Kɔlɔsii 2:4 - Vengo (Babungo)

⁴ Mə naysə vənu və̀ tɨ́ viŋ, tɨ́ kaꞌ wə kee baa bweꞌsə viŋ nə kəŋ yigi tɔ ley mɔ́ꞌ me.

Kɔlɔsii 2:4 ပူးပေါင်းရင်းမြစ်များ

Matiu 24:24

Vɨɨ ndɔ fuu vəyaŋ faŋ vəŋ sɨɨ ba, gisə laa vəŋ luu Kristo, tɨꞌnə me nshiisə-ŋii sɔghɔ. Vəŋ ndɔ də vəshwenə və shuu yɔŋvə maa məyɨ laa vɨɨ ndi jɨɨ, mɔŋ ŋkee maa məbweꞌsə vɨɨ mbɨə faŋ Nwi shoꞌ vəŋ nə.

Matiu 24:4

Yeso bəŋsə tɨ́ vəŋ laa, «Viŋ tɔfə buꞌ vɨ ndɔ bweꞌsə viŋ.

Mark 13:22

Vɨɨ ndɔ fuu kɨ bweꞌsə vɨɨ, gisə laa vəŋ lùu Kristo, wuu məbweysə wiŋ. Vəmɔ́ꞌ gi laa vəŋ lùu vɨɨ məfɨꞌtə yighisə shuu Nwi, kɨ də vəshwenə nə vənu və shuu yɔŋvə maa məbweꞌsə vɨɨ, kɨ mɔŋ maa məbweꞌsə ŋkee vɨɨ mbɨə faŋ Nwi nə shoꞌ laa lùu mbii vɨɨ nə nɨzi.

Akts 20:30

Vɨɨ bwənə mɔ́ꞌ ndɔ fuu sheꞌ fɨ taa ŋwaa viŋ, fuu kɨ gisə təgi tə ba maa məsuꞌtə vɨɨ məbiŋ nu Kristo, laa vəŋ beꞌsə vəŋ.

1 Kɔrintian 2:4

Faŋ mə nə fɨ̀ꞌtə nu Nwi tɨ́ viŋ nə, mə nə kee ndɨ̀ yitɔfə wə mənsaw maa məsuŋ viŋ me. Nə gaŋtə sheꞌ Zwitə Nwi nə wutə ki gaŋtə mə maa mədə tɨ́ viŋ laa lùu nu yinsəŋ faŋ mə fɨꞌtə nə.

2 Kɔrintian 11:3

Nɨniŋ, mə fɨfee laa vɨ taa buulə fwi yiŋ nɨzi, viŋ kee baa kàw Kristo nə fwi yimuꞌ yiley me, sheꞌ faŋ zɔ yì nə bwèꞌsə Eva nə mənay wi.

Galatia 2:4

Ntay yɔ́ nə koꞌ sheꞌ buꞌ vɨɨ mbɨə faŋ vəŋ fùŋsə yiŋwaa, laa vəŋ lùu vɨɨ Kristo, faŋ vəŋ nyɔꞌtə ŋii taa nshəŋtə vɨɨ Kristo. Vəŋ nə nyɔꞌtə ŋìi maa məye nshinə nyaa-nsiŋ, maa mədə tɨ́ vɨɨ laa nsiŋ gù nu, buꞌ faŋ nsiŋ vɨ Yeso Kristo fàynə, dùꞌ vəley, nuŋsə vɨɨ Jus kee baa kìi wutə tɔ nsiŋ me. Vəŋ nəə kəə laa nsiŋ ŋii taa nuŋsə vɨɨ Jus, gù vəbuꞌ tɨ́ nuŋsə vɨɨ Jus.

Efesɔs 4:14

Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

Efesɔs 4:17

Nɨniŋ, mə gì tɨ́ viŋ, tɨsə viŋ maa yizii tɨta Yeso laa, kɨ viŋ kɨ toꞌ ghuu yitoꞌ kiŋ yaa vɨɨ məmanə Nwi me, faŋ vəŋ toꞌ nə nu vəmfaw vəŋ faŋ vəŋ beꞌsə nə.

Efesɔs 5:6

Kɨ wə bweꞌsə viŋ nə yigisə dayday buꞌ vənu vɔ́ me! Luu buꞌ kəŋ vənu vɔ́ faŋ nsɔꞌ Nwi ndɔ luu tɔ vɨɨ mbɨə faŋ vəŋ kee zɔnə Nwi me.

