Kɔlɔsii 3:5 - Vengo (Babungo)

⁵ Nɨniŋ, viŋ meꞌ nshinə yimwanə yiŋ, faŋ nyə ndɔ̀ fɨ taa mbi yibwə. Viŋ ndi nshinə yɔ́ yaa nu faŋ ŋkə duꞌtə ŋkə ku. Kɨ viŋ baa kɨ tii vəki me, tɨꞌnə me yɨ kəŋ nu bwə mɔ́ꞌ me. Kɨ fwi yiŋ ndɔ maa nu me. Kɨ viŋ tə sɨ maa nu bwə me, tɨꞌnə me baytə vətɔ vəyaŋ me, buꞌ laa wə kɨ luu kɨ baytə vətɔ vəyaŋ, buu vətɔ vɔ́ kɨ nii luu tɨ́ ŋwə yaa vənwi faŋ ŋwə feꞌ. Vənu vəbwəvə vɔ́ vənshə ndɔ fɨ maa nshinə yimwanə yɔ́.

Kɔlɔsii 3:5 ပူးပေါင်းရင်းမြစ်များ

Matiu 15:19

Lùu nɨniŋ buꞌ laa vənu vəbwəvə vənshə fuu fɨ taa fwi wə. Mbɨꞌtə yibwə nə nu məzwi wə, nə nu mətii vəki və vɨɨ, nə nu wəzwi sakə, nə nu vəndɔꞌ, nə nu məsɨɨ ba tɔ wə, nə nu məndasə Nwi; vənu vɔ́ vənshə fuu fɨ taa fwi wə,

Roma 1:26

Lùu ŋiꞌ nu ŋkɨə faŋ Nwi mèꞌtə vəŋ taa vənu və tɔ dɨɨ vəŋ, faŋ fwisə vəŋ ndɔ maa vənu vɔ́ nə. Vəki mèꞌtə maa məfaynə ghɔ vəndəə vəvəŋ, yuu Nwi nə nuŋsə vəŋ nə, ndi vənu mbɨə faŋ mbə kee kùꞌnə maa nuŋsə mbi me.

Roma 1:29

Ŋgwisə vənu vəbwəvə lwaŋ taa fwisə vəŋ, nə nu yibɨsə njyoꞌ. Vəŋ tə̀ sɨ maa məkii vətɔ vəyaŋ, kìi fwi yifəŋ. Fəsə baa lwàŋ taa fwisə vəŋ, nə nu məzwi wə, nə nywaŋsə, nə nu mənay, nə mbɨꞌtə yibwə, nə məgisə maa shuŋ,

Roma 6:13

Kɨ viŋ baa kɨ kɔ fa yiŋwaa yiŋ tɨ́ nu bwə, maa məyɨsə nu faŋ ŋkə kee lùu kəloomə me. Viŋ bee kii fiŋ tɔ kiŋ tɨ́ Nwi, buꞌ faŋ viŋ lùu vɨɨ faŋ vəŋ nə fùu fɨ shɨ yiku, zɨ̀ məbwey. Nɨniŋ, viŋ kɔ yiŋwaa yiŋ tɨ́ Nwi, kɨ yɨsə vənu faŋ mbə lùu vəjəə, baa lùu vəloomə.

Roma 6:6

Maa nsiŋ kɨɨ laa, yighee njyə faŋ vɨ nə bèy Yeso Kristo fuu fəŋkɔꞌ fə ŋkɨꞌsə nə, vɨ nə bèy vənu vəbwəvə vaŋ-nsiŋ, nsiŋ vɨ vəŋ mɔ́ꞌ, laa yiŋwaa yimwa nyaa-nsiŋ yɔ́ faŋ vənu vəbwəvə lùu taa tey yi nə, ndi, nsiŋ kee baa lùu vəbuꞌ tɨ́ nu bwə me.

Roma 7:23

Luu nə, mə ye nuŋsə yimɔ́ꞌ ŋkee taa ŋwaa mə, nyə nywenə ghɔ nuŋsə njyə faŋ nyə lùu taa fwi mə. Nuŋsə yɔ́ fɨ taa ŋwaa mə jìa mə, kà mə, nu bwə kɔ́ kii mə.

Roma 7:5

Yighee njyə faŋ nsiŋ nəə shi yaa vɨɨ mbɨə faŋ vəŋ yɨ sheꞌ nu ŋkɨə faŋ ŋwaa vəŋ kàw, fwi saŋ-nsiŋ nəə ndɔ maa vənu vəbwəvə. Nə yɨ ntɨsə Nwi laa fwi saŋ-nsiŋ ndɔ maa vənu vəbwəvə vɔ́, kwaanə vətaŋ faŋ mbə jwi nə yiku tɨ́ nsiŋ.

