Kɔlɔsii 3:4 - Vengo (Babungo)

⁴ Kristo lùu məbwey fi ŋwaa-nsiŋ ghɔ́. Yighee njyə faŋ ŋwə ndɔ baa fuu ntee, ŋwə ndɔ fuu nsiŋ vɨ vəŋ mɔ́ꞌ. Nsiŋ ndɔ kii fɨ maa yikwalə yi.

Kɔlɔsii 3:4 ပူးပေါင်းရင်းမြစ်များ

Matiu 13:43

Ndɔ luu maa yighee yɔ́, vɨɨ mbɨə faŋ vənu vəvəŋ lùu vəloomə, zɨ nu yifwàŋ Tɨɨ vəŋ, kɨ bee yaa shɨshwi. - Wə faŋ tuulə ghi lùu shɔ maa məzɔ, ŋwə zɔ!»

Lukas 17:30

Ŋkə ndɔ luu sheꞌ nɨniŋ maa shi ŋkɨə faŋ Wuu yinsəŋ Nwi ndɔ baa fuu ntee.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:25

Yeso bəŋsə tɨ́ ŋwə laa, «Məywey fɨ shɨ yiku nə məbwey vəlwaŋ ndɔ̀ fɨ ghɔ mə. Wə tɨ̀ me wə faŋ ŋwə nùŋ fwi yi maa mə, baa kɔlə kɨku, ŋwə ndɔ kii məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:3

Mə taa gə lootə shəŋ duꞌnə tɨ́ viŋ, bə̀ŋ jwì ndì viŋ, viŋ jwi yɨ mə, laa shəŋ ŋkɨə faŋ mə dùꞌ shɔ, viŋ luu shɔ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:24

Tɨta, mə kəə laa vɨɨ mbɨə faŋ a nə kɔ̀ shee nə, ndɔ lùu yia vɨ vəŋ mɔ́ꞌ maa shəŋ ŋkɨə faŋ mə ndɔ lùu shɔ, laa vəŋ ndɔ ye yikwalə njyə faŋ a nə kɔ̀ shee, buꞌ laa a nə kàw mə shù fɨ maa yighee njyə faŋ mbi nyə̀ nə kee ta lùu shɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31

Vənu mbɨə faŋ vɨ nyɔ̀ꞌ feenə, vɨ nyɔ̀ꞌ laa viŋ biŋ laa Yeso luu wə ntɨə faŋ Nwi nə shoꞌ, wuu məbweysə ŋwaa-nsiŋ, Wee Nwi. Viŋ biŋ yizii yi, nùŋ fwi siŋ maa ŋwə, buu kìi məbwey vəlwaŋ.

Akts 3:15

baa nə laa vɨ zwi wə ntɨə faŋ ŋwə lùu tɨɨ məbwey. Luu nə, Nwi yweysə ŋwə fɨ shɨ yiku, yia ye ŋwə nə sɨ.

Roma 8:18

Mə bɨꞌtə ŋkee yinsəŋ laa, ŋɨꞌ njyə faŋ nsiŋ ye ndwə nə, kee lùu nu, faŋ nsiŋ lumə yikwalə njyə faŋ Nwi ndɔ kɨ kɔ tɨ́ nsiŋ ntee nə me.

Roma 8:19

Vətɔ fɨ taa mbi vənshə faŋ Nwi nə nàysə, mbə kɨꞌ yighee njyə faŋ vaŋ Nwi ndɔ fuu ntee nə yikwalə Nwi nə.

1 Kɔrintian 1:7

Nɨniŋ, viŋ kee bəə tuu nu fɨ maa vənu vənshə faŋ Zwitə Ley Nwi yaa kɨ kɔ tɨ́ vɨɨ nə me. Viŋ baa luu kɨꞌ Tɨta ŋwaa-nsiŋ Yeso Kristo faŋ ŋwə ndɔ baa fuu, də̀ ŋwaa wi tɨ́ nsiŋ nə.

1 Kɔrintian 15:43

Ŋwaa wə fɨ shɨ nsi kee yikuꞌnə me, kee kìi wutə me. Luu nə, ŋwə ndɔ ku, Nwi yweysə ŋwə, kɔ̀ ŋwaa day tɨ́ ŋwə, faŋ ŋwə lùu ŋkee jəə, baa kìi wutə.

