Efesɔs 1:5 - Vengo (Babungo)

⁵ shòꞌ nsiŋ shù fɨshi, laa nsiŋ ndɔ luu ŋkee vaŋ vi fɨ yiba jɨŋ Yeso Kristo. Ŋkə nə bàw tɨ́ ŋwə maa məyɨsə nɨniŋ,

Efesɔs 1:5 ပူးပေါင်းရင်းမြစ်များ

Matiu 1:25

Ŋwə ndi zu wi, ghɔ ŋwə kee shə̀ŋtə fwaŋ me, kɔ tɨ́ yighee njyə faŋ ŋwə nə bì wee-wəndɔŋ. Ŋwə kɨ nii shù yizii yi laa Yeso.

Matiu 11:26

Ɔŋ mɔɔ, Tɨta, lùu faŋ ŋkə nə bàw sɨ ghɔ.»

Lukas 10:21

Kɨ luu sheꞌ maa yighee yɔ́, Zwitə Ley Nwi faŋ ŋkə nə luu taa fwi Yeso nə, yɨsə ŋwə ŋaytə dɨdɨꞌ, shɔ̀ꞌtə Nwi laa, «Mə bəŋsə ghɔ, mɔɔ Tɨta, faŋ a sɔꞌ yizɔ ghɔ nsi nə, buꞌ laa a twèlə ŋiꞌ nu kɔ́ tɨ́ vɨɨ mbɨə faŋ vəŋ kee lùu vɨɨ yitɔfə me, faŋ a nə ndɨ̀ə nu kɔ́ fɨ ghɔ vɨɨ yitɔfə nə vɨɨ sɨ leynə nə. Ɔŋ mɔɔ, Tɨta, lùu faŋ ŋkə nə bàw tɨ́ ghɔ.»

Lukas 11:32

Sheꞌ nɨniŋ, vɨɨ fɨ shɨ Ninevee ndɔ tɨŋnə yizɔ, mɔꞌ nsɔꞌ tɔ ŋgwisə vɨɨ və̀, vəŋ ŋii nsɔꞌ, buꞌ laa vɨɨ Ninevee vɔ́ nə kwìinə fwisə vəŋ, faŋ Jona nə fɨꞌtə nu Nwi tɨ́ vəŋ nə. Gə fɨ maa viŋ, viŋ kee kwìinə fwi siŋ me, faŋ viŋ kɔlə yè wə ntɨə faŋ ŋwə shɔ̀ɔ Jona nə.»

Lukas 12:32

Nɨniŋ, kɨ viŋ kɨ fee me, faŋ viŋ kɔlə lùu sheꞌ yaa wee-nwaa bisə-njɨɨ, buꞌ laa too Tii wiŋ, tɨta Nwi, nə bàw maa məndɔ kɔ nu yifwàŋ Nwi tɨ́ viŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:12

Nə biŋ sheꞌ way vɨɨ bìŋ ŋwə, nùŋ fwisə vəŋ maa ŋwə. Nɨniŋ, ŋwə yɨ vɨɨ mbɨə faŋ vəŋ nùŋ fwisə vəŋ maa ŋwə, luu vaŋ Nwi, buꞌ faŋ vəŋ nə nùŋ fwisə vəŋ maa yizii yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:52

baa nə laa ŋwə nə kee ku sheꞌ buꞌ vɨɨ Jus me, ŋwə nə kù tɔ vɨɨ vənshə faŋ vəŋ lùu vaŋ Nwi, taa məshɨ mənshə fɨ mbi maa məfaynə vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:17

Yeso gi tɨ́ ŋwə laa, «Kaa kɔŋ mə me, buꞌ laa mə kee ta gə̀ yizɔ yɨ Tii ŋwaa me. Gə yè vaŋ-nshwi vaŋ-nsoo, nàysə tɨ́ vəŋ laa mə taa koꞌ gə̀ yizɔ yɨ Tii ŋwaa, faŋ lùu Tii wiŋ nɨzi. Lùu ŋwə lùu Nwi ŋwaa, baa lùu Nwi wiŋ nɨzi.»

Akts 13:48

Vɨɨ mbɨə faŋ vəŋ nə kee lùu vɨɨ Jus me, zɔ nu kɔ́, ŋàytə, bə̀ŋsə nu Nwi. Vɨɨ vənshə faŋ Nwi nə shoꞌ laa vəŋ ndɔ zɨ məbwey vəlwaŋ, kɨ nii kìasə gù vɨɨ məbiŋ nu Kristo.

Roma 8:23

Kee sɔŋ sheꞌ vətɔ vɔ́ nɨnɔŋ me, sɔŋ nshɨ-tɔ ŋwaa-nsiŋ nɨzi, faŋ nsiŋ kɔlə fì Zwitə Ley Nwi, faŋ lùu mfɔŋsə vətɔ və Nwi. Nɨniŋ, nsiŋ kɨ kɨꞌ yighee njyə faŋ Nwi ndɔ yɨsə nsiŋ luu vaŋ vi ntee, faŋ ŋwə ndɔ kɔ yiŋwaa yifinə tɨ́ nsiŋ.

