Efesɔs 1:18 - Vengo (Babungo)

¹⁸ Mə baa buꞌ ghɔ tɨ́ Nwi, laa ŋwə yɨsə sɨ ghiŋ ŋaꞌsə, tɨ́ kaꞌ viŋ kɨ̀ɨ nə ŋiꞌ nu ŋkɨə faŋ ŋwə tìi viŋ shɔ nə, ndɔ kɨɨ laa məbwey vəlwaŋ faŋ ŋwə kɔ̀ꞌnə tɨ́ vɨɨ vi nə, luu ŋkee nu jəə.

Efesɔs 1:18 ပူးပေါင်းရင်းမြစ်များ

Matiu 13:15

buꞌ laa fwisə ŋgwisə vɨɨ və̀ fɨ̀; vəŋ zɔ nə tuulə vəŋ dɨdu, shitə sɨ vəŋ, laa kɨ vəŋ ye nə sɨ vəŋ me, kee zɔ̀ nu nə tuulə vəŋ me, kee kɨ̀ɨ nə ŋiꞌ nu, kwìinə fwisə vəŋ, tɨ́ kaꞌ mə bwèysə vəŋ me.»

Mark 10:17

Yeso kɨ nii fùu fu, zìꞌ jɨɨ, wə mɔ́ꞌ nyɨŋ jwì, tùŋ vətɔ vəyəə vi nsi vɨsɨ ŋwə, bìtə tɨ́ ŋwə laa, «Tɨta, a lùu wuu jəə. Mə kəə bitə tɨ́ ghɔ laa, mə sii taa yɨ kə buu zɨ məbwey vəlwaŋ faŋ ŋwə gòꞌsə yighee muꞌ?»

Lukas 24:45

Nɨniŋ, ŋwə nə ŋaꞌsə fwisə vəŋ maa məkɨɨ nə yigisə Nwi.

Akts 16:14

Taa ŋwaa vɨɨ vɔ́ faŋ vəŋ nə bàytə yifi, zɔ̀ nu ŋkɨə faŋ Pɔɔl nəə gisə nə, wəzwi mɔ́ꞌ nə luu shɔ, yizii yi luu Lidia. Ŋwə nə ndɔ̀ fɨ shɨ Tiateyra. Ŋwə nə luu wuu məbeꞌlə njwisə baysə, ndɔ̀ lùu wuu məbəŋsə Nwi. Ŋwə zɔ yigisə Pɔɔl, Nwi ŋaꞌsə fwi yi laa ŋwə zɔ yigisə Pɔɔl nə fwi yiley.

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Roma 11:29

Lùu nɨniŋ buꞌ laa kaꞌ Nwi kee baa twèy nu ŋkɨə faŋ ŋwə nə kèe gəŋsə vɨɨ, tii vəŋ nə mbii vɨɨ nə me.

Roma 2:4

A manə fwi yijəə Nwi, faŋ ŋwə jia fwi yi, ghəəsə fwi yi. A kee kɨɨ laa luu Nwi weꞌ maa vənu vɔ́ yimu? Fwi yijəə yi kəə laa a kwiinə fwi yə.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

Galatia 5:5

Gə fɨ maa yia, yia nùŋ fwi sia maa wutə Zwitə Nwi, kɨꞌ laa Nwi ndi yia yaa vɨɨ loomə vɨsɨ ŋwə, buꞌ laa yia nùŋ fwi sia maa Kristo.

Efesɔs 1:11

Nwi, faŋ ŋwə yɨsə vənu vənshə faŋ ŋwə nə gì fɨ taa fwi ŋwə, baa shòꞌ nsiŋ maa mbii vɨɨ fɨ yiba jɨŋ Kristo, buꞌ ŋkitə Nwi maa nu ŋkɨə faŋ ŋwə nə nùŋ, shù fɨ maa vənzi.

Efesɔs 1:7

Ŋwiŋ wi ghɔ́ nə kù tɔ nsiŋ, yɨ laa nsiŋ fuu fɨ taa nsɔꞌ Nwi buꞌ mənshi mi. Nwi ndenə yibɨsə nyaa-nsiŋ, buꞌ faŋ ŋwə kèe gəŋ saŋ-nsiŋ dɨdɨꞌ.

Efesɔs 2:12

Nə luu maa yighee yɔ́, viŋ vɨ Kristo kee lùu nə nu me. Viŋ nə luu vətɔŋ taa nu vɨɨ Isirayl, kee ŋìi taa məkee mbɨə faŋ Nwi nə gwìa ghɔ vɨ vɨɨ Isirayl me, faŋ Nwi nə kɔ̀ꞌnə vənu tɨ́ vəŋ nə me. Viŋ nə dùꞌ sheꞌ fu, kee kɨꞌ nu jəə faŋ ŋkə taa jwi nə me, kee bee lùu viŋ vɨ Nwi me.

