Kɔlɔsii 2:11 - Vengo (Babungo)

¹¹ Gə fɨ maa nu məsɨɨtə vɨɨ, faŋ vɨɨ mɔ́ꞌ gì laa lùu shwenə vɨɨ Nwi nə, viŋ kɔꞌ kɨɨ laa Kristo duꞌtə ŋwə sɨɨtə̀ viŋ, luu nə, ŋwə yɨ̀ maa jɨɨ yiday, faŋ vɨ kee yɨ̀sə maa mbasə ŋwaa me. Kristo kɔ̀ shwenə day tɨ́ viŋ faŋ ŋkə də̀ laa viŋ lùu vɨɨ vi. Shwenə yiŋkii faŋ Kristo kɔ̀ tɨ́ viŋ nə, lùu laa ŋwə mèꞌ nshinə yibwə yiŋ.

Kɔlɔsii 2:11 ပူးပေါင်းရင်းမြစ်များ

Mark 14:58

«Yia nə zɔ̀ faŋ ŋwə nə gì laa yi taa dɔŋsə ŋii Nwi yikwalə nyə̀, faŋ vɨ nə fianə nə ghɔ, baa bɔŋ yiday, kee nə ghɔ me, maa vəshi vətia.»

Lukas 2:21

Vəshi kɨ ziꞌ yifɔŋ, vɨ sɨɨtə wee ghɔ́, shu yizii yi laa Yeso, faŋ nshiiŋii Nwi nə nàysə tɨ́ Meri maa yighee njyə faŋ ŋwə nə kee ta gɔ̀ ŋwə me.

Akts 17:24

Nwi ŋgwə faŋ ŋwə nə bɔ̀ŋ mbi nə vətɔ vənshə fɨ taa mbi, lùu tɨɨ yizɔ nə tɨɨ shɨ nsi. Kaꞌ ŋwə kee shì taa ŋii faŋ fìa vɨɨ nə ghɔ vəŋ me.

Akts 7:48

Faŋ ŋkə nə kɔlə lùu nɨniŋ nə, Nwi fɨ taa yizɔ kee yaa kɨ shi taa ndɔꞌ faŋ fìa vɨɨ me, yuu nshiiŋii-sɔghɔ nə naysə.

Roma 2:29

Wuu Jus yinsəŋ lùu wə faŋ fwi yi ley, sheꞌ yaa vɨ sɨ̀ɨtə ŋwə fɨ maa fwi yi, faŋ lùu nu faꞌ Zwitə Nwi. Ŋiꞌ wuu Jus kee lùu nu faŋ vɨ ye nə yisɨ maa mbasə ŋwaa wi me, luu nə, lùu nu fwi yi. Kəŋ wə ghɔ́ fi bəŋsə wi fɨ ghɔ Nwi, kee fi fɨ ghɔ vɨɨ me.

Roma 6:6

Maa nsiŋ kɨɨ laa, yighee njyə faŋ vɨ nə bèy Yeso Kristo fuu fəŋkɔꞌ fə ŋkɨꞌsə nə, vɨ nə bèy vənu vəbwəvə vaŋ-nsiŋ, nsiŋ vɨ vəŋ mɔ́ꞌ, laa yiŋwaa yimwa nyaa-nsiŋ yɔ́ faŋ vənu vəbwəvə lùu taa tey yi nə, ndi, nsiŋ kee baa lùu vəbuꞌ tɨ́ nu bwə me.

Roma 7:24

Ebee, wee-ŋkuwə, mə dùꞌ taa ŋwaa mə ŋkee maa kwiŋ yiku. Taa bweysə ndə bweysə mə fɨ ghɔ kwiŋ yiku nyə̀?

2 Kɔrintian 5:1

Nsiŋ kɔꞌ kɨɨ laa yiŋwaa nyaa-nsiŋ lùu yuu vəbee faŋ vɨ ndɔ sɔꞌ. Yighee njyə faŋ vɨ ndɔ sɔꞌ vəbee vɔ́, nsiŋ kɨ nii fì yiŋwaa yimɔ́ꞌ fɨ ghɔ Nwi, faŋ nyə lùu yaa ŋii faŋ vɨ fianə taa yizɔ tɨ́ nsiŋ, kee fianə nə ghɔ me. Nyə taa goꞌsə yighee muꞌ.

2 Kɔrintian 5:17

Nɨniŋ, wə kɨ luu kìi nu kəmuꞌ ghɔ Kristo, Nwi nàysə ŋwə, ŋwə gu fa fi, vənu vəmwavə vi ndì, gù vəfi.

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Efesɔs 4:22

faŋ lùu laa, viŋ baꞌsə vənu vəmwavə fɨ maa viŋ, faŋ viŋ nəə yɨsə yighee vɨsɨ nə, faŋ fwi siŋ nəə ndɔ maa vətɔ və məbweꞌsə ŋwaa, faŋ mbə bɨsə yiŋwaa yiŋ nə.

Filipi 3:3

Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

Kɔlɔsii 3:5

Nɨniŋ, viŋ meꞌ nshinə yimwanə yiŋ, faŋ nyə ndɔ̀ fɨ taa mbi yibwə. Viŋ ndi nshinə yɔ́ yaa nu faŋ ŋkə duꞌtə ŋkə ku. Kɨ viŋ baa kɨ tii vəki me, tɨꞌnə me yɨ kəŋ nu bwə mɔ́ꞌ me. Kɨ fwi yiŋ ndɔ maa nu me. Kɨ viŋ tə sɨ maa nu bwə me, tɨꞌnə me baytə vətɔ vəyaŋ me, buꞌ laa wə kɨ luu kɨ baytə vətɔ vəyaŋ, buu vətɔ vɔ́ kɨ nii luu tɨ́ ŋwə yaa vənwi faŋ ŋwə feꞌ. Vənu vəbwəvə vɔ́ vənshə ndɔ fɨ maa nshinə yimwanə yɔ́.

Hibru 9:11

Luu nə, gə fɨ maa Kristo, ŋwə nə jwì yaa wuu kwalə məfeꞌ Nwi faŋ ŋwə faꞌ faꞌ wi maa shəŋ ŋkɨə faŋ ŋkə kwalə shɔ̀ɔ shəŋ məkɔ Nwi fɨ shɨ nsi nyə̀, faŋ ŋkə baa lùu kəjəə shɔ̀ɔ ŋkə shɨ nsi. Nə kee bɔ̀ŋ vɨɨ bɔ̀ŋ shəŋ kɔ́ me; shəŋ kɔ́ kee bee lùu shɨ nsi nyə̀ me. Kristo jwì yaa wuu məkɔ Nwi kwalə tɨ́ kaꞌ vɨɨ ndɔ zɨ məbwey vəlwaŋ.

Hibru 9:24

Kristo nə ŋìi maa shəŋ ŋkɨə faŋ Nwi lùu shɔ yizɔ. Ŋwə tɨŋ vɨsɨ Nwi maa yizii nyaa-nsiŋ ndwə. Ŋwə nə kee bee ŋii taa vəbee və Nwi faŋ fìanə wə mənsaw me, faŋ luu sheꞌ shwenə shəŋ faŋ Nwi lùu shɔ nə.