Efesɔs 1:10 - Vengo (Babungo)

¹⁰ faŋ yighee ndɔ kɨ kuꞌ nə. Maa yighee yɔ́ ŋwə nə tɔ̀ŋ Kristo laa ŋwə baytə vətɔ vənshə faŋ mbə lùu yizɔ, nə mbɨə faŋ mbə lùu nsi, laa Kristo ndɔ sɔꞌ mbə vənshə.

Efesɔs 1:10 ပူးပေါင်းရင်းမြစ်များ

Matiu 25:32

Vɨ kɨ nii bàytə vɨɨ vənshə fɨ taa mbi vɨsɨ ŋwə, ŋwə gaasə vəŋ sheꞌ faŋ nshii bisə yaa kɨ gaasə bisə-njɨɨ ghɔ vɨ bisə-ndaw.

Mark 1:15

«Yighee njyə faŋ Nwi ndɔ jwì sɔꞌ vɨɨ maa nshɨ-tɔ wi lùu nshənə. Nɨniŋ, viŋ kwiinə fwi siŋ, biŋ ntɔŋ yijəə yɔ́.»

1 Kɔrintian 10:11

Vənu mbɨə faŋ mbə nə gày maa vɨɨ vɔ́ yighee vɨsɨ nə, lùu shwenə tɨ́ vɨɨ laa vəŋ kɨ tɔfə. Vɨ nə nyɔ̀ꞌ taa ŋwaꞌlə maa məyɨ laa nsiŋ kɨ̀ɨ fɨ ntaŋ, faŋ nsiŋ shì maa yighee nyə̀ faŋ vəndwə və mbi lùu nshənə.

1 Kɔrintian 11:3

Luu nə, nu mɔ́ꞌ lùu shɔ faŋ mə kəə tɨ viŋ, laa Kristo lùu tɔ tɨ́ vəndɔŋ vənshə, wəndɔŋ luu tɔ tɨ́ wəzwi; Nwi lùu tɔ tɨ́ Kristo.

Galatia 4:4

Luu nə, Nwi kɨ nii tɔ̀ŋ ŋwiŋ wi taa mbi maa yighee njyə faŋ Nwi nə tə. Wəzwi mɔ́ꞌ gɔ ŋwə, bì ŋwə. Ŋwə nəə beꞌsə ntɨsə nsɨə faŋ Nwi nə kɔ̀ tɨ́ vɨɨ Jus nə nɨzi.

Efesɔs 1:22

Nwi nùŋsə mbi yinshə ghɔ Kristo, laa ŋwə sɔꞌ mbi yinshə, baa yɨ̀sə ŋwə luu tɔ vɨɨ məbiŋ Nwi. Kii ŋwə kìi vɨɨ Nwi vənshə, sheꞌ faŋ tɔ wə sɔ̀ꞌ ŋwaa wi nshə.

Efesɔs 2:15

Ŋwə nə ndìsə nuŋsə njyə faŋ Nwi nə kɔ̀ tɨ́ vɨɨ Isirayl, ndì kəŋ vɨɨ vɔ́ vəbɔɔ nə, kìasə vəŋ, vəŋ lùu fa kəmuꞌ ndwə fɨ yiba jɨŋ Kristo faŋ ŋwə nə fàynə yigisə vəŋ.

Efesɔs 3:15

faŋ ŋwə nə bɔ̀ŋ ŋgwisə vɨɨ vənshə fɨ taa yizɔ nə fɨ shɨ nsi, shù təzii təvəŋ.

Efesɔs 3:2

Maa viŋ nə zɔ kɔ̀ŋ ŋiꞌ faꞌ kaŋ maa məndeynə nu Nwi, faŋ Nwi nə nùŋsə mə shɔ nə, laa mə kɨ gisə nu ki, faŋ ŋwə gaŋtə vɨɨ shɔ nə, tɨ́ viŋ.

