Kɔlɔsii 3:11 - Vengo (Babungo)

¹¹ Viŋ kɨ kii nshinə yifi yɔ́, buu ŋkwiinə kee baa lùu shɔ taa ŋwaa viŋ me. Vɨɨ Griik kee baa lùu nɨŋkwiŋ fɨ ghɔ vɨɨ Jus me. Vɨɨ faŋ vɨ sɨ̀ɨtə vəŋ, kee baa lùu nɨŋkwiŋ fɨ ghɔ vɨɨ faŋ vɨ kee sɨ̀ɨtə vəŋ me. Vəndɔ nə vɨɨ fɨ taa gay kee baa lùu nɨŋkwiŋ fɨ ghɔ vɨɨ binə binə me. Buꞌ kee baa lùu nɨŋkwiŋ fɨ ghɔ wə faŋ ŋwə tɨ̀ŋ tɔ ŋwə me. Vɨɨ vənshə luu sheꞌ nɨndɨŋ. Nu kwalə luu sheꞌ Kristo faŋ ŋwə lùu taa vənu vənshə.

Kɔlɔsii 3:11 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:23

Yeso gi tɨ́ ŋwə laa, «Wə ntɨə faŋ ŋwə kaw mə, ŋwə taa kɨ nuŋsə yigisə nyaa nɨzi, Tii ŋwaa taa kaw ŋwə, yia Tii ŋwaa taa kɨ shi yia vɨ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:5

Mə lùu tɨ taŋ, viŋ luu təntaŋ ti. Wə ntɨə faŋ ŋwə lùu taa fwi mə, mə lùu taa fwi ŋwə. Wə ghɔ́ kɨ nii kwaanə vətaŋ vəyaŋ. Kaꞌ wə kee yɨ̀ nu me, tɨ̀ lɨꞌ laa mə lùu fɨ yiba jɨŋ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:23

Nu kaŋ lùu taa fwi vəŋ, nu kə lùu taa fwi mə, tɨ́ kaꞌ vəŋ lùu nə fa kəmuꞌ, ŋkə baw mètə. Nɨniŋ, mbi ye, ndɔ kɨɨ laa, nə tɔ̀ŋ ghɔ tɔ̀ŋ mə, baa nə laa a kaw vəŋ sheꞌ faŋ a kaw mə nə.

Akts 15:17

Nɨniŋ laa bətə vɨɨ faŋ vəŋ gòꞌ, kɨ kəə Mɔꞌmbi, baa nə laa vɨɨ tətɔŋ fu taa kɨ kəə Nwi nɨzi, faŋ vɨ naysə yizii yi tɨ́ vəŋ. Nshɨ-tɔ Nwi faŋ ŋwə yɨ nu kɔ́, nə gì nɨniŋ.

Akts 28:2

Vɨɨ shɨ vɔ́ nə sàylə maa yia, kèe gəŋ sia, twàŋ məŋkɔꞌ tɨ́ kaꞌ yia zwà wisə, buꞌ laa yighuu nəə sɨsiꞌ, gwə koo yia.

Akts 28:4

Faŋ vɨɨ shɨ vɔ́ nə yè faŋ zɔ yɔ́ nə ghàytə maa ghɔ Pɔɔl, vəŋ gi wə nə wə laa, «Wə ŋwə̀ lùu wuu məzwi wə, faŋ ŋwə bwèy fɨ ghɔ mamuu, Nwi kee biŋ laa ŋwə bwey me.»

Roma 1:14

Nu kaŋ lùu laa mə kɨ fɨꞌtə nu Kristo tɨ́ vɨɨ faŋ vəŋ kɨɨ nə ghaŋ Griik, nə tɨ́ vɨɨ faŋ vəŋ kee kɨɨ nə ghaŋ Griik me, nə tɨ́ vɨɨ yitɔfə, nə tɨ́ vɨɨ faŋ vəŋ kee kɨ̀ɨ nə vənu me.

Roma 10:12

Nu wuu Jus nə nu wuu Griik kee lùu nɨŋkwiŋ nɨŋkwiŋ me, buꞌ laa wə ntɨə faŋ ŋwə kìi vəŋ, luu sheꞌ muꞌ, luu Nwi. Ŋwə kɔ̀ vətɔ vəjəəvə tɨ́ vɨɨ vənshə faŋ vəŋ tii yizii yi.

Roma 3:22

Jɨɨ yɔ́ lùu laa wə nuŋ fwi yi maa Yeso Kristo, buu Nwi kiasə vənu vi, mbə loomə. Jɨɨ yɔ́ lùu tɨ́ vɨɨ vənshə faŋ vəŋ nùŋ fwisə vəŋ maa ŋwə, faŋ vəŋ kɔlə lùu vɨɨ fə, ŋkwiinə kee lùu shɔ me.

Roma 3:29

Nwi luu sheꞌ Nwi vɨɨ Jus nɨnɔŋ mu, kee lùu Nwi vɨɨ tɔmə day yimu? Maa ŋwə lùu Nwi vɨɨ tɔmə day nɨzi.

