Efesɔs 2:10 - Vengo (Babungo)

¹⁰ Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Efesɔs 2:10 ပူးပေါင်းရင်းမြစ်များ

Matiu 5:16

Nɨniŋ, viŋ kɨ yɨsə laa kiꞌ wiŋ kɨ bee yikəꞌ vɨɨ, vəŋ kɨ ye vənu vəjəəvə viŋ, bəŋsə yizii Nwi, Tii wiŋ, faŋ ŋwə lùu yizɔ nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:21

Wə ntɨə faŋ ŋwə yɨ vənu vəjəəvə, yaa kɨ kaw gə̀ maa shəŋ məley, laa vənu vi fuu ntee, buꞌ laa nshɨ-tɔ Nwi gaŋtə ŋwə maa məyɨsə nɨniŋ.»

Akts 9:31

Nɨniŋ ghɔ́, vɨɨ məbiŋ Kristo fɨ taa məshɨ mə Judia nə Galilii nə Samaria mənshə nə dùꞌ bwaŋnə, baa toꞌ maa ghuu yitoꞌ tɨta Yeso, fee Mɔꞌmbi. Zwitə Ley Nwi yɨsə vɨɨ vəmɔ́ꞌvə baa kùꞌsə nwaa vəŋ.

Akts 9:36

Sheꞌ maa yighee yɔ́ wəzwi mɔ́ꞌ nə luu shɔ ntɨꞌ Jɔpa, yizii yi luu Tabita, ŋiꞌ yizii yi yɔ́ lùu laa fəshwi. Ŋwə nə luu wuu məbiŋ nu Yeso, ndì yighee yinshə maa məyɨ vənu vəjəəvə maa vɨɨ.

Roma 8:1

Nɨniŋ, vɨɨ mbɨə faŋ vəŋ fàynə ghɔ vɨ Yeso Kristo, kaꞌ vəŋ kee ndɔ baa gu nsɔꞌ ndì me.

Roma 8:29

Lùu nɨniŋ buꞌ laa vɨɨ mbɨə faŋ Nwi nə kɨ̀ɨ nə vəŋ shù fɨ yighee vɨsɨ nə, ŋwə nə nùŋsə vəŋ laa vəŋ ndɔ fɨnə ŋwiŋ wi. Nɨniŋ laa ŋwiŋ wi ghɔ́ kìi vaŋ-nshwi vi vəyaŋ, baa lùu nshɔɔ vɨsɨ vəŋ.

1 Kɔrintian 3:9

Yia vəbɔɔ fàynə ghɔ ghia maa məfaꞌ faꞌ Nwi. Gə fɨ maa viŋ, viŋ lùu faŋ yindɨɨ Nwi yɔ́, baa lùu yaa ŋii faŋ Nwi fìa nə.

2 Kɔrintian 5:17

Nɨniŋ, wə kɨ luu kìi nu kəmuꞌ ghɔ Kristo, Nwi nàysə ŋwə, ŋwə gu fa fi, vənu vəmwavə vi ndì, gù vəfi.

2 Kɔrintian 5:5

Nə lòotə nshɨ-tɔ Nwi lòotə nsiŋ maa nu kɔ́. Ŋwə duꞌtə ŋwə kɔ Zwitə Ley ki tɨ́ nsiŋ yaa shwenə ŋkɔꞌnə yi.

2 Kɔrintian 9:8

Viŋ kɔꞌ kɨɨ laa Nwi kìi wutə maa məkey viŋ nə vətɔ vəjəəvə vənshə, mbə yaŋ sàynə, laa vətɔ vəjəəvə lwaŋ ghɔ viŋ, kùꞌnə ghee nshə, maa vənu vənshə, tɨ́ kaꞌ viŋ baa kɨ yɨsə vənu vəjəəvə vənshə, mbə yaŋ sàynə.

Galatia 6:15

Faŋ vɨ sɨ̀ɨtə wə, faŋ vɨ kee sɨ̀ɨtə wə me, ŋkwiinə kee lùu shɔ me. Nu kwalə luu sheꞌ laa Nwi yɨsə nsiŋ luu vɨɨ finə.

Efesɔs 1:1

Lùu mə, Pɔɔl, faŋ mə tɔ̀ŋ ŋwaꞌlə ŋwə̀ tɨ́ vɨɨ Kristo fɨ shɨ Efesɔs, faŋ vəŋ nùŋ fwisə vəŋ maa Yeso Kristo. Nə shòꞌ Nwi shòꞌ mə, yɨ̀ laa mə kiasə gù wuu ntɔŋ Kristo.

