Kɔlɔsii 4:12 - Vengo (Babungo)

¹² Epafras, faŋ lùu wuu shɨ wiŋ, baa lùu wuu faꞌ Yeso Kristo nə, shɔꞌtə viŋ nɨzi. Ŋwə shɔꞌtə Nwi tɔ viŋ ghee nshə, ndwaŋ Nwi ŋkee nəŋay laa viŋ ta taa nu Nwi, wèꞌ shɔ, kɨ kɨɨ nə Nwi, tɨ́ kaꞌ viŋ bàw shɨlə, yɨ̀ nu ŋkɨə faŋ Nwi kàw.

Kɔlɔsii 4:12 ပူးပေါင်းရင်းမြစ်များ

Matiu 5:48

Nɨniŋ, bàw viŋ baw shɨlə yaa tɨta Nwi Tii wiŋ fɨ yizɔ, faŋ ŋwə bàw shɨlə nə.»

Lukas 1:1

Vɨɨ vəyaŋ nə duꞌtə vəŋ nyɔ̀ꞌ kɔ̀ŋ vənu mbɨə faŋ mbə nə gày taa ŋwaa nsiŋ.

Lukas 22:44

Ŋwə tey kɨ lɔꞌ yaa wə faŋ ŋwə lùu shuu yiku, baa metə bùꞌ ghɔ tɨ́ Nwi, shɔ̀ɔ yighee vɨsɨ. Nyuꞌsə ki gu yaa mənshi, shəŋkə nsi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:26

Wə faŋ ŋwə kəə laa yi luu wuu faꞌ ŋwaa, ŋwə kɨ beꞌsə mə. Mə kɔlə gə dùꞌ fə, yia ŋwə dùꞌ mɔ́ꞌ. Wə faŋ ŋwə beꞌsə mə laa yi lùu wuu faꞌ ŋwaa, ŋwə ndɔ kii yizii yikwalə fɨ ghɔ Tii ŋwaa.

Roma 15:14

Vaŋ-nshwi vaŋ, mə kɔꞌ kɨɨ fɨ taa fwi mə laa, nu jəə lwàŋ taa fwisə viŋ nɨzi. Viŋ kɔꞌ kɨɨ nə vənu və Kristo vənshə ŋkee vəley, kɨɨ maa mətɨsə yiŋwaa yiŋ.

Roma 15:30

Vaŋ-nshwi vaŋ, mə tɨsə viŋ maa yizii tɨta ŋwaa-nsiŋ Yeso Kristo, buꞌ ŋkawnə nyaa-nsiŋ faŋ Zwitə Ley Nwi yɨsə nsiŋ nə kaw nə yiŋwaa nyaa-nsiŋ, laa viŋ kɨ buꞌ ghɔ tɨ́ Nwi tɔ mə, nsiŋ kɨ tuŋ yighaw mɔ́ꞌ nɨniŋ,

1 Kɔrintian 14:20

Vaŋ-nshwi vaŋ, kɨ viŋ kɨ bɨꞌtə vənu yuu vaŋmbwaa me. Nu ŋkɨə faŋ kaꞌ viŋ lùu yaa vaŋmbwaa, faŋ vəŋ kee ta weꞌ maa nu me, lùu maa məyɨsə vənu vəbwəvə. Bàw viŋ kee weꞌ maa kəŋ nu ghɔ́ me. Luu nə, bàw viŋ lùu yaa vɨɨ taa maa məbɨꞌtə vənu.

1 Kɔrintian 2:6

Luu nə, yitɔfə yimɔ́ꞌ lùu shɔ faŋ yia fɨꞌtə nu Nwi tɨ́ vɨɨ mbɨə faŋ nu Nwi lwàŋ taa fwisə vəŋ. Kəŋ tɔ-ley kɔ́ kee ndɔ̀ fɨ taa mbi nyə̀ me, tɨꞌnə me fɨ ghɔ vəwutə faŋ mbə sɔꞌ mbi nyə̀ me.

