Kɔlɔsii 2:1 - Vengo (Babungo)

¹ Mə kəə laa viŋ kɔꞌ kɨɨ faŋ mə kɨɨtə, nywenə buꞌ viŋ nə vɨɨ Laodosia, baa nə vɨɨ vənshə faŋ vəŋ kee ta yè mə nə yisɨ me.

Kɔlɔsii 2:1 ပူးပေါင်းရင်းမြစ်များ

Lukas 22:44

Ŋwə tey kɨ lɔꞌ yaa wə faŋ ŋwə lùu shuu yiku, baa metə bùꞌ ghɔ tɨ́ Nwi, shɔ̀ɔ yighee vɨsɨ. Nyuꞌsə ki gu yaa mənshi, shəŋkə nsi.

Akts 20:25

Mə duꞌtə mə toꞌ fɨ taa ŋwaa viŋ, toꞌ fɨ̀ꞌtə nu yifwàŋ Nwi tɨ́ viŋ. Nɨniŋ ndwə, mə kɔꞌ kɨɨ laa wə fɨ wiŋ kee ndɔ baa ye mə me.

Akts 20:38

Gəŋsə nə koo vəŋ ŋkee dɨdɨꞌ, buꞌ yigi njyə faŋ ŋwə nə gì laa vəŋ kee ndɔ baa ye yi nə me. Vəŋ kɨ nii ndì ŋwə, gə̀ twey ŋwə taa bay.

Galatia 4:19

Vaŋ vaŋ faŋ mə kàw, mə lùu yaa wəzwi faŋ ŋwə kɨ bii bi, mə baa ye ŋɨꞌ buꞌ viŋ, gə ziꞌ tɨ́ yighee njyə faŋ nshinə Kristo ndɔ ŋii taa ŋwaa viŋ.

Filipi 1:30

Nɨniŋ, nsiŋ nywenə sheꞌ nywaŋ yimuꞌ. Viŋ nə duꞌtə viŋ ye nywaŋ njyə faŋ mə nə nywenə nə, baa zɔ̀ ndwə laa mə kɨ bii nywenə nywaŋ yɔ́.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

Kɔlɔsii 1:29

Lùu ŋiꞌ nu ŋkɨə faŋ mə kɨɨtə, faꞌ nəŋay, baa nə wutə ŋkɨə faŋ Kristo kɔ̀ shee nə. Wutə ki kɔ́ faꞌ taa ŋwaa mə ŋkee dɨdɨꞌ.

Kɔlɔsii 2:5

Nɨniŋ, faŋ mə kɔlə lùu ntaŋ fɨ yɨ viŋ nə, fwi nyaa lùu ghɔ viŋ taa ŋwaa viŋ. Mə kìi məŋaytə ŋkee dɨdɨꞌ, buꞌ laa mə kɔꞌ kɨɨ laa viŋ dùꞌ jəə, baa nùŋ fwi siŋ maa Kristo, tɨ̀ŋnə weꞌ maa nu Kristo.

1 Tesalonika 2:2

Viŋ baa luu kɨɨ faŋ yia nə bɨ yè ŋɨꞌ ntɨꞌ Filipi, vɨɨ kɔ ŋɨꞌ tɨ́ yia dɨdɨꞌ. Luu nə, yia jia fwi buꞌ Nwi wia, jwi fɨ̀ꞌtə ntɔŋ yijəə Nwi tɨ́ viŋ, faŋ vɨ nə kɔlə nywènə yia nə.

Hibru 5:7

Faŋ Yeso nə luu shɨ nsi, ŋwə nə shɔ̀ꞌtə Nwi shɔ̀ꞌtə, yùmə ŋkee nəŋay, mənsɨ fiŋkə fɨ sɨ ŋwə, ŋwə buꞌ ghɔ tɨ́ Nwi faŋ ŋwə kìi wutə maa məgaŋtə ŋwə fɨ ghɔ yiku. Nwi nə zɔ̀ məshɔꞌtə wi, buꞌ laa ŋwə nə luu wuu məfee Nwi.

1 Pita 1:8

Viŋ nə kee ta yè Yeso me, luu nə, kɨ kaw ŋwə, kee yè ŋwə me, kɨ nuŋ fwi siŋ maa ŋwə. Viŋ bəŋsə ŋwə, kɨꞌ ŋwə nə məŋaytə, ŋaytə shɔɔ ki, faŋ kaꞌ wə kee fɨ̀ꞌtə nə shuu wi me.

Reveleyshən 1:11

Gɨ yɔ́ gi laa mə nyɔꞌ nu ŋkɨə faŋ mə ye taa ŋwaꞌlə, tɔ̀ŋ tɨ́ vəməshəŋtə və vɨɨ Nwi kwatia. Vəməshəŋtə kwatia vɔ́ luu mbə fɨ shɨ Efesɔs, nə fɨ shɨ Smirna, nə fɨ Pergamum, nə fɨ Tiateyra, nə fɨ Sardis, nə fɨ Filadelfia, nə fɨ Laodosia.