Roma 8:13

Kɨ luu viŋ toꞌ ghuu yitoꞌ kiŋ faŋ mbasə ŋwaa wiŋ kàw, buu viŋ ndɔ kukə. Luu nə, Zwitə Ley Nwi kɨ luu kɨ yɨsə viŋ meꞌ nu ŋkɨə faŋ mbasə ŋwaa wiŋ kəə kɨ yɨsə, buu viŋ ndɔ zɨ məbwey vəlwaŋ.

1 Kɔrintian 5:1

Mə zɔ laa vɨɨ mɔ́ꞌ taa ŋwaa viŋ yɨsə ŋkee vənu vəbwəvə. Jɨɨ njyə faŋ vəŋ yɨsə vənu vəbwəvə shɔ nə, nyə bɨ shɔ̀ɔ ki. Ŋkee vɨɨ faŋ vəŋ kee kɨ̀ɨ nə Nwi me, kee yɨ kəŋ nu ghɔ́ me. Mə zɔ laa wə mɔ́ꞌ fɨ taa ŋwaa viŋ ndi zu tii wi.

1 Kɔrintian 6:11

Nə luu yighee vɨsɨ, vɨɨ mɔ́ꞌ fɨ taa ŋwaa viŋ nə yɨ̀sə kəŋ vənu vɔ́. Luu nə, Yeso Kristo sɔ viŋ fɨ maa vənu vəbwəvə viŋ vɔ́, ŋwə fuusə viŋ, tə laa viŋ luu mbii vɨɨ. Nwi ndɨ̀ viŋ yaa vɨɨ faŋ vənu vəvəŋ lùu vəloomə, buꞌ laa viŋ jwì yɨ ŋwə maa yizii tɨta Yeso Kristo. Yɨ Zwitə Ley Nwi laa viŋ luu vɨɨ ley Nwi ndwə.

1 Kɔrintian 6:13

Wə mɔ́ꞌ taa gi laa, «Nwi nə nàysə fazɨ tɨ́ kaꞌ ŋkə ŋìi taa njyoꞌ, baa nàysə njyoꞌ wə laa fazɨ kɨ ŋii shɔ.» Ŋkə lùu nɨniŋ. Luu nə, shi mɔ́ꞌ Nwi ndɔ ndisə njyoꞌ wə ghɔ fazɨ. Gə fɨ maa nu məshi nə vəki, Nwi nə kee bɔ̀ŋ ŋwaa wə laa ŋwə ndɨ ŋwaa wi ghɔ́, kɨ yɨsə vənu vəbwəvə shɔ me. Nwi nə bɔ̀ŋ ŋwaa wə laa ŋwə ndɨ ŋwaa wi ghɔ́, kɨ toꞌ nə ŋwə, faꞌ vənu və Nwi nə ŋwaa wi ghɔ́. Kɔ̀ Nwi kɔ̀ fa ŋkɨə faŋ ŋwaa wi ghɔ́ kəə.

1 Kɔrintian 6:18

Nɨniŋ, viŋ meꞌtə vənu vəbwəvə vɔ́. Kɨ viŋ faynə nə vəki sakə me. Wə kɨ luu yɨ nu bwə mɔ́ꞌ, ŋkə kee kɔ̀ŋ ŋwaa wi me. Luu nə, wə shi ghɔ vəki, buu lùu nu bwə faŋ ŋkə kɔ̀ŋ ŋkee ŋwaa wi.

2 Kɔrintian 12:21

Kɨ mə ndɔ kɨ jwi, Nwi yɨsə tɔ kaŋ dɨɨ taa ŋwaa viŋ, mə kɨ luŋ buꞌ vɨɨ vəyaŋ fɨ taa ŋwaa viŋ, faŋ vəŋ nəə yɨsə vənu vəbwəvə yighee vɨsɨ, kee ta kwìinə fwisə vəŋ buꞌ nu bwə vəŋ, faŋ vəŋ nəə tii vəki, tɨꞌnə me toꞌ ghɔ vəki vəsakə, tɨꞌnə me zɨ shɨ, faŋ vəŋ nəə yɨsə nə me.

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Efesɔs 4:19

Faŋ fwisə vəŋ lùu yaa ŋku fa nə, vəŋ kɔ ŋwaa vəŋ maa məzɨ shɨ, yɨsə vənu vəbwəvə vənshə. Fwisə vəŋ ndɔ maa vətɔ.

