Kɔlɔsii 3:1 - Vengo (Babungo)

¹ Mə duꞌtə mə gì tɨ́ viŋ laa Nwi ywèysə viŋ fɨ ghɔ yiku, viŋ vɨ Kristo mɔ́ꞌ. Nɨniŋ, viŋ tə sɨ ghiŋ maa vətɔ mbɨə faŋ mbə lùu yizɔ, shəŋ ŋkɨə faŋ Kristo lùu shɔ nə. Ŋwə dùꞌ shɔ maa kwiŋ maꞌnə Nwi.

Kɔlɔsii 3:1 ပူးပေါင်းရင်းမြစ်များ

Matiu 22:44

«Tɨta Nwi nə gì tɨ́ tɨta ŋwaa laa, duꞌ nsi maa kwiŋ maꞌnə ŋwaa, zìꞌ maa yighee njyə faŋ mə ndɔ mɔꞌ vɨɨ mbeenə və nsi, laa a tə ghuu ghə fuu ŋwaa vəŋ.»

Matiu 26:64

Yeso gi tɨ́ ŋwə laa, «Gì ghɔ nɨniŋ. Mə naysə tɨ́ viŋ ntee laa, shù ndee viŋ ndɔ ye Wuu yinsəŋ Nwi faŋ ŋwə dùꞌ maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə faŋ ŋwə jɨjwi fɨ fuu mbɔꞌ fɨ taa yizɔ.»

Matiu 6:20

Viŋ nuŋ ka wiŋ luu yizɔ, faŋ kaꞌ mbɔŋ nə kwa kee kwə me, vəndɔꞌ kee shaw me.

Matiu 6:33

Nɨniŋ, viŋ bɨ tə̀ sɨ maa nu yifwàŋ yizɔ, baa nə laa viŋ ndɔ luu vəloomə sɨ ŋwə, buu ŋwə kɨ kuꞌsə vətɔ vɔ́ tɨ́ viŋ nɨzi.

Mark 12:36

Maa Zwitə Nwi nə yɨ̀sə nshɨ-tɔ fwàŋ Deyvid gi laa, «Tɨta Nwi nə gì tɨ́ tɨta ŋwaa laa, duꞌnə nsi maa kwiŋ maꞌnə ŋwaa, zìꞌ maa yighee njyə faŋ mə taa mɔꞌ vɨɨ mbeenə və vɨsɨ ghɔ, a tə ghuu ghə tɔ vəŋ.»

Mark 14:62

Yeso bəŋsə tɨ́ ŋwə laa, «Ɔŋ, luu mə. Viŋ ndɔ ye Wuu yinsəŋ Nwi faŋ ŋwə ndɔ duꞌnə ŋkee fuu ŋkaw kwi maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə, faŋ ŋwə ndɔ jwi taa mbɔꞌ fɨ yizɔ.»

Mark 16:19

Faŋ tɨta Yeso nə gì yigi yɔ́ tɨ́ vəŋ metə, Nwi yɨsə ŋwə koꞌ gə̀ taa yizɔ, gə̀ dùꞌnə maa kwiŋ maꞌnə Nwi.

Lukas 12:33

(Yeso baa gì laa,) «Viŋ fiŋ vətɔ viŋ, gàŋtə vɨɨ ŋɨꞌ shɔ. Nɨniŋ, viŋ naysə vəpɔsa viŋ faŋ kaꞌ mbə kee ndɔ dwaŋ me. Bàw viŋ kəə ka faŋ lùu ŋgwə yizɔ, faŋ lùu məbwey vəlwaŋ faŋ ŋwə goꞌsə yighee muꞌ. Kaꞌ ndɔꞌ kee jwi shaw kəŋ ka ghɔ́ me. Kaꞌ fənda gɔ kee nda me.

Lukas 20:42

Maa nshɨ-tɔ fwàŋ Deyvid nə nyɔ̀ꞌ taa ŋwaꞌlə Sam laa, «Mɔꞌmbi gì tɨ́ tɨta ŋwaa laa ŋwə duꞌ maa kwiŋ maꞌnə wi,

Lukas 22:69

Luu nə, shù fɨ maa ndwə, Wuu yinsəŋ Nwi taa duꞌ maa kwiŋ Nwi maꞌnə, faŋ ŋwə kìi wutə kənshə.»

Akts 2:34

Ŋkee nshɨ-tɔ fwàŋ Deyvid nə kee koꞌ gə̀ yizɔ me, luu nə, gì laa, «Tɨta Nwi gì tɨ́ tɨta ŋwaa laa ŋwə duꞌ maa kwiŋ maꞌnə Nwi,

Akts 7:55

Luu nə, Zwitə Ley Nwi lwaŋ taa fwi Stefen, ŋwə ndeynə yizɔ, yè yikwalə Nwi nə Yeso, faŋ ŋwə tɨŋ maa kwiŋ maꞌnə Nwi.