Efesɔs 1:4

Ŋwə nə shòꞌ nsiŋ buꞌ Yeso Kristo ŋkee maa yighee njyə faŋ ŋwə nə kee ta tey kɨ bɔŋ mbi me, laa nsiŋ ndɔ baw fɨ̀nə ŋwə, laa tuu ŋkee wee-ndoꞌ kee lùu maa nsiŋ yikəꞌ ŋwə me. Ŋwə nə kàw nsiŋ dɨdɨꞌ,

Efesɔs 2:13

Luu nə, ndwə faŋ viŋ gù fa kəmuꞌ, viŋ vɨ Kristo nə, viŋ faŋ viŋ nə luu ntaŋ fɨ yɨ Nwi yighee vɨsɨ, viŋ shə̀ŋtə jwi yɨ Nwi buꞌ nu mənshi mə Yeso Kristo, faŋ ŋwə nə kù tɔ nsiŋ nə.

Efesɔs 2:15

Ŋwə nə ndìsə nuŋsə njyə faŋ Nwi nə kɔ̀ tɨ́ vɨɨ Isirayl, ndì kəŋ vɨɨ vɔ́ vəbɔɔ nə, kìasə vəŋ, vəŋ lùu fa kəmuꞌ ndwə fɨ yiba jɨŋ Kristo faŋ ŋwə nə fàynə yigisə vəŋ.

Efesɔs 2:2

Yighee vɨsɨ yɔ́, viŋ nəə shɔɔ fɨ maa jɨɨsə bwəsə taa mbi, zɔnə tɨɨ vəzwitə vəbwəvə fɨ taa mbi faŋ ŋwə sɔꞌ vɨɨ mbɨə faŋ vəŋ twey nu Nwi ndwə nə.

Efesɔs 2:6

Ŋwə nə ywèysə nsiŋ fɨ yiba jɨŋ Kristo, nùŋsə nsiŋ yizɔ, nsiŋ vɨ vəŋ.

Efesɔs 4:1

Nɨniŋ, mə Pɔɔl, faŋ mə ŋìi mfiŋ buꞌ yizii tɨta Yeso nə, mə tɨsə viŋ laa viŋ kɨ toꞌ ghuu yitoꞌ kiŋ faŋ ŋkə kùꞌnə maa vənu mbɨə faŋ Nwi nə tìi viŋ shɔ nə.

Efesɔs 4:24

Viŋ mɔꞌ nshinə yifi maa viŋ faŋ vɨ nàysə maa ŋkɨꞌnə Nwi. Viŋ kɨ toꞌ maa jɨɨ yiloomə, baa nə yaa vɨɨ ley Nwi maa yinsəŋ.

Filipi 1:6

Mə kɔꞌ kɨɨ ŋkee maa yinsəŋ laa Nwi, faŋ ŋwə duꞌtə ŋwə tey kɨ faꞌ faꞌ wi taa fwisə viŋ, ndɔ kɨ faꞌ taa fwisə viŋ, gə kɔ tɨ́ shi ŋkɨə faŋ Yeso Kristo ndɔ bəŋ jwi.

Filipi 2:13

Viŋ toꞌ nɨniŋ, buu lùu nshɨ-tɔ Nwi faŋ ŋwə faꞌ taa ŋwaa viŋ, yɨsə laa viŋ kaw maa mətoꞌ nɨniŋ. Ŋwə baa luu kɔ wutə tɨ́ viŋ maa mətoꞌ nɨniŋ. Too Nwi bàw maa məfaꞌ nɨniŋ taa ŋwaa vɨɨ.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

Kɔlɔsii 3:10

Viŋ bee kii ndi nshinə yifi, mɔ̀ꞌ maa viŋ yaa njwi. Nwi kɔ̀ nshinə yifi yɔ́ tɨ́ viŋ, yɨ̀sə laa viŋ gə nə vɨsɨ, kɨ kɨɨ nə Nwi. Ŋkɨꞌnə yiŋ kɨ nii lùu yaa njyə faŋ Nwi nə bɔ̀ŋ viŋ shɔ nə.

2 Tesalonika 2:17

Bàw ŋwə kɨ boolə fwi siŋ, kwàŋ wutə maa viŋ, tɨ́ kaꞌ viŋ kɨ yɨsə vənu vəjəəvə vənshə, gisə sheꞌ vənu vəjəəvə nɨzi.

1 Timoti 2:10

Bàw vəlɔꞌ vəvəŋ luu sheꞌ vənu vəjəəvə faŋ vəŋ yɨsə. Lùu faŋ ŋkə kùꞌnə tɨ́ vəki faŋ vəŋ kəə kɨ bəŋsə Nwi.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.

1 Timoti 5:25

Vənu vəjəəvə faŋ vɨɨ yɨsə, luu sheꞌ nɨniŋ, yighee mɔ́ꞌ mbə fuu ntee nɨzi, yighee mɔ́ꞌ mbə kee fuu ntee me. Luu nə, kaꞌ mbə kee taa goꞌ taa vəndenə me.

