Kɔlɔsii 1:5 - Vengo (Babungo)

⁵ buꞌ laa viŋ kɨꞌ vənu mbɨə faŋ Nwi nùŋsə tɨ́ viŋ yizɔ. Nə yɨ̀sə yigisə Nwi kɔ̀ŋ Yeso Kristo, faŋ luu ŋkee nu yinsəŋ, buu viŋ zɔ kɔ̀ŋ vənu vɔ́ faŋ Nwi nùŋsə tɨ́ viŋ yizɔ nə.

Kɔlɔsii 1:5 ပူးပေါင်းရင်းမြစ်များ

Lukas 12:33

(Yeso baa gì laa,) «Viŋ fiŋ vətɔ viŋ, gàŋtə vɨɨ ŋɨꞌ shɔ. Nɨniŋ, viŋ naysə vəpɔsa viŋ faŋ kaꞌ mbə kee ndɔ dwaŋ me. Bàw viŋ kəə ka faŋ lùu ŋgwə yizɔ, faŋ lùu məbwey vəlwaŋ faŋ ŋwə goꞌsə yighee muꞌ. Kaꞌ ndɔꞌ kee jwi shaw kəŋ ka ghɔ́ me. Kaꞌ fənda gɔ kee nda me.

Akts 10:36

Viŋ kɔꞌ kɨɨ nə yigi njyə faŋ Nwi nə tɔ̀ŋ tɨ́ vɨɨ Isirayl laa, mənɔŋ-bwaŋnə lùu fɨ yiba Yeso Kristo. Yeso lùu wuu məsɔꞌ mbi yinshə.

Akts 13:26

Vaŋ-nshwi vaŋ, faŋ viŋ lùu vaŋ ŋiꞌ ŋii Abraham, tɨꞌnə me vɨɨ vəmɔ́ꞌ faŋ vəŋ fee Nwi nɨzi, viŋ kɔꞌ kɨɨ laa Nwi tɔ̀ŋ nu ŋkɨə faŋ ŋkə bweysə vɨɨ tɨ́ nsiŋ.

Akts 23:6

Pɔɔl nə gì nɨniŋ, kɨɨ laa way vɨɨ mɔ́ꞌ fɨ taa ŋwaa vəshɨꞌ vɔ́ nə luu vɨɨ Sadusii, way mɔ́ꞌ luu vɨɨ Farisii, ŋwə yumə taa ŋii nsɔꞌ yɔ́ laa, «Vaŋ-nshwi vaŋ, mə lùu wuu Farisii, baa lùu wee vɨɨ Farisii. Mə lùu taa nsɔꞌ feenə buꞌ laa mə tə sɨ, baa kɨ̀ɨ laa vəŋku və nsisə ndɔ ywey.»

Akts 24:15

Mə kìi məbiŋ maa Nwi sheꞌ yaa vəŋ kìi, laa vɨɨ vənshə, vɨɨ bwənə nə vɨɨ jəənə ndɔ ywey fɨ shɨ yiku.

Roma 10:8

Luu nə, ŋwaꞌlə Nwi baa gì laa lee, «Yigisə Nwi lùu nshənə tɨ́ ghɔ. Nyə lùu shuu ghɔ, baa lùu taa fwi ghɔ nɨzi.» Yigisə Nwi yɔ́ lùu nu Kristo ŋkɨə faŋ yia fɨꞌtə tɨ́ vɨɨ nə, laa vəŋ nuŋ fwisə vəŋ maa ŋwə.

1 Kɔrintian 13:13

Vənu lùu shɔ vətia faŋ kaꞌ mbə kee ndɔ mè me. Nu kəmuꞌ lùu laa nsiŋ kɨ nuŋ fwi saŋ-nsiŋ maa Nwi. Nu mɔ́ꞌ lùu məbwey vəlwaŋ faŋ nsiŋ kɨꞌ fɨ ghɔ Nwi nə. Nu lwesə vətia luu ŋkawnə. Fɨ maa vənu və̀ vətia nə, nu ŋkawnə kwàlə shɔ̀ɔ vənu vɔ́ vənshə.

1 Kɔrintian 15:19

Nii toꞌ lùu laa vɨ tə sɨ maa Yeso Kristo sheꞌ buꞌ məbwey taa mbi nyə̀ ndwə, buu ŋkə taa bɨ tɨ́ nsiŋ shɔ̀ɔ vɨɨ vənshə.

2 Kɔrintian 5:19

Nwi nə luu taa ŋwaa Kristo, mètə nsɔꞌ vɨɨ fɨ mbi ghɔ vɨ vəŋ, kee bə̀ŋsə nu bwə vəŋ tɨ́ vəŋ me. Nwi nuŋsə yia laa yia kɨ gisə nu məmetə nsɔꞌ tɨ́ vɨɨ.

2 Kɔrintian 6:7

gisə yigi yibinə, weꞌ nə wutə Nwi, nywenə maa nu ŋkɨə faŋ ŋkə lùu kəloomə ŋkee nə wutə, yuu wuu yighaw faŋ ŋwə jia vətɔ və yighaw maa kwiŋ maꞌnə nə kwiŋ ŋkwii nɨzi.

Galatia 2:14

Nɨniŋ, faŋ mə nə ye laa vəŋ kee beꞌsə jɨɨ yinsəŋ nu Nwi me, mə ndɔ tɨ̀ŋnə vɨsɨ vəŋ vənshə nə Pita, gì tɨ́ Pita ntee laa, «Aŋ ghɔ, faŋ a lùu wuu Jus, a yɨsə vənu yaa vɨɨ mbɨə faŋ vəŋ kee lùu vɨɨ Jus me; a kee shi nshinə yə yaa wuu Jus me. Faŋ ŋkə lùu nɨniŋ, sii yɨ̀ kə a kəə laa vɨɨ mbɨə faŋ vəŋ kee lùu vɨɨ Jus me, yɨsə vənu yaa vɨɨ Jus, toꞌ maa nuŋsə vɨɨ Jus, buu kaꞌ a biŋ vəŋ yinsəŋ?

Galatia 2:5

Nɨniŋ, yia nə kee kɔ vəŋ tuu nə wee-jɨɨ me, kee bee biŋ vəŋ tuu yighee muꞌ me, buꞌ laa yia kəə sheꞌ nu kəmuꞌ, laa nu Nwi yinsəŋ goꞌ taa ŋwaa viŋ.

Galatia 5:5

Gə fɨ maa yia, yia nùŋ fwi sia maa wutə Zwitə Nwi, kɨꞌ laa Nwi ndi yia yaa vɨɨ loomə vɨsɨ ŋwə, buꞌ laa yia nùŋ fwi sia maa Kristo.

Efesɔs 1:13

Gə fɨ maa viŋ, faŋ viŋ nə zɔ̀ nu yinsəŋ Nwi sheꞌ fɨ yiba, viŋ zɔ̀ ntɔŋ yijəə Nwi nɨzi, faŋ nyə bweysə viŋ nɨzi. Viŋ kɨ nii nùŋ fwi