2 Kɔrintian 4:17

Faŋ nsiŋ ye ŋɨꞌ ndwə nə, nsiŋ ndɔ zɨ ŋkee nu kwalə faŋ ŋkə shɔ̀ɔ ki, gòꞌsə yighee muꞌ. Nɨniŋ, nu ŋɨꞌ yɔ́ luu sheꞌ nu tɨtiꞌ faŋ nyə taa tay sheꞌ maa wee-fɨ-yighee nee.

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Filipi 3:21

Yighee njyə faŋ ŋwə ndɔ jwi, ŋwə ndɔ yɨsə laa yiŋku yiŋwaa nyaa-nsiŋ nyə̀ gù yaa ŋwaa wi faŋ ŋwə bàw shɨlə nə. Ŋwə ndɔ yɨ nu kɔ́ nə wutə ki kəkwalə, ŋkɨə faŋ ŋkə ndɔ yɨ vətɔ vənshə fɨ mbi zɔnə ŋwə.

1 Tesalonika 4:17

buu Nwi ndi nsiŋ, faŋ nsiŋ lùu vɨɨ faŋ nsiŋ ndɔ duꞌ yinyay maa shi kɔ́, ndì nsiŋ nə mbɔꞌ, nsiŋ vɨ vəŋ koꞌ yizɔ mɔ́ꞌ, fàynə nsiŋ vɨ tɨta Yeso, dùꞌ nɨniŋ nsiŋ vɨ tɨta Yeso ghee nshə.

1 Timoti 6:14

Nɨniŋ laa a jia nu Nwi jəə, tuu ŋkee wee-nu bwə, tɨꞌnə me wee-ndoꞌ kee lùu maa ghɔ me, gə ziꞌ maa shi ŋkɨə faŋ tɨta ŋwaa-nsiŋ Yeso Kristo ndɔ fuu mbi.

2 Timoti 1:1

Lùu mə, Pɔɔl, wuu ntɔŋ Yeso Kristo, faŋ nshɨ-tɔ Nwi nə nùŋsə mə maa faꞌ ghɔ́, laa mə kɨ fɨꞌtə nu məbwey vəlwaŋ faŋ Nwi ndɔ kɔ tɨ́ vɨɨ buꞌ Yeso Kristo nə.

2 Timoti 4:8

Nu ŋkɨə faŋ ŋkə gòꞌ, lùu laa, mə ndɔ fi shwaŋ nu jəə ŋkɨə faŋ Nwi ndɔ kɔ tɨ́ vɨɨ mbɨə faŋ vənu vəvəŋ lùu vəloomə. Tɨta Nwi faŋ ŋwə ndɔ sɔꞌ nsɔꞌsə vɨɨ, sɔꞌ shìa nyə yiloomə. Ŋwə ndɔ kɔ nu jəə kɔ́ shee maa shi vəndwə, kee kɨ kɔ luu sheꞌ tɨ́ mə me, ŋwə kɔ luu tɨ́ vɨɨ vənshə faŋ vəŋ kɨꞌ ŋwə nə ŋkawnə, tə̀ sɨ maa məjwi wi faŋ ŋwə ndɔ baa jwi mbi nə.

Taytəs 2:13

Nsiŋ kɨ kɨꞌ nu mənɔŋ-bwaŋnə Nwi, faŋ ŋwə ndɔ kɔ məbwey vəlwaŋ tɨ́ nsiŋ, baa kɨꞌ yighee njyə faŋ feenə Nwi, faŋ luu ŋkee Nwi kwalə nə, ndɔ fuu ghɔ Yeso Kristo, wuu məbweysə ŋwaa-nsiŋ,

Hibru 9:28

Sheꞌ nɨniŋ, Kristo nə fɔŋ jwì kù yighee muꞌ, laa ŋwə yɨsə vɨɨ vəyaŋ nyɨŋ fɨ taa nu bwə vəŋ, baa nə laa ŋwə ndɔ baa bəŋ jwi mbi nyə̀, lwesə ghee bɔɔ. Maa yighee yɔ́ ŋwə ndɔ kee baa jwi maa məsɔ nu bwə vɨɨ me; ŋwə ndɔ bee kii jwi maa məkɔ məbwey vəlwaŋ tɨ́ vɨɨ vi faŋ vəŋ kɨꞌ ŋwə nə.