1 Timoti 6:18

Bàw a gi vəŋ kɨ yɨsə vənu vəjəəvə, vənu vəjəəvə vɔ́ gu ka vəŋ, yaŋ. Bàw vəŋ baa kɨ kaw maa məkɔ vətɔ tɨ́ vɨɨ ŋɨꞌ, gaŋtə vəŋ nə mbə.

2 Timoti 2:21

Kɨ luu wə yɨsə vənu vi nə ŋwaa wi ley fɨ maa vənu vəbwəvə, buu ŋwaa wi ghɔ́ taa luu maa məyɨ nu Nwi ley, kùꞌnə maa məfaꞌ vəfaꞌ tɨ́ tii wi.

2 Timoti 3:17

Nɨniŋ laa wuu Nwi baw shɨlə, kùꞌnə maa məyɨsə vənu vəjəəvə vənshə.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Taytəs 2:7

Nuŋsə ŋwaa wə laa a luu mfɨꞌ nu tɨ́ vəŋ maa vənu vənshə, mbə kɨ baw. Deesə sheꞌ nu yinsəŋ tɨ́ vɨɨ, faŋ a deesə nu Nwi tɨ́ vəŋ. Deesə nu Nwi nə fwi yimuꞌ,

Taytəs 3:1

Lumə tɨ́ vɨɨ laa ŋkə bàw vəŋ fee vɨɨ mbɨə faŋ vəŋ sɔꞌ vəŋ, zɔnə vəŋ, baa yɨsə vənu vəjəəvə vənshə.

Taytəs 3:14

Bàw laa vaŋ-nshwi vaŋ-nsiŋ zwetə maa məyɨ vənu vəjəəvə maa vɨɨ faŋ nu mɔ́ꞌ ghɔꞌ vəŋ, laa kɨ məbiŋ vəŋ, faŋ vəŋ nùŋ fwi vəŋ maa Kristo nə, kee gù nu yɔŋ me.

Taytəs 3:8

Yigi yɔ́ lùu nu yinsəŋ. Mə kəə laa a gi vənu vɔ́ ŋkee nə wutə, laa vɨɨ mbɨə faŋ vəŋ nùŋ fwisə vəŋ maa Nwi, tə̀ sɨ maa məyɨsə vənu vəjəəvə. Kɨ luu vəŋ yɨ̀ nɨniŋ, buu luu ŋkee nu jəə. Ŋkə baa gàŋtə vɨɨ nɨzi.

Hibru 10:24

Bàw nsiŋ kɨ sɨɨnə nə vənu vaŋ-nsiŋ, nsiŋ nsiŋ, tɨ́ kaꞌ nsiŋ kɨ gaŋtə yiŋwaa nyaa-nsiŋ, nsiŋ nsiŋ, maa məkaw vɨɨ, baa nə maa məyɨ vənu vəjəəvə.

Hibru 13:21

Nwi kɔ viŋ nə vətɔ vəjəəvə vənshə faŋ mbə gaŋtə viŋ maa məyɨsə vənu mbɨə faŋ ŋwə kəə laa viŋ kɨ yɨsə. Yeso Kristo faꞌ taa fwisə nsiŋ, laa nsiŋ kɨ shi nə nshinə njyə faŋ nyə bàw too Nwi. Nsiŋ kɨ bəŋsə Yeso ghee nshə. Feenə wi ndɔ goꞌsə yighee muꞌ. Ŋkə lùu nɨniŋ.

1 Pita 2:12

Viŋ toꞌ ghuu yitoꞌ kiŋ jəə taa ŋwaa vɨɨ mbɨə faŋ vəŋ kee kɨ̀ɨ nə Nwi me, kɨ gi laa viŋ lùu vɨɨ bwənə, tɨ́ kaꞌ vəŋ ye, ndɔ kɨɨ nə jəə wiŋ, faŋ vəŋ ye vənu vəjəəvə mbɨə faŋ viŋ yɨsə. Nɨniŋ laa vəŋ ndɔ bəŋsə Nwi shɔ maa shi yiba, faŋ Nwi ndɔ jwi ye vəŋ.

1 Jɔn 1:7

Kɨ luu laa nsiŋ toꞌ yitoꞌ nyaa-nsiŋ fɨ taa shɨshwi ley, faŋ nshɨ-tɔ Nwi lùu taa shɨshwi ley nə, buu nsiŋ lùu fa kəmuꞌ, nsiŋ nsiŋ. Mənshi mə ŋwiŋ wi Yeso Kristo sɔ̀ yibɨsə nyaa-nsiŋ fɨ maa nsiŋ yinshə, faŋ ŋwə nə kù tɔ nsiŋ nə.

1 Jɔn 2:6

Wə ntɨə faŋ ŋwə toꞌ ghuu yitoꞌ ki sheꞌ faŋ Yeso Kristo nəə toꞌ, buu kaꞌ wə ghɔ́ gì laa yi shi ghɔ Nwi.