Kɔlɔsii 3:9 - Vengo (Babungo)

⁹ Kɨ viŋ sɨɨ ba tɨ́ wə fɨ wiŋ me, buꞌ laa viŋ duꞌtə viŋ meꞌ nshinə yimwa yiŋ, faŋ nə luu nshinə maa məyɨsə kəŋ vənu vəbwəvə vɔ́.

Kɔlɔsii 3:9 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:44

Tii wiŋ lùu Satan, tɨɨ vəzwitə vəbwəvə. Viŋ yɨsə sheꞌ vənu mbɨə faŋ tii wiŋ Satan kàw. Shù fɨ maa vənzi, Satan nə luu wuu məzwilə vɨɨ. Ŋwə kee kàw yinsəŋ me, nu yinsəŋ kee lùu taa fwi ŋwə tuu kəmuꞌ me. Ŋwə gisə sɨɨ sheꞌ ba, yuu nshinə yi dùꞌ, buꞌ laa ŋwə lùu wuu ba, baa lùu tɨɨ təba.

Roma 6:6

Maa nsiŋ kɨɨ laa, yighee njyə faŋ vɨ nə bèy Yeso Kristo fuu fəŋkɔꞌ fə ŋkɨꞌsə nə, vɨ nə bèy vənu vəbwəvə vaŋ-nsiŋ, nsiŋ vɨ vəŋ mɔ́ꞌ, laa yiŋwaa yimwa nyaa-nsiŋ yɔ́ faŋ vənu vəbwəvə lùu taa tey yi nə, ndi, nsiŋ kee baa lùu vəbuꞌ tɨ́ nu bwə me.

Efesɔs 4:22

faŋ lùu laa, viŋ baꞌsə vənu vəmwavə fɨ maa viŋ, faŋ viŋ nəə yɨsə yighee vɨsɨ nə, faŋ fwi siŋ nəə ndɔ maa vətɔ və məbweꞌsə ŋwaa, faŋ mbə bɨsə yiŋwaa yiŋ nə.

Efesɔs 4:25

Nɨniŋ, viŋ meꞌtə təba, kɨ gisə nu ŋkɨə faŋ ŋkə lùu nu yinsəŋ viŋ viŋ, buꞌ laa nsiŋ lùu laŋnə ŋwaa kəmuꞌ.

Kɔlɔsii 3:8

Luu nə, ndwə faŋ viŋ kìi nshinə yifi nə, viŋ baꞌsə ghɔ fɨ maa vənu vəbwəvə vənshə. Kɨ viŋ kɨ kii fwi yishəsə me, tɨꞌnə me fwi yibwə me, tɨꞌnə me mbɨꞌtə yibwə me! Kɨ viŋ kɨ ndasə wə me! Kɨ viŋ gi yigi faŋ nyə kee yikuꞌnə me!

1 Timoti 1:10

nə tɨ́ vɨɨ mətii vəki, nə vɨɨ faŋ vəŋ shi ghɔ vəliŋ vəvəŋ vəndɔŋ, nə vɨɨ məfiŋ vɨɨ, nə vɨɨ təba, nə vɨɨ faŋ vəŋ kee yizii Nwi maa nshulə shaŋ, nə vɨɨ faŋ vəŋ yɨsə kəŋ nu tɨ̀ me kəŋ nu faŋ ŋkə kee kùꞌnə ghɔ nu Nwi yinsəŋ me.

Reveleyshən 21:27

Tuu fa faŋ ŋkə kee lùu kəley me, kee ŋìi taa shɨ yɔ́ me, tɨꞌnə me wə faŋ ŋwə yɨsə vənu vəbwəvə, tɨꞌnə me sɨɨ təba me. Ndɔ ŋii sheꞌ vɨɨ mbɨə faŋ təzii təvəŋ lùu taa ŋwaꞌlə məbwey vəlwaŋ faŋ ŋwə lùu ghɔ bi-njɨɨ yɔ́ nə, ŋii taa shɨ yɔ́.

Reveleyshən 21:8

Gə̀ fɨ maa vɨɨ mbɨə faŋ vəŋ nyɨŋkə, baa twey nu Kristo, nə vɨɨ məyɨ vənu vəbwəvə, nə vɨɨ məzwilə vɨɨ, nə vɨɨ mətii vəki, nə vɨɨ vəfɔ vəbwəvə, nə vɨɨ məbiŋ vənwi vədayday, nə vɨɨ təba vənshə, shəŋ vəŋ luu shəŋ ŋkɨə faŋ wisə bii fɨ fuŋ, lumə ki zwilə vɨɨ, faŋ lùu shəŋ yiku lwesə ghee bɔɔ.»

Reveleyshən 22:15

Vɨɨ mbɨə faŋ vəŋ lùu fu fɨ taa ŋkɔꞌ, lùu vɨɨ bwənə, nə vɨɨ ŋay, nə vɨɨ mətii vəki, nə vɨɨ məzwilə vɨɨ, nə vɨɨ faŋ vəŋ bəŋsə vənwi vədayday, nə vɨɨ təba, faŋ vəŋ kàw təba, baa yɨsə nu təba.»