Kɔlɔsii 4:8 - Vengo (Babungo)

⁸ Mə tɔŋ ŋwə tɨ́ viŋ, tɨ́ kaꞌ ŋwə nàysə vənu via tɨ́ viŋ vənshə, baa nə laa ŋwə baa weꞌsə viŋ nɨzi maa nu Nwi.

Kɔlɔsii 4:8 ပူးပေါင်းရင်းမြစ်များ

1 Kɔrintian 4:17

Lùu ŋiꞌ nu ŋkɨə faŋ mə tɔ̀ŋ Timoti yɨ viŋ, ŋwə taa baa lumə tɨ́ viŋ, faŋ nshinə nyaa dùꞌ taa jɨɨ Yeso Kristo, nə vənu mbɨə faŋ mə deesə tɨ́ vɨɨ Nwi maa vəshəŋ vənshə. Timoti lùu ŋwiŋ ŋwaa taa nu Nwi, faŋ mə kàw ŋwə. Yia ŋwə lùu fa kəmuꞌ yia vɨ Yeso Kristo. Ŋwə faꞌ faꞌ Yeso Kristo nə fwi yimuꞌ.

2 Kɔrintian 1:4

Nwi boolə yia maa ŋɨꞌ yia yinshə, tɨ́ kaꞌ yia baa luu boolə vɨɨ mbɨə faŋ vəŋ lùu taa ŋɨꞌ nɨzi. Yia boolə vəŋ sheꞌ nə məboolə ŋgwə faŋ nshɨ-tɔ Nwi bòolə yia shɔ nə.

2 Kɔrintian 12:18

Faŋ mə nə bùꞌ ghɔ tɨ́ Titɔs, ŋwə jwi yɨ viŋ, ghɔ weenshu ŋwaa wuu Kristo mɔ́ꞌ, Titɔs nə kùŋ viŋ mu? Maa yia ŋwə faꞌ sheꞌ maa gɨ yimuꞌ, baa yɨsə vənu sheꞌ maa jɨɨ yimuꞌ.

2 Kɔrintian 2:7

Nɨniŋ, ŋkə bàw laa viŋ meꞌtə ŋwə ndwə, ndenə yibɨsə yi, kɨ boolə ŋwə, laa kɨ ŋɨꞌ shɔɔ wə ghɔ́, zɨ̀ ŋwə me.

Efesɔs 6:22

Mə tɔŋ ŋwə tɨ́ viŋ buꞌ nu kɔ́, laa viŋ kɨ̀ɨ nə nu kia, ŋwə baa kɨ bwasə fwi siŋ nɨzi.

Filipi 2:28

Nɨniŋ, ŋkə luu sheꞌ laa, mə taa tɔŋ ŋwə, ŋwə jwi yɨ viŋ yighee muꞌ, tɨ́ kaꞌ viŋ baa kɨ ŋaytə faŋ viŋ taa baa ye ŋwə. Nɨniŋ, məluŋ ŋwaa baa fasə.

Kɔlɔsii 2:2

Mə kɨɨtə, tɨ́ kaꞌ fwi siŋ weꞌ, baa nə laa viŋ kɨ kawnə yiŋwaa yiŋ, gù fa kəmuꞌ, baa nə laa viŋ ndɔ kii ŋkee tɔ ley maa nu Nwi, kɨ̀ɨ nə ŋiꞌ nu Nwi ŋkee jəə, faŋ ŋkə nə ndènə fɨ ghɔ vɨɨ nə. Ŋiꞌ nu Nwi kɔ́ luu sheꞌ nu Kristo, wuu məbweysə ŋwaa-nsiŋ.

1 Tesalonika 2:11

Viŋ kɔꞌ kɨɨ laa yia nəə yɨ nu maa wə nə muꞌ nə muꞌ fɨ wiŋ sheꞌ faŋ tɨɨ wee yaa kɨ yɨsə maa ŋwiŋ wi.

1 Tesalonika 3:2

Nɨniŋ, yia nə tɔ̀ŋ Timoti, faŋ lùu weenshu ŋwaa-nsiŋ, baa lùu wuu faꞌ Nwi faŋ yia vɨ vəŋ fɨꞌtə ntɔŋ yijəə Nwi kɔ̀ŋ Yeso Kristo nə. Yia nə tɔ̀ŋ ŋwə nɨniŋ laa ŋwə jwi wèꞌsə fwi siŋ, gàŋtə viŋ maa mənuŋ fwi siŋ maa Yeso Kristo, twèꞌ shɔ,

1 Tesalonika 3:5

Lùu nu ŋkɨə faŋ ŋkə nə yɨ̀sə laa kɨ kaꞌ mə kee baa jìa fwi nyaa me, tɔ̀ŋ Timoti maa məkɨɨ nə məbiŋ wiŋ, faŋ viŋ nùŋ fwi maa Kristo nə, buꞌ tɨɨ vəzwitə vəbwəvə mɔŋ viŋ, bwèꞌsə viŋ, viŋ ndi jɨɨ, buu vəfaꞌ via taa ŋwaa viŋ kɨ nii yindi.

1 Tesalonika 4:18

Nɨniŋ, viŋ zwisə fwi siŋ nə təgi tɔ́, viŋ viŋ.

1 Tesalonika 5:11

Nɨniŋ, viŋ weꞌsə wə nə wə, gaŋtə wə nə wə maa mənuŋ fwi maa Nwi, kɨ yɨsə nɨniŋ, sheꞌ faŋ viŋ yɨsə nə.

1 Tesalonika 5:14

Vaŋ-nshwi via, yia tɨsə viŋ laa viŋ kɨ bɔŋsə vɨɨ faŋ vəŋ toꞌ fɨ maa jɨɨ yigɨŋkə, baa bàwsə fwisə vɨɨ mbɨə faŋ fwisə vəŋ lɔ̀ꞌ. Viŋ kɨ gaŋtə vɨɨ mbɨə faŋ vəŋ kee lùu vəweꞌ maa nu Nwi me. Viŋ kee gəŋsə vɨɨ vənshə.

2 Tesalonika 2:17

Bàw ŋwə kɨ boolə fwi siŋ, kwàŋ wutə maa viŋ, tɨ́ kaꞌ viŋ kɨ yɨsə vənu vəjəəvə vənshə, gisə sheꞌ vənu vəjəəvə nɨzi.