Kɔlɔsii 4:11 - Vengo (Babungo)

¹¹ Yeso ŋgwə faŋ vɨ tii ŋwə nə Justɔs nə, shɔꞌtə viŋ nɨzi. Luu sheꞌ vɨɨ vɔ́ vətia nə, yɨ mə, faŋ vəŋ lùu vɨɨ Jus, faŋ yia vɨ vəŋ faꞌ nu Kristo mɔ́ꞌ, fɨꞌtə nu yifwàŋ Nwi tɨ́ vɨɨ. Fwi nyaa zutə buꞌ vəŋ maa yinsəŋ.

Kɔlɔsii 4:11 ပူးပေါင်းရင်းမြစ်များ

Akts 10:45

Nu kɔ́ ghɔꞌ vɨɨ məbiŋ Kristo fɨ taa ŋwaa vɨɨ Jus, faŋ vəŋ nə jwì ghɔ vɨ Pita nə. Shuu vəŋ yɔŋ laa Nwi tù Zwitə Ley ki maa vɨɨ faŋ vəŋ nə kee lùu vɨɨ Jus me, faŋ vɨ nə kee sɨ̀ɨtə vəŋ me. Nwi nə key vəŋ nə Zwitə Ley ki,

Akts 11:2

Pita bəŋ koꞌ gə Jerusalem, vɨɨ mbɨə faŋ vɨ nə sɨ̀ɨtə vəŋ, yaa vɨ yaa kɨ sɨɨtə vɨɨ Jus nə, jia Pita nə ntay,

Roma 16:3

Viŋ shɔꞌtə Prisila nə Akwila, faŋ yia vɨ vəŋ nəə faꞌ faꞌ Kristo mɔ́ꞌ nə.

Roma 4:12

Abraham baa lùu tɨɨ vɨɨ mbɨə faŋ vɨ sɨ̀ɨtə vəŋ, kee sɨ̀ɨtə vəŋ dayday me. Vɨ sɨ̀ɨtə vəŋ, vəŋ baa luu toꞌ ghuu yitoꞌ tɨɨ vəŋ Abraham, nùŋ fwisə vəŋ maa Nwi, sheꞌ faŋ tii ŋwaa-nsiŋ Abraham nə duꞌtə ŋwə yɨ maa yighee njyə faŋ vɨ nə kee ta sɨ̀ɨtə ŋwə me.

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

Efesɔs 2:11

Nɨniŋ, viŋ lumə laa viŋ yaa luu vɨɨ məmanə Nwi shù fɨ taa njyoꞌsə vənshwi viŋ. Vɨɨ mbɨə faŋ vɨ tii vəŋ nə vɨɨ faŋ vɨ nə nàysə, buꞌ faŋ vɨ nàysə ŋwaa vəŋ nə ghɔ nə, vəŋ nə tìi viŋ nə tənswia.

Filipi 4:3

Mə buꞌ ghɔ tɨ́ Sisigɔs, faŋ yia ŋwə nə fàꞌ mɔ́ꞌ nə, laa ŋwə gaŋtə vəki vɔ́, tɨ́ kaꞌ vəŋ baa kɨ duꞌ bwaŋnə, buꞌ laa yia vɨ vəŋ nə kɨ̀ɨtə mɔ́ꞌ yighee vɨsɨ buꞌ nu Nwi nə, sheꞌ yuu Klement nə vɨɨ mɔ́ꞌ faŋ vəŋ beꞌsə yia nə. Nwi nyɔ̀ꞌ təzii təvəŋ taa ŋwaꞌlə məbwey vəlwaŋ.

Kɔlɔsii 4:7

Mə tɔŋ Tikikɔs tɨ́ viŋ, ŋwə taa naysə vənu vaŋ tɨ́ viŋ vənshə. Tikikɔs lùu weenshu ŋwaa-nsiŋ fɨ taa ŋii Nwi, faŋ mə kàw. Ŋwə faꞌ tɨ́ Nwi nə fwi yi yimuꞌ, baa lùu wuu faꞌ Yeso Kristo sheꞌ yaa mə.

1 Tesalonika 3:2

Nɨniŋ, yia nə tɔ̀ŋ Timoti, faŋ lùu weenshu ŋwaa-nsiŋ, baa lùu wuu faꞌ Nwi faŋ yia vɨ vəŋ fɨꞌtə ntɔŋ yijəə Nwi kɔ̀ŋ Yeso Kristo nə. Yia nə tɔ̀ŋ ŋwə nɨniŋ laa ŋwə jwi wèꞌsə fwi siŋ, gàŋtə viŋ maa mənuŋ fwi siŋ maa Yeso Kristo, twèꞌ shɔ,

1 Tesalonika 3:7

Nɨniŋ, fwi sia zutə buꞌ viŋ, vaŋ-nshwi via, faŋ yia kɔlə ye ŋɨꞌ yiyaŋ, vɨɨ yɨnə yia nə. Fwi sia zutə buꞌ faŋ viŋ gòꞌsə maa nu Kristo nə.

Taytəs 1:10

Vɨɨ vəyaŋ shɔ faŋ vəŋ ndì wutə, gisə yigisə dayday, buulə yitɔ yi vɨɨ. Vɨɨ mbɨə faŋ vəŋ bɨ shɔ̀ɔ taa ŋwaa vəŋ, lùu mbɨə faŋ vəŋ fùu fɨ taa ŋwaa vɨɨ mbɨə faŋ vɨ nə sɨ̀ɨtə vəŋ nə.

Filemon 1:1

Lùu mə, Pɔɔl, wuu ŋii mfiŋ buꞌ yizii Yeso Kristo, nə weenshu ŋwaa-nsiŋ Timoti, faŋ yia tɔ̀ŋ ŋwaꞌlə ŋwə̀ tɨ́ ghɔ, Filemon, wə faŋ yia kàw. A baa lùu wuu faꞌ Yeso Kristo sheꞌ yaa yia nɨzi.

Filemon 1:24

Mark nə Aristarkɔs nə Dimas, nə Lukas, faŋ yia vɨ vəŋ faꞌ mɔ́ꞌ nə, shɔꞌtə viŋ nɨzi.