Efesɔs 1:4 - Vengo (Babungo)

⁴ Ŋwə nə shòꞌ nsiŋ buꞌ Yeso Kristo ŋkee maa yighee njyə faŋ ŋwə nə kee ta tey kɨ bɔŋ mbi me, laa nsiŋ ndɔ baw fɨ̀nə ŋwə, laa tuu ŋkee wee-ndoꞌ kee lùu maa nsiŋ yikəꞌ ŋwə me. Ŋwə nə kàw nsiŋ dɨdɨꞌ,

Efesɔs 1:4 ပူးပေါင်းရင်းမြစ်များ

Matiu 24:22

Luu nə, Nwi ndɔ shia vəshi vɔ́ buꞌ vɨɨ mbɨə faŋ ŋwə shòꞌ vəŋ nə. Ŋwə nəə toꞌ kee ndɔ shia vəshi vɔ́ me, buu kaꞌ tuu wə muꞌ kee ndɔ bwey me.

Matiu 24:24

Vɨɨ ndɔ fuu vəyaŋ faŋ vəŋ sɨɨ ba, gisə laa vəŋ luu Kristo, tɨꞌnə me nshiisə-ŋii sɔghɔ. Vəŋ ndɔ də vəshwenə və shuu yɔŋvə maa məyɨ laa vɨɨ ndi jɨɨ, mɔŋ ŋkee maa məbweꞌsə vɨɨ mbɨə faŋ Nwi shoꞌ vəŋ nə.

Matiu 24:31

Ŋwə ndɔ jwi nɨniŋ, tɔ̀ŋ nshiisə-ŋiisə si nə yisaw yikwalə faŋ vɨ taw ŋkee nəŋay. Nshiisə-ŋiisə sɔ́ baytə vɨɨ mbɨə faŋ vɨ shòꞌ fɨ taa mfaysə mbi sənshə, nə fɨ maa vəndwə və mbi vənshə.

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:16

Mə baa kìi bisə səmɔ́ꞌ faŋ nsə kee lùu taa nwaa bisə taa ŋkɔꞌ yɔ́ me. Bàw laa mə ndi bisə yinsii nɨzi, kɨ shiinə nsə. Nsə taa zɔ gɨ nyaa nɨzi. Bisə sənshə taa faynə shəŋ muꞌ, gù fa kəmuꞌ, nshii bisə yimuꞌ kɨ shii.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:16

Nə kee shòꞌ viŋ shòꞌ mə laa mə luu tii wiŋ me, nə shòꞌ mə shòꞌ viŋ laa viŋ luu vɨɨ məzwetə nu kaŋ, mə baa shoꞌ viŋ laa viŋ kɨ toꞌ fàꞌ maa yizii nyaa, vənu vəjəəvə fuu fɨ fuŋ, kee mè me. Nɨniŋ, kaꞌ viŋ ndwàŋ fa fɨ ghɔ tɨta Nwi maa yizii nyaa, ŋwə kɔ̀ tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:24

Tɨta, mə kəə laa vɨɨ mbɨə faŋ a nə kɔ̀ shee nə, ndɔ lùu yia vɨ vəŋ mɔ́ꞌ maa shəŋ ŋkɨə faŋ mə ndɔ lùu shɔ, laa vəŋ ndɔ ye yikwalə njyə faŋ a nə kɔ̀ shee, buꞌ laa a nə kàw mə shù fɨ maa yighee njyə faŋ mbi nyə̀ nə kee ta lùu shɔ me.

Akts 13:48

Vɨɨ mbɨə faŋ vəŋ nə kee lùu vɨɨ Jus me, zɔ nu kɔ́, ŋàytə, bə̀ŋsə nu Nwi. Vɨɨ vənshə faŋ Nwi nə shoꞌ laa vəŋ ndɔ zɨ məbwey vəlwaŋ, kɨ nii kìasə gù vɨɨ məbiŋ nu Kristo.

Akts 15:18

Nu kɔ́ nə luu taa ŋkɨɨ Nwi shù fɨ maa vənzi və mbi.»

Akts 18:10

buꞌ laa mə luu yɨ ghɔ. Kaꞌ wə kee yɨ̀ nu maa ghɔ me, buꞌ laa vɨɨ vaŋ lùu vəyaŋ taa ntɨꞌ nyə̀.»

Roma 8:33

Sii kaꞌ kwaŋ ndə kwaŋ vɨɨ mbɨə faŋ Nwi nə shòꞌ laa lùu mbii vɨɨ nə, taa nsɔꞌ? Maa nshɨ-tɔ Nwi kìasə vənu vəvəŋ, mbə loomə.

1 Kɔrintian 1:8

Nshɨ-tɔ Yeso Kristo ndɔ yɨ viŋ weꞌ maa nu ki, gə̀ zìꞌ tɨ́ yighee vəndwə, tɨ́ kaꞌ tuu wee-ndoꞌ kee ndɔ luu maa viŋ maa shi ŋkɨə faŋ tɨta Yeso Kristo ndɔ bəŋ jwi taa mbi me.

