Efesɔs 1:11 - Vengo (Babungo)

¹¹ Nwi, faŋ ŋwə yɨsə vənu vənshə faŋ ŋwə nə gì fɨ taa fwi ŋwə, baa shòꞌ nsiŋ maa mbii vɨɨ fɨ yiba jɨŋ Kristo, buꞌ ŋkitə Nwi maa nu ŋkɨə faŋ ŋwə nə nùŋ, shù fɨ maa vənzi.

Efesɔs 1:11 ပူးပေါင်းရင်းမြစ်များ

Akts 13:48

Vɨɨ mbɨə faŋ vəŋ nə kee lùu vɨɨ Jus me, zɔ nu kɔ́, ŋàytə, bə̀ŋsə nu Nwi. Vɨɨ vənshə faŋ Nwi nə shoꞌ laa vəŋ ndɔ zɨ məbwey vəlwaŋ, kɨ nii kìasə gù vɨɨ məbiŋ nu Kristo.

Akts 2:23

Nwi nə duꞌtə Nwi nuŋsə taa ŋkɨɨ Nwi laa, vɨ kɔ̀ Yeso tɨ́ viŋ, viŋ yɨ laa vɨɨ faŋ vəŋ kee kɨɨ nə ntɨsə Nwi me, bey ŋwə fuu fəŋkɔꞌ fə ŋkɨꞌsə, zwi ŋwə shɔ.

Akts 20:27

buꞌ laa mə nə nàysə nu Nwi tɨ́ viŋ kənshə, kee mèꞌtə tuu nu faŋ ŋkə lùu taa ŋkɨɨ Nwi me.

Akts 20:32

Fɨ taa nɨniŋ ndwə, mə mèꞌtə viŋ taa ghɔ tɨta Nwi. Viŋ kɨɨ nə nu gəŋsə Nwi, faŋ ŋkə kìi wutə maa məyɨsə viŋ weꞌ maa nu Nwi, kɨ gə nə vɨsɨ. Wutə ki baa lùu shɔ maa məgaŋtə viŋ, laa viŋ ndɔ zɨ məbwey vəlwaŋ faŋ Nwi ndɔ kɔ tɨ́ vɨɨ ley vi.

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Akts 4:28

Vəŋ yɨ̀sə vənu vənshə faŋ a nə nùŋsə maa wutə kə nə ŋkɨɨ yə laa ŋkə ndɔ gay.

Roma 11:34

«Sii kɨ̀ɨ ndə nə nu ŋkɨə faŋ tɨta Nwi bɨꞌtə? Sii kaꞌ tɨ̀ ndə tɨ ŋwə?»

Roma 8:17

Faŋ nsiŋ lùu vaŋ Nwi nə, buu nsiŋ ndɔ zɨ vətɔ fɨ ghɔ ŋwə nɨzi. Nsiŋ ndɔ zɨ vətɔ vɔ́, nsiŋ vɨ Kristo mɔ́ꞌ. Nsiŋ kɨ luu ŋìi taa ŋɨꞌ nsiŋ vɨ Kristo mɔ́ꞌ, buu nsiŋ ndɔ kii feenə Nwi nsiŋ vɨ Kristo mɔ́ꞌ nɨzi.

Roma 8:28

Nsiŋ kɔꞌ kɨɨ laa vənu vənshə ndɔ kɨ fuu vəjəə tɨ́ vɨɨ mbɨə faŋ vəŋ kaw Nwi, faŋ Nwi tìi maa njii ŋkitə.

Roma 8:29

Lùu nɨniŋ buꞌ laa vɨɨ mbɨə faŋ Nwi nə kɨ̀ɨ nə vəŋ shù fɨ yighee vɨsɨ nə, ŋwə nə nùŋsə vəŋ laa vəŋ ndɔ fɨnə ŋwiŋ wi. Nɨniŋ laa ŋwiŋ wi ghɔ́ kìi vaŋ-nshwi vi vəyaŋ, baa lùu nshɔɔ vɨsɨ vəŋ.

Roma 8:30

Vɨɨ mbɨə faŋ ŋwə nə nùŋsə vəŋ nɨniŋ fɨshi nə, ŋwə kɨ nii tìi vəŋ nɨzi, laa vəŋ gù vɨɨ vi. Vɨɨ mbɨə faŋ ŋwə tìi vəŋ nɨniŋ nə, ŋwə kìasə nu vəŋ, ŋkə loomə. Vɨɨ mbɨə faŋ ŋwə kiasə nu vəŋ, ŋkə loomə nə, ŋwə yɨ̀sə vəŋ baw shɨlə.

Roma 9:11

faŋ vaŋ vɔ́ nəə kɨ bii taa njyoꞌ ŋwə, kee bee ta yɨ̀ nu jəə me, tɨꞌnə me nu bwə me, Nwi nə shòꞌ wə muꞌ fɨ taa ŋwaa vəŋ. Nɨniŋ laa vɨ kɨ ye laa Nwi yaa kɨ shoꞌ wə ntɨə faŋ ŋwə kàw.

