Efesɔs 1:22 - Vengo (Babungo)

²² Nwi nùŋsə mbi yinshə ghɔ Kristo, laa ŋwə sɔꞌ mbi yinshə, baa yɨ̀sə ŋwə luu tɔ vɨɨ məbiŋ Nwi. Kii ŋwə kìi vɨɨ Nwi vənshə, sheꞌ faŋ tɔ wə sɔ̀ꞌ ŋwaa wi nshə.

Efesɔs 1:22 ပူးပေါင်းရင်းမြစ်များ

Matiu 16:18

Zɔ mɔɔ! Mə naysə tɨ́ ghɔ laa, yizii yə lùu Yighɔsə. Mə ndɔ fia ŋii Nwi fuu yighɔsə nyə̀. Kaꞌ wutə yiku kee ndɔ ghɔꞌ ŋii Nwi yɔ́ me.

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

1 Kɔrintian 11:3

Luu nə, nu mɔ́ꞌ lùu shɔ faŋ mə kəə tɨ viŋ, laa Kristo lùu tɔ tɨ́ vəndɔŋ vənshə, wəndɔŋ luu tɔ tɨ́ wəzwi; Nwi lùu tɔ tɨ́ Kristo.

Efesɔs 3:21

Nɨniŋ, faŋ nsiŋ lùu fa kəmuꞌ, nsiŋ vɨ Yeso Kristo nə, nsiŋ kɨ bəŋsə Nwi yəəsə yəəsə, gə ziꞌ maa vəndwə və mbi. Ŋkə gòꞌ nee.

Efesɔs 5:23

Wəndɔŋ lùu tɔ tɨ́ wəzwi, sheꞌ faŋ Kristo lùu tɔ tɨ́ nwaa vɨɨ Nwi. Nwaa vɨɨ Nwi lùu yaa ŋwaa Kristo. Ŋwə baa lùu wuu məbweysə vəŋ.

Kɔlɔsii 1:18

Ŋwə baa lùu tɔ fɨ taa vəməshəŋtə və vɨɨ Nwi, sɔꞌ vɨɨ Nwi vənshə, sheꞌ faŋ tɔ wə sɔꞌ ŋwaa wə nshə nə. Ŋwə baa lùu vənzi və ŋii Nwi, baa luu mfɔŋ wə maa məywey fɨ shɨ yiku. Nɨniŋ laa ŋwə luu vɨsɨ maa vənu vənshə.

Kɔlɔsii 1:8

Ŋwə baa luu nàysə tɨ́ yia kɔ̀ŋ ŋkawnə njyə faŋ viŋ kìi fɨ taa Zwitə Ley Nwi maa məkaw vɨɨ.

Kɔlɔsii 2:10

Faŋ viŋ lùu fa kəmuꞌ viŋ ŋwə, buu viŋ mètə tɨ̀ŋnə yaa vɨɨ Nwi fɨ yiba jɨŋ ŋwə. Luu ŋwə lùu tɔ tɨ́ vɨɨ mbɨə faŋ vəŋ sɔꞌ mbi nə. Ŋwə baa lùu tɔ tɨ́ vəwutə vənshə.

Kɔlɔsii 2:19

Vəŋ gaasə fɨ ghɔ Kristo, faŋ lùu tɔ tɨ́ ŋwaa vɨɨ Nwi nə. Vɨɨ vənshə faŋ vəŋ fàynə ghɔ vɨ Kristo, Kristo kɔ fa tɨ̀ me fa faŋ vəŋ kəə tɨ́ vəŋ. Ŋwə baa yɨ̀sə laa vəŋ lùu fa kəmuꞌ, tɨ́ kaꞌ vəŋ kɨ ta weꞌ nə vənu və Kristo faŋ Nwi kəə. Ŋkə lùu nɨniŋ, sheꞌ faŋ ŋwaa wə fàynə shəŋ muꞌ vəlaŋ vəlaŋ.

1 Timoti 3:15

Kɨ luu mə ndɔ tay, bàw a kɨɨ faŋ kaꞌ a kɨ yɨsə vənu taa ŋii Nwi. Ŋii Nwi yɔ́ lùu nshəŋtə vɨɨ Nwi faŋ Nwi goꞌsə yighee muꞌ. Ŋii yɔ́ baa luu tweꞌ faŋ ŋkə tɔ̀ŋ nu yinsəŋ.

Hibru 2:8

A nə baa nùŋsə vətɔ vənshə ŋiꞌ ghuu ŋwə.» Faŋ vɨ nə nyɔ̀ꞌ laa vətɔ vənshə lùu ŋiꞌ ghuu ŋwə, ŋkə lùu laa tuu fa kee baa lùu shɔ faŋ ŋkə kee lùu ŋiꞌ ghuu ŋwə me. Luu nə, maa yighee ndwə kaꞌ nsiŋ kee ta ye laa vətɔ vənshə lùu ŋiꞌ ŋwə me.