Galatia 5:13

Vaŋ-nshwi vaŋ, gə fɨ maa viŋ, Nwi nə shòꞌ viŋ laa kɨ viŋ baa luu yaa vəbuꞌ tɨ́ ntɨsə vɨɨ Jus me. Luu nə, faŋ viŋ kee lùu vəbuꞌ tɨ́ ntɨsə sɔ́ nə me, kɨ viŋ bɨꞌtə laa kaꞌ viŋ taa kɨ yɨsə vənu vənshə faŋ mbasə ŋwaa wiŋ kàw me. Viŋ kii ŋkawnə tɨ́ wə nə wə, baa gaŋtə wə nə wə.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Efesɔs 3:17

Kristo baa nɔ̀ŋ taa fwisə viŋ, faŋ viŋ nùŋ fwi siŋ maa ŋwə, laa viŋ kɨ kaw ŋwə ŋkee dɨdɨꞌ. Mə buꞌ ghɔ tɨ́ Nwi laa viŋ nuŋ fwi siŋ maa ŋwə sheꞌ faŋ vɨ yaa kɨ bia tɨ taa nsi, ŋkə ŋìisə ghay ghi taa shɔꞌ, tɨŋ ŋkee kəweꞌ.

Efesɔs 4:2

Viŋ bwasə yiŋwaa yiŋ nsi, kɨ yɨsə vənu fɨ taa bwaŋnə. Viŋ jia fwi siŋ, kɨ kawnə yiŋwaa yiŋ ghee nshə.

Efesɔs 5:2

Viŋ kɨ toꞌ yitoꞌ yiŋ nə ŋkawnə, sheꞌ faŋ Kristo nə kàw viŋ nə, kù tɔ nsiŋ nə, vɨ feꞌ ŋwə shɔ tɨ́ Nwi. Ŋkə nə bàw tɨ́ Nwi nɨniŋ.

Efesɔs 5:27

Nɨniŋ, ŋwə nuŋsə nwaa vɨɨ Nwi laa vəŋ baw tɨ́ ŋwə, laa tuu nu bwə, tɨꞌnə me tuu wee-ndoꞌ kee lùu maa vəŋ me, laa vəŋ luu ŋkee vɨɨ ley vɨsɨ Nwi.

Filipi 2:15

Nɨniŋ laa viŋ ndɔ baw shɨlə, tuu wee-ndoꞌ kee lùu maa viŋ me, viŋ luu vaŋ Nwi yinsəŋ, faŋ vəŋ kee kìi nu bwə taa fwisə vəŋ me. Viŋ lùu vaŋ ley Nwi taa ŋwaa vɨɨ, faŋ fwisə vəŋ lùu sətwiŋkə, vəŋ baa lùu vɨɨ vənu vəbwəvə. Viŋ luu taa ŋwaa vəŋ yaa məjwiŋ faŋ mbə bee fɨ taa yizɔ nə.

Kɔlɔsii 1:22

Luu ndwə, Yeso Kristo yɨ̀sə laa viŋ faynə tɔ kiŋ, viŋ vɨ Nwi, buꞌ faŋ ŋwə nə jwi mbi gù wə, kù tɔ viŋ. Ŋwə yɨ nɨniŋ laa ŋwə ndi viŋ, jwi nə viŋ vɨsɨ Nwi, tɨ́ viŋ kii fwisə leysə buꞌ yiku yi yɔ́, tuu wee-ndoꞌ kee baa lùu maa viŋ me. Kaꞌ viŋ kee baa ŋìi taa nsɔꞌ Nwi me,

Kɔlɔsii 2:2

Mə kɨɨtə, tɨ́ kaꞌ fwi siŋ weꞌ, baa nə laa viŋ kɨ kawnə yiŋwaa yiŋ, gù fa kəmuꞌ, baa nə laa viŋ ndɔ kii ŋkee tɔ ley maa nu Nwi, kɨ̀ɨ nə ŋiꞌ nu Nwi ŋkee jəə, faŋ ŋkə nə ndènə fɨ ghɔ vɨɨ nə. Ŋiꞌ nu Nwi kɔ́ luu sheꞌ nu Kristo, wuu məbweysə ŋwaa-nsiŋ.

Kɔlɔsii 3:12

Viŋ kìi nshinə yifi yɔ́ ndwə, buꞌ laa Nwi nə shòꞌ viŋ laa viŋ luu mbii vɨɨ. Viŋ lùu vɨɨ ley tɨ́ ŋwə. Ŋwə baa luu kaw viŋ. Nɨniŋ, viŋ kɨ shi yaa vɨɨ vi; viŋ kɨ kee gəŋsə vɨɨ, baa kìi njyoꞌ yijəə maa viŋ, viŋ viŋ! Viŋ kɨ suꞌsə yiŋwaa yiŋ nsi, duꞌ bwaŋnə, baa kìi fwi yizutə!