Kɔlɔsii 1:16

Nwi nə shɔ̀ɔ fɨ maa ŋwə, bɔ̀ŋ vətɔ vənshə faŋ mbə lùu yizɔ, nə mbɨə fɨ shɨ nsi, vətɔ mbɨə faŋ kaꞌ vɨɨ yè nə sɨ, nə mbɨə faŋ kaꞌ vɨɨ kee yè nə sɨ me. Vɨɨ məsɔꞌ mbi vənshə, mbɨə taa yizɔ, nə mbɨə shɨ nsi, baa nə vəzwitə nə vəwutə vənshə, fa tɨ̀ me fa faŋ Nwi nə bɔ̀ŋ, Nwi nə shɔ̀ɔ fɨ ghɔ ŋwiŋ wi, bɔ̀ŋ mbə. Nɨniŋ, vətɔ vənshə ndɔ̀ fɨ ghɔ Kristo, baa lùu shɔ sheꞌ tɨ́ ŋwə.

Kɔlɔsii 1:20

Nwi nə baa tə laa vɨɨ vənshə bəŋ jwì, gù fa kəmuꞌ, ghɔ vɨ Nwi, fɨ yiba Kristo. Nwi nə yɨ laa Kristo kù fuu fəŋkɔꞌ fə ŋkɨꞌsə, tɨ́ kaꞌ vətɔ vənshə fɨ yizɔ nə fɨ nsi kiasə, kee baa lùu vɨɨ mbeenə vi me, luu nə, gù vɨɨmba vi buꞌ mənshi mə Kristo faŋ ŋwə nə tùtə nə.

Kɔlɔsii 3:11

Viŋ kɨ kii nshinə yifi yɔ́, buu ŋkwiinə kee baa lùu shɔ taa ŋwaa viŋ me. Vɨɨ Griik kee baa lùu nɨŋkwiŋ fɨ ghɔ vɨɨ Jus me. Vɨɨ faŋ vɨ sɨ̀ɨtə vəŋ, kee baa lùu nɨŋkwiŋ fɨ ghɔ vɨɨ faŋ vɨ kee sɨ̀ɨtə vəŋ me. Vəndɔ nə vɨɨ fɨ taa gay kee baa lùu nɨŋkwiŋ fɨ ghɔ vɨɨ binə binə me. Buꞌ kee baa lùu nɨŋkwiŋ fɨ ghɔ wə faŋ ŋwə tɨ̀ŋ tɔ ŋwə me. Vɨɨ vənshə luu sheꞌ nɨndɨŋ. Nu kwalə luu sheꞌ Kristo faŋ ŋwə lùu taa vənu vənshə.

Hibru 1:2

Maa yighee ndwə, faŋ lùu yighee yiba, ŋwə gi yigi tɨ́ nsiŋ, nyə shɔɔ fɨ ghɔ ŋwiŋ wi. Nə luu ghɔ ŋwiŋ wi ghɔ́ faŋ Nwi nə bɔ̀ŋ mbi. Nwi nə baa shòꞌ ŋwə laa kìi ŋwə kìi vətɔ vənshə.

Hibru 11:40

Lùu nɨniŋ buꞌ laa Nwi nə bìa nu faŋ luu ŋkee nu jəə tɨ́ nsiŋ. Nwi nə bia laa ŋwə ndɔ ndi nsiŋ vɨ vəŋ, yɨ̀sə nsiŋ vənshə ndɔ zɨ məbwey vəlwaŋ shɨ Nwi.

Hibru 9:10

Ndeysə nə vəkɔ luu sheꞌ vətɔ və shɨ nsi. Mbə luu sheꞌ yaa nuŋsə yimɔ́ꞌ kɔ̀ŋ vətɔ vəzɨvə, nə vətɔ və mənu, nə ŋgunə məsɔ vətɔ. Nuŋsə yinshə lùu vənu və shɨ nsi faŋ mbə dùꞌ sheꞌ maa kuŋtə yighee, zìꞌ maa yighee njyə faŋ Nwi taa də jɨɨ yiday faŋ nyə bàw shɔ̀ɔ nuŋsə yɔ́.

1 Pita 1:20

Nwi nə nùŋsə ŋwə maa nu kɔ́, shù faŋ ŋwə nə kee ta zì maa məbɔŋ mbi me. Luu nə, ŋwə fuu ntee vɨsɨ vɨɨ sheꞌ maa yighee vəshə. Nu kɔ́ bàw tɨ́ viŋ,

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.