1 Kɔrintian 12:13

Faŋ nsiŋ kɔlə lùu nɨŋkwiŋ nɨŋkwiŋ nə, faŋ vɨɨ mɔ́ꞌ lùu vɨɨ Jus, vəmɔ́ꞌ lùu vɨɨ Griik, vɨɨ mɔ́ꞌ baa lùu vəbuꞌ, vɨɨ mɔ́ꞌ kee lùu vəbuꞌ me, nsiŋ vənshə nə fì Zwitə Nwi kɔ́ kəmuꞌ.

1 Kɔrintian 14:11

Faŋ ŋkə kɔlə lùu nɨniŋ, kɨ luu laa mə kee zɔ̀ ghaŋ mɔ́ꞌ me, buu wə ghɔ́ taa ndɨ mə yaa wə tɔŋ, ŋwə taa baa lùu yaa wə tɔŋ shee nɨzi.

1 Kɔrintian 7:19

Faŋ vɨ sɨɨtə wə, tɨꞌnə me kee sɨ̀ɨtə me, nsɔꞌ kee lùu shɔ me. Nu ŋkɨə faŋ luu ŋkee nu, lùu laa wə kɨ nuŋsə ntɨsə Nwi.

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Efesɔs 1:23

Nwaa vɨɨ məbiŋ Kristo luu sheꞌ yaa ŋwaa Kristo. Ŋwə lwàŋ taa fwisə vəŋ vənshə, yɨ̀ laa vənu vənshə faynə maa ŋkɨɨ Nwi.

Efesɔs 2:14

Nshɨ-tɔ Kristo yɨsə nsiŋ duꞌ nyɔŋ nsiŋ nsiŋ. Ŋwə fàynə vɨɨ Isirayl nə vɨɨ tɔmə day, laa nsiŋ luu fa kəmuꞌ ndwə. Ŋwə bàꞌsə ŋkɔꞌ njyə faŋ nyə nə gaasə vɨɨ nə. Nɨniŋ laa ŋwə nə metə mbeenə vəŋ, faŋ ŋwə nə kɔ̀ ŋwaa wi tɨ́ yiku nə.

Efesɔs 2:15

Ŋwə nə ndìsə nuŋsə njyə faŋ Nwi nə kɔ̀ tɨ́ vɨɨ Isirayl, ndì kəŋ vɨɨ vɔ́ vəbɔɔ nə, kìasə vəŋ, vəŋ lùu fa kəmuꞌ ndwə fɨ yiba jɨŋ Kristo faŋ ŋwə nə fàynə yigisə vəŋ.

Efesɔs 3:17

Kristo baa nɔ̀ŋ taa fwisə viŋ, faŋ viŋ nùŋ fwi siŋ maa ŋwə, laa viŋ kɨ kaw ŋwə ŋkee dɨdɨꞌ. Mə buꞌ ghɔ tɨ́ Nwi laa viŋ nuŋ fwi siŋ maa ŋwə sheꞌ faŋ vɨ yaa kɨ bia tɨ taa nsi, ŋkə ŋìisə ghay ghi taa shɔꞌ, tɨŋ ŋkee kəweꞌ.

Efesɔs 3:6

Ŋiꞌ nu kɔ́ lùu laa, vɨɨ mbɨə faŋ vɨ nə kee bì vəŋ yaa vɨɨ Jus me, lùu vɨɨ məzɨ vətɔ və Nwi nɨzi, baa lùu way ŋwaa vɨɨ Nwi, ndɔ zɨ məbwey vəlwaŋ nɨzi, faŋ Nwi nə kɔ̀ꞌnə maa məkɔ tɨ́ vɨɨ nə. Lùu nɨniŋ buꞌ Yeso Kristo, faŋ vəŋ bìŋ ntɔŋ yijəə yi nə.

Efesɔs 6:8

Viŋ kɔꞌ kɨɨ laa, wə kɨ luu yɨ̀ nu jəə, buu ndɔ bəŋsə tɨta Nwi tɨ́ ŋwə, faŋ wə ghɔ́ kɔlə lùu buꞌ, tɨꞌnə me luu ŋkee mbinə mbinə.

Kɔlɔsii 2:10

Faŋ viŋ lùu fa kəmuꞌ viŋ ŋwə, buu viŋ mètə tɨ̀ŋnə yaa vɨɨ Nwi fɨ yiba jɨŋ ŋwə. Luu ŋwə lùu tɔ tɨ́ vɨɨ mbɨə faŋ vəŋ sɔꞌ mbi nə. Ŋwə baa lùu tɔ tɨ́ vəwutə vənshə.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.

2 Jɔn 1:9

Wə tɨ̀ me wə faŋ ŋwə dèe ki, kee tɨŋ sheꞌ maa nu ŋkɨə faŋ Kristo nə dèesə me, buu ghɔ Nwi kee baa lùu fɔ nu me. Gə fɨ maa wə ntɨə faŋ ŋwə tɨŋ sheꞌ maa nu ŋkɨə faŋ Kristo nə dèesə tɨ́ ŋwə nə, tɨta Nwi ghɔ ŋwiŋ wi lùu yɨ kəŋ wə ghɔ́.