1 Tesalonika 3:12

Bàw tɨta Kristo yɨsə ŋkawnə yiŋ yaŋ, viŋ kɨ kawnə yiŋwaa yiŋ, baa luu kaw vɨɨ vənshə, gə vɨsɨ vɨsɨ, ŋkə lwaŋ taa fwisə viŋ bə̀, sheꞌ faŋ yia kàw viŋ nə.

1 Tesalonika 4:7

Nwi nə kee tìi nsiŋ laa nsiŋ kɨ yɨsə vənu vəbwəvə me. Ŋwə nə tìi nsiŋ laa nsiŋ baw shɨlə, gə̀ nə vɨsɨ.

2 Timoti 1:9

Ŋwə nə bwèysə nsiŋ, shoꞌ nsiŋ maa vɨɨ ley vi, kee kɨ tii nsiŋ buꞌ vənu vəjəəvə vaŋ-nsiŋ me. Ŋwə nə tìi nsiŋ luu buꞌ faŋ nshɨ-tɔ wi nə kɔ̀ꞌnə taa fwi ŋwə shù fɨ maa vənzi və mbi, laa ŋwə ndɔ kee gəŋ saŋ-nsiŋ, faŋ ŋwə ndɔ tɔŋ Yeso Kristo tɨ́ nsiŋ nə.

2 Timoti 2:10

Nɨniŋ, mə jìa fwi nyaa maa ŋɨꞌ yinshə buꞌ vɨɨ mbɨə faŋ Nwi nə shoꞌ vəŋ, laa lùu vɨɨ vi, tɨ́ kaꞌ vəŋ nɨzi ndɔ zɨ məbwey vəlwaŋ fɨ yiba Yeso Kristo. Məbwey ghɔ́ ndɔ baw shɔ̀ɔ, gòꞌsə yighee muꞌ.

2 Timoti 2:19

Luu nə, shɨ ŋii weꞌnə ŋkɨə faŋ Nwi nə bɔ̀ŋ, gòꞌsə yighee muꞌ. Shwenə ki lùu laa, «Nwi kɔꞌ kɨɨ nə vɨɨ mbɨə faŋ ŋwə nə shòꞌ,» baa nə laa, «Wə ntɨə faŋ ŋwə tii yizii Mɔꞌmbi, bàw ŋwə fuu fɨ taa vənu vəbwəvə.»

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.

1 Pita 1:2

Tɨta Nwi nə kɨ̀ɨ nə viŋ fɨshi, shòꞌ viŋ laa Zwitə ki yɨsə viŋ luu vɨɨ vi, kɨ zɔnə ŋwə, baa nə laa Yeso Kristo tùtə mənshi mi tɔ viŋ, tɨ́ kaꞌ viŋ ley vɨsɨ Nwi. Nwi kuꞌsə mənɔŋ-bwaŋnə tɔ viŋ, baa nə məduꞌ-nyɔŋ!

1 Pita 1:20

Nwi nə nùŋsə ŋwə maa nu kɔ́, shù faŋ ŋwə nə kee ta zì maa məbɔŋ mbi me. Luu nə, ŋwə fuu ntee vɨsɨ vɨɨ sheꞌ maa yighee vəshə. Nu kɔ́ bàw tɨ́ viŋ,

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.

1 Jɔn 4:16

Faŋ yia nə yè nɨniŋ nə, yia kɨ nii yikɨɨ faŋ Nwi kaw nsiŋ nə. Yia baa biŋ, nùŋ fwi sia shɔ. Nwi lùu wuu məkaw vɨɨ. Wə ntɨə faŋ ŋwə kaw Nwi nə vɨɨ nɨzi, buu ŋwə gòꞌsə ghɔ Nwi. Nwi baa lùu goꞌsə taa fwi ŋwə nɨzi.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 17:8

Nyaa yɔ́ faŋ a ye nə, nə fɔŋ lùu fa faŋ ŋkə lùu kəbwey. Luu nə, nyə kee baa lùu mbi ndwə me. Nɨniŋ, nyə ndɔ baa koꞌ fɨ taa wee-nsi-yibay, baa lùu shɔ, kɨ nii yindi. Shuu vɨɨ fɨ taa mbi yɔŋ faŋ vəŋ yè nyaa yɔ́ faŋ nyə nə luu shɔ, kee baa lùu shɔ nə me, ndɔ baa lùu shɔ. Luu nə, taa yɔŋ sheꞌ shuu vɨɨ mbɨə faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, yuu vɨ nə nyɔ̀ꞌ təzii tə vɨɨ Nwi taa ŋwaꞌlə ghɔ́ shù fɨ faŋ Nwi nə kìasə kɨ bɔŋ mbi nə.