Kɔlɔsii 4:10 - Vengo (Babungo)

¹⁰ Aristarkɔs faŋ ŋwə lùu feenə taa ŋii mfiŋ yia ŋwə mɔ́ꞌ, shɔꞌtə viŋ. Mark, wee weenshu Barnabas, shɔꞌtə viŋ nɨzi. Mə duꞌtə mə nyɔꞌ vənu kɔ̀ŋ ŋwə tɨ́ viŋ. laa ŋwə taa jwi yɨ viŋ, viŋ jia ŋwə jəə.

Kɔlɔsii 4:10 ပူးပေါင်းရင်းမြစ်များ

Akts 12:12

Faŋ ŋwə nə kɨ̀ɨ nə nu kɔ́, ŋwə ndɔ gə̀ taa ŋii Meri, nshu Jɔn, faŋ yizii yi yimɔ́ꞌ nə luu Mark, buꞌ laa vɨɨ vəyaŋ nə shə̀ŋtə yifi, kɨ shɔꞌtə Nwi.

Akts 12:25

Barnabas ghɔ Sɔɔl bəŋ fɨ ntɨꞌ Jerusalem, tɨ́ vəŋ faꞌ faꞌ vəŋ shɔ ŋwə kùꞌnə, kii jwi, jwì ghɔ vɨ Jɔn faŋ yizii yi yimɔ́ꞌ nə luu Mark. Vəŋ bəŋ gə̀ ntɨꞌ Antiɔk (fɨ shɨ Siria).

Akts 13:13

Pɔɔl ghɔ vəliŋ vi kɨ nii ndɔ̀ fɨ ntɨꞌ Pafɔs, baa tɔŋ mamuu, shɔɔ gə̀ ziꞌ ntɨꞌ Perga fɨ shɨ Pamfilia. Jɔn Mark meꞌtə vəŋ yifi, bə̀ŋ gə ntɨꞌ Jerusalem.

Akts 13:5

Faŋ vəŋ nə gə ziꞌ ntɨꞌ Salamis fɨ shɨ Sayprɔs, gə̀ fɨ̀ꞌtə yigisə Nwi taa ndɔꞌ Nwi vɨɨ Jus. Jɔn Mark nə luu taa ŋwaa vəŋ maa məgaŋtə vəŋ.

Akts 19:29

Shɨ kɔ́ kənshə kɨ nii luu ŋkee kəbuulə kəbuulə, vɨɨ vənshə nyɨŋ gə̀ maa shəŋ vəghay, fùu jìa Gayɔs nə Aristarkɔs, vɨɨ Makedonia, faŋ nə luu vɨɨ ghuu yitoꞌ Pɔɔl.

Akts 20:4

Faŋ ŋwə nə shɔ̀ɔ fɨ shɨ Makedonia nə, vɨɨ mɔ́ꞌ nə luu shɔ faŋ ghɔ vɨ Pɔɔl toꞌ mɔ́ꞌ. Vɨɨ vɔ́ luu Sopata, wee Pirɔs fɨ Berea, nə Aristarkɔs ghɔ Sekundɔs fɨ ntɨꞌ Tesalonika, nə Gayɔs ghɔ Timoti fɨ Derbi, nə Tikikɔs ghɔ Trofimɔs fɨ kwiŋ Asia.

Akts 27:2

Pɔɔl ghɔ wə ntɨə faŋ ŋwə nyɔ̀ꞌ ŋwaꞌlə ŋwə̀, ŋii bay kwalə kəmɔ́ꞌ, faŋ ŋkə nə ndɔ̀ fɨ Adramitiəm, kɨ kəə gə ziꞌ kwiŋ shɨ Asia. Lùu faŋ yia nə ndɔ fɨ ntɨꞌ Sisaria, yia vɨ Aristarkɔs, wuu Makedonia mɔ́ꞌ fɨ ntɨꞌ Tesalonika.

Akts 4:36

Nɨniŋ, wə mɔ́ꞌ nə luu shɔ, yizii yi luu Josef. Vɨɨ ntɔŋ Yeso shù yizii yi nə Barnabas, faŋ lùu laa wuu məkɔ wutə. Ŋwə nə luu wuu Levi. Vɨ nə bi ŋwə shɨ Sayprɔs.

Roma 16:2

Viŋ jia ŋwə jəə maa yizii Kristo, yuu ŋkə kùꞌnə tɨ́ vɨɨ ley Nwi. Viŋ kɨ gaŋtə ŋwə maa vənu vənshə faŋ mbə taa kɨ ghɔꞌ ŋwə, buꞌ laa nshɨ-tɔ wi nəə gaŋtə vɨɨ vəyaŋ, baa gaŋtə nshɨ-tɔ ŋwaa nɨzi.

Roma 16:7

Viŋ shɔꞌtə Andronikɔs nə Junias, faŋ lùu vɨɨ shɨ vaŋ nə, yia vɨ vəŋ nə luu taa ŋii mfiŋ mɔ́ꞌ. Vəŋ lùu vɨɨ kwalə fɨ taa ŋwaa vɨɨ ntɔŋ Kristo, baa lùu vənshɔɔ vɨsɨ vaŋ maa nu Kristo.

2 Timoti 4:11

Goꞌ sheꞌ Lukas yɨ mə. Bàw a ndi Mark, viŋ ŋwə jwi, buꞌ laa kaꞌ ŋwə gaŋtə mə maa faꞌ.

Filemon 1:23

Epafras faŋ yia ŋwə lùu taa ŋii mfiŋ buꞌ nu Yeso Kristo mɔ́ꞌ nə, shɔꞌtə ghɔ.

Filemon 1:24

Mark nə Aristarkɔs nə Dimas, nə Lukas, faŋ yia vɨ vəŋ faꞌ mɔ́ꞌ nə, shɔꞌtə viŋ nɨzi.

1 Pita 5:13

Nshəŋtə vɨɨ Nwi fɨ shɨ Babilɔn faŋ Nwi nə shòꞌ viŋ vɨ vəŋ nə, baa nə Mark, weembwa faꞌ ŋwaa, shɔꞌtə viŋ nɨzi.