2 Kɔrintian 13:11

Maa məndwə, vaŋ-nshwi vaŋ, viŋ bwey jəə. Viŋ biŋ laa vɨ bɔŋsə viŋ, bwàsə fwi yiŋ. Viŋ bɨꞌtə nu kiŋ kəmuꞌ, dùꞌ nə mənɔŋ-bwaŋnə viŋ viŋ. Nwi faŋ lùu Nwi məkaw vɨɨ, baa lùu Nwi mənɔŋ-bwaŋnə nɨzi, dùꞌ viŋ vɨ vəŋ.

Galatia 1:10

Viŋ bɨꞌtə laa mə fɨꞌtə nu Nwi laa vɨɨ kaw mə mu, mu laa ŋkə bàw tɨ́ Nwi? Mə nii toꞌ kɨ kəə jəə fɨ ghɔ vɨɨ, buu mə kee baa lùu wuu faꞌ Kristo me.

Galatia 4:19

Vaŋ vaŋ faŋ mə kàw, mə lùu yaa wəzwi faŋ ŋwə kɨ bii bi, mə baa ye ŋɨꞌ buꞌ viŋ, gə ziꞌ tɨ́ yighee njyə faŋ nshinə Kristo ndɔ ŋii taa ŋwaa viŋ.

Kɔlɔsii 1:22

Luu ndwə, Yeso Kristo yɨ̀sə laa viŋ faynə tɔ kiŋ, viŋ vɨ Nwi, buꞌ faŋ ŋwə nə jwi mbi gù wə, kù tɔ viŋ. Ŋwə yɨ nɨniŋ laa ŋwə ndi viŋ, jwi nə viŋ vɨsɨ Nwi, tɨ́ viŋ kii fwisə leysə buꞌ yiku yi yɔ́, tuu wee-ndoꞌ kee baa lùu maa viŋ me. Kaꞌ viŋ kee baa ŋìi taa nsɔꞌ Nwi me,

Kɔlɔsii 1:28

Luu sheꞌ nu Kristo kɔ́ faŋ yia fɨꞌtə tɨ́ vɨɨ nə. Yia tɨsə vɨɨ vənshə, baa naysə nu Nwi tɨ́ vɨɨ vənshə nə yitɔfə yinshə, tɨ́ kaꞌ wə tɨ̀ me wə faŋ ŋwə kwàŋ fwi yi maa Kristo, kɨ toꞌ maa jɨɨ njyə faŋ Nwi kàw, maa vənu vənshə.

Kɔlɔsii 1:29

Lùu ŋiꞌ nu ŋkɨə faŋ mə kɨɨtə, faꞌ nəŋay, baa nə wutə ŋkɨə faŋ Kristo kɔ̀ shee nə. Wutə ki kɔ́ faꞌ taa ŋwaa mə ŋkee dɨdɨꞌ.

Kɔlɔsii 1:7

Viŋ nə zwètə nu Nwi fɨ ghɔ Epafras. Ŋwə lùu wuu faꞌ Kristo sheꞌ yaa yia, yia kàw ŋwə dɨdɨꞌ. Ŋwə tɨŋ tɔ yia taa ŋwaa viŋ, faꞌ faꞌ Kristo sheꞌ jəə jəə.

Kɔlɔsii 1:9

Shù fɨ maa shi ŋkɨə faŋ yia nə zɔ̀ vənu vɔ́ kɔ̀ŋ viŋ nə, yia shɔꞌtə Nwi tɔ viŋ ghee nshə. Yia buꞌ ghɔ tɨ́ Nwi laa Nwi kɔ viŋ nə tɔ ley, tɨ́ kaꞌ viŋ kɨ̀ɨ nə nu ŋkɨə faŋ Nwi kəə laa viŋ kɨ yɨsə. Viŋ kɨɨ nə nu kɔ́ fɨ ghɔ Zwitə Ley Nwi, faŋ ŋkə kɔ̀ yitɔfə, yɨsə vənu vənshə lùu vəley tɨ́ viŋ.

