Efesɔs 1:20 - Vengo (Babungo)

²⁰ Ŋwə nə də̀ wutə ki kɔ́ mbɨɨ ŋwaa Kristo, faŋ ŋwə nə ywèysə ŋwə fɨ shɨ yiku, nùŋ ŋwə maa kwiŋ maꞌnə wi taa yizɔ.

Efesɔs 1:20 ပူးပေါင်းရင်းမြစ်များ

Matiu 26:64

Yeso gi tɨ́ ŋwə laa, «Gì ghɔ nɨniŋ. Mə naysə tɨ́ viŋ ntee laa, shù ndee viŋ ndɔ ye Wuu yinsəŋ Nwi faŋ ŋwə dùꞌ maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə faŋ ŋwə jɨjwi fɨ fuu mbɔꞌ fɨ taa yizɔ.»

Matiu 28:18

Yeso shəŋtə gə̀ yɨ vəŋ, gì tɨ́ vəŋ laa, «Nwi kɔ̀ wutə kənshə shee fɨ taa yizɔ nə fɨ nsi.

Mark 14:62

Yeso bəŋsə tɨ́ ŋwə laa, «Ɔŋ, luu mə. Viŋ ndɔ ye Wuu yinsəŋ Nwi faŋ ŋwə ndɔ duꞌnə ŋkee fuu ŋkaw kwi maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə, faŋ ŋwə ndɔ jwi taa mbɔꞌ fɨ yizɔ.»

Mark 16:19

Faŋ tɨta Yeso nə gì yigi yɔ́ tɨ́ vəŋ metə, Nwi yɨsə ŋwə koꞌ gə̀ taa yizɔ, gə̀ dùꞌnə maa kwiŋ maꞌnə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:18

Ŋkə kee lùu laa wə ndɔ baꞌsə məbwey fɨ ghɔ mə nə wutə ki me. Ndɔ biŋ mə biŋ yiku ŋgɨɨ-mə. Mə kìi wutə maa məbiŋ yiku, baa nə wutə maa məywey fɨ shɨ yiku. Nə kɔ̀ Tii ŋwaa kɔ ntɨ nyə̀ nə wutə kɔ́ shee.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:30

Tii ŋwaa nə mə lùu fa kəmuꞌ.»

Akts 10:40

Vəshi kɨ shɔɔ vətia, Nwi yweysə ŋwə fɨ shɨ yiku, yɨ̀sə laa ŋwə fuu ntee sɨ vɨɨ.

Akts 26:8

Sii yɨ̀ kə ŋkə lùu kəweꞌ tɨ́ viŋ maa məbiŋ laa Nwi yweysə vɨɨ fɨ shɨ yiku?

Akts 4:10

Bàw viŋ vənshə, nə ŋgwisə ŋiꞌ ŋii Isirayl kənshə kɨɨ laa, wə ŋwə̀ faŋ ŋwə tɨŋ vɨsɨ viŋ, tɨ́ ŋwə bwaŋnə nə, bwaŋnə buꞌ yizii Yeso Kristo, wuu Nazaret, faŋ viŋ nə bèy ŋwə fuu fəŋkɔꞌ fə ŋkɨꞌsə. Nwi yweysə ŋwə fɨ shɨ yiku.

Akts 5:31

Nwi yweysə ŋwə fɨ shɨ yiku maa wutə ki, yɨ̀ laa ŋwə luu tɔ, baa luu wuu məbweysə vɨɨ, maa məkɔ jɨɨ tɨ́ vɨɨ Isirayl, tɨ́ kɨ kaꞌ vəŋ bìŋ nu bwə vəŋ, kwìinə fwisə vəŋ, Nwi ndenə yibɨsə vəŋ.

Roma 1:4

Ŋwə lùu wee Nwi buꞌ wutə Nwi nə Zwitə Ley ŋkɨə faŋ ŋkə lùu taa ŋwaa ŋwə. Nwi nùŋsə ŋwə maa ŋwiŋ wi, buꞌ faŋ ŋwə nə ywèysə ŋwə fɨ shɨ yiku. Wee Nwi ghɔ́ lùu tɨta ŋwaa-nsiŋ Yeso Kristo,

Roma 8:34

Sii kaꞌ shia ndə shia nsɔꞌ tɔ vəŋ? Yeso Kristo nə kù tɔ nsiŋ, baa yɨ̀sə nu faŋ ŋkə shɔ̀ɔ yiŋkii. Nu kɔ́ lùu laa ŋwə nə ywèy fɨ shɨ yiku. Ŋwə baa dùꞌ maa kwiŋ Nwi maꞌnə, bəŋsə vənu vaŋ-nsiŋ ghɔ Nwi.

Efesɔs 1:3

Nsiŋ kɨ bəŋsə Nwi, tɨɨ tɨta ŋwaa-nsiŋ Yeso Kristo, faŋ ŋwə nə kɔ̀ ŋgwisə mənɔŋ-bwaŋnə yinshə tɨ́ nsiŋ, kɔ vənu və Zwitə Ley Nwi faŋ mbə lùu taa yizɔ tɨ́ nsiŋ fɨ jɨŋ Kristo.

