Kɔlɔsii 3:17 - Vengo (Babungo)

¹⁷ Taa vənu vənshə faŋ viŋ yɨsə, nə təgi tənshə faŋ viŋ gisə, viŋ kɨ yɨsə vənu vənshə sheꞌ maa yizii Yeso Kristo, baa bwaŋ Nwi, faŋ lùu Tii ŋwaa-nsiŋ, fɨ yiba jɨŋ Kristo.

Kɔlɔsii 3:17 ပူးပေါင်းရင်းမြစ်များ

Matiu 28:19

Viŋ gə taa məshɨ mənshə fɨ taa mbi, kɨ yɨsə vɨɨ gu vɨɨ məzwetə nu kaŋ. Viŋ kɔ muu mə Nwi tɨ́ vəŋ maa yizii tɨta Nwi, nə yizii Wee (Nwi), baa nə yizii Zwitə Ley,

Akts 19:17

Vɨɨ vənshə faŋ vəŋ nə luu shɨ Efesɔs, vɨɨ Jus nə vɨɨ Griik zɔ nu kɔ́, vəŋ vənshə fee, kɨ bəŋsə yizii tɨta Yeso.

Akts 4:30

Nesə ghɔ kə nɨzi, shùꞌ vəza fɨ maa vɨɨ, yɨ laa vəshwenə nə vənu və shuu yɔŋvə fuu maa yizii wuu faꞌ wə Yeso, faŋ ŋwə bàw shɨlə nə.»

Roma 1:8

Mfɔŋ nu lùu laa mə bwaŋ Nwi buꞌ viŋ vənshə maa yizii Yeso Kristo, buꞌ laa vɨ gisə kɔ̀ŋ viŋ taa mbi yinshə, faŋ viŋ nùŋ fwi siŋ maa Yeso Kristo, weꞌ shɔ.

1 Kɔrintian 10:31

Mə bəŋsə tɨ́ kəŋ wə ghɔ́ laa, bàw viŋ kɨ bəŋsə sheꞌ Nwi maa vənu vənshə faŋ viŋ yɨsə. Yighee njyə faŋ viŋ zɨ fazɨ, tɨꞌnə me nu fa, tɨꞌnə me yɨ nu mɔ́ꞌ, viŋ kɨ yɨsə maa jɨɨ njyə faŋ nyə taa kɔ feenə tɨ́ Nwi.

Efesɔs 1:17

Mə shɔꞌtə Nwi, tɨɨ tɨta ŋwaa-nsiŋ Yeso Kristo, ŋkee tɨta Nwi faŋ vənu vi bàw shɨlə nə, laa ŋwə kɔ Zwitə ki tɨ́ viŋ. Ŋkə kɨ kɔ viŋ nə yitɔfə, baa twelə ŋiꞌ nu ki tɨ́ viŋ, viŋ kɨɨ nə ŋwə.

Efesɔs 5:20

bwaŋ tɨta Nwi ghee nshə maa vənu vənshə fɨ yiba jɨŋ tɨta Yeso Kristo.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Filipi 2:11

Vəŋ vənshə ndɔ biŋ ntee laa Yeso Kristo lùu wuu məsɔꞌ mbi. Nɨniŋ, vəŋ kɔ feenə tɨ́ tɨta Nwi.

Kɔlɔsii 1:12

Viŋ kɨ bwaŋ Tii ŋwaa-nsiŋ fɨ yizɔ nə məŋaytə! Yɨsə ŋwə buu viŋ kùꞌnə laa viŋ ndɔ zɨ vənu mbɨə faŋ ŋwə nə nùŋsə tɨ́ vɨɨ vi maa shəŋ ŋkɨə faŋ məley Nwi bee shɔ nə.

Kɔlɔsii 2:7

Viŋ goꞌ viŋ ŋwə ghee nshə, gə nə vɨsɨ vɨsɨ, kɔꞌ bɨbiŋ ŋwə, wèꞌ shɔ, sheꞌ faŋ vɨ nə dèesə viŋ nə. Viŋ kɨ bwaŋ ŋwə ghee nshə nə məŋaytə.