1 Pita 1:13

Nɨniŋ, viŋ lootə yiŋwaa yiŋ, tɔ kiŋ ley nɨzi, viŋ nuŋsə fwi siŋ sheꞌ maa məbwey ghɔ́ faŋ Nwi ndɔ kɔ tɨ́ viŋ buꞌ gəŋsə si, yighee njyə faŋ ŋwə ndɔ baa tɔŋ Yeso Kristo ntee.

1 Pita 5:4

Nɨniŋ laa Yeso, tɨɨ nshiisə bisə sɔ́, ndɔ kɔ viŋ nə vəkeynə faŋ mbə gòꞌsə yighee muꞌ, maa yighee njyə faŋ ŋwə ndɔ fuu ntee sɨ vɨɨ.

1 Jɔn 2:28

Vaŋ vaŋ, bàw viŋ kii fa kəmuꞌ viŋ vɨ Yeso! Nɨniŋ laa shi ŋkɨə faŋ ŋwə ndɔ bəŋ jwì fùu ntee, nsiŋ kɨꞌ vənu nə məŋaytə. Kɨ tɔ kaŋ-nsiŋ dɨɨ faŋ ŋwə ndɔ jwi fùu ntee me!

1 Jɔn 3:2

Vɨɨmba vaŋ, nsiŋ luu vaŋ Nwi ndwə. Luu nə, fa ŋkɨə faŋ nsiŋ ndɔ luu nə, ŋkə kee ta fùu ntee yikəꞌ vɨɨ me. Nsiŋ kɨɨ sheꞌ laa, yighee njyə faŋ ŋkə ndɔ fuu ntee sɨ vɨɨ, nsiŋ kɨ nii lùu yuu ŋwə, buꞌ faŋ nsiŋ ndɔ ye ŋwə faŋ ŋwə lùu.

1 Jɔn 5:12

Wə ntɨə faŋ ghɔ Wee Nwi lùu fa kəmuꞌ, buu məbwey ghɔ́ lùu taa fwi ŋwə nɨzi. Wə ntɨə faŋ ghɔ Wee Nwi kee lùu fa kəmuꞌ me, buu məbwey ghɔ́ kee lùu taa fwi ŋwə me.

Ŋwaꞌlə Jud 1:24

Nsiŋ kɨ bəŋsə Nwi faŋ ŋwə kìi wutə maa məyɨsə viŋ weꞌ maa nu Nwi, kee gù nu shɔ me. Kìi Nwi kìi wutə maa məsɔ yibɨsə yiŋ yinshə, tɨ́ kaꞌ viŋ ndɔ jwi nə məŋaytə, jwì tɨ̀ŋnə vɨsɨ Nwi, faŋ ŋwə kìi feenə nshə.

Reveleyshən 2:7

Wə ntɨə faŋ ŋwə kìi tuulə zɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi. Mə taa kɔ məbwey vəlwaŋ tɨ́ wə ntɨə faŋ ŋwə ghɔꞌ nu bwə, zəsə ŋwə fɨ maa tɨ məbwey ŋkɨə faŋ ŋkə lùu taa ŋkɔꞌ Paradays faŋ luu ŋkɔꞌ Nwi.»

Reveleyshən 22:1

Nshiiŋii Nwi yɔ́ baa də̀ muu mə məbwey shee, mbə nə fùu fɨ maa kenə Nwi ghɔ bi-njɨɨ yɔ́, ndwaꞌlə yaa ŋwaꞌlə məye sɨ,

Reveleyshən 22:14

Mənɔŋ-bwaŋnə tɨ́ vɨɨ mbɨə faŋ vəŋ sɔ̀ njwisə vəŋ, nsə ley, tɨ́ kaꞌ vəŋ kìi wutə maa məkwə fɨ maa vətaŋ tɨ və məbwey, baa nə maa məshɔɔ fɨ shuu ŋkɔꞌ, ŋìi taa shɨ yɔ́.