Kɔlɔsii 4:9

Ŋwə jwi ghɔ Onesimɔs mɔ́ꞌ, faŋ lùu wuu wiŋ nə. Ŋwə baa lùu weenshu ŋwaa-nsiŋ faŋ mə kàw ŋwə. Ŋwə beꞌsə Kristo nə fwi yimuꞌ. Vɨɨ və̀ vəbɔɔ taa naysə vənu vənshə tɨ́ viŋ, faŋ mbə gay feenə maa yia.

1 Tesalonika 5:23

Nshɨ-tɔ Nwi faŋ ŋwə lùu Nwi mənɔŋ-bwaŋnə nə, yɨsə viŋ baw shɨlə maa vənu viŋ vənshə! Bàw ŋwə jia zwitə kiŋ nə fwi siŋ nə ŋwaa wiŋ, laa viŋ baw mètə, tuu wee-ndoꞌ kee lùu maa viŋ me, maa shi ŋkɨə faŋ tɨta ŋwaa-nsiŋ Yeso Kristo ndɔ bəŋ jwi.

Filemon 1:23

Epafras faŋ yia ŋwə lùu taa ŋii mfiŋ buꞌ nu Yeso Kristo mɔ́ꞌ nə, shɔꞌtə ghɔ.

Hibru 5:14

Wə ntɨə faŋ ŋwə duꞌtə ŋwə ta, ŋwə zɨ ŋkee fazɨ. Ŋwə duꞌtə ŋwə zwetə maa məbɨꞌtə nu, tɨ́ kaꞌ ŋwə kɨɨ nə nu bwə, baa nə nu jəə.

Hibru 5:7

Faŋ Yeso nə luu shɨ nsi, ŋwə nə shɔ̀ꞌtə Nwi shɔ̀ꞌtə, yùmə ŋkee nəŋay, mənsɨ fiŋkə fɨ sɨ ŋwə, ŋwə buꞌ ghɔ tɨ́ Nwi faŋ ŋwə kìi wutə maa məgaŋtə ŋwə fɨ ghɔ yiku. Nwi nə zɔ̀ məshɔꞌtə wi, buꞌ laa ŋwə nə luu wuu məfee Nwi.

Jeyms 1:1

Lùu mə Jeyms, wuu faꞌ Nwi nə Yeso Kristo, faŋ mə shɔꞌtə viŋ, vɨɨ Nwi fɨ taa məshɨ mə Isirayl njɔsə-bɔɔ, faŋ viŋ sàykə taa mbi.

Jeyms 1:4

Nɨniŋ, viŋ jia fwi siŋ, zìꞌ maa yighee shə, laa tuu nu bwə kee lùu taa ŋwaa viŋ me. Kɨ viŋ bəə tuu kee nu jəə fɨ taa ŋwaa viŋ me.

Jeyms 5:16

Bàw viŋ biŋ nu bwə kiŋ, viŋ viŋ, kɨ buꞌ ghɔ tɨ́ Nwi, viŋ viŋ, tɔ viŋ, laa viŋ bwey fɨ maa vəza viŋ. Wə ntɨə faŋ vənu vi lùu vəloomə, kɨ luu bùꞌ ghɔ tɨ́ Nwi, buu kaꞌ ŋkee nu kwalə fùu fɨ fuŋ.

2 Pita 1:1

Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.

Ŋwaꞌlə Jud 1:24

Nsiŋ kɨ bəŋsə Nwi faŋ ŋwə kìi wutə maa məyɨsə viŋ weꞌ maa nu Nwi, kee gù nu shɔ me. Kìi Nwi kìi wutə maa məsɔ yibɨsə yiŋ yinshə, tɨ́ kaꞌ viŋ ndɔ jwi nə məŋaytə, jwì tɨ̀ŋnə vɨsɨ Nwi, faŋ ŋwə kìi feenə nshə.