1 Kɔrintian 1:1

Lùu mə, Pɔɔl, wuu ntɔŋ Yeso Kristo, faŋ mə nyɔ̀ꞌ ŋwaꞌlə ŋwə̀ tɨ́ viŋ, ghɔ Sɔsteniis, weenshu ŋwaa-nsiŋ. Nə kàw Nwi maa məshoꞌ mə laa mə gu wuu ntɔŋ Yeso Kristo.

1 Kɔrintian 1:21

Maa yighee njyə faŋ Nwi nə də̀ yitɔfə yi tɨ́ vɨɨ fɨ taa mbi nyə̀, vəŋ nə kee bee kɨ̀ɨ nə Nwi fɨ taa tɔ-ley vəŋ me. Nɨniŋ, fwi Nwi nə bàw maa məbweysə vɨɨ mbɨə faŋ vəŋ nùŋ fwisə vəŋ maa Yeso Kristo buꞌ faŋ vəŋ zɔ̀ nu Nwi kɔ́, faŋ ŋkə lùu yaa yigisə vəmfaw nə.

2 Kɔrintian 6:18

Mə kɨ nii lùu tii wiŋ, viŋ luu vaŋ vaŋ.» Lùu yigisə Mɔꞌmbi faŋ ŋwə sɔꞌ mbi yinshə.

Galatia 3:26

Viŋ lumə laa, viŋ faŋ viŋ kìi nu kəmuꞌ, viŋ vɨ Yeso Kristo, viŋ lùu vaŋ Nwi, buꞌ laa viŋ nùŋ fwi siŋ maa ŋwə.

Efesɔs 1:11

Nwi, faŋ ŋwə yɨsə vənu vənshə faŋ ŋwə nə gì fɨ taa fwi ŋwə, baa shòꞌ nsiŋ maa mbii vɨɨ fɨ yiba jɨŋ Kristo, buꞌ ŋkitə Nwi maa nu ŋkɨə faŋ ŋwə nə nùŋ, shù fɨ maa vənzi.

Efesɔs 1:9

tɨ́ kaꞌ nsiŋ kɔꞌ kɨɨ nə nu ŋkɨə faŋ ŋkə lùu taa ŋkɨɨ Nwi, faŋ ŋkə nə ndènə fɨ yikəꞌ vɨɨ nə. Nu kɔ́ nə bàw tɨ́ ŋwə maa məyɨ nɨniŋ,

Filipi 2:13

Viŋ toꞌ nɨniŋ, buu lùu nshɨ-tɔ Nwi faŋ ŋwə faꞌ taa ŋwaa viŋ, yɨsə laa viŋ kaw maa mətoꞌ nɨniŋ. Ŋwə baa luu kɔ wutə tɨ́ viŋ maa mətoꞌ nɨniŋ. Too Nwi bàw maa məfaꞌ nɨniŋ taa ŋwaa vɨɨ.

Kɔlɔsii 1:19

Nə luu nɨniŋ taa ŋkɨɨ Nwi, laa vənu vənshə luu sheꞌ taa ŋwaa Yeso.

2 Tesalonika 1:11

Nɨniŋ, yia buꞌ ghɔ tɨ́ Nwi tɔ viŋ ghee nshə, laa ŋwə yɨsə viŋ kuꞌnə maa məndɔ zɨ məbwey vəlwaŋ faŋ ŋwə nə tìi viŋ shɔ nə, baa nə laa ŋwə ndɔ gaŋtə viŋ maa məmetə vənu vəjəəvə vənshə faŋ viŋ kàw maa məyɨsə, nə vəfaꞌ vənshə faŋ viŋ faꞌ nə wutə ki, buꞌ faŋ viŋ nùŋ fwi siŋ maa Kristo nə.

Hibru 2:4

Nwi baa luu də̀ laa lùu nu yinsəŋ, faŋ ŋwə nə ndì wutə ki, də̀ vəshwenə, baa yɨsə vənu və shuu yɔŋvə. Ŋwə baa luu kɔ̀ vəkɔ faŋ ŋwə kàw tɨ́ vɨɨ, faŋ mbə ndɔ̀ fɨ yiba Zwitə Ley.

1 Jɔn 3:1

Viŋ zɔ! Nwi kàw nsiŋ dɨdɨꞌ. Kaꞌ nsiŋ kɔꞌ kɨɨ laa tɨta Nwi kàw nsiŋ, buꞌ laa ŋwə tii nsiŋ nə vaŋ Nwi. Yinsəŋ nsiŋ lùu vaŋ vi. Nɨniŋ, vɨɨ fɨ mbi kee kɨ̀ɨ nə nsiŋ me, buꞌ laa vəŋ kee kɨ̀ɨ nə Nwi me.

Reveleyshən 21:7

Wə ntɨə faŋ ŋwə jìa fwi yi, twèꞌ maa nu Kristo, buu ŋwə ndɔ ndi fɨ maa muu mbɔ́. Mə kɨ nii luu Nwi wi, ŋwə luu ŋwiŋ ŋwaa.