Kɔlɔsii 2:2 - Vengo (Babungo)

² Mə kɨɨtə, tɨ́ kaꞌ fwi siŋ weꞌ, baa nə laa viŋ kɨ kawnə yiŋwaa yiŋ, gù fa kəmuꞌ, baa nə laa viŋ ndɔ kii ŋkee tɔ ley maa nu Nwi, kɨ̀ɨ nə ŋiꞌ nu Nwi ŋkee jəə, faŋ ŋkə nə ndènə fɨ ghɔ vɨɨ nə. Ŋiꞌ nu Nwi kɔ́ luu sheꞌ nu Kristo, wuu məbweysə ŋwaa-nsiŋ.

Kɔlɔsii 2:2 ပူးပေါင်းရင်းမြစ်များ

Matiu 11:25

Kɨ lùu sheꞌ maa yighee yɔ́, Yeso tey kɨ shɔꞌtə Nwi laa, «Mə kɨ bəŋsə ghɔ, tɨta Nwi, faŋ a sɔꞌ yizɔ ghɔ nsi, buꞌ laa a ndɨ̀ə ntɔŋ yijəə yə fɨ ghɔ vɨɨ tɔ ley nə vəŋkaŋ-sɨ, bee kii kɔ̀ tɨ́ vɨɨ nshi.

Matiu 11:27

Ŋwə nə baa gì laa lee, «Tii ŋwaa nùŋsə vənu vənshə ghɔ mə. Tuu wə kee kɨɨ nə Wee Nwi me, kɨɨ sheꞌ tɨta Nwi kɨ̀ɨ nə ŋwə. Gə fɨ maa tɨta Nwi, tuu wə kee kɨ̀ɨ nə ŋwə me, kɨɨ sheꞌ ŋwiŋ wi kɨ̀ɨ nə ŋwə, nə wə ntɨə faŋ Wee Nwi ghɔ́ kàw maa məbɨ tɨ́ ŋwə.»

Matiu 13:11

Ŋwə bəŋsə tɨ́ vəŋ laa, «Nwi kɔ ŋiꞌ nu yifwàŋ yizɔ tɨ́ viŋ laa viŋ kɨɨ, kee kɔ̀ tɨ́ vɨɨ mbii-wə me.

Lukas 1:1

Vɨɨ vəyaŋ nə duꞌtə vəŋ nyɔ̀ꞌ kɔ̀ŋ vənu mbɨə faŋ mbə nə gày taa ŋwaa nsiŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:30

Tii ŋwaa nə mə lùu fa kəmuꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:38

Luu nə, mə kɨ luu kɨ faꞌ faꞌ Tii ŋwaa, bàw viŋ biŋ. Viŋ kee kɔlə bìŋ mə maa nu ŋkɨə faŋ mə gì me, kaꞌ viŋ bìŋ mə buꞌ nu ŋkɨə faŋ mə yɨ̀sə, tɨ́ kaꞌ ŋkə taa lèy tɨ́ viŋ, laa Tii ŋwaa lùu fɨ yiba jɨŋ mə, mə lùu fɨ yiba jɨŋ Tii ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:15

Vənu vənshə faŋ lùu vənu və Tii ŋwaa, lùu vənu vaŋ nɨzi. Lùu ŋiꞌ nu ŋkɨə faŋ mə gì laa ŋkə ndɔ kɨ fi nu kaŋ, twelə tɨ́ viŋ nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:17

Maa yighee yɔ́ Yeso gi tɨ́ vɨɨ Jus vɔ́ laa, «Tii ŋwaa faꞌ faꞌ ghee nshə. Nɨniŋ, mə faꞌ ghee nshə nɨzi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:23

Nwi yɨ̀ nɨniŋ laa vɨɨ kɔ feenə tɨ́ ŋwiŋ wi, sheꞌ faŋ vəŋ fee tɨta Nwi nə. Nɨniŋ, wə ntɨə faŋ ŋwə kee fèe Wee Nwi ghɔ́ me, buu ŋwə nɨzi kee fee tɨta Nwi, faŋ ŋwə nə tɔ̀ŋ ŋwiŋ wi shɨ nsi nə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:69

Yia nùŋ fwi sia maa ghɔ, buꞌ laa yia kɔꞌ kɨɨ laa a luu ŋkee wuu ley ŋgwə faŋ Nwi nə shòꞌ.»

