Efesɔs 1:15 - Vengo (Babungo)

¹⁵ Nɨniŋ, shù fɨ nə faŋ mə nə zɔ laa viŋ nùŋ fwi siŋ maa tɨta Yeso, baa nə laa viŋ kɨ kaw vaŋ-nshwi viŋ vɨɨ Nwi,

Efesɔs 1:15 ပူးပေါင်းရင်းမြစ်များ

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

Roma 1:8

Mfɔŋ nu lùu laa mə bwaŋ Nwi buꞌ viŋ vənshə maa yizii Yeso Kristo, buꞌ laa vɨ gisə kɔ̀ŋ viŋ taa mbi yinshə, faŋ viŋ nùŋ fwi siŋ maa Yeso Kristo, weꞌ shɔ.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Efesɔs 1:1

Lùu mə, Pɔɔl, faŋ mə tɔ̀ŋ ŋwaꞌlə ŋwə̀ tɨ́ vɨɨ Kristo fɨ shɨ Efesɔs, faŋ vəŋ nùŋ fwisə vəŋ maa Yeso Kristo. Nə shòꞌ Nwi shòꞌ mə, yɨ̀ laa mə kiasə gù wuu ntɔŋ Kristo.

Efesɔs 3:18

Viŋ tɨ̀ŋ nɨniŋ taa ŋkawnə Nwi, buu kaꞌ viŋ kɨ̀ɨ nə nu Nwi, viŋ vɨ vɨɨ Nwi vənshə, baa kɨɨ faŋ ŋkə luu ŋkee nu kwalə maa jɨɨsə sənshə.

1 Tesalonika 1:3

Yia kɨ lumə vəfaꞌ vəjəəvə viŋ faŋ viŋ faꞌ buꞌ məbiŋ wiŋ maa Nwi, baa nə vənu vəjəəvə viŋ faŋ viŋ yɨsə fɨ taa ŋkawnə, baa lumə faŋ viŋ jìa fwi, kɨ̀ꞌ tɨta ŋwaa-nsiŋ Yeso Kristo maa yizii Nwi, faŋ lùu Tii ŋwaa-nsiŋ nə.

1 Tesalonika 4:9

Gə fɨ maa nu məkaw yiŋwaa yiŋ, ŋkə kee lùu nu faŋ mə taa baa nyɔꞌ tɨ́ viŋ me, buꞌ laa nshɨ-tɔ Nwi deesə viŋ maa məkaw yiŋwaa yiŋ, viŋ viŋ.

2 Tesalonika 1:3

Vaŋ-nshwi via, bàw yia kɨ bwaŋ Nwi buꞌ viŋ ghee nshə. Ŋkə kùꞌnə maa məyɨ nɨniŋ, buꞌ laa viŋ wèꞌ maa nu ŋkɨə faŋ viŋ nùŋ fwi siŋ shɔ nə. Ŋkawnə yiŋ faŋ viŋ vənshə kaw nə yiŋwaa yiŋ, viŋ viŋ, baa lùu yiyaŋ, gə vɨsɨ vɨsɨ nɨzi.

1 Timoti 1:14

Nɨniŋ, gəŋsə tɨta ŋwaa-nsiŋ, Yeso Kristo, faŋ ŋwə kèe gəŋ saŋ nə, shɔ̀ɔ ki, yɨsə mə nuŋ fwi nyaa maa ŋwə, kàw ŋwə.

1 Timoti 1:5

Ŋkee ŋiꞌ nu Nwi lùu laa, nsiŋ kɨ kaw nə yiŋwaa nyaa-nsiŋ nə fwi yiley. Nsiŋ kii ŋkawnə yɔ́ faŋ nu kaŋ-nsiŋ lùu kəley, buꞌ faŋ nsiŋ nùŋ fwi saŋ-nsiŋ maa Kristo ŋkee maa yinsəŋ.

Filemon 1:5

Mə bwaŋ Nwi buꞌ laa mə zɔ laa a nùŋ fwi yə maa tɨta Yeso, baa kaw ŋwə, ndɔ kaw vɨɨ ley Nwi vənshə.

Hibru 6:10

Nwi kee lùu wuu məseesə mbi me. Kaꞌ ŋwə kee ndenə vənu vəjəəvə viŋ faŋ viŋ nəə yɨsə nə me, faŋ viŋ nə də ŋkawnə yiŋ tɨ́ vɨɨ ley Nwi, gàŋtə vəŋ maa yizii Nwi, nə faŋ viŋ kɨ gɨgaŋtə vəŋ nə.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Jɔn 3:17

Wə ntɨə faŋ ŋwə kìi vətɔ, yè weenshu wi faŋ ŋwə kee yikii me, kee kɨ kee gəŋ si me, buu kɨ kaꞌ ŋwə jìa nu ŋkawnə Nwi kɨkə?

1 Jɔn 4:21

Maa ntɨ njyə faŋ Yeso nə tɨ nsiŋ shɔ nə, lùu laa, wə ntɨə faŋ ŋwə kaw Nwi, kɨ kaw weenshu wi nɨzi.