Kɔlɔsii 3:22 - Vengo (Babungo)

²² Gə fɨ maa viŋ vəbuꞌ, viŋ kɨ zɔnə vɨɨ mbɨə faŋ vəŋ kìi viŋ taa mbi nyə̀ maa vənu vənshə. Kɨ viŋ kɨ zɔnə vəŋ sheꞌ maa yighee njyə faŋ vəŋ lùu yɨ viŋ me, yaa vɨɨ faŋ vəŋ yaa kɨ tə sɨ maa məbəŋsə vɨɨ. Viŋ kɨ faꞌ nə fwi yimuꞌ maa jɨɨ yijəə, yaa vɨɨ faŋ vəŋ fee Nwi.

Kɔlɔsii 3:22 ပူးပေါင်းရင်းမြစ်များ

Matiu 6:22

Yisɨ wə lùu kiꞌ tɨ́ ŋwaa wi. Kɨ luu sɨ ghə luu jəə, a tə̀ maa nu kəmuꞌ, buu ŋwaa wə nshə taa kii məley.

Matiu 8:9

Nshɨ-tɔ ŋwaa lùu wə faŋ wə mɔ́ꞌ tɔ mə. Vəsogeꞌ baa luu ŋiꞌ mə, faŋ mə sɔꞌ vəŋ. Mə gì tɨ́ wə muꞌ laa, gə, ŋwə gə̀, gì tɨ́ wuu mɔ́ꞌ laa, jwi, ŋwə jwì, gì tɨ́ buꞌ ŋwaa laa yɨ nee, ŋwə yɨ̀.»

Lukas 6:46

Yeso baa gi laa, «Sii yɨ̀ kə viŋ tii mə laa «tɨta, tɨta», kee kɨ yɨsə nu ŋkɨə faŋ mə gisə me?

Lukas 7:8

Maa nshɨ-tɔ ŋwaa lùu wə faŋ wə mɔ́ꞌ lùu vɨsɨ fɨ ghɔ mə, vɨɨ mɔ́ꞌ baa lùu shɔ faŋ mə sɔꞌ vəŋ. Mə gì tɨ́ ŋgwə muꞌ laa ŋwə gə, buu ŋwə taa gə, baa gì tɨ́ wuu mɔ́ꞌ laa ŋwə jwi, buu ŋwə taa jwi. Mə gì tɨ́ buꞌ ŋwaa laa ŋwə yɨ nee, ŋwə yɨ̀.»

Akts 2:46

Shi shi vəŋ gə taa ŋii Nwi yikwalə nə fwi yimuꞌ, ndɔ bɨꞌtə bee taa ndɔꞌ vəŋ, zɨ fazɨ nə məŋaytə, baa nə fwi yiley,

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

Galatia 1:10

Viŋ bɨꞌtə laa mə fɨꞌtə nu Nwi laa vɨɨ kaw mə mu, mu laa ŋkə bàw tɨ́ Nwi? Mə nii toꞌ kɨ kəə jəə fɨ ghɔ vɨɨ, buu mə kee baa lùu wuu faꞌ Kristo me.

Kɔlɔsii 3:20

Gə fɨ maa viŋ, vaŋnə, viŋ kɨ zɔnə vənshwi viŋ ghɔ vətɨɨ viŋ maa vənu vənshə, buꞌ laa ŋkə bàw sɨ Kristo laa vɨɨ mbɨə faŋ vəŋ beꞌsə ŋwə, kɨ yɨ nɨniŋ.

1 Tesalonika 2:4

Yia bee kii gisə nu ŋkɨə faŋ Nwi kəə, buꞌ laa ŋwə nə mɔ̀ŋ yia laa yia kùꞌnə mu, buu kɔ̀ nu kɔ́ taa ghɔ yia, faŋ lùu ntɔŋ yijəə Nwi. Yia fɨꞌtə ntɔŋ yɔ́ nɨniŋ, kee kəə kɨ bawsə too vɨɨ me, luu sheꞌ maa məbawsə too Nwi faŋ ŋwə kɔꞌ kɨɨ nə fwi sia.

Filemon 1:16

Nɨniŋ, ŋwə kee baa luu sheꞌ buꞌ wə me; ŋwə gù fa faŋ ŋkə shɔ̀ɔ buꞌ, gù lùu weenshu wə, faŋ a kàw ŋwə. Maa ŋwə luu ŋkee weenshu ŋwaa faŋ mə kàw ŋwə. Nɨniŋ, ŋwə ndɔ baa luu weenshu wə shɔ̀ɔ nɨniŋ, fɔnə a kìi ŋwə fɨ taa mənshi yaa buꞌ wə, baa kìi ŋwə yaa weenshu wə fɨ yiba Kristo nə.