Efesɔs 3:16

Faŋ yikwalə Nwi lùu yiyaŋ dɨdɨꞌ nə, mə buꞌ ghɔ tɨ́ ŋwə laa ŋwə yɨsə Zwitə ki kuꞌsə wutə maa viŋ, tɨ́ kaꞌ fwi siŋ weꞌ maa nu ki.

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

Efesɔs 4:1

Nɨniŋ, mə Pɔɔl, faŋ mə ŋìi mfiŋ buꞌ yizii tɨta Yeso nə, mə tɨsə viŋ laa viŋ kɨ toꞌ ghuu yitoꞌ kiŋ faŋ ŋkə kùꞌnə maa vənu mbɨə faŋ Nwi nə tìi viŋ shɔ nə.

Efesɔs 4:4

Nwaa Kristo luu muꞌ, Zwitə Nwi luu kəmuꞌ, sheꞌ faŋ nu ŋkɨə faŋ viŋ tə sɨ shɔ nə, lùu kəmuꞌ nɨzi. Nwi nə tìi viŋ maa nu kɔ́ kəmuꞌ nə.

Efesɔs 5:8

Nə luu maa yighee vɨsɨ, viŋ luu vɨɨ taa mfiŋsə. Luu ndwə, viŋ lùu vɨɨ taa məley buꞌ tɨta Yeso. Nɨniŋ, viŋ kɨ toꞌ yaa vaŋ taa məley.

Filipi 3:14

Mə taa kɔꞌ kɨ gɨgə vɨsɨ, luu ye ndwəsə shəŋ ŋkɨə faŋ mə tə̀ sɨ shɔ nə, tɨ́ kaꞌ mə ndɔ kii vəkeynə mbɨə faŋ Nwi nə tìi mə, laa mə ndɔ kii mbə taa nu yifwàŋ ki buꞌ Yeso Kristo.

Kɔlɔsii 1:12

Viŋ kɨ bwaŋ Tii ŋwaa-nsiŋ fɨ yizɔ nə məŋaytə! Yɨsə ŋwə buu viŋ kùꞌnə laa viŋ ndɔ zɨ vənu mbɨə faŋ ŋwə nə nùŋsə tɨ́ vɨɨ vi maa shəŋ ŋkɨə faŋ məley Nwi bee shɔ nə.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:27

Ŋkə nə bàw tɨ́ Nwi laa Nwi yɨsə laa vɨɨ vi kɨɨ faŋ yigi yɔ́ dùꞌ, baa kwàlə shɔ̀ɔ. Nyə kìi sey kwalə tɨ́ vɨɨ məshɨ məshɨ. Nu kwalə kɔ́ lùu laa Kristo shi taa fwisə viŋ. Nɨniŋ, viŋ kɨ nii tə̀ sɨ maa vəkeynə və Nwi faŋ mbə kwalə shɔ̀ɔ.

Kɔlɔsii 1:5

buꞌ laa viŋ kɨꞌ vənu mbɨə faŋ Nwi nùŋsə tɨ́ viŋ yizɔ. Nə yɨ̀sə yigisə Nwi kɔ̀ŋ Yeso Kristo, faŋ luu ŋkee nu yinsəŋ, buu viŋ zɔ kɔ̀ŋ vənu vɔ́ faŋ Nwi nùŋsə tɨ́ viŋ yizɔ nə.

Kɔlɔsii 2:2

Mə kɨɨtə, tɨ́ kaꞌ fwi siŋ weꞌ, baa nə laa viŋ kɨ kawnə yiŋwaa yiŋ, gù fa kəmuꞌ, baa nə laa viŋ ndɔ kii ŋkee tɔ ley maa nu Nwi, kɨ̀ɨ nə ŋiꞌ nu Nwi ŋkee jəə, faŋ ŋkə nə ndènə fɨ ghɔ vɨɨ nə. Ŋiꞌ nu Nwi kɔ́ luu sheꞌ nu Kristo, wuu məbweysə ŋwaa-nsiŋ.

Kɔlɔsii 3:15

Viŋ kɨ yɨsə laa mənɔŋ-bwaŋnə faŋ ŋwə ndɔ̀ fɨ ghɔ Kristo, shiinə viŋ maa vənu vənshə faŋ viŋ yɨsə, buꞌ laa Nwi nə tìi viŋ laa viŋ jwi dùꞌ nyɔŋ, lùu yaa ŋwaa wi muꞌ, kɨ bwaŋ Nwi shɔ ghee nshə.

1 Tesalonika 2:12

Yia nəə bwasə fwi siŋ, kwàŋ wutə maa viŋ, kɨ tɨsə viŋ maa məshi nshinə njyə faŋ nyə kùꞌnə tɨ́ Nwi, faŋ ŋwə tìi viŋ taa nu yifwàŋ ki, faŋ ŋkə bàw yaa ŋwə.