Kɔlɔsii 2:18

Nɨniŋ, kɨ viŋ biŋ laa wə kɨ yɨꞌtə viŋ buꞌ kəŋ vənu vɔ́ me. Vɨɨ mbɨə faŋ vəŋ kəə yɨꞌtə viŋ nə, gisə laa vəŋ sùꞌsə yiŋwaa vəŋ nsi, tɨ́ vəŋ kòꞌsə yiŋwaa vəŋ maa yinsəŋ. Vəŋ bəŋsə nshiisə-ŋiisə Nwi, koꞌsə̀ yiŋwaa, gi laa vəŋ yè vənu fɨ ghɔ Nwi taa njyəəsə. Luu nə, məkoꞌsə ŋwaa vəŋ lùu nu dayday; mbɨꞌtə vəŋ ndɔ̀ sheꞌ fɨ shɨ nsi.

Kɔlɔsii 2:8

Viŋ ndɨɨnə laa kɨ wə jwi bweꞌsə viŋ, jia viŋ nə yitɔfə fɨ taa mbi nyə̀ me, tɨꞌnə me, nə yigisə dayday faŋ nyə ndɔ̀ fɨ ghɔ nuŋsə vɨɨ me, tɨꞌnə me, fɨ maa vəwutə və mbi me. Təgi tɔ́ kee ndɔ̀ fɨ ghɔ Kristo me.

2 Timoti 2:16

Kɨ buꞌsə fɨ ghɔ vɨɨ mbɨə faŋ vəŋ gisə yigisə dayday faŋ nyə kee gàŋtə wə maa nu Nwi me, buꞌ laa vəŋ manə nu Nwi, twey nu Nwi, gə vɨsɨ vɨsɨ nə nu maa mətwey nu Nwi.

2 Timoti 3:13

Luu nə, vɨɨ bwənə nə vɨɨ məbuulə yitɔ yi vɨɨ gə vɨsɨ vɨsɨ nə nu bwə vəŋ, toꞌ bweꞌsə vɨɨ, vɨɨ bweꞌsə vəŋ nɨzi.

1 Jɔn 2:18

Vaŋ vaŋ, yighee shə kùꞌ. Maa viŋ nə zɔ̀ laa wuu mbeenə Kristo ndɔ jwi. Nɨniŋ, vɨɨ mbeenə Kristo duꞌtə vəŋ fuu vəyaŋ ndwə. Nɨniŋ, nsiŋ kɔꞌ kɨɨ laa lùu yighee shə.

1 Jɔn 2:26

Mə ŋwaꞌlə nu kɔ́ tɨ́ viŋ buꞌ vɨɨ mbɨə faŋ vəŋ kəə bweꞌsə viŋ nə.

1 Jɔn 4:1

Vɨɨmba vaŋ, kɨ viŋ baa kɨ biŋ vənu vənshə faŋ vɨɨ fɨꞌtə tɨ́ viŋ laa fɨ̀ꞌtə Zwitə Ley Nwi tɨ́ vəŋ me. Viŋ mɔŋ vəŋ, ywiitə laa zwitə ŋkɨə faŋ ŋkə lùu ghɔ vəŋ, nə ndɔ̀ fɨ ghɔ Nwi mu? Viŋ mɔŋ vəŋ buꞌ laa vɨɨ məsɨɨ təba maa nu Nwi fùu taa mbi vəyaŋ.

2 Jɔn 1:7

Viŋ kɔꞌ kɨɨ laa vɨɨ məbweꞌsə vɨɨ fùu taa mbi vəyaŋ, faŋ vəŋ kee bìŋ laa Yeso Kristo lùu wuu məbweysə ŋwaa-nsiŋ me, faŋ ŋwə ndɔ̀ fɨ ghɔ Nwi me, baa nə laa ŋwə kee jwi mbi gù fa fənshi yaa wə me. Kəŋ wə ghɔ́ lùu wuu məbweꞌsə vɨɨ, baa lùu wuu mbeenə Kristo.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 20:3

mɔ̀ꞌ ŋwə taa wee-nsi-yibay, fəŋ shuu wi, tə̀ lay fuu yi, laa kɨ ŋwə ndɔ baa kɨ bweꞌsə vɨɨ me, gə ziꞌ tɨ́ yighee njyə faŋ ŋuꞌ ŋkaŋ yɔ́ ndɔ mè. Ŋuꞌsə sɔ́ ndɔ mè, vɨ baa kèꞌtə ŋwə, ŋwə fuu dùꞌnə maa wee-fɨ-kuŋtə yighee tɨtiꞌ.

Reveleyshən 20:8

fùu gə̀, kɨ bweꞌsə vɨɨ fɨ maa vəlɨ və mbi yishwe, bweꞌsə ŋkee Gɔg ghɔ Magɔg, shə̀ŋtə vəŋ maa yighaw. Nwaa vəŋ luu ŋkee yaŋ yaa waꞌsə fɨ taa mamuu.