Efesɔs 1:6 - Vengo (Babungo)

⁶ laa nsiŋ kɨ bəŋsə nu ŋkɨə faŋ Nwi gaŋtə nsiŋ shɔ nə, faŋ ŋkə bàw shɨlə nə. Ŋwə nə kèe gəŋ saŋ-nsiŋ buꞌ ŋwiŋ wi faŋ ŋwə kaw ŋwə dɨdɨꞌ.

Efesɔs 1:6 ပူးပေါင်းရင်းမြစ်များ

Matiu 17:5

Faŋ ŋwə nəə kɨ bii gisə, mbɔꞌ yiley yimɔ́ꞌ jwi shìtə vəŋ, gɨ Nwi fuu fɨ taa mbɔꞌ yɔ́, gì laa, «Lùu ŋwiŋ ŋwaa nə, faŋ mə kàw. Ŋwə bàw shee nɨzi. Viŋ kɨ zɔnə ŋwə!»

Matiu 20:9

Vɨɨ mbɨə faŋ vɨ nii ndì vəŋ sheꞌ maa vəshɨshwi tee nə, jwi, vɨ kɔ yiwa yibɔɔ yibɔɔ tɨ́ vəŋ.

Matiu 3:17

Gɨ Nwi gi fɨ taa yizɔ laa, «Lùu ŋwiŋ ŋwaa nə faŋ mə kàw. Ŋwə baw shee.»

Lukas 2:14

«Nsiŋ kɨ bəŋsə Nwi fɨ yizɔ, məduꞌ-nyɔŋ shɨ nsi tɨ́ vɨɨ gəŋsə Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:17

Ŋiꞌ nu ŋkɨə faŋ Tii ŋwaa kaw mə, luu buꞌ faŋ mə bìŋ yiku, ndɔ̀ baa kìi məbwey fɨ yighee yiba.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:35

Tɨta Nwi kàw ŋwiŋ wi, kɔ̀ vənu vənshə tɨ́ ŋwə, mbə luu ghɔ ŋwə.

Roma 8:1

Nɨniŋ, vɨɨ mbɨə faŋ vəŋ fàynə ghɔ vɨ Yeso Kristo, kaꞌ vəŋ kee ndɔ baa gu nsɔꞌ ndì me.

2 Kɔrintian 4:15

Vənu vɔ́ vənshə luu buꞌ viŋ, tɨ́ kaꞌ gəŋsə Nwi, faŋ Nwi kee gəŋsə vɨɨ nə, gə̀ nə vɨsɨ, kɨ yɨsə nwaa vɨɨ mbɨə faŋ vəŋ bwaŋ Nwi yaŋ, yizii Nwi kwalə shɔ.

2 Kɔrintian 5:21

Nwi nə yɨ̀sə laa wə ntɨə faŋ ŋwə nə kee kɨ̀ɨ nə nu bwə me, biꞌ yibɨsə nyaa-nsiŋ, tɨ́ kaꞌ nsiŋ lùu vɨɨ loomə vɨsɨ Nwi.

Efesɔs 1:12

Nɨniŋ laa vɨɨ kɨ bəŋsə yikwalə Nwi buꞌ nsiŋ. Lùu nɨniŋ tɨ́ yia faŋ yia nə duꞌtə yia nuŋ fwi sia maa Kristo maa yighee vɨsɨ.

Efesɔs 1:14

baa luu mfɔŋsə vətɔ faŋ nsiŋ ndɔ zɨ. Zwitə Ley kɔ́ baa luu shwenə faŋ ŋkə də̀ laa Nwi ndɔ yweysə nwaa vɨɨ vi, tɨ́ la vɨ kɨ bəŋsə yikwalə Nwi.

Efesɔs 1:18

Mə baa buꞌ ghɔ tɨ́ Nwi, laa ŋwə yɨsə sɨ ghiŋ ŋaꞌsə, tɨ́ kaꞌ viŋ kɨ̀ɨ nə ŋiꞌ nu ŋkɨə faŋ ŋwə tìi viŋ shɔ nə, ndɔ kɨɨ laa məbwey vəlwaŋ faŋ ŋwə kɔ̀ꞌnə tɨ́ vɨɨ vi nə, luu ŋkee nu jəə.

Efesɔs 2:7

Lùu faŋ ŋwə də ŋkawnə yi tɨ́ vɨɨ fɨ taa mbi yifi faŋ nyə ndɔ jwi nə. Vɨ ndɔ kɨɨ nə gəŋsə Nwi fɨ maa nu ŋkɨə faŋ ŋwə nə kee gəŋ saŋ-nsiŋ dɨdɨꞌ, gaŋtə nsiŋ dɨdɨꞌ buꞌ Yeso Kristo nə.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Filipi 3:9

Mə kəə sheꞌ laa mə goꞌsə yia ŋwə. Mə kee baa lùu wuu ley buꞌ vənu mbɨə faŋ nəə yɨsə mə me, faŋ mə nəə beꞌsə ntɨsə vɨɨ Jus nə me. Mə lùu wuu ley buꞌ laa mə nùŋ fwi nyaa maa Kristo. Nwi ndɨ̀ wə yaa wuu ley buꞌ faŋ ŋwə nùŋ fwi yi maa Kristo.

Filipi 4:19

Viŋ kɔꞌ kɨɨ laa Nwi ŋwaa taa kɔ vətɔ vənshə tɨ́ viŋ, faŋ viŋ bəə mbə. Nwi kìi vətɔ faŋ mbə shɔ̀ɔ ki. Ŋwə ndɔ kɔ tɨ́ viŋ ŋkee jəə buꞌ Yeso Kristo.

Kɔlɔsii 1:13

Nwi nə bwèysə nsiŋ, fùusə nsiŋ fɨ ghɔ vəwutə vəbwəvə faŋ mbə lùu taa mfiŋsə. Ŋwə nə ndì nsiŋ fɨ fuŋ, nùŋsə nsiŋ taa yifwàŋ ŋwiŋ wi, faŋ ŋwə kàw ŋwə nə.

1 Pita 2:5

Nɨniŋ, bàw viŋ gu ŋoꞌsə bweysə nɨzi, tɨ́ kaꞌ Nwi ndì viŋ, bɔ̀ŋ viŋ yaa ŋoꞌsə, viŋ gù ŋii Zwitə Nwi, baa gù vɨɨ məfeꞌ Nwi nɨzi, faŋ vəŋ ley vɨsɨ Nwi. Nɨniŋ, kaꞌ viŋ kɔ Nwi maa Zwitə Ley Nwi, faŋ Nwi kaw nə, buꞌ Yeso Kristo.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.