Akts 4:32

Nwaa vɨɨ mbɨə faŋ vəŋ nə fìŋ tɔ vəŋ tɨ́ Kristo nə, fwi vəŋ luu yimuꞌ, yigisə vəŋ luu yimuꞌ nɨzi. Tuu wə kee tìi fa nə ŋkii me, vətɔ vəvəŋ vənshə luu fa kəmuꞌ.

Roma 15:13

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

Roma 16:25

Nsiŋ kɨ bəŋsə Nwi faŋ kaꞌ ŋwə kwàŋ wutə maa viŋ, viŋ weꞌ maa nu Yeso Kristo faŋ lùu ŋiꞌ ntɔŋ yijəə Nwi faŋ mə fɨꞌtə tɨ́ vɨɨ nə. Nyə nə ndènə shù fɨshi,

Roma 2:4

A manə fwi yijəə Nwi, faŋ ŋwə jia fwi yi, ghəəsə fwi yi. A kee kɨɨ laa luu Nwi weꞌ maa vənu vɔ́ yimu? Fwi yijəə yi kəə laa a kwiinə fwi yə.

1 Kɔrintian 14:31

Bàw wə tɨ̀ me wə fɨꞌtə yigisə Nwi wə nə muꞌ nə muꞌ, tɨ́ kaꞌ vɨɨ vənshə zwètə nu Nwi, kìi fwi yiweꞌ, kɨ gə vɨsɨ.

1 Kɔrintian 2:12

Zwitə ŋkɨə faŋ Nwi kwaŋ taa fwisə nsiŋ, lùu ŋkə Nwi, ŋkə kee ndɔ̀ fɨ taa mbi nyə̀ me. Lùu Zwitə Nwi kɔ́ faŋ ŋkə yɨsə laa nsiŋ kɨɨ nə vəkɔ mbɨə faŋ Nwi kɔ̀ tɨ́ nsiŋ.

Galatia 3:28

Nɨniŋ nə, wə kɨ luu lùu wuu Jus, wə mɔ́ꞌ luu wuu Griik, ŋkwiinə kee lùu shɔ me. Vəŋ luu sheꞌ fa kəmuꞌ maa yizii Yeso Kristo. Faŋ a lùu buꞌ, tɨꞌnə me wuu shɨ, ŋkwiinə kee lùu shɔ me. Faŋ a lùu wəndɔŋ, tɨꞌnə me wəzwi, ŋkwiinə kee lùu shɔ me, buꞌ laa viŋ vənshə lùu fa kəmuꞌ viŋ vɨ Kristo. Nɨniŋ, viŋ kɨ nii lùu wə muꞌ.

Efesɔs 1:7

Ŋwiŋ wi ghɔ́ nə kù tɔ nsiŋ, yɨ laa nsiŋ fuu fɨ taa nsɔꞌ Nwi buꞌ mənshi mi. Nwi ndenə yibɨsə nyaa-nsiŋ, buꞌ faŋ ŋwə kèe gəŋ saŋ-nsiŋ dɨdɨꞌ.

Efesɔs 3:16

Faŋ yikwalə Nwi lùu yiyaŋ dɨdɨꞌ nə, mə buꞌ ghɔ tɨ́ ŋwə laa ŋwə yɨsə Zwitə ki kuꞌsə wutə maa viŋ, tɨ́ kaꞌ fwi siŋ weꞌ maa nu ki.

Efesɔs 3:3

Ŋwə nə fùu yikəꞌ mə, twèlə ŋiꞌ nu ki shee, faŋ ŋkə nə ndènə fɨ ghɔ mə. Mə duꞌtə mə nyɔꞌ kɔ̀ŋ nu Nwi kɔ́ sheꞌ kətɨtiꞌ.

Efesɔs 6:22

Mə tɔŋ ŋwə tɨ́ viŋ buꞌ nu kɔ́, laa viŋ kɨ̀ɨ nə nu kia, ŋwə baa kɨ bwasə fwi siŋ nɨzi.

Filipi 2:1

Kristo nə kɔ̀ viŋ nə yigi, tɨ́ kaꞌ viŋ tɨ̀sə yiŋwaa yiŋ, viŋ viŋ, baa gaŋtə yiŋwaa yiŋ, viŋ viŋ, fɨ taa ŋkawnə. Viŋ faynə lùu fa kəmuꞌ, viŋ vɨ Zwitə Ley Nwi, baa kee gəŋ siŋ, viŋ viŋ.