1 Tesalonika 5:8

Gə fɨ maa nsiŋ, faŋ nsiŋ lùu vaŋ shi kɔ́ nə, bàw nsiŋ jia fwi saŋ-nsiŋ, mɔ̀ꞌ məbiŋ nə ŋkawnə yaa njwi yighaw faŋ nyə shiinə nsiŋ fɨ ghɔ nu bwə. Nsiŋ kɨ kɨꞌ məbwey vəlwaŋ. Məkɨꞌ məbwey ghɔ́ lùu yaa yisɔꞌ vəsogeꞌ tɨ́ nsiŋ, shìtə nsiŋ fɨ ghɔ zwitə bwə.

2 Tesalonika 1:11

Nɨniŋ, yia buꞌ ghɔ tɨ́ Nwi tɔ viŋ ghee nshə, laa ŋwə yɨsə viŋ kuꞌnə maa məndɔ zɨ məbwey vəlwaŋ faŋ ŋwə nə tìi viŋ shɔ nə, baa nə laa ŋwə ndɔ gaŋtə viŋ maa məmetə vənu vəjəəvə vənshə faŋ viŋ kàw maa məyɨsə, nə vəfaꞌ vənshə faŋ viŋ faꞌ nə wutə ki, buꞌ faŋ viŋ nùŋ fwi siŋ maa Kristo nə.

2 Tesalonika 2:16

Nshɨ-tɔ tɨta ŋwaa-nsiŋ Yeso Kristo nə tɨta Nwi faŋ ŋwə nə kàw nsiŋ, kèe gəŋ saŋ-nsiŋ, bàwsə fwi saŋ-nsiŋ, nsə kuꞌnə yighee muꞌ nə, yɨsə nsiŋ kɨ kɨꞌ ŋkee nu jəə.

1 Timoti 6:12

Kɨ̀ saŋ ŋwaa maa nu ŋkɨə faŋ a nùŋ fwi yə maa Kristo nə, fi məbwey vəlwaŋ faŋ Nwi tìi ghɔ shɔ nə, faŋ a nə biŋ jəə yikəꞌ vɨɨ vənshə, vəŋ zɔ.

Taytəs 2:13

Nsiŋ kɨ kɨꞌ nu mənɔŋ-bwaŋnə Nwi, faŋ ŋwə ndɔ kɔ məbwey vəlwaŋ tɨ́ nsiŋ, baa kɨꞌ yighee njyə faŋ feenə Nwi, faŋ luu ŋkee Nwi kwalə nə, ndɔ fuu ghɔ Yeso Kristo, wuu məbweysə ŋwaa-nsiŋ,

Taytəs 3:7

Ŋwə nə yɨsə nɨniŋ tɨ́ kaꞌ vənu vaŋ-nsiŋ lùu vəloomə sɨ Nwi, buꞌ faŋ Kristo kee gəŋ saŋ-nsiŋ, gaŋtə nsiŋ nə. Ŋwə baa bweysə nsiŋ laa nsiŋ kɨ kɨꞌ məbwey vəlwaŋ faŋ nsiŋ ndɔ zɨ, buꞌ faŋ nsiŋ lùu vaŋ vi nə.

Hibru 10:32

Viŋ lumə yighee njyə faŋ viŋ nə fɔŋ bìŋ nu Kristo nə. Maa yighee yɔ́ viŋ nə ye ŋɨꞌ buꞌ nu Kristo dɨdɨꞌ. Luu nə, viŋ nə kà fwi yiŋ, tɨ̀ŋnə weꞌ.

Hibru 6:4

Viŋ kɔꞌ kɨɨ laa, wə kɨ luu kɨ̀ɨ nə nu Nwi, kɨ̀ɨ nə Yeso, wuu məbweysə ŋwaa-nsiŋ, baa fì Zwitə Ley Nwi,

1 Pita 1:3

Nsiŋ kɨ bəŋsə Nwi, tɨɨ Yeso Kristo, faŋ luu mbweysə nyaa-nsiŋ. Nwi nə kèe gəŋ saŋ-nsiŋ dɨdɨꞌ, faŋ ŋwə nə kɔ̀ məbwey fi tɨ́ nsiŋ, buꞌ faŋ ŋwə nə ywèysə Yeso fɨ shɨ yiku. Nɨniŋ, kaꞌ nsiŋ kɨ̀ꞌ məbwey vəlwaŋ nə məŋaytə.

1 Pita 3:9

Kɨ luu wə yɨsə nu bwə maa viŋ, kɨ viŋ bəŋsə nə nu bwə me! Kɨ viŋ bəŋsə ndi maa ndi me! Viŋ kɨ tu sheꞌ mənɔŋ-bwaŋnə tɔ vɨɨ, buꞌ laa Nwi tii viŋ, laa viŋ kɨ yɨsə nɨniŋ, ndɔ zɨ məbwey vəlwaŋ nɨzi.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.