Kɔlɔsii 2:11

Gə fɨ maa nu məsɨɨtə vɨɨ, faŋ vɨɨ mɔ́ꞌ gì laa lùu shwenə vɨɨ Nwi nə, viŋ kɔꞌ kɨɨ laa Kristo duꞌtə ŋwə sɨɨtə̀ viŋ, luu nə, ŋwə yɨ̀ maa jɨɨ yiday, faŋ vɨ kee yɨ̀sə maa mbasə ŋwaa me. Kristo kɔ̀ shwenə day tɨ́ viŋ faŋ ŋkə də̀ laa viŋ lùu vɨɨ vi. Shwenə yiŋkii faŋ Kristo kɔ̀ tɨ́ viŋ nə, lùu laa ŋwə mèꞌ nshinə yibwə yiŋ.

1 Tesalonika 4:3

Nu ŋkɨə faŋ Nwi kəə lùu laa viŋ baw, ndɔ̀ fɨ̀nə ŋwə, nyɨ̀ŋ fɨ maa nu vəki sakə.

1 Tesalonika 4:5

Kɨ viŋ kɨ tii vəki sheꞌ faŋ mbasə ŋwaa wiŋ kàw me, yaa vɨɨ məmanə Nwi yaa kɨ yɨsə nə.

1 Timoti 6:10

Nu məkaw ka lùu nu faŋ vənu vəbwəvə fuu vəyaŋ fɨ fuŋ. Vɨɨ vəyaŋ faŋ vəŋ nə kàw ka, ndì jɨɨ, mèꞌ məbiŋ vəŋ, ndɨ́ə yiŋwaa yivəŋ ŋkee dɨdɨꞌ.

Hibru 12:16

Viŋ kɨ ndɨɨnə laa kɨ wə yɨ nu bwə me, tɨꞌnə me, ndì nu Nwi nsi me, yaa Esaw nə yɨ yighee vɨsɨ buꞌ dɨꞌ fazɨ nə. Ŋwə nə fìŋ yita yi tɨ́ tuŋnə yiba jɨŋ ki.

Hibru 13:4

Bàw vɨɨ vənshə kɨɨ nə nuŋsə məndaa. Bàw wəndɔŋ nə wəzwi kɨ kii fwi yinsəŋ maa wə fɨ vəŋ. Viŋ kɔꞌ kɨɨ laa Nwi ndɔ kwaŋ nsɔꞌ tɔ vɨɨ mbɨə faŋ vəŋ yɨ nu bwə taa məndaa, (faŋ wəndɔŋ jɔŋ zu wi, tɨꞌnə me tii vəki, tɨꞌnə me faŋ wəzwi shi ghɔ wəndɔŋ faŋ kee lùu ŋgwinə me.)

Hibru 13:5

Viŋ baꞌsə fwi yiŋ fɨ maa məkaw ka, bee kii suꞌsə ŋwaa nsi, laa vətɔ mbɨə faŋ viŋ kii, kuꞌnə tɨ́ viŋ. Viŋ lumə laa nshɨ-tɔ Nwi nə gì laa, «Kaꞌ mə kee ndènə ghɔ me, tɨꞌnə me mèꞌtə ghɔ me.»

Jeyms 4:1

Yighaw nə nywaŋsə sii ndɔ fɨ fə taa ŋwaa viŋ? Maa nsə ndɔ fɨ taa fwi siŋ faŋ nsə kàw vətɔ və shɨ nsi. Maa nsə tùŋ yighaw taa ŋwaa viŋ.

1 Pita 2:11

Vaŋ-nshwi vaŋ, viŋ lùu yaa vəndɔ taa mbi nyə̀. Nɨniŋ, mə tɨsə viŋ laa viŋ kɨ baŋnə vətɔ və shɨ nsi mbɨə faŋ fwi siŋ kaw, buꞌ laa vətɔ vɔ́ toꞌ maa məndisə məbwey wiŋ nshə.

Reveleyshən 21:8

Gə̀ fɨ maa vɨɨ mbɨə faŋ vəŋ nyɨŋkə, baa twey nu Kristo, nə vɨɨ məyɨ vənu vəbwəvə, nə vɨɨ məzwilə vɨɨ, nə vɨɨ mətii vəki, nə vɨɨ vəfɔ vəbwəvə, nə vɨɨ məbiŋ vənwi vədayday, nə vɨɨ təba vənshə, shəŋ vəŋ luu shəŋ ŋkɨə faŋ wisə bii fɨ fuŋ, lumə ki zwilə vɨɨ, faŋ lùu shəŋ yiku lwesə ghee bɔɔ.»

Reveleyshən 22:15

Vɨɨ mbɨə faŋ vəŋ lùu fu fɨ taa ŋkɔꞌ, lùu vɨɨ bwənə, nə vɨɨ ŋay, nə vɨɨ mətii vəki, nə vɨɨ məzwilə vɨɨ, nə vɨɨ faŋ vəŋ bəŋsə vənwi vədayday, nə vɨɨ təba, faŋ vəŋ kàw təba, baa yɨsə nu təba.»