Kɔlɔsii 4:17 - Vengo (Babungo)

¹⁷ Viŋ naysə tɨ́ Arkipɔs laa ŋwə kɨ faꞌ faꞌ ŋgwə faŋ Nwi nə kɔ̀ tɨ́ ŋwə nə, sheꞌ jəə jəə, yuu ŋkə kùꞌnə.

Kɔlɔsii 4:17 ပူးပေါင်းရင်းမြစ်များ

Matiu 25:17

Sheꞌ nɨniŋ, wə ntɨə faŋ ŋwə nə kìi vəmalia vəbɔɔ nə, baa sèy vəbɔɔ.

Akts 1:17

Judas nə luu fɨ taa ŋwaa yia, vɨɨ ntɔŋ Yeso. Vɨ nə shoꞌ ŋwə maa faꞌ ŋwə̀ yaa yia.

Akts 14:23

Maa vəshəŋ vənshə vəŋ shoꞌ vɨɨ, nùŋsə vəŋ maa vɨɨ taa fɨ taa məshəŋtə vɨɨ Kristo, baŋ fazɨ, shɔꞌtə Nwi, mɔꞌ ghɔ vəŋ tɔ vɨɨ taa vɔ́, nuŋsə vəŋ vɨsɨ tɨta Yeso, laa ŋwə shiinə vəŋ, yuu vəŋ nə nùŋ fwisə vəŋ maa ŋwə nə.

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

Efesɔs 4:11

Vəkɔ vi faŋ ŋwə nə kɔ̀ tɨ́ vɨɨ nə, lùu laa vɨɨ mɔ́ꞌ lùu vɨɨ ntɔŋ vi, vɨɨ mɔ́ꞌ luu nshiisə-ŋii sɔghɔ, vɨɨ mɔ́ꞌ luu vɨɨ məfɨꞌtə nu Nwi, vɨɨ mɔ́ꞌ luu vɨɨ mətɨsə vɨɨ, vɨɨ mɔ́ꞌ luu vɨɨ mədeesə.

1 Timoti 4:14

Kɨ shiasə nu ŋkɨə faŋ Nwi nə kèy ghɔ shɔ nə me, faŋ nshiisə-ŋii sɔghɔ nə fɨ̀ꞌtə nu buꞌ ghɔ, faŋ vɨɨ taa fɨ taa məshəŋtə vɨɨ Nwi nə mɔꞌ ghɔ vəŋ tɔ ghɔ nə me.

1 Timoti 4:16

Kɨ shiŋnə ŋwaa wə, baa shiŋnə nu Nwi faŋ a deesə nə, gòꞌsə shɔ. A kɨ luu kɨ yɨ nɨniŋ, buu a taa bweysə ŋwaa wə, nə vɨɨ mbɨə faŋ vəŋ zɔ nu ŋkɨə faŋ a gisə.

1 Timoti 4:6

A taa kɨ luu kɨ twelə vənu vɔ́ tɨ́ vaŋ-nshwi vaŋ-nsoo, buu a luu wuu faꞌ Yeso Kristo jəə, biasə ŋwaa wə maa nu Kristo faŋ nsiŋ nuŋ fwi saŋ-nsiŋ maa ŋwə nə, baa nə maa vənu vəjəəvə, faŋ nsiŋ deesə tɨ́ vɨɨ nə, faŋ nshɨ-tɔ wə nə zɔ biŋ.

1 Timoti 6:20

Zɔ mɔɔ, Timoti, bàw a tweꞌ maa nu ŋkɨə faŋ Nwi nùŋsə tɨ́ ghɔ. Kɨ nyɨŋ yigisə dayday, faŋ nyə kee yikuꞌnə maa nu Nwi me, baa nyɨŋ yigi njyə faŋ vɨ tii nə yigi tɔ-ley nə, faŋ nyə kee bee lùu nu tɔ ley me.

2 Timoti 1:6

Nɨniŋ, mə kəə lumə tɨ́ ghɔ laa, a kɨ ndeynə laa vəkɔ mbɨə faŋ Nwi nə kɔ̀ tɨ́ ghɔ maa yighee njyə faŋ mə nə mɔ̀ꞌ ghɔ ŋaa tɔ ghɔ nə, kɨ faꞌ taa ŋwaa ghɔ,

2 Timoti 2:2

Fi yigi njyə faŋ a nə zɔ̀ fɨ ghɔ mə, faŋ mə nəə fɨꞌtə nu Kristo vɨsɨ vɨɨ vəyaŋ nə, ndì nùŋsə tɨ́ vɨɨ yinsəŋ, faŋ vəŋ kùꞌnə tɨ́ kaꞌ vəŋ ndɔ baa kɨ deesə tɨ́ vɨɨ mɔ́ꞌ.

Filemon 1:2

Yia tɔŋ ŋwaꞌlə ŋwə̀ tɨ́ ghɔ, nə tɨ́ Afia, weenshu ŋwaa-nsiŋ, nə tɨ́ Arkipɔs faŋ ŋwə twèꞌ maa nu Kristo yuu nsiŋ, nə tɨ́ vɨɨ Kristo mbɨə faŋ vəŋ baytə taa ŋii ghɔ.