Kɔlɔsii 2:8 - Vengo (Babungo)

⁸ Viŋ ndɨɨnə laa kɨ wə jwi bweꞌsə viŋ, jia viŋ nə yitɔfə fɨ taa mbi nyə̀ me, tɨꞌnə me, nə yigisə dayday faŋ nyə ndɔ̀ fɨ ghɔ nuŋsə vɨɨ me, tɨꞌnə me, fɨ maa vəwutə və mbi me. Təgi tɔ́ kee ndɔ̀ fɨ ghɔ Kristo me.

Kɔlɔsii 2:8 ပူးပေါင်းရင်းမြစ်များ

Matiu 10:17

Viŋ kɨ ndɨɨnə fɨ ghɔ vɨɨ taa mbi, buꞌ laa vəŋ ndɔ kɔ viŋ taa ghɔ vɨɨ məshia nsɔꞌ, baa sàŋ viŋ nə vəmfa taa ndɔꞌ Nwi vəŋ.

Matiu 16:6

Yeso gi tɨ́ vəŋ laa, «Viŋ tɔfə, kɨ shiinə yiŋwaa yiŋ buꞌ fənsɨŋ fə məmwasə bee fə vɨɨ Farisii nə vɨɨ Sadusii!»

Matiu 7:15

«Viŋ kɨ tɔfə buꞌ vɨɨ məbweꞌsə vɨɨ faŋ vəŋ gi laa vəŋ lùu nshiisə-ŋii sɔghɔ, faŋ kee tɔŋ Nwi tɔŋ vəŋ me. Vəŋ jwi yuu bisə-njɨɨ, luu nə, fɨ təŋ vəŋ lùu vəbɔɔ vəbwəvə.

Akts 17:18

Vɨɨ mɔ́ꞌ faŋ nə luu vɨɨ məkəə ŋiꞌ mbi, faŋ vɨ tii vəŋ nə vɨɨ Epikurian nə vɨɨ Stoik, zɔ yigisə Pɔɔl nɨzi. Vɨɨ mɔ́ꞌ gi laa, «Wuu shuu yaŋ ŋwə̀ sii taa bee gi kə?» Vɨɨ mɔ́ꞌ gi laa ŋwə kəꞌ yaa wə faŋ ŋwə fɨꞌtə nu vənwi və tɔmə day. Vəŋ nə gì nɨniŋ, buꞌ laa Pɔɔl nəə fɨꞌtə nu Yeso nə nu məywey fɨ shɨ yiku.

Akts 17:32

Vɨɨ vɔ́ kɨ zɔ nu məywey fɨ shɨ yiku, vɨɨ mɔ́ꞌ taw ŋwə, vɨɨ mɔ́ꞌ gi laa vəŋ ndɔ baa jwi zɔ nu kɔ́ fɨ ghɔ ŋwə shi day.

Roma 16:17

Vaŋ-nshwi vaŋ, mə tɨsə viŋ laa, viŋ kɨ tɔfə maa vɨɨ mbɨə faŋ vəŋ jwi nə ŋgaasə, yɨsə vɨɨ gu maa nu Kristo, faŋ viŋ nə zwètə nə. Viŋ nyɨŋ fɨ yɨ vəŋ,

1 Kɔrintian 10:12

Nɨniŋ, wə faŋ ŋwə bɨꞌtə laa yi tɨ̀ŋ jəə, bàw ŋwə kɨ kɨɨ, baa tɔfə laa, kɨ məmɔŋ taa kɨ jwi, ŋwə gu me.

1 Kɔrintian 8:9

Nu kwalə lùu laa, kɨ viŋ yɨ nu faŋ ŋkə yɨsə laa wə mɔ́ꞌ gu nu me. A kɔlə kɨ̀ɨ fɨ taa yitɔfə yə laa kaꞌ a zɨ kəŋ fazɨ kɔ́, kaa yɨsə laa vɨɨ faŋ fwisə vəŋ kee ta lùu səweꞌ me, gu maa nu kɔ́ me.

2 Kɔrintian 10:5

suꞌsə mbɨɨsə ŋii sənshə faŋ nsə fə̀ŋ nu məkɨɨ nə Nwi. Yia ndɔ jia mbɨꞌtə vɨɨ yinshə, yɨ̀sə nyə zɔnə Kristo.

Galatia 1:14

Mə nə gə vɨsɨ fɨ taa ŋwaa vɨɨ vaŋ, shɔ̀ɔ za kaŋ vənshə maa nu vɨɨ Jus, wèꞌ maa nu ŋkɨə faŋ vətɨɨ via nə nàysə nə.

Galatia 4:3

Luu sheꞌ nɨndɨŋ tɨ́ nsiŋ nɨzi, yighee vɨsɨ wutə shɨ nsi nəə sɔꞌ nsiŋ, faŋ ŋkɔꞌnə Nwi yɔ́ nə kee ta fùu ntee me. Nsiŋ nə luu vəbuꞌ tɨ́ vəwutə vɔ́.

Galatia 4:9

Luu nə, viŋ duꞌtə viŋ kɨ̀ɨ nə Nwi ndwə. Bàw mə bee kii gì laa, Nwi kɨ̀ɨ nə viŋ. Faŋ ŋkə lùu nɨniŋ, sii yɨ̀ kə viŋ kəə bəŋ nə yiba, baa beꞌsə vəwutə və shɨ nsi? Sii yɨ̀ kə viŋ kəə kɨ bəŋ yiba, laa viŋ baa gu vəbuꞌ tɨ́ vəwutə vɔ́?

Galatia 5:15

Sii yɨ̀ kə viŋ yɨsə vənu yaa nyaasə taa gay faŋ nsə ndɔŋmə vəliŋ vəvəŋ, baa kɔ̀ vəndɨə maa vəliŋ vəvəŋ? Viŋ kɨ luu kɨ yɨsə nɨniŋ, buu viŋ taa bɨsə yiŋwaa yiŋ yinshə.

Efesɔs 2:2

Yighee vɨsɨ yɔ́, viŋ nəə shɔɔ fɨ maa jɨɨsə bwəsə taa mbi, zɔnə tɨɨ vəzwitə vəbwəvə fɨ taa mbi faŋ ŋwə sɔꞌ vɨɨ mbɨə faŋ vəŋ twey nu Nwi ndwə nə.

Efesɔs 4:20

Gə fɨ maa viŋ, viŋ nə zwètə nu Kristo, faŋ ŋkə luu ŋkee nɨŋkwiŋ.

Efesɔs 5:6

Kɨ wə bweꞌsə viŋ nə yigisə dayday buꞌ vənu vɔ́ me! Luu buꞌ kəŋ vənu vɔ́ faŋ nsɔꞌ Nwi ndɔ luu tɔ vɨɨ mbɨə faŋ vəŋ kee zɔnə Nwi me.

Filipi 3:2

Viŋ kɨ shiinə yiŋwaa yiŋ fɨ ghɔ busə sì. Viŋ kɨ shiinə fɨ ghɔ vɨɨ mbɨə faŋ vəŋ jwi kɨ deesə nu bwə taa ŋwaa viŋ, faŋ vəŋ nùŋ tɔ vəŋ sheꞌ maa nu məsɨɨtə vɨɨ nə.

Kɔlɔsii 2:18

Nɨniŋ, kɨ viŋ biŋ laa wə kɨ yɨꞌtə viŋ buꞌ kəŋ vənu vɔ́ me. Vɨɨ mbɨə faŋ vəŋ kəə yɨꞌtə viŋ nə, gisə laa vəŋ sùꞌsə yiŋwaa vəŋ nsi, tɨ́ vəŋ kòꞌsə yiŋwaa vəŋ maa yinsəŋ. Vəŋ bəŋsə nshiisə-ŋiisə Nwi, koꞌsə̀ yiŋwaa, gi laa vəŋ yè vənu fɨ ghɔ Nwi taa njyəəsə. Luu nə, məkoꞌsə ŋwaa vəŋ lùu nu dayday; mbɨꞌtə vəŋ ndɔ̀ sheꞌ fɨ shɨ nsi.

Kɔlɔsii 2:20

Faŋ viŋ nə ŋìi taa nu yiku Kristo nə, ŋkə də̀ laa kɨ vəzwitə vəbwəvə fɨ taa mbi nyə̀ kee baa sɔ̀ꞌ viŋ me. Nɨniŋ, sii yɨ kə viŋ shi yaa vɨɨ fɨ taa mbi nyə̀, biŋ laa vɨɨ kɔ̀ nuŋsə yimɔ́ꞌ tɨ́ viŋ laa,

Kɔlɔsii 2:22

Maa vətɔ vɔ́ vənshə luu sheꞌ shɔ laa mbə shɔ̀ɔ fɨ taa ŋwaa wə, kɨ nii yindi. Kəŋ ntɨsə sɔ́ ndɔ̀ sheꞌ fɨ taa mbɨꞌtə vɨɨ. Nsə lùu sheꞌ nuŋsə faŋ dèesə vɨɨ nə.

Kɔlɔsii 2:23

Mə kɔꞌ kɨɨ laa vɨɨ gì laa nuŋsə yɔ́ lùu nu tɔ ley, buꞌ laa nsə yɨsə vɨɨ kìi feenə, bwasə̀ yiŋwaa nsi, sɔꞌ ŋwaa vəŋ nə wutə. Luu nə, ŋkee yinsəŋ nsə lùu nu dayday, nsə yɨsə sheꞌ laa wə yɨ̀ nu ŋkɨə faŋ ŋwaa wi kàw.

1 Timoti 6:20

Zɔ mɔɔ, Timoti, bàw a tweꞌ maa nu ŋkɨə faŋ Nwi nùŋsə tɨ́ ghɔ. Kɨ nyɨŋ yigisə dayday, faŋ nyə kee yikuꞌnə maa nu Nwi me, baa nyɨŋ yigi njyə faŋ vɨ tii nə yigi tɔ-ley nə, faŋ nyə kee bee lùu nu tɔ ley me.

2 Timoti 3:13

Luu nə, vɨɨ bwənə nə vɨɨ məbuulə yitɔ yi vɨɨ gə vɨsɨ vɨsɨ nə nu bwə vəŋ, toꞌ bweꞌsə vɨɨ, vɨɨ bweꞌsə vəŋ nɨzi.

Hibru 13:9

Kɨ viŋ biŋ laa yigisə yifinə faŋ vɨɨ deesə viŋ shɔ nɨŋkwiŋ nɨŋkwiŋ, yɨsə viŋ ndi jɨɨ Nwi me. Yaa kɨ yɨsə nu jəə faŋ ŋkə ndɔ fɨ ghɔ Nwi, yɨsə fwi wə weꞌ. Ntɨsə nsɨə faŋ nsə gì kɔ̀ŋ nu fazɨ, nsə kee kii ŋgaŋtə me; nsə kee gaŋtə vɨɨ mbɨə faŋ vəŋ beꞌsə nsə me.

Hibru 3:12

Vaŋ-nshwi vaŋ, viŋ kɨ ndɨɨnə laa, kɨ wə luu taa ŋwaa viŋ faŋ ŋwə kìi fwi yibwə faŋ nyə kee bìŋ Nwi me, faŋ ŋwə ndɔ meꞌtə Nwi me. Nwi lùu wuu bwey.

1 Pita 1:18

Viŋ kɔꞌ kɨɨ laa Yeso nə shùꞌ viŋ fɨ maa ghuu yitoꞌ ŋkɔmə ŋkɨə faŋ vətɨɨ viŋ nəə toꞌ nə, mwə̀sə viŋ shɔ, kee shùꞌ nə vətɔ vədayday yaa ka me.

2 Pita 3:17

Gə fɨ maa viŋ, vaŋ-nshwi vaŋ faŋ mə kàw, viŋ duꞌtə viŋ kɨɨ nə vənu vɔ́ ndwə. Nɨniŋ, mə naysə tɨ́ viŋ laa, viŋ ndi yighee, laa vɨɨ mbɨə faŋ vəŋ kee zɔnə Nwi me, kee yɨ laa viŋ fiŋ taa ghuu yitoꞌ vəŋ me. Kɨ viŋ kɔ jɨɨ tɨ́ vəŋ laa vəŋ yɨ viŋ meꞌtə shəŋ jəə ŋkɨə faŋ viŋ tɨ̀ŋnə shɔ nə me.

2 Jɔn 1:8

Viŋ kɨ shiinə yiŋwaa yiŋ, laa faꞌ ŋgwə faŋ viŋ duꞌtə viŋ faꞌ nə, kee ndɔ ndi day me, baa nə laa, viŋ ndɔ fi vəndɔꞌnə viŋ sheꞌ maa shwaŋ faꞌ wiŋ.