Kɔlɔsii 3:15 - Vengo (Babungo)

¹⁵ Viŋ kɨ yɨsə laa mənɔŋ-bwaŋnə faŋ ŋwə ndɔ̀ fɨ ghɔ Kristo, shiinə viŋ maa vənu vənshə faŋ viŋ yɨsə, buꞌ laa Nwi nə tìi viŋ laa viŋ jwi dùꞌ nyɔŋ, lùu yaa ŋwaa wi muꞌ, kɨ bwaŋ Nwi shɔ ghee nshə.

Kɔlɔsii 3:15 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:27

Mə gə, mèꞌtə məduꞌ-nyɔŋ tɨ́ viŋ. Mə taa kɔ məduꞌ-nyɔŋ tɨ́ viŋ. Mə kee kɔ tɨ́ viŋ faŋ mbi kɔ nə me. Kɨ fwi siŋ lɔꞌ me, nduŋ kee kɨ sɨɨ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:33

Mə naysə nu kɔ́ tɨ́ viŋ, tɨ́ kaꞌ nsiŋ lùu fa kəmuꞌ, fwi yiŋ duꞌ nyɔŋ. Viŋ taa ye ŋɨꞌ taa mbi nyə̀, viŋ ka fwi siŋ, buꞌ laa mə duꞌtə mə ghɔꞌ mbi nyə̀.»

Roma 1:21

Lùu nɨniŋ buꞌ laa vəŋ nəə kɔꞌ kɨɨ laa Nwi lùu shɔ, kee bee bəŋsə ŋwə yaa Nwi me, kee bwaŋ ŋwə me, bɨꞌtə sheꞌ vənu vədayday. Nɨniŋ, mbɨꞌtə vəŋ luu njyə ŋkɔmə fɨ taa fwisə vəŋ.

Roma 14:17

Ŋiꞌ nu yifwàŋ Nwi kee lùu nu məzɨ fa, baa nə nu mənu fa me. Nu yifwàŋ Nwi lùu nu faŋ Zwitə Ley Nwi ŋìi taa fwi wə, kìasə nu ki, ŋkə loomə, fwi yi zutə, lwàŋ nə məŋaytə.

Roma 15:13

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

Roma 5:1

Faŋ ŋkə lùu nɨniŋ nə, vənu vaŋ-nsiŋ lùu vəloomə vɨsɨ Nwi, buꞌ faŋ nsiŋ nùŋ fwi saŋ-nsiŋ maa Yeso Kristo nə, buu nsiŋ vɨ Nwi kìi məduꞌ-nyɔŋ fɨ yiba jɨŋ tɨta ŋwaa-nsiŋ Yeso Kristo.

1 Kɔrintian 10:17

Faŋ nsiŋ zɨ̀ bee kɔ́ nə, bee kɔ́ faŋ nsiŋ zɨ, luu sheꞌ ghɨsə bee muꞌ. Ŋkə də̀ laa nsiŋ, faŋ nsiŋ kɔlə lùu vəyaŋ nə, nsiŋ lùu sheꞌ fa kəmuꞌ, buꞌ faŋ nsiŋ vənshə zɨ sheꞌ fɨ maa ghɨsə bee muꞌ.

1 Kɔrintian 7:15

Kɨ luu wə ntɨə faŋ kee lùu wuu Nwi taa ŋwaa vəŋ me, gi laa yi taa gaasə məndaa wi, kaꞌ vəŋ gàasə. Faŋ ŋkə lùu nɨniŋ, kɨ vɨ dɔɔ laa wə ntɨə faŋ lùu wuu Nwi, duꞌ ghɔ ndəə wi, tɨꞌnə me ghɔ zu wi me, buꞌ vəŋ taa duꞌ sheꞌ nə ntaysə. Maa Nwi shòꞌ nsiŋ yaa vɨɨ vi laa nsiŋ kɨ duꞌ bwaŋnə.

2 Kɔrintian 4:15

Vənu vɔ́ vənshə luu buꞌ viŋ, tɨ́ kaꞌ gəŋsə Nwi, faŋ Nwi kee gəŋsə vɨɨ nə, gə̀ nə vɨsɨ, kɨ yɨsə nwaa vɨɨ mbɨə faŋ vəŋ bwaŋ Nwi yaŋ, yizii Nwi kwalə shɔ.

2 Kɔrintian 9:11

Nwi yɨsə vətɔ vənshə lwaŋ ghɔ viŋ, tɨ́ kaꞌ viŋ kɔ̀ vətɔ ghee nshə nə fwi yimuꞌ, yia fi, gə̀ kɔ̀ tɨ́ vɨɨ, ŋkə yɨsə vəŋ kɨ bwaŋ Nwi.