Kɔlɔsii 3:15

Viŋ kɨ yɨsə laa mənɔŋ-bwaŋnə faŋ ŋwə ndɔ̀ fɨ ghɔ Kristo, shiinə viŋ maa vənu vənshə faŋ viŋ yɨsə, buꞌ laa Nwi nə tìi viŋ laa viŋ jwi dùꞌ nyɔŋ, lùu yaa ŋwaa wi muꞌ, kɨ bwaŋ Nwi shɔ ghee nshə.

Kɔlɔsii 3:23

Maa vənu vənshə faŋ vɨ kɔ tɨ́ viŋ, laa viŋ faꞌ nə, viŋ kɨ faꞌ nə fwi yijəə, bɨꞌtə laa viŋ faꞌ tɨ́ Nwi, laa viŋ kee faꞌ sheꞌ tɨ́ wə mənsaw me.

1 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia nyɔ̀ꞌ ŋwaꞌlə ŋwə̀ tɨ́ nshəŋtə vɨɨ Nwi fɨ ntɨꞌ Tesalonika maa yizii tɨta Nwi, baa nə tɨta Yeso Kristo. Nwi kɔ viŋ nə mənɔŋ-bwaŋnə, baa nə məduꞌ-nyɔŋ!

1 Tesalonika 5:18

bwaŋ ŋwə maa vənu vənshə, buꞌ laa nu ŋkɨə faŋ Nwi kəə, lùu laa viŋ kɨ yɨsə nɨniŋ maa yizii Yeso Kristo.

2 Tesalonika 2:17

Bàw ŋwə kɨ boolə fwi siŋ, kwàŋ wutə maa viŋ, tɨ́ kaꞌ viŋ kɨ yɨsə vənu vəjəəvə vənshə, gisə sheꞌ vənu vəjəəvə nɨzi.

Hibru 1:5

Nwi nə gì tɨ́ ŋwə laa, «A lùu ŋwiŋ ŋwaa. Nshɨ-tɔ ŋwaa nə bì ghɔ ndee.» Nwi nə baa luu gì tɨ́ ŋwə laa, «A lùu ŋwiŋ ŋwaa, mə luu tii wə.» Nshiiŋii Nwi kee lùu shɔ, faŋ Nwi nə gì kəŋ nu ghɔ́ tɨ́ ŋwə me. Nwi nə gì nɨniŋ sheꞌ tɨ́ ŋwiŋ wi Yeso Kristo.

Hibru 13:15

Nɨniŋ, nsiŋ shɔɔ fɨ jɨŋ Yeso, kɨ bəŋsə Nwi ghee nshə, buu məbəŋsə Nwi ŋwaa-nsiŋ taa luu yaa ndey, faŋ nsiŋ fèꞌ tɨ́ Nwi. Nsiŋ ndi gɨ saŋ-nsiŋ, bə̀ŋsə yizii yi shɔ ntee.

1 Pita 2:5

Nɨniŋ, bàw viŋ gu ŋoꞌsə bweysə nɨzi, tɨ́ kaꞌ Nwi ndì viŋ, bɔ̀ŋ viŋ yaa ŋoꞌsə, viŋ gù ŋii Zwitə Nwi, baa gù vɨɨ məfeꞌ Nwi nɨzi, faŋ vəŋ ley vɨsɨ Nwi. Nɨniŋ, kaꞌ viŋ kɔ Nwi maa Zwitə Ley Nwi, faŋ Nwi kaw nə, buꞌ Yeso Kristo.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.

1 Jɔn 2:23

Wə tɨ̀ me wə faŋ ŋwə kee bìŋ Wee Nwi me, buu ghɔ Nwi kee lùu fɔ nu me. Wə ntɨə faŋ ŋwə bìŋ Wee Nwi ntee, buu ghɔ tɨta Nwi lùu fa kəmuꞌ.

1 Jɔn 3:18

Nɨniŋ, vaŋ vaŋ, kɨ nsiŋ baa kɨ kaw vaŋ-nshwi vaŋ-nsiŋ sheꞌ fɨ shuu nə yigi me! Bàw nsiŋ kɨ kaw vəŋ maa vənu mbɨə faŋ nsiŋ yɨsə, nə fwi yiley.