ. Kaꞌ Nwi kee sɨ̀ɨ ba shɔ me. Ŋkɔꞌnə Nwi yɔ́ nə məlɨꞌtə ghɔ́ kɔ̀ wutə tɨ́ nsiŋ, tɨ́ kaꞌ nsiŋ jìa fwi nɨzi, kɨ tə sɨ maa nu ŋkɨə faŋ Nwi kɔ̀ꞌnə tɨ́ nsiŋ nə.


Nɨniŋ, nsiŋ ye laa Nwi kɔ̀ faꞌ tɨ́ Yeso, faŋ ŋwə kwàlə shɔ̀ɔ ŋgwə vɨɨ məfeꞌ Nwi vənshə. Yeso baa luu jwì nə məkee məfimə faŋ Nwi nə gwìa tɨ́ vɨɨ. Məkee məfimə mbɔ́ bàw shɔ̀ɔ məkee məmwamə buꞌ vənu vəjəəvə faŋ Nwi kɔ̀ꞌnə tɨ́ nsiŋ nə.


buꞌ laa viŋ kwàŋ fwi siŋ maa Nwi buꞌ ŋwə, faŋ Nwi nə ywèysə ŋwə fɨ shɨ yiku, kòꞌsə ŋwə fuu ŋkaw yifwàŋ. Nɨniŋ, kaꞌ viŋ nùŋ fwi siŋ maa Nwi, kɨ kɨꞌ məbwey vəlwaŋ fɨ ghɔ ŋwə.


Nsiŋ kɨ bəŋsə Nwi, tɨɨ Yeso Kristo, faŋ luu mbweysə nyaa-nsiŋ. Nwi nə kèe gəŋ saŋ-nsiŋ dɨdɨꞌ, faŋ ŋwə nə kɔ̀ məbwey fi tɨ́ nsiŋ, buꞌ faŋ ŋwə nə ywèysə Yeso fɨ shɨ yiku. Nɨniŋ, kaꞌ nsiŋ kɨ̀ꞌ məbwey vəlwaŋ nə məŋaytə.


Viŋ kɨ bəŋsə sheꞌ tɨta Kristo fɨ taa fwisə viŋ, nùŋ ŋwə laa lùu tɨɨ ŋii wiŋ. Viŋ jia fwi siŋ ghee nshə maa məbəŋsə nu faŋ vɨɨ bitə tɨ́ viŋ kɔ̀ŋ nu məkɨꞌ məbwey vəlwaŋ, faŋ viŋ nùŋ fwi siŋ shɔ nə.


Wə ntɨə faŋ ŋwə jìa fwi yi, kɨ kɨꞌ nu kɔ́ fɨ ghɔ Nwi, yɨsə laa fwi yi ley sheꞌ faŋ njii lèy.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