Kɔlɔsii 2:13 - Vengo (Babungo)

¹³ Yighee vɨsɨ viŋ yaa luu yaa vəŋku və vɨɨ, viŋ nə kee kìi məbwey yinsəŋ me, buꞌ faŋ viŋ nəə yɨsə vənu vəbwəvə, kee bee lùu vɨɨ Nwi me. Luu nə, Nwi bweysə nsiŋ, ndènə yibɨsə nyaa-nsiŋ, buꞌ faŋ ŋwə nə ywèysə Kristo fɨ shɨ yiku.

Kɔlɔsii 2:13 ပူးပေါင်းရင်းမြစ်များ

Lukas 15:24

Ŋwiŋ ŋwaa ŋwə̀ nə kù, baa bwèy ndwə. Ŋwə nə ndì, vɨ baa yè ŋwə. Nɨniŋ, vəŋ tey kɨ ŋaytə.

Lukas 15:32

Luu nə, ŋkə kuꞌnə maa məyɨsə məŋaytə, buꞌ laa weenshu wə ŋwə̀ nə ku, baa bwèy ndwə. Ŋwə nə ndì, vɨ baa yè ŋwə ndwə.»

Lukas 9:60

Ŋwə gi tɨ́ wə ghɔ́ laa, «Meꞌtə vəŋku və vɨɨ kɨ təə ŋku wə. Gə fɨ maa ghɔ, gə kɨ fɨꞌtə nu yifwàŋ Nwi!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:21

Sheꞌ faŋ tɨta Nwi yɨsə vɨɨ kukə baa ywey, ŋwiŋ wi ghɔ́ yweysə vɨɨ nɨzi, faŋ ŋwə kàw.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:63

Viŋ zɔ! Kɔ Zwitə Nwi kɔ məbwey tɨ́ wə. Kɨ ŋkə kee luu ŋkee nu mbasə ŋwaa me. Maa lùu ghaŋ tii mə gì tɨ́ viŋ nə. Yigi njyə faŋ mə gi tɨ́ viŋ nə, ndɔ yɨsə Zwitə Ley Nwi ŋii taa ŋwaa vɨɨ, vəŋ zɨ məbwey vəlwaŋ.

Roma 4:17

Ŋkə fàynə maa nu ŋkɨə faŋ ŋkə lùu taa ŋwaꞌlə Nwi, faŋ Nwi gì tɨ́ Abraham laa, «Mə nùŋsə ghɔ laa a ndɔ luu tɨɨ məshɨ məyaŋ.» Nɨniŋ, ŋwə gù tii ŋwaa-nsiŋ vənshə vɨsɨ Nwi, faŋ ŋwə nə nùŋ fwi yi maa Nwi laa Nwi yweysə vəŋku və nsisə, yɨ̀sə laa vətɔ faŋ mbə nə kee lùu shɔ me, luu shɔ.

Roma 6:13

Kɨ viŋ baa kɨ kɔ fa yiŋwaa yiŋ tɨ́ nu bwə, maa məyɨsə nu faŋ ŋkə kee lùu kəloomə me. Viŋ bee kii fiŋ tɔ kiŋ tɨ́ Nwi, buꞌ faŋ viŋ lùu vɨɨ faŋ vəŋ nə fùu fɨ shɨ yiku, zɨ̀ məbwey. Nɨniŋ, viŋ kɔ yiŋwaa yiŋ tɨ́ Nwi, kɨ yɨsə vənu faŋ mbə lùu vəjəə, baa lùu vəloomə.

Roma 8:11

Kɨ luu laa Zwitə Ley Nwi ŋkɨə faŋ ŋkə nə ywèysə Yeso fɨ shɨ yiku nə, lùu taa fwisə viŋ, buu Nwi faŋ ŋwə nə ywèysə Yeso fɨ shɨ yiku nə, ndɔ yɨsə yiŋwaa yiŋ faŋ nyə ndɔ ku, baa ywèy nɨzi buꞌ Zwitə ki faŋ ŋkə lùu taa fwisə viŋ nə.

1 Kɔrintian 15:36

Wə ntɨə faŋ ŋwə bìtə kəŋ nu ghɔ́ nə, luu mfaw. Maa viŋ kɨɨ laa yisay faŋ wə ndɨ̀, gə̀ sɔ̀ taa biisə, nyə bɨ fɔŋ ku buu tɔŋ.

1 Kɔrintian 15:45

Lùu faŋ vɨ nə nyɔ̀ꞌ taa ŋwaꞌlə Nwi laa, Nwi nə bɔ̀ŋ Adam, faŋ nə lùu mfɔŋ wə faŋ ŋwə kìi məbwey. Adam mɔ́ꞌ baa lùu shɔ faŋ ŋwə nə jwì fɨ yiba. Luu Kristo faŋ ŋwə lùu wuu Zwitə Nwi, faŋ ŋwə kɔ məbwey tɨ́ vɨɨ.

2 Kɔrintian 3:6

faŋ ŋwə yɨ̀sə laa yia kuꞌnə yaa vɨɨ faꞌ maa məkee məfimə. Məkee məfimə mbɔ́ vɨ nə kee nyɔ̀ꞌ nə ghɔ taa ŋwaꞌlə me. Nə gwìa Zwitə Nwi gwìa məkee mbɔ́. Nu ŋkɨə faŋ vɨ nyɔ̀ꞌ nə ghɔ taa ŋwaꞌlə, lùu ntɨsə Nwi faŋ nsə yuu kɨ jwi nə yiku. Luu nə, Zwitə Nwi kɔ́ kɔ məbwey tɨ́ vɨɨ.

