Kɔlɔsii 1:9 - Vengo (Babungo)

⁹ Shù fɨ maa shi ŋkɨə faŋ yia nə zɔ̀ vənu vɔ́ kɔ̀ŋ viŋ nə, yia shɔꞌtə Nwi tɔ viŋ ghee nshə. Yia buꞌ ghɔ tɨ́ Nwi laa Nwi kɔ viŋ nə tɔ ley, tɨ́ kaꞌ viŋ kɨ̀ɨ nə nu ŋkɨə faŋ Nwi kəə laa viŋ kɨ yɨsə. Viŋ kɨɨ nə nu kɔ́ fɨ ghɔ Zwitə Ley Nwi, faŋ ŋkə kɔ̀ yitɔfə, yɨsə vənu vənshə lùu vəley tɨ́ viŋ.

Kɔlɔsii 1:9 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:17

Wə kɨ luu kɨ kəə yɨ̀ nu ŋkɨə faŋ Nwi kàw, buu kaꞌ ŋwə kɨɨ laa yigisə nyaa yɔ́ ndɔ̀ fɨ ghɔ Nwi, laa nyə kee lùu nu faŋ mə gisə maa ŋkɨɨ nyaa me.

Akts 12:5

Faŋ vɨ nəə shii Pita nɨniŋ fɨ taa ŋii mfiŋ, məshəŋtə vɨɨ məbiŋ Yeso shɔꞌtə Nwi tɔ ŋwə, kee bwa me.

Roma 12:2

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

1 Kɔrintian 1:5

Nwi nə tu mənɔŋ-bwaŋnə tɔ viŋ maa jɨɨsə səyaŋ, yɨ̀sə viŋ weꞌ maa nu Kristo. Viŋ kɨɨ gì yigi yijəənə, baa kɨ̀ɨ nə nu Nwi ŋkee jəə.

Efesɔs 1:8

Ŋwə nə gaŋtə nsiŋ shɔ̀ɔ ki, kɔ̀ ŋgwisə yitɔfə tɨ́ nsiŋ, ŋàꞌsə sɨ ŋaa-nsiŋ,

Efesɔs 5:10

Viŋ kɨ kwaꞌtə tɔ kiŋ maa nu ŋkɨə faŋ ŋkə bàw tɨ́ tɨta ŋwaa-nsiŋ.

Efesɔs 5:17

Nɨniŋ, kɨ viŋ lùu yaa vəmfaw me, luu nə, kɨɨ faŋ ŋkitə tɨta ŋwaa-nsiŋ lùu.

Efesɔs 6:6

Kɨ viŋ kɨ zɔnə vəŋ nə boꞌ me, faŋ viŋ kəə bàw tɨ́ vɨɨ me. Kɨ zɔnə vəŋ yaa vəbuꞌ və Kristo, faŋ vəŋ yɨ̀ nu ŋkɨə faŋ Nwi kàw nə fwi yiley nə.

Filipi 1:4

Ghee nshə faŋ mə shɔꞌtə Nwi tɔ viŋ, mə shɔꞌtə ŋwə tɔ viŋ vənshə nə məŋaytə,

Kɔlɔsii 1:6

Ntɔŋ yijəə Nwi yɔ́ zìꞌ maa vəshəŋ vənshə fɨ shɨ nsi, nyə yɨsə vɨɨ kwiinə nshinə vəŋ, kii nshinə yijəə. Viŋ nɨzi zɔ̀ fɨ fuŋ, nyə yɨ viŋ yɨsə vənu vəjəəvə, zì fɨ maa yighee njyə faŋ viŋ nə fɔŋ zɔ̀ yigi yɔ́, faŋ ŋkə nə lèy tɨ́ viŋ, viŋ kɨɨ jəə faŋ Nwi tu mənɔŋ-bwaŋnə wi tɔ viŋ.

Kɔlɔsii 3:16

Viŋ duꞌ kɨ bɨꞌtə sheꞌ yigisə Kristo fɨ taa fwisə viŋ ghee nshə. Viŋ kɨ ndi yitɔfə maa mədeesə wə nə wə nə nu Nwi, tɨsə wə nə wə. Viŋ kɨ bəŋsə Nwi nə nyaysə taŋ taŋ, viŋ kɨ zwa nyaysə faŋ Zwitə Ley Nwi kɔ̀ tɨ́ viŋ. Bàw viŋ yɨ nɨniŋ, baa bwàŋ Nwi nə fwi yimuꞌ.

Kɔlɔsii 4:12

Epafras, faŋ lùu wuu shɨ wiŋ, baa lùu wuu faꞌ Yeso Kristo nə, shɔꞌtə viŋ nɨzi. Ŋwə shɔꞌtə Nwi tɔ viŋ ghee nshə, ndwaŋ Nwi ŋkee nəŋay laa viŋ ta taa nu Nwi, wèꞌ shɔ, kɨ kɨɨ nə Nwi, tɨ́ kaꞌ viŋ bàw shɨlə, yɨ̀ nu ŋkɨə faŋ Nwi kàw.

Kɔlɔsii 4:5

Gə fɨ maa nshinə yiŋ, viŋ kii yitɔfə maa vɨɨ mbɨə faŋ kee lùu vɨɨ Nwi me! Kɨ viŋ kɨ bɨsə yighee njyə faŋ Nwi kɔ̀ tɨ́ viŋ, laa viŋ kɨ faꞌ tɨ́ ŋwə nə me!

1 Tesalonika 1:3

Yia kɨ lumə vəfaꞌ vəjəəvə viŋ faŋ viŋ faꞌ buꞌ məbiŋ wiŋ maa Nwi, baa nə vənu vəjəəvə viŋ faŋ viŋ yɨsə fɨ taa ŋkawnə, baa lumə faŋ viŋ jìa fwi, kɨ̀ꞌ tɨta ŋwaa-nsiŋ Yeso Kristo maa yizii Nwi, faŋ lùu Tii ŋwaa-nsiŋ nə.

1 Tesalonika 5:17

shɔꞌtə Nwi ghee nshə,

2 Tesalonika 1:11

Nɨniŋ, yia buꞌ ghɔ tɨ́ Nwi tɔ viŋ ghee nshə, laa ŋwə yɨsə viŋ kuꞌnə maa məndɔ zɨ məbwey vəlwaŋ faŋ ŋwə nə tìi viŋ shɔ nə, baa nə laa ŋwə ndɔ gaŋtə viŋ maa məmetə vənu vəjəəvə vənshə faŋ viŋ kàw maa məyɨsə, nə vəfaꞌ vənshə faŋ viŋ faꞌ nə wutə ki, buꞌ faŋ viŋ nùŋ fwi siŋ maa Kristo nə.

Filemon 1:4

Mə bwaŋ Nwi ŋwaa ghee nshə faŋ mə lumə ghɔ vɨsɨ Nwi taa məshɔꞌtə ŋwaa.

Filemon 1:6

Mə buꞌ ghɔ tɨ́ Nwi laa məbiŋ wə, faŋ nsiŋ faynə nùŋ fwi saŋ-nsiŋ maa Yeso Kristo nə, yɨsə a kɨɨ maa məyɨ vənu vəjəəvə vənshə faŋ mbə lùu taa ŋwaa nsiŋ buꞌ Yeso Kristo.

Hibru 10:36

Nu ŋkɨə faŋ ŋkə bàw tɨ́ viŋ, lùu laa viŋ goꞌsə viŋ vɨ Kristo, kee bwa me, tɨ́ kaꞌ viŋ kɨ yɨsə nu ŋkɨə faŋ too Nwi kàw, buu viŋ taa fi məbwey vəlwaŋ faŋ Nwi nə kɔꞌnə tɨ́ viŋ nə.

Hibru 13:21

Nwi kɔ viŋ nə vətɔ vəjəəvə vənshə faŋ mbə gaŋtə viŋ maa məyɨsə vənu mbɨə faŋ ŋwə kəə laa viŋ kɨ yɨsə. Yeso Kristo faꞌ taa fwisə nsiŋ, laa nsiŋ kɨ shi nə nshinə njyə faŋ nyə bàw too Nwi. Nsiŋ kɨ bəŋsə Yeso ghee nshə. Feenə wi ndɔ goꞌsə yighee muꞌ. Ŋkə lùu nɨniŋ.

Jeyms 1:5

Tɔ ley kɨ luu bə̀ə fɨ ghɔ wə mɔ́ꞌ fɨ taa ŋwaa viŋ maa yighee məmɔŋ, ŋwə ndwàŋ fɨ ghɔ Nwi faŋ ŋwə kɔ tɨ́ vɨɨ vənshə ghee nshə nə fwi yi yimuꞌ, kee sɨ̀ŋtə me. Nwi taa kɔ tɔ ley tɨ́ wə ghɔ́ faŋ ŋwə ndwaŋ nə.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

1 Pita 2:15

Nwi kəə laa viŋ kɨ yɨ sheꞌ vənu vəjəəvə, laa mbə shə shuu vəmfaw faŋ vəŋ kee kɨ̀ɨ nə nu me.

1 Pita 4:2

kee baa kɨ jɔŋ fɨ yiba jɨŋ vətɔ mbɨə faŋ vɨɨ kaw maa yighee nyə̀ me. Kɨ sɔꞌ ŋkitə Nwi sɔꞌ wə ghɔ́.

1 Jɔn 2:17

Mbi nə vətɔ mbɨə faŋ mbə lùu taa mbi, faŋ vɨɨ kaw, shɨshɔɔ. Luu nə, wə ntɨə faŋ ŋwə yɨ̀ nu ŋkɨə faŋ Nwi kəə, ndɔ goꞌsə yighee muꞌ.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.