Kɔlɔsii 2:6 - Vengo (Babungo)

⁶ Nɨniŋ, faŋ viŋ nùŋ fwi siŋ maa tɨta Yeso Kristo, viŋ kɨ toꞌ maa nu Kristo nɨzi, yɨsə vənu mbɨə faŋ ŋwə kàw.

Kɔlɔsii 2:6 ပူးပေါင်းရင်းမြစ်များ

Matiu 10:40

Wə ntɨə faŋ ŋwə jìa viŋ jəə, jìa luu mə nɨniŋ. Wə ntɨə faŋ ŋwə jìa mə jəə, jìa luu nshɨ-tɔ Nwi faŋ ŋwə nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:20

Viŋ zɔ! Mə naysə tɨ́ viŋ yinsəŋ laa wə ntɨə faŋ ŋwə ndì wuu ntɔŋ ŋwaa taa ŋii ŋwə, ndì luu nshɨ-tɔ ŋwaa. Wə ntɨə faŋ ŋwə ndì mə, ndì luu wə ntɨə faŋ ŋwə nə tɔ̀ŋ mə taa mbi nyə̀.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

2 Kɔrintian 5:7

buꞌ laa nsiŋ toꞌ ghuu yitoꞌ kaŋ-nsiŋ, biŋ Kristo, luu nə, kee ta yè ŋwə nə yisɨ me.

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Galatia 3:26

Viŋ lumə laa, viŋ faŋ viŋ kìi nu kəmuꞌ, viŋ vɨ Yeso Kristo, viŋ lùu vaŋ Nwi, buꞌ laa viŋ nùŋ fwi siŋ maa ŋwə.

Efesɔs 4:1

Nɨniŋ, mə Pɔɔl, faŋ mə ŋìi mfiŋ buꞌ yizii tɨta Yeso nə, mə tɨsə viŋ laa viŋ kɨ toꞌ ghuu yitoꞌ kiŋ faŋ ŋkə kùꞌnə maa vənu mbɨə faŋ Nwi nə tìi viŋ shɔ nə.

Filipi 1:27

Nu ŋkɨə faŋ ŋkə lùu kəkwalə, lùu laa məshəŋtə wiŋ kɨ toꞌ nə nshinə njyə faŋ nyə kùꞌnə tɨ́ vɨɨ məbiŋ nu Kristo. Nɨniŋ laa mə ndɔ jwi ye viŋ, tɨꞌnə me, mə kee kɔlə jwi me, buu mə taa zɔ laa viŋ tɨ̀ŋnə weꞌ, kìi zwitə kəmuꞌ, baa kìi mbɨꞌtə yiŋ yimuꞌ, faŋ viŋ ŋɨɨlə maa məyɨ laa ntɔŋ yijəə Nwi gə nə vɨsɨ.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

Kɔlɔsii 3:17

Taa vənu vənshə faŋ viŋ yɨsə, nə təgi tənshə faŋ viŋ gisə, viŋ kɨ yɨsə vənu vənshə sheꞌ maa yizii Yeso Kristo, baa bwaŋ Nwi, faŋ lùu Tii ŋwaa-nsiŋ, fɨ yiba jɨŋ Kristo.

1 Tesalonika 4:1

Vaŋ-nshwi vaŋ, yia fàynə vənu vɔ́ laa viŋ kɨ toꞌ ghuu yitoꞌ kiŋ, ŋkə kuꞌnə tɨ́ Nwi. Maa viŋ nə duꞌtə viŋ zɔ fɨ ghɔ yia, faŋ ŋkə kùꞌnə maa mətoꞌ vɨsɨ Nwi; viŋ baa luu tòꞌ nɨniŋ. Nɨniŋ, yia buꞌ ghɔ tɨ́ viŋ, tɨsə viŋ maa yizii tɨta Yeso, laa viŋ kɨ toꞌ nɨniŋ, gə̀ vɨsɨ vɨsɨ.

Hibru 3:14

Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.

1 Jɔn 2:6

Wə ntɨə faŋ ŋwə toꞌ ghuu yitoꞌ ki sheꞌ faŋ Yeso Kristo nəə toꞌ, buu kaꞌ wə ghɔ́ gì laa yi shi ghɔ Nwi.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.

Ŋwaꞌlə Jud 1:3

Vɨɨmba vaŋ faŋ mə kàw, mə nə kɨsə kəə laa mə nyɔꞌ ŋwaꞌlə ŋwə̀ tɨ́ viŋ maa mədə faŋ Nwi bwèysə nsiŋ vənshə. Nwi də̀ shee laa ŋkə bàw laa mə nyɔꞌ ŋwaꞌlə tɨ́ viŋ, buꞌ ghɔ tɨ́ viŋ laa viŋ faꞌ nə wutə, tɨ́ kaꞌ viŋ tɨŋ weꞌ maa nu Nwi, faŋ viŋ nùŋ fwi maa Nwi nə. Maa lùu nu faŋ Nwi nə nàysə tɨ́ vɨɨ vi. Kaꞌ yigi yɔ́ kee ndɔ kwiinə me.