Kɔlɔsii 4:18 - Vengo (Babungo)

¹⁸ Maa məndwə, ye məshɔꞌtə ŋwaa faŋ nyɔ̀ꞌ mə Pɔɔl ŋkee nə ghɔ kaŋ. Viŋ kɨ lumə laa mə lùu taa ŋii mfiŋ feenə. Nwi tu mənɔŋ-bwaŋnə tɔ viŋ!

Kɔlɔsii 4:18 ပူးပေါင်းရင်းမြစ်များ

Roma 16:20

Nwi faŋ ŋwə kɔ məduꞌ-nyɔŋ tɨ́ vɨɨ nə, taa fiitə tɨɨ vəzwitə vəbwəvə Satan ŋiꞌ ghuu viŋ, ŋkə kee baa luu ntaŋ me. Tɨta ŋwaa-nsiŋ Yeso tu mənɔŋ-bwaŋnə tɔ viŋ!

Roma 16:22

Mə Tertiɔs, faŋ mə nyɔ̀ꞌ ŋwaꞌlə ŋwə̀ tɨ́ viŋ (maa yizii Pɔɔl), shɔꞌtə viŋ nɨzi maa yizii Yeso Kristo.

Roma 16:23

Gayɔs faŋ mə shì taa ŋii ŋwə, shɔꞌtə viŋ nɨzi. Nshəŋtə vɨɨ Kristo yinshə luu taa ŋii ŋwə. Erastɔs, wuu məndeynə ka, ghɔ weenshu ŋwaa-nsiŋ Kwartɔs, shɔꞌtə viŋ nɨzi. [

1 Kɔrintian 16:21

Shɔꞌtə ŋwə̀ fɨ feenə nyɔ̀ꞌ mə Pɔɔl nə ghɔ kaŋ.

Filipi 1:7

Ŋkə lùu kəloomə laa mə kìi kəŋ məlumə ŋwə̀ kɔ̀ŋ viŋ vənshə, buꞌ laa mə kaw viŋ fɨ taa fwi mə. Mənɔŋ-bwaŋnə ŋgwə faŋ Nwi nə kɔ shee nə, ŋwə kɔ tɨ́ viŋ nɨzi, faŋ mə kɔlə lùu taa ŋii mfiŋ, tɨꞌnə me, tɨ̀ŋnə taa ŋii nsɔꞌ, fɨꞌtə nu kɔ̀ŋ yigisə Nwi, baa də laa yigisə Nwi lùu yigisə yinsəŋ.

Kɔlɔsii 4:3

Viŋ kɨ shɔꞌtə Nwi tɔ yia nɨzi, laa Nwi gaŋtə yia, ŋàꞌsə jɨɨ tɨ́ yia, tɨ́ kaꞌ yia kɨ fɨꞌtə nu Nwi tɨ́ vɨɨ, baa naysə nu Kristo faŋ ŋkə nə ndenə fɨ ghɔ vɨɨ nə. Luu sheꞌ buꞌ nu Kristo kɔ́, faŋ mə lùu feenə taa ŋii mfiŋ nə.

2 Tesalonika 3:17

Məshɔꞌtə ŋwə̀ faŋ mə nyɔ̀ꞌ feenə, nyɔ̀ꞌ mə Pɔɔl ŋgɨɨ-mə, ŋkee nə ghɔ kaŋ. Lùu shwenə kaŋ maa vəŋwaꞌlə vaŋ vənshə faŋ mə nyɔ̀ꞌ nə. Maa viŋ ye sɨ ŋwaꞌlə ŋə̀ faŋ mə nyɔ̀ꞌ ŋgɨɨ-mə nə.

1 Timoti 6:21

Vɨɨ mɔ́ꞌ duꞌtə vəŋ biŋ nu kɔ́, ndì jɨɨ Kristo, kee baa kɨ nuŋ fwi maa ŋwə me. Nwi tu mənɔŋ-bwaŋnə tɔ ghɔ!

2 Timoti 1:8

Kɨ tɔ kə dɨɨ maa məbiŋ nu tɨta ŋwaa-nsiŋ ntee me, tɨꞌnə me buꞌ mə faŋ mə lùu wuu ŋii mfiŋ buꞌ nu Kristo kɔ́ nə me. Bàw a bee kii bìŋ ŋɨꞌ buꞌ nu ntɔŋ yijəə yɔ́ nɨzi, faŋ Nwi kɔ̀ wutə tɨ́ nsiŋ nə.

2 Timoti 4:22

Tɨta Yeso Kristo goꞌsə taa fwi ghɔ! Mənɔŋ-bwaŋnə Nwi luu taa ŋwaa viŋ!

Taytəs 3:15

Vɨɨ vənshə faŋ yia vɨ vəŋ lùu mɔ́ꞌ, shɔꞌtə ghɔ. Shɔꞌtə vɨɨ mbɨə faŋ vəŋ kaw yia, buꞌ nu Kristo, faŋ nsiŋ nùŋ fwi saŋ-nsiŋ maa ŋwə nə, tɨ́ yia. Nwi tu mənɔŋ-bwaŋnə tɔ viŋ vənshə!

Hibru 13:25

Nwi tu mənɔŋ-bwaŋnə tɔ viŋ vənshə. [Ŋkə lùu nɨniŋ.]

Hibru 13:3

Viŋ lumə vɨɨ mbɨə faŋ vəŋ lùu taa ŋii mfiŋ buꞌ nu Nwi. Bàw ŋkə luu tɨ́ viŋ yaa viŋ lùu taa ŋii mfiŋ nɨzi, viŋ vɨ vəŋ. Viŋ baa lumə vɨɨ mbɨə faŋ vəŋ ye ŋɨꞌ, yaa vɨɨ faŋ vəŋ kɨ bii vɨɨ viŋ.