Kɔlɔsii 2:12 - Vengo (Babungo)

¹² Faŋ viŋ nə fì muu mə Nwi nə, ŋkə nə lùu yaa vɨ zwì viŋ Kristo mɔ́ꞌ, təə, nshinə yibwə yiŋ ku. Sheꞌ nɨniŋ, Nwi yweysə viŋ vɨ Kristo fɨ shɨ yiku mɔ́ꞌ, buꞌ faŋ viŋ nùŋ fwi siŋ maa wutə Nwi, faŋ ŋwə ywèysə Yeso Kristo fɨ shɨ yiku nə.

Kɔlɔsii 2:12 ပူးပေါင်းရင်းမြစ်များ

Lukas 17:5

Vɨɨ ntɔŋ tɨta Yeso gi tɨ́ ŋwə laa ŋwə kuꞌsə wutə maa vəŋ, tɨ́ kaꞌ vəŋ nùŋ fwisə vəŋ maa Nwi, wèꞌ shɔ.

Akts 14:27

Faŋ vəŋ nə bəŋ jwi zìꞌ Antiɔk, bàytə vɨɨ məbiŋ nu Kristo, nàysə vənu vənshə faŋ Nwi nə gàŋtə vəŋ, vəŋ yɨsə, baa nə faŋ Nwi ŋaꞌsə jɨɨ tɨ́ vɨɨ tətɔŋ fu, laa vəŋ biŋ nu Nwi.

Akts 2:24

Luu nə, Nwi yweysə ŋwə fɨ shɨ yiku, fùusə ŋwə fɨ taa ghɔ yiku, buꞌ laa wutə yiku nə kee kùꞌ maa məjia ŋwə me.

Akts 2:32

Nɨniŋ, Nwi nə ywèysə Yeso fɨ shɨ yiku, yia vənshə ye ŋwə nə sɨ ghia.

Roma 4:24

Vɨ nə nyɔ̀ꞌ yigi yɔ́ tɨ́ nsiŋ nɨzi, buꞌ laa Nwi taa ndi nsiŋ yaa vɨɨ loomə nɨzi, faŋ nsiŋ nùŋ fwi saŋ-nsiŋ maa Nwi faŋ ŋwə nə ywèysə tɨta ŋwaa-nsiŋ Yeso fɨ shɨ yiku.

Roma 7:4

Nɨniŋ, vaŋ-nshwi vaŋ, gə̀ fɨ maa jɨɨ yiŋ, vɨ nə zwì ŋwaa Kristo, zwì luu viŋ fɨ kwiŋ ntɨsə Nwi. Ntɨsə Nwi kee baa kii viŋ me, viŋ lùu way ŋwaa wə dɨday. Kìi wə ntɨə faŋ ŋwə nə ywèy fɨ shɨ yiku nə, kìi viŋ ndwə, laa nsiŋ kɨ kwaanə vətaŋ tɨ́ Nwi, yɨsə vənu vəjəəvə.

1 Kɔrintian 12:13

Faŋ nsiŋ kɔlə lùu nɨŋkwiŋ nɨŋkwiŋ nə, faŋ vɨɨ mɔ́ꞌ lùu vɨɨ Jus, vəmɔ́ꞌ lùu vɨɨ Griik, vɨɨ mɔ́ꞌ baa lùu vəbuꞌ, vɨɨ mɔ́ꞌ kee lùu vəbuꞌ me, nsiŋ vənshə nə fì Zwitə Nwi kɔ́ kəmuꞌ.

1 Kɔrintian 15:20

Luu nə, ŋkə luu ŋkee nu yinsəŋ laa Nwi nə ywèysə Kristo fɨ shɨ yiku. Ŋwə nə luu mfɔŋ wə maa məywey fɨ shɨ yiku.

Galatia 3:27

Viŋ vənshə faŋ viŋ duꞌtə viŋ fi muu mə Nwi, lùu fa kəmuꞌ viŋ vɨ Kristo. Buꞌ muu mbɨə faŋ viŋ fi nə, viŋ biꞌ nshinə Kristo maa viŋ.

Efesɔs 2:8

Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ.

Efesɔs 3:17

Kristo baa nɔ̀ŋ taa fwisə viŋ, faŋ viŋ nùŋ fwi siŋ maa ŋwə, laa viŋ kɨ kaw ŋwə ŋkee dɨdɨꞌ. Mə buꞌ ghɔ tɨ́ Nwi laa viŋ nuŋ fwi siŋ maa ŋwə sheꞌ faŋ vɨ yaa kɨ bia tɨ taa nsi, ŋkə ŋìisə ghay ghi taa shɔꞌ, tɨŋ ŋkee kəweꞌ.

Efesɔs 3:7

Mə nə kìasə gù wuu faꞌ ntɔŋ yijəə yɔ́, faŋ Nwi nə kèe gəŋ saŋ, kèy mə nə faꞌ ghɔ́ nə, sùŋtə mə ŋkee nə wutə ki kəkwalə.

Efesɔs 4:5

Tɨɨ faꞌ wiŋ luu muꞌ. Viŋ biŋ Nwi maa jɨɨ yimuꞌ. Muu mə Nwi faŋ viŋ nə fi nə, lùu fəmuꞌ.

Efesɔs 5:14

Luu sheꞌ faŋ vɨ gi laa, «Yenə mɔɔ, wuu mbweysə, ndɔ fɨ shɨ yiku, buu Kristo taa kɔ məley tɨ́ ghɔ.»

Filipi 1:29

Lùu nɨniŋ buꞌ laa Nwi key viŋ nə jɨɨ maa mənuŋ fwi siŋ maa Kristo, key viŋ nə nu məye ŋɨꞌ buꞌ nu Kristo nɨzi.

Kɔlɔsii 1:29

Lùu ŋiꞌ nu ŋkɨə faŋ mə kɨɨtə, faꞌ nəŋay, baa nə wutə ŋkɨə faŋ Kristo kɔ̀ shee nə. Wutə ki kɔ́ faꞌ taa ŋwaa mə ŋkee dɨdɨꞌ.

Kɔlɔsii 2:13

Yighee vɨsɨ viŋ yaa luu yaa vəŋku və vɨɨ, viŋ nə kee kìi məbwey yinsəŋ me, buꞌ faŋ viŋ nəə yɨsə vənu vəbwəvə, kee bee lùu vɨɨ Nwi me. Luu nə, Nwi bweysə nsiŋ, ndènə yibɨsə nyaa-nsiŋ, buꞌ faŋ ŋwə nə ywèysə Kristo fɨ shɨ yiku.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 6:2

Kɨ yia baa tey kɨ twelə tɨ́ viŋ kɔ̀ŋ nu məfi muu mə Nwi nə məmɔꞌ ghɔ tɔ vɨɨ, baa nə nu ŋkɨə faŋ Nwi ndɔ yweysə vɨɨ fɨ shɨ yiku, ndɔ baa kɨ shia nsɔꞌ tɔ vɨɨ maa yighee shə me.

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,