Efesɔs 4:16

Faŋ nsiŋ lùu ŋwaa Kristo, Kristo lùu tɔ taa ŋwaa nsiŋ nə, ŋwə yɨ̀ vədɨꞌ vənshə fɨ maa ŋwə ghaytə fàynə, buꞌ laa vəyəə vi vənshə faynə̀, faŋ mfɨꞌ wutə vəŋ kùꞌnə tɔ tɔ maa məfaꞌ faꞌ nə, ŋwaa ghɔ́ nshə ta, gə vɨsɨ, faŋ vəlaŋ vi kawnə vəŋ vəŋ nə.

Efesɔs 4:4

Nwaa Kristo luu muꞌ, Zwitə Nwi luu kəmuꞌ, sheꞌ faŋ nu ŋkɨə faŋ viŋ tə sɨ shɔ nə, lùu kəmuꞌ nɨzi. Nwi nə tìi viŋ maa nu kɔ́ kəmuꞌ nə.

Efesɔs 5:1

Nɨniŋ, viŋ ndi ghuu yitoꞌ Nwi buꞌ laa viŋ lùu vaŋ vi, faŋ ŋwə kaw viŋ.

Efesɔs 5:20

bwaŋ tɨta Nwi ghee nshə maa vənu vənshə fɨ yiba jɨŋ tɨta Yeso Kristo.

Kɔlɔsii 1:12

Viŋ kɨ bwaŋ Tii ŋwaa-nsiŋ fɨ yizɔ nə məŋaytə! Yɨsə ŋwə buu viŋ kùꞌnə laa viŋ ndɔ zɨ vənu mbɨə faŋ ŋwə nə nùŋsə tɨ́ vɨɨ vi maa shəŋ ŋkɨə faŋ məley Nwi bee shɔ nə.

Kɔlɔsii 2:7

Viŋ goꞌ viŋ ŋwə ghee nshə, gə nə vɨsɨ vɨsɨ, kɔꞌ bɨbiŋ ŋwə, wèꞌ shɔ, sheꞌ faŋ vɨ nə dèesə viŋ nə. Viŋ kɨ bwaŋ ŋwə ghee nshə nə məŋaytə.

Kɔlɔsii 3:17

Taa vənu vənshə faŋ viŋ yɨsə, nə təgi tənshə faŋ viŋ gisə, viŋ kɨ yɨsə vənu vənshə sheꞌ maa yizii Yeso Kristo, baa bwaŋ Nwi, faŋ lùu Tii ŋwaa-nsiŋ, fɨ yiba jɨŋ Kristo.

1 Tesalonika 5:18

bwaŋ ŋwə maa vənu vənshə, buꞌ laa nu ŋkɨə faŋ Nwi kəə, lùu laa viŋ kɨ yɨsə nɨniŋ maa yizii Yeso Kristo.

1 Timoti 2:1

Mfɔŋ nu faŋ mə kəə tɨ ghɔ shɔ, lùu laa viŋ kɨ buꞌ ghɔ tɨ́ Nwi, shɔꞌtə ŋwə, fàynə shuu wiŋ, bùꞌ ghɔ tɨ́ ŋwə, kɔ̀ bwaŋ-wee tɨ́ ŋwə, yɨ̀sə nɨniŋ tɔ vɨɨ vənshə.

1 Timoti 6:12

Kɨ̀ saŋ ŋwaa maa nu ŋkɨə faŋ a nùŋ fwi yə maa Kristo nə, fi məbwey vəlwaŋ faŋ Nwi tìi ghɔ shɔ nə, faŋ a nə biŋ jəə yikəꞌ vɨɨ vənshə, vəŋ zɔ.

Hibru 13:15

Nɨniŋ, nsiŋ shɔɔ fɨ jɨŋ Yeso, kɨ bəŋsə Nwi ghee nshə, buu məbəŋsə Nwi ŋwaa-nsiŋ taa luu yaa ndey, faŋ nsiŋ fèꞌ tɨ́ Nwi. Nsiŋ ndi gɨ saŋ-nsiŋ, bə̀ŋsə yizii yi shɔ ntee.

Reveleyshən 7:12

gì laa, «Lùu nɨniŋ. Nsiŋ kɨ bəŋsə Nwi, kɔ feenə tɨ́ ŋwə. Yitɔfə yinshə luu sheꞌ ghɔ ŋwə. Məbwaŋ luu sheꞌ tɨ́ ŋwə. Ŋwə kwàlə shɔ̀ɔ, kìi wutə kənshə, ndɔ gòꞌsə yighee muꞌ. Ŋkə lùu sheꞌ nɨniŋ.»