Filipi 3:10

Nɨniŋ, nu ŋkɨə faŋ mə kəə ŋkə, luu sheꞌ laa mə kɨɨ nə Kristo, nə wutə ŋkɨə faŋ ŋkə jwi fɨ maa məywey wi fɨ shɨ yiku. Mə baa kəə laa kaꞌ mə baa luu yè fɨ maa ŋɨꞌ yi, faŋ ŋwə nə yè nə. Mə biŋ ŋkee maa məku, sheꞌ faŋ ŋwə nə biŋ yiku nə.

Kɔlɔsii 1:16

Nwi nə shɔ̀ɔ fɨ maa ŋwə, bɔ̀ŋ vətɔ vənshə faŋ mbə lùu yizɔ, nə mbɨə fɨ shɨ nsi, vətɔ mbɨə faŋ kaꞌ vɨɨ yè nə sɨ, nə mbɨə faŋ kaꞌ vɨɨ kee yè nə sɨ me. Vɨɨ məsɔꞌ mbi vənshə, mbɨə taa yizɔ, nə mbɨə shɨ nsi, baa nə vəzwitə nə vəwutə vənshə, fa tɨ̀ me fa faŋ Nwi nə bɔ̀ŋ, Nwi nə shɔ̀ɔ fɨ ghɔ ŋwiŋ wi, bɔ̀ŋ mbə. Nɨniŋ, vətɔ vənshə ndɔ̀ fɨ ghɔ Kristo, baa lùu shɔ sheꞌ tɨ́ ŋwə.

Kɔlɔsii 3:1

Mə duꞌtə mə gì tɨ́ viŋ laa Nwi ywèysə viŋ fɨ ghɔ yiku, viŋ vɨ Kristo mɔ́ꞌ. Nɨniŋ, viŋ tə sɨ ghiŋ maa vətɔ mbɨə faŋ mbə lùu yizɔ, shəŋ ŋkɨə faŋ Kristo lùu shɔ nə. Ŋwə dùꞌ shɔ maa kwiŋ maꞌnə Nwi.

Hibru 1:3

Wee Nwi ghɔ́ lùu məley Nwi; wutə Nwi taa ŋwaa ŋwə. Ŋkɨꞌnə yi lùu yaa njyə Nwi. Kìi ŋwə kìi wutə maa mbi yinshə sheꞌ fɨ maa yigisə yi. Ŋwə lòotə jɨɨ, sɔ̀ yibɨsə vɨɨ laa vəŋ ley. Ŋwə baa luu koꞌ gə̀ yizɔ, dùꞌ maa kwiŋ maꞌnə Nwi, faŋ ŋwə sɔ̀ꞌ vətɔ vənshə.

Hibru 10:12

Gə fɨ maa Yeso Kristo, ŋwə nə fèꞌ ndey sheꞌ yimuꞌ faŋ nyə kìi wutə maa məbaꞌsə yibɨsə vɨɨ yighee muꞌ. Ŋwə kɨ nii gə̀ dùꞌ fuu ŋkaw kwi maa kwiŋ Nwi maꞌnə.

Hibru 13:20

Nwi faŋ ŋwə kɔ məduꞌ-nyɔŋ ywèysə tɨta ŋwaa-nsiŋ Yeso Kristo fɨ shɨ yiku. Yeso luu nshii nyaa-nsiŋ faŋ ŋwə shii vɨɨ vənshə. Nə luu mənshi mə Yeso faŋ Nwi nə ndì, yɨ̀sə laa məkee mbɨə faŋ Nwi nə kɔ̀ꞌnə tɨ́ nsiŋ nə, weꞌ gòꞌsə yighee muꞌ.

Hibru 2:9

Nsiŋ kɔꞌ kɨɨ nə Yeso faŋ Nwi nə yɨ̀sə nshiisə-ŋiisə Nwi luu vɨsɨ fɨ ghɔ ŋwə maa kuŋtə yighee, faŋ ŋwə nə yè ŋɨꞌ ku, buu Nwi kɔ yifwàŋ nə feenə tɨ́ ŋwə nə. Nɨniŋ nə, ŋwə nə kù tɔ vɨɨ vənshə, buꞌ faŋ Nwi nə kèe gəŋsə vɨɨ nə.

1 Pita 1:3

Nsiŋ kɨ bəŋsə Nwi, tɨɨ Yeso Kristo, faŋ luu mbweysə nyaa-nsiŋ. Nwi nə kèe gəŋ saŋ-nsiŋ dɨdɨꞌ, faŋ ŋwə nə kɔ̀ məbwey fi tɨ́ nsiŋ, buꞌ faŋ ŋwə nə ywèysə Yeso fɨ shɨ yiku. Nɨniŋ, kaꞌ nsiŋ kɨ̀ꞌ məbwey vəlwaŋ nə məŋaytə.

Reveleyshən 1:17

Mə kɨ ye ŋwə, gù ghuu ŋwə yaa ŋku wə. Ŋwə mɔꞌ ghɔ ki maꞌnə maa mə, gì laa, «Kɨ ghɔ fee me, lùu mə, faŋ mə nə luu vɨsɨ, baa lùu yiba,