Kɔlɔsii 3:8 - Vengo (Babungo)

⁸ Luu nə, ndwə faŋ viŋ kìi nshinə yifi nə, viŋ baꞌsə ghɔ fɨ maa vənu vəbwəvə vənshə. Kɨ viŋ kɨ kii fwi yishəsə me, tɨꞌnə me fwi yibwə me, tɨꞌnə me mbɨꞌtə yibwə me! Kɨ viŋ kɨ ndasə wə me! Kɨ viŋ gi yigi faŋ nyə kee yikuꞌnə me!

Kɔlɔsii 3:8 ပူးပေါင်းရင်းမြစ်များ

Matiu 5:22

Luu nə, mə gì ŋkaŋ tɨ́ viŋ laa, «Fwi wə kɨ luu shə̀ maa weenshu wi, ŋwə ŋìi nsɔꞌ. Wə ntɨə faŋ ŋwə gì tɨ́ weenshu wi laa ŋwə lùu wuu dayday, ndɔ ŋii taa nsɔꞌ yiweꞌ. Wə ntɨə faŋ ŋwə gì tɨ́ weenshu wi laa ŋwə luu mfaw, ŋìi nsɔꞌ Nwi, vɨ mɔꞌ ŋwə taa wi.

Mark 7:22

nə nu mətii vəki, nə nu məsəsə vətɔ, nə nu yibɨsə njyoꞌ, nə nu kəmfuŋsə, nə nu məzɨ shɨ, nə məshiasə vɨɨ, nə nu məndeynə vɨɨ nə sɨ bwənə, nə mənda wə, nə məkoꞌsə ŋwaa, nə nu mfaw,

Roma 13:13

Nsiŋ kɨ toꞌ ghuu yitoꞌ kaŋ-nsiŋ kəley, yuu ŋkə kuꞌ maa mətoꞌ nə shɨshwi, kee kɨ toꞌ zɨ vətɔ me, tɨꞌnə me nu məluꞌ ghenə me, tɨꞌnə me beꞌsə nu vəki me, vəki kee beꞌsə vəndɔŋ me, kee kɨ zɨ shɨ me, kee tay ntaysə me, kee kɨ səsə vətɔ və vɨɨ me.

1 Kɔrintian 3:3

buꞌ laa viŋ kɨ bii shi nshinə yiŋ yaa vɨɨ fɨ taa mbi. Viŋ kɨ bii nə fəsə baa nə ntaysə taa ŋwaa viŋ. Ŋkə də̀ laa mbɨꞌtə yiŋ kɨ bii yaa njyə vɨɨ fɨ taa mbi, viŋ toꞌ yaa vɨɨ fɨ taa mbi.

2 Kɔrintian 12:20

Mə fee laa yighee njyə faŋ mə taa ziꞌ yɨ viŋ, yè viŋ faŋ viŋ kee yɨsə vənu maa jɨɨ njyə faŋ mə kəə laa viŋ kɨ yɨsə nə me. Nɨniŋ, viŋ nɨzi taa kɨ ye mə faŋ mə yɨsə vənu faŋ viŋ kee kàw me. Lùu nɨniŋ buꞌ laa mə fɨfee laa mə taa jwi, ye viŋ taa ntaysə nə məsəsə vɨɨ, tɨꞌnə me nə fwi yishəsə nə vəŋwiŋ, tɨꞌnə me laa viŋ sɨɨ təba tɔ viŋ, viŋ viŋ, ndɔ buꞌ məlɔꞌ, tɨꞌnə me koꞌsə ŋwaa, nə nshəŋtə yiŋ yibuulə.

Galatia 5:15

Sii yɨ̀ kə viŋ yɨsə vənu yaa nyaasə taa gay faŋ nsə ndɔŋmə vəliŋ vəvəŋ, baa kɔ̀ vəndɨə maa vəliŋ vəvəŋ? Viŋ kɨ luu kɨ yɨsə nɨniŋ, buu viŋ taa bɨsə yiŋwaa yiŋ yinshə.

Galatia 5:20

nə məfeꞌ vənwi vədayday, nə mfisə, nə mbeenə, nə ntaysə, nə ŋkəŋsə, nə fwi yishəsə, nə vəŋwiŋ, nə məgaasə yiŋwaa vəway vəway,

Galatia 5:26

Kɨ nsiŋ kɨ koꞌsə yiŋwaa nyaa-nsiŋ me. Kɨ nsiŋ yɨsə njyoꞌ wə lia me, tɨꞌnə me sə wə me!

Efesɔs 4:22

faŋ lùu laa, viŋ baꞌsə vənu vəmwavə fɨ maa viŋ, faŋ viŋ nəə yɨsə yighee vɨsɨ nə, faŋ fwi siŋ nəə ndɔ maa vətɔ və məbweꞌsə ŋwaa, faŋ mbə bɨsə yiŋwaa yiŋ nə.

Efesɔs 4:25

Nɨniŋ, viŋ meꞌtə təba, kɨ gisə nu ŋkɨə faŋ ŋkə lùu nu yinsəŋ viŋ viŋ, buꞌ laa nsiŋ lùu laŋnə ŋwaa kəmuꞌ.

Efesɔs 4:26

Kɨ luu fwi siŋ za, kɨ viŋ yɨ nu bwə me, kee biŋ laa shɨshwi fiŋ, maa laa viŋ mètə ntay yiŋ me.

Efesɔs 4:29

Kɨ tuu ŋkee nu bwə fuu fɨ shuu viŋ me; kɨ fuu sheꞌ yigisə yijəənə, tɨ́ kaꞌ nyə jwi nə mənɔŋ-bwaŋnə tɨ́ vɨɨ mbɨə faŋ vəŋ zɔ yigi yɔ́, gàŋtə vəŋ maa nu ŋkɨə faŋ ŋkə ghɔꞌ vəŋ.