Roma 8:34

Sii kaꞌ shia ndə shia nsɔꞌ tɔ vəŋ? Yeso Kristo nə kù tɔ nsiŋ, baa yɨ̀sə nu faŋ ŋkə shɔ̀ɔ yiŋkii. Nu kɔ́ lùu laa ŋwə nə ywèy fɨ shɨ yiku. Ŋwə baa dùꞌ maa kwiŋ Nwi maꞌnə, bəŋsə vənu vaŋ-nsiŋ ghɔ Nwi.

Roma 8:6

Nu mətə sɨ maa vətɔ və mbasə ŋwaa wə yaa kɨ jwi nə yiku. Nu mətə sɨ maa nu Zwitə Ley Nwi, ndɔ jwi nə məbwey vəlwaŋ, nə məduꞌ-nyɔŋ.

2 Kɔrintian 4:18

Ŋkə lùu nɨniŋ buꞌ faŋ nsiŋ kee tə̀ sɨ maa vətɔ mbɨə faŋ kaꞌ wə yè me; nsiŋ tə̀ sɨ luu maa vətɔ mbɨə faŋ kaꞌ wə kee ye me. Lùu nɨniŋ buꞌ laa vətɔ mbɨə faŋ vɨ ye, kee yaa kɨ shi tay me. Luu nə, vətɔ mbɨə faŋ vɨ kee yiye me, gòꞌsə yighee muꞌ.

Efesɔs 4:10

Wə ntɨə faŋ ŋwə nə sìꞌ fɨ taa yizɔ nə, lùu wə ntɨə faŋ ŋwə nə baa koꞌ gə̀ taa yizɔ ntaŋ, laa ŋwə lwesə mbi yinshə.

Efesɔs 5:22

Bàw vəki duꞌ ŋiꞌ vəndəə vəvəŋ, sheꞌ faŋ vəŋ dùꞌ ŋiꞌ tɨta Yeso nə.

Kɔlɔsii 2:20

Faŋ viŋ nə ŋìi taa nu yiku Kristo nə, ŋkə də̀ laa kɨ vəzwitə vəbwəvə fɨ taa mbi nyə̀ kee baa sɔ̀ꞌ viŋ me. Nɨniŋ, sii yɨ kə viŋ shi yaa vɨɨ fɨ taa mbi nyə̀, biŋ laa vɨɨ kɔ̀ nuŋsə yimɔ́ꞌ tɨ́ viŋ laa,

Kɔlɔsii 3:2

Nɨniŋ, viŋ tə sɨ maa vətɔ mbɨə faŋ mbə lùu yizɔ, kee kɨ tə sɨ maa vətɔ fɨ shɨ nsi me.

Hibru 1:13

Nwi nə gì tɨ́ ŋwiŋ wi laa, «Duꞌ maa kwiŋ maꞌnə ŋwaa, zìꞌ maa yighee njyə faŋ mə taa ghɔꞌ vɨɨ mbeenə və, ndɨ̀ vəŋ, nùŋsə ghuu ghɔ yaa fa faŋ kaꞌ a tə̀ ghuu ghə shɔ.» Nshiiŋii Nwi kee lùu shɔ faŋ Nwi nə gì kəŋ nu ghɔ́ tɨ́ ŋwə me.

Hibru 1:3

Wee Nwi ghɔ́ lùu məley Nwi; wutə Nwi taa ŋwaa ŋwə. Ŋkɨꞌnə yi lùu yaa njyə Nwi. Kìi ŋwə kìi wutə maa mbi yinshə sheꞌ fɨ maa yigisə yi. Ŋwə lòotə jɨɨ, sɔ̀ yibɨsə vɨɨ laa vəŋ ley. Ŋwə baa luu koꞌ gə̀ yizɔ, dùꞌ maa kwiŋ maꞌnə Nwi, faŋ ŋwə sɔ̀ꞌ vətɔ vənshə.

Hibru 10:12

Gə fɨ maa Yeso Kristo, ŋwə nə fèꞌ ndey sheꞌ yimuꞌ faŋ nyə kìi wutə maa məbaꞌsə yibɨsə vɨɨ yighee muꞌ. Ŋwə kɨ nii gə̀ dùꞌ fuu ŋkaw kwi maa kwiŋ Nwi maꞌnə.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 8:1

Nu ŋkɨə faŋ ŋkə shɔ̀ɔ vənu vənshə taa yigisə yia, lùu laa nsiŋ kìi kəŋ wuu kwalə məfeꞌ Nwi faŋ ŋwə dùꞌ maa kwiŋ maꞌnə Nwi, faŋ ŋwə kìi wutə kənshə yizɔ. Wuu kwalə məfeꞌ Nwi ghɔ́ lùu Yeso.

1 Pita 3:22

koꞌ gə̀ yizɔ, dùꞌ maa kwiŋ Nwi maꞌnə, kìi wutə kənshə, kɨ sɔꞌ ŋkee nshiisə-ŋiisə Nwi, nə vəzwitə məsɔꞌ mbi, nə vəzwitə vənshə faŋ mbə kìi wutə.