2 Kɔrintian 5:19

Nwi nə luu taa ŋwaa Kristo, mètə nsɔꞌ vɨɨ fɨ mbi ghɔ vɨ vəŋ, kee bə̀ŋsə nu bwə vəŋ tɨ́ vəŋ me. Nwi nuŋsə yia laa yia kɨ gisə nu məmetə nsɔꞌ tɨ́ vɨɨ.

Efesɔs 2:1

Viŋ yaa luu vəŋku və vɨɨ, buꞌ vənu vəbwəvə viŋ nə ghuu yitoꞌ kiŋ kəbwəkə.

Efesɔs 2:11

Nɨniŋ, viŋ lumə laa viŋ yaa luu vɨɨ məmanə Nwi shù fɨ taa njyoꞌsə vənshwi viŋ. Vɨɨ mbɨə faŋ vɨ tii vəŋ nə vɨɨ faŋ vɨ nə nàysə, buꞌ faŋ vɨ nàysə ŋwaa vəŋ nə ghɔ nə, vəŋ nə tìi viŋ nə tənswia.

Efesɔs 5:14

Luu sheꞌ faŋ vɨ gi laa, «Yenə mɔɔ, wuu mbweysə, ndɔ fɨ shɨ yiku, buu Kristo taa kɔ məley tɨ́ ghɔ.»

Kɔlɔsii 2:12

Faŋ viŋ nə fì muu mə Nwi nə, ŋkə nə lùu yaa vɨ zwì viŋ Kristo mɔ́ꞌ, təə, nshinə yibwə yiŋ ku. Sheꞌ nɨniŋ, Nwi yweysə viŋ vɨ Kristo fɨ shɨ yiku mɔ́ꞌ, buꞌ faŋ viŋ nùŋ fwi siŋ maa wutə Nwi, faŋ ŋwə ywèysə Yeso Kristo fɨ shɨ yiku nə.

1 Timoti 5:6

Luu nə, zu ŋku mɔ́ꞌ kɨ luu toꞌ zɨ shɨ, buu ŋwə toꞌ lùu ŋku wə.

1 Timoti 6:13

Mə tɨsə ghɔ vɨsɨ Nwi faŋ ŋwə yɨsə vətɔ vənshə bwey, baa nə vɨsɨ Yeso Kristo, faŋ ŋwə nə bìŋ nu ki jəə ntee vɨsɨ goməna Pɔntiɔs Pilate.

Hibru 6:1

Faŋ ŋkə lùu nɨniŋ nə, bàw nsiŋ kɨ gə vɨsɨ nə nu ŋkɨə faŋ lùu nu wə faŋ ŋwə ta kùꞌnə. Nsiŋ kee baa kɨ gisə kɔ̀ŋ mfɔŋsə vənu və Kristo me, faŋ lùu laa vɨɨ kwiinə fwisə vəŋ, kee baa kɨ yɨsə vənu vəbwəvə faŋ mbə jwi nə yiku nə me, baa nə laa vɨɨ nuŋ fwi vəŋ maa Nwi. Viŋ duꞌtə viŋ kɨɨ nə vənu vɔ́. Kaꞌ vɨ kee bɔ̀ŋ shɨ ŋii ghee bɔɔ me.

Hibru 9:14

Nɨniŋ, faŋ mənshi mə nyaa mbɔ́ kìi wutə maa məyɨsə laa vɨɨ ley, buu mənshi mə Kristo weꞌ shɔ̀ɔ yimbii, sɔ̀ yibɨsə nyaa-nsiŋ, yɨ̀sə laa fwi saŋ-nsiŋ ley. Zwitə Nwi nə kɔ̀ wutə tɨ́ Kristo laa ŋwə ndi ŋkee ŋwaa wi, faŋ nu bwə nə kee bee lùu maa ŋwə nə me, fèꞌ ndey shɔ buꞌ nsiŋ, laa ŋwə yɨ̀sə fwi saŋ-nsiŋ ley, tɨ́ kaꞌ nsiŋ kee baa yɨ̀sə vənu vəbwəvə, faŋ mbə jwi nə yiku nə me. Nɨniŋ laa nsiŋ faꞌ tɨ́ Nwi faŋ lùu Nwi məbwey.

Jeyms 2:17

Luu sheꞌ nɨndɨŋ maa məbiŋ Nwi. Wə kɨ luu bìŋ nu Nwi, kee kɨ yɨsə nu ŋkɨə faŋ Nwi kəə me, buu məbiŋ wi ghɔ́ lùu nu yɔŋ.

Jeyms 2:20

A luu mfaw, bàw a kɨɨ laa, wə kɨ luu biŋ Nwi, kee kɨ yɨsə nu ŋkɨə faŋ Nwi gì me, buu lùu nu dayday.

Jeyms 2:26

Maa ŋwaa wə faŋ zwitə ki kee lùu shɔ me lùu ŋku wə. Sheꞌ nee, wə faŋ ŋwə bìŋ nu Nwi, kee kɨ yɨsə nu ŋkɨə faŋ Nwi kəə me, buu nu məbiŋ ki lùu ŋku nu nɨzi.

1 Jɔn 2:12

Mə ŋwaꞌlə tɨ́ viŋ, vaŋ vaŋ, laa Nwi mèꞌ yibɨsə yiŋ buꞌ Yeso Kristo.