Filipi 3:8

Maa yinsəŋ, vənu vɔ́ vənshə luu kəndi shee, buꞌ laa nu məkɨɨ nə Yeso Kristo, tɨta ŋwaa, kwàlə shɔ̀ɔ vənu vənshə. Luu buꞌ ŋwə faŋ mə meꞌ vənu vɔ́ vənshə, sheꞌ laa mə bee kii kii Kristo. Vənu vɔ́ gù yaa vəbɨ shee.

Kɔlɔsii 1:26

Nu ŋkɨə faŋ mə fɨꞌtə tɨ́ vɨɨ nə, ŋkə nə lùu shɔ ŋkee fɨshi faŋ mbi, tɨꞌnə me, vɨɨ nə kee ta lùu shɔ me. Luu nə, ŋkə nə kee ta fuu ntee me, luu vɨɨ kee kɨɨ nə ŋkə me. Nwi yɨ̀sə ndwə laa ŋkə fuu ntee sɨ vɨɨ ley Nwi.

Kɔlɔsii 1:27

Ŋkə nə bàw tɨ́ Nwi laa Nwi yɨsə laa vɨɨ vi kɨɨ faŋ yigi yɔ́ dùꞌ, baa kwàlə shɔ̀ɔ. Nyə kìi sey kwalə tɨ́ vɨɨ məshɨ məshɨ. Nu kwalə kɔ́ lùu laa Kristo shi taa fwisə viŋ. Nɨniŋ, viŋ kɨ nii tə̀ sɨ maa vəkeynə və Nwi faŋ mbə kwalə shɔ̀ɔ.

Kɔlɔsii 1:9

Shù fɨ maa shi ŋkɨə faŋ yia nə zɔ̀ vənu vɔ́ kɔ̀ŋ viŋ nə, yia shɔꞌtə Nwi tɔ viŋ ghee nshə. Yia buꞌ ghɔ tɨ́ Nwi laa Nwi kɔ viŋ nə tɔ ley, tɨ́ kaꞌ viŋ kɨ̀ɨ nə nu ŋkɨə faŋ Nwi kəə laa viŋ kɨ yɨsə. Viŋ kɨɨ nə nu kɔ́ fɨ ghɔ Zwitə Ley Nwi, faŋ ŋkə kɔ̀ yitɔfə, yɨsə vənu vənshə lùu vəley tɨ́ viŋ.

Kɔlɔsii 2:19

Vəŋ gaasə fɨ ghɔ Kristo, faŋ lùu tɔ tɨ́ ŋwaa vɨɨ Nwi nə. Vɨɨ vənshə faŋ vəŋ fàynə ghɔ vɨ Kristo, Kristo kɔ fa tɨ̀ me fa faŋ vəŋ kəə tɨ́ vəŋ. Ŋwə baa yɨ̀sə laa vəŋ lùu fa kəmuꞌ, tɨ́ kaꞌ vəŋ kɨ ta weꞌ nə vənu və Kristo faŋ Nwi kəə. Ŋkə lùu nɨniŋ, sheꞌ faŋ ŋwaa wə fàynə shəŋ muꞌ vəlaŋ vəlaŋ.

Kɔlɔsii 3:14

Nu ŋkɨə faŋ ŋkə shɔ̀ɔ vənu vəjəəvə vɔ́ vənshə, lùu laa viŋ kaw wə nə wə. Viŋ kɔꞌ kɨɨ laa ŋkawnə yɨsə vɨɨ faynə gu fa kəmuꞌ. Nshinə vəŋ kɨ nii bàw shɨlə.

Kɔlɔsii 4:3

Viŋ kɨ shɔꞌtə Nwi tɔ yia nɨzi, laa Nwi gaŋtə yia, ŋàꞌsə jɨɨ tɨ́ yia, tɨ́ kaꞌ yia kɨ fɨꞌtə nu Nwi tɨ́ vɨɨ, baa naysə nu Kristo faŋ ŋkə nə ndenə fɨ ghɔ vɨɨ nə. Luu sheꞌ buꞌ nu Kristo kɔ́, faŋ mə lùu feenə taa ŋii mfiŋ nə.

Kɔlɔsii 4:8

Mə tɔŋ ŋwə tɨ́ viŋ, tɨ́ kaꞌ ŋwə nàysə vənu via tɨ́ viŋ vənshə, baa nə laa ŋwə baa weꞌsə viŋ nɨzi maa nu Nwi.

1 Tesalonika 1:5

fɔnə ntɔŋ yijəə Nwi faŋ yia nə fɨ̀ꞌtə tɨ́ viŋ nə, kee jwì taa ŋwaa viŋ sheꞌ fɨ maa yigisə shuu me. Ŋkə nə jwì ŋkee nə wutə Nwi, baa nə Zwitə Ley Nwi. Yia nə də̀ tɨ́ viŋ faŋ ntɔŋ yijəə yɔ́ luu ŋkee nu yinsəŋ. Viŋ kɔꞌ kɨɨ faŋ yia nə tòꞌ taa ŋwaa viŋ maa mədə jɨɨ tɨ́ viŋ.

1 Tesalonika 3:2

Nɨniŋ, yia nə tɔ̀ŋ Timoti, faŋ lùu weenshu ŋwaa-nsiŋ, baa lùu wuu faꞌ Nwi faŋ yia vɨ vəŋ fɨꞌtə ntɔŋ yijəə Nwi kɔ̀ŋ Yeso Kristo nə. Yia nə tɔ̀ŋ ŋwə nɨniŋ laa ŋwə jwi wèꞌsə fwi siŋ, gàŋtə viŋ maa mənuŋ fwi siŋ maa Yeso Kristo, twèꞌ shɔ,

1 Tesalonika 5:14

Vaŋ-nshwi via, yia tɨsə viŋ laa viŋ kɨ bɔŋsə vɨɨ faŋ vəŋ toꞌ fɨ maa jɨɨ yigɨŋkə, baa bàwsə fwisə vɨɨ mbɨə faŋ fwisə vəŋ lɔ̀ꞌ. Viŋ kɨ gaŋtə vɨɨ mbɨə faŋ vəŋ kee lùu vəweꞌ maa nu Nwi me. Viŋ kee gəŋsə vɨɨ vənshə.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

Hibru 10:22

Nɨniŋ, bàw nsiŋ nuŋ fwi saŋ-nsiŋ maa Yeso, jwì yɨ Nwi nə fwi yiley, buꞌ laa mənshi mə Yeso yɨsə fwi saŋ-nsiŋ ley. Nsiŋ lùu vɨɨ faŋ vəŋ sɔ̀ yiŋwaa yivəŋ ŋkee taa muu məleymə, faŋ nsiŋ nə fì muu mə Nwi nə.

Hibru 6:11

Yia kəə sheꞌ laa wə tɨ́ me wə fɨ taa ŋwaa viŋ kɨ faꞌ nə wutə, gə ziꞌ maa vəndwə, kee bwa me, tɨ́ kaꞌ viŋ ndɔ kii məbwey vəlwaŋ faŋ viŋ tə̀ sɨ shɔ nə.

2 Pita 1:10

Nɨniŋ, vaŋ-nshwi vaŋ, viŋ kɨ tɨŋnə weꞌ maa vənu vɔ́, laa viŋ ndɔ zɨ vənu mbɨə faŋ Nwi nə tìi viŋ shɔ nə. Viŋ kɨ luu kɨ beꞌsə vənu vɔ́, kaꞌ viŋ kee ndɔ baa gu me.

2 Pita 1:3

Nwi faŋ ŋwə kìi wutə kənshə, kèy nsiŋ nə vənu vənshə, faŋ mbə kùꞌnə maa məzɨ məbwey vəlwaŋ, nə maa məshi nə nshinə yijəə. Nwi nə kɔ̀ vənu vɔ́ tɨ́ nsiŋ buꞌ faŋ nsiŋ kɨ̀ɨ nə Yeso Kristo, faŋ ŋwə nə shòꞌ nsiŋ nə wutə ki, baa nə taa nshinə yijəə yi nə.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.

1 Jɔn 3:19

Kaꞌ nsiŋ kɔꞌ kɨɨ laa, nsiŋ lùu vɨɨ məbiŋ nu yinsəŋ. Kaꞌ fwi saŋ-nsiŋ kee kɨ lɔꞌ vɨsɨ Nwi me.

1 Jɔn 5:7

Nɨniŋ nə, vənu mbɨə faŋ mbə twelə tɨ́ nsiŋ laa Yeso luu Wee Nwi, luu vənu vətia: