Kɔlɔsii 2:7 - Vengo (Babungo)

⁷ Viŋ goꞌ viŋ ŋwə ghee nshə, gə nə vɨsɨ vɨsɨ, kɔꞌ bɨbiŋ ŋwə, wèꞌ shɔ, sheꞌ faŋ vɨ nə dèesə viŋ nə. Viŋ kɨ bwaŋ ŋwə ghee nshə nə məŋaytə.

Kɔlɔsii 2:7 ပူးပေါင်းရင်းမြစ်များ

Lukas 6:48

Kəŋ wə ghɔ́ lùu yaa wə faŋ ŋwə nə fìanə ŋii yi, tə̀ə shɨŋii ŋkee jəə, zìꞌ fuu yighɔsə, buu bɔŋ fuu yi. Yighee njyə faŋ muu nə fùu, mbə nəꞌsə ŋii yɔ́ dɨdu, buꞌ laa vɨ nə fianə ŋkee jəə fuu ŋoꞌ.

Roma 16:25

Nsiŋ kɨ bəŋsə Nwi faŋ kaꞌ ŋwə kwàŋ wutə maa viŋ, viŋ weꞌ maa nu Yeso Kristo faŋ lùu ŋiꞌ ntɔŋ yijəə Nwi faŋ mə fɨꞌtə tɨ́ vɨɨ nə. Nyə nə ndènə shù fɨshi,

1 Kɔrintian 1:8

Nshɨ-tɔ Yeso Kristo ndɔ yɨ viŋ weꞌ maa nu ki, gə̀ zìꞌ tɨ́ yighee vəndwə, tɨ́ kaꞌ tuu wee-ndoꞌ kee ndɔ luu maa viŋ maa shi ŋkɨə faŋ tɨta Yeso Kristo ndɔ bəŋ jwi taa mbi me.

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

2 Kɔrintian 1:21

Luu nə, lùu nshɨ-tɔ Nwi faŋ ŋwə yɨ laa nsiŋ faynə, gù fa kəmuꞌ, nsiŋ vɨ Kristo, weꞌ shɔ. Ŋwə baa yòꞌ nsiŋ maa faꞌ Nwi,

Efesɔs 3:17

Kristo baa nɔ̀ŋ taa fwisə viŋ, faŋ viŋ nùŋ fwi siŋ maa ŋwə, laa viŋ kɨ kaw ŋwə ŋkee dɨdɨꞌ. Mə buꞌ ghɔ tɨ́ Nwi laa viŋ nuŋ fwi siŋ maa ŋwə sheꞌ faŋ vɨ yaa kɨ bia tɨ taa nsi, ŋkə ŋìisə ghay ghi taa shɔꞌ, tɨŋ ŋkee kəweꞌ.

Efesɔs 4:21

Viŋ nə kee zɔ̀ nu Kristo yimu? Maa vɨ nə dèesə viŋ nə nu kɔ́? Maa viŋ kɨɨ nə nu yinsəŋ Yeso,

Efesɔs 5:20

bwaŋ tɨta Nwi ghee nshə maa vənu vənshə fɨ yiba jɨŋ tɨta Yeso Kristo.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 3:17

Taa vənu vənshə faŋ viŋ yɨsə, nə təgi tənshə faŋ viŋ gisə, viŋ kɨ yɨsə vənu vənshə sheꞌ maa yizii Yeso Kristo, baa bwaŋ Nwi, faŋ lùu Tii ŋwaa-nsiŋ, fɨ yiba jɨŋ Kristo.

1 Tesalonika 5:18

bwaŋ ŋwə maa vənu vənshə, buꞌ laa nu ŋkɨə faŋ Nwi kəə, lùu laa viŋ kɨ yɨsə nɨniŋ maa yizii Yeso Kristo.

2 Tesalonika 2:17

Bàw ŋwə kɨ boolə fwi siŋ, kwàŋ wutə maa viŋ, tɨ́ kaꞌ viŋ kɨ yɨsə vənu vəjəəvə vənshə, gisə sheꞌ vənu vəjəəvə nɨzi.

Hibru 13:15

Nɨniŋ, nsiŋ shɔɔ fɨ jɨŋ Yeso, kɨ bəŋsə Nwi ghee nshə, buu məbəŋsə Nwi ŋwaa-nsiŋ taa luu yaa ndey, faŋ nsiŋ fèꞌ tɨ́ Nwi. Nsiŋ ndi gɨ saŋ-nsiŋ, bə̀ŋsə yizii yi shɔ ntee.

Hibru 13:9

Kɨ viŋ biŋ laa yigisə yifinə faŋ vɨɨ deesə viŋ shɔ nɨŋkwiŋ nɨŋkwiŋ, yɨsə viŋ ndi jɨɨ Nwi me. Yaa kɨ yɨsə nu jəə faŋ ŋkə ndɔ fɨ ghɔ Nwi, yɨsə fwi wə weꞌ. Ntɨsə nsɨə faŋ nsə gì kɔ̀ŋ nu fazɨ, nsə kee kii ŋgaŋtə me; nsə kee gaŋtə vɨɨ mbɨə faŋ vəŋ beꞌsə nsə me.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.

Ŋwaꞌlə Jud 1:12

Vəŋ bɨsə yizii nshəŋtə yiŋ buꞌ faŋ viŋ vɨ vəŋ yaa kɨ duꞌ shəŋ muꞌ, zɨ. Vəŋ duꞌ taa ŋwaa viŋ, zɨ, lumə sheꞌ nu yiŋwaa vəŋ, kee bee kìi tɔ dɨɨ me. Nɨniŋ, vəŋ lùu yaa mbɔꞌ yifusə faŋ yighuu kee lùu taa tey yi me. Fɨɨ yaa kɨ shɔɔ, saynə nyə. Vəŋ baa lùu yaa vətɨ faŋ mbə kee kɨkoonə me, faŋ yighee məkoonə kɔlə kùꞌ, ŋkee yaa vətɨ faŋ vɨ shoꞌ fɨ nsi ghɔ vɨ ghay, mbə yɔŋ, kùkə laylay.

Ŋwaꞌlə Jud 1:20

Gə fɨ maa viŋ, vɨɨmba vaŋ faŋ mə kàw, viŋ gaŋtə yiŋwaa yiŋ, viŋ viŋ, tɨ́ kɨ kaꞌ məbiŋ wiŋ weꞌ, gə vɨsɨ vɨsɨ. Nu Nwi ŋkɨə faŋ viŋ biŋ nə, luu ŋkee nu ley faŋ ŋkə ndɔ̀ fɨ ghɔ Nwi. Viŋ shɔꞌtə Nwi ghee nshə, kɨ shɔꞌtə Nwi nə nu ŋkɨə faŋ Zwitə Ley Nwi də tɨ́ viŋ.

Ŋwaꞌlə Jud 1:24

Nsiŋ kɨ bəŋsə Nwi faŋ ŋwə kìi wutə maa məyɨsə viŋ weꞌ maa nu Nwi, kee gù nu shɔ me. Kìi Nwi kìi wutə maa məsɔ yibɨsə yiŋ yinshə, tɨ́ kaꞌ viŋ ndɔ jwi nə məŋaytə, jwì tɨ̀ŋnə vɨsɨ Nwi, faŋ ŋwə kìi feenə nshə.