Galatia 3:18

Nwi nəə toꞌ kɔ məbwey vəlwaŋ tɨ́ vɨɨ buꞌ faŋ vəŋ nùŋsə ntɨsə, buu ŋkə də̀ laa ŋkə nə kee ndɔ̀ fɨ maa ŋkɔꞌnə yi me. Luu nə, ŋkə nə luu buꞌ ŋkɔꞌnə njyə faŋ Nwi nə kɔ̀ꞌnə tɨ́ Abraham, laa ŋwə nə kìisə kɔ̀ nu jəə kɔ́ tɨ́ Abraham.

Efesɔs 1:14

baa luu mfɔŋsə vətɔ faŋ nsiŋ ndɔ zɨ. Zwitə Ley kɔ́ baa luu shwenə faŋ ŋkə də̀ laa Nwi ndɔ yweysə nwaa vɨɨ vi, tɨ́ la vɨ kɨ bəŋsə yikwalə Nwi.

Efesɔs 1:18

Mə baa buꞌ ghɔ tɨ́ Nwi, laa ŋwə yɨsə sɨ ghiŋ ŋaꞌsə, tɨ́ kaꞌ viŋ kɨ̀ɨ nə ŋiꞌ nu ŋkɨə faŋ ŋwə tìi viŋ shɔ nə, ndɔ kɨɨ laa məbwey vəlwaŋ faŋ ŋwə kɔ̀ꞌnə tɨ́ vɨɨ vi nə, luu ŋkee nu jəə.

Efesɔs 1:5

shòꞌ nsiŋ shù fɨshi, laa nsiŋ ndɔ luu ŋkee vaŋ vi fɨ yiba jɨŋ Yeso Kristo. Ŋkə nə bàw tɨ́ ŋwə maa məyɨsə nɨniŋ,

Efesɔs 1:8

Ŋwə nə gaŋtə nsiŋ shɔ̀ɔ ki, kɔ̀ ŋgwisə yitɔfə tɨ́ nsiŋ, ŋàꞌsə sɨ ŋaa-nsiŋ,

Efesɔs 1:9

tɨ́ kaꞌ nsiŋ kɔꞌ kɨɨ nə nu ŋkɨə faŋ ŋkə lùu taa ŋkɨɨ Nwi, faŋ ŋkə nə ndènə fɨ yikəꞌ vɨɨ nə. Nu kɔ́ nə bàw tɨ́ ŋwə maa məyɨ nɨniŋ,

Efesɔs 3:11

Nɨniŋ, nu ŋkɨə faŋ ŋkə nə luu maa ŋkɨɨ Nwi, shù ŋkee fɨshi nə, ŋkə fuu ntee ndwə, faŋ ŋwə nə tɔ̀ŋ Yeso Kristo, tɨta ŋwaa-nsiŋ.

Kɔlɔsii 1:12

Viŋ kɨ bwaŋ Tii ŋwaa-nsiŋ fɨ yizɔ nə məŋaytə! Yɨsə ŋwə buu viŋ kùꞌnə laa viŋ ndɔ zɨ vənu mbɨə faŋ ŋwə nə nùŋsə tɨ́ vɨɨ vi maa shəŋ ŋkɨə faŋ məley Nwi bee shɔ nə.

Kɔlɔsii 3:24

Viŋ kɔꞌ kɨɨ laa tɨta Yeso Kristo ndɔ ndɔꞌ viŋ, faŋ viŋ ndɔ zɨ məbwey vəlwaŋ fɨ ghɔ ŋwə, buꞌ laa viŋ lùu vɨɨ faꞌ Kristo nə.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Taytəs 3:7

Ŋwə nə yɨsə nɨniŋ tɨ́ kaꞌ vənu vaŋ-nsiŋ lùu vəloomə sɨ Nwi, buꞌ faŋ Kristo kee gəŋ saŋ-nsiŋ, gaŋtə nsiŋ nə. Ŋwə baa bweysə nsiŋ laa nsiŋ kɨ kɨꞌ məbwey vəlwaŋ faŋ nsiŋ ndɔ zɨ, buꞌ faŋ nsiŋ lùu vaŋ vi nə.

Hibru 6:17

Sheꞌ nɨniŋ, Nwi nəə kəə də̀ tɨ́ vɨɨ mbɨə faŋ Nwi nə kɔꞌnə vəŋ nə, laa yi taa kɔ fa ŋkɨə faŋ yi kɔ̀ꞌnə tɨ́ vəŋ nə, kee kwìinə fwi yi me. Nɨniŋ, ŋwə lɨꞌtə nu ŋkɨə faŋ ŋwə kɔ̀ꞌnə nə.

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.

1 Pita 1:4

Ŋwə bì nsiŋ nə nshinə yifi, laa nsiŋ kɨꞌ vətɔ mbɨə faŋ nsiŋ ndɔ zɨ yinsəŋ. Vətɔ vɔ́ kaꞌ mbə kee ndɔ shuu me, kee bɨ me, kee mè me. Nwi nùŋsə vətɔ vɔ́ yizɔ tɨ́ viŋ,

1 Pita 3:9

Kɨ luu wə yɨsə nu bwə maa viŋ, kɨ viŋ bəŋsə nə nu bwə me! Kɨ viŋ bəŋsə ndi maa ndi me! Viŋ kɨ tu sheꞌ mənɔŋ-bwaŋnə tɔ vɨɨ, buꞌ laa Nwi tii viŋ, laa viŋ kɨ yɨsə nɨniŋ, ndɔ zɨ məbwey vəlwaŋ nɨzi.