Efesɔs 5:4

Kɨ yigisə ŋkɔmə, nə yigisə vəmfaw, nə yigisə yibwənə faŋ nyə kee yikuꞌnə me, kee kɨ fuu fɨ shuu viŋ me! Viŋ bee kɨ kii kɔ məbwaŋ tɨ́ Nwi.

Kɔlɔsii 3:5

Nɨniŋ, viŋ meꞌ nshinə yimwanə yiŋ, faŋ nyə ndɔ̀ fɨ taa mbi yibwə. Viŋ ndi nshinə yɔ́ yaa nu faŋ ŋkə duꞌtə ŋkə ku. Kɨ viŋ baa kɨ tii vəki me, tɨꞌnə me yɨ kəŋ nu bwə mɔ́ꞌ me. Kɨ fwi yiŋ ndɔ maa nu me. Kɨ viŋ tə sɨ maa nu bwə me, tɨꞌnə me baytə vətɔ vəyaŋ me, buꞌ laa wə kɨ luu kɨ baytə vətɔ vəyaŋ, buu vətɔ vɔ́ kɨ nii luu tɨ́ ŋwə yaa vənwi faŋ ŋwə feꞌ. Vənu vəbwəvə vɔ́ vənshə ndɔ fɨ maa nshinə yimwanə yɔ́.

Kɔlɔsii 3:9

Kɨ viŋ sɨɨ ba tɨ́ wə fɨ wiŋ me, buꞌ laa viŋ duꞌtə viŋ meꞌ nshinə yimwa yiŋ, faŋ nə luu nshinə maa məyɨsə kəŋ vənu vəbwəvə vɔ́.

1 Timoti 1:13

Ŋwə nə ndì mə maa faꞌ wi faŋ mə nəə kɔlə ndàsə yizii yi maa yighee vɨsɨ, toꞌ shoꞌ ghuu vɨɨ vi, yɨnə vəŋ. Luu nə, ŋwə kee gəŋ saŋ, buꞌ laa mə nəə yɨ vənu vɔ́ nə nshi, kee ta kɨ̀ɨ nə ŋwə, nùŋ fwi nyaa maa ŋwə me.

1 Timoti 1:20

Hayminiɔs nə Alesanda lùu taa ŋwaa vɨɨ vɔ́ faŋ vəŋ nə gù nɨniŋ nə. Mə kɔ vəŋ taa ghɔ Satan tɨ́ kaꞌ vəŋ zwetə maa məkee baa nda Nwi me.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.

Jeyms 2:7

Maa luu mfuꞌsə faŋ vəŋ shiasə, ndɔ ndasə yizii yijəənə Yeso Kristo, faŋ Nwi nə shòꞌ viŋ buꞌ ŋwə nə.

1 Pita 2:1

Nɨniŋ, viŋ meꞌtə nu fwi yibwə, nə nu məbweꞌsə vɨɨ, nə nu məboꞌ ŋwaa, nə nu fəsə, nə ghaŋ bwənə.

2 Pita 2:18

Vəŋ yaa kɨ toꞌ koꞌsə ŋwaa, gisə yigi faŋ nyə kee kìi tɔ ley me. Fwisə vəŋ ndɔ maa vətɔ faŋ yiŋwaa yivəŋ kàw. Vəŋ kaw maa məzɨ shɨ, suŋtə vɨɨ mbɨə faŋ vəŋ duꞌtə vəŋ nyɨŋkə fɨ ghɔ vɨɨ bwənə, laa vəŋ bəŋ kɨ toꞌ ghuu yitoꞌ vəŋ maa jɨɨ yibwə, faŋ vəŋ nə nyɨ̀ŋkə fɨ maa jɨɨ yibwə yɔ́ sheꞌ maa kuŋtə yighee nə.

2 Pita 2:7

Nə luu maa yighee yɔ́, Nwi nə bwèysə Lɔt, faŋ nə luu wuu jəə. Fwi yi nəə ghaysə ŋwə dɨdɨꞌ buꞌ vənu vəbwəvə faŋ vɨɨ vɔ́ nəə yɨsə.

Ŋwaꞌlə Jud 1:13

Vəŋ baa lùu yaa muu faŋ mbə lùu mətatə, vənu vəbwəvə vəŋ luu yaa təfwi tə muu ntɨə faŋ muu fùu meꞌtə. Vəŋ baa lùu yaa məjwiŋ faŋ mbə mèꞌtə vəshəŋ vəvəŋ. Nɨniŋ, Nwi lòotə shəŋ tɨ́ vəŋ maa shəŋ ŋkɨə faŋ ŋkə lùu ŋkee kəfəŋ, laa vəŋ goꞌ shɔ yighee muꞌ.

Ŋwaꞌlə Jud 1:8

Vɨɨ vɔ́ faŋ vəŋ jwì taa ŋwaa viŋ nə, yɨ sheꞌ kəŋ vənu vəbwəvə vɔ́, yɨ vənu vəbwəvə vɔ́ buꞌ njyəəsə faŋ nsə shi vəŋ. Vəŋ kee biŋ laa Nwi lùu tɨɨ tɔ vəŋ me. Vəŋ ndasə vəzwitə mbɨə faŋ mbə kii wutə yizɔ.

Reveleyshən 16:9

Faŋ məndɔŋ nə kɔlə twàŋ vɨɨ nɨniŋ nə, vəŋ kɨ nɨndasə yizii Nwi faŋ ŋwə kìi wutə maa ŋɨꞌ yɔ́. Vəŋ kee bee kwìinə fwisə vəŋ me, kee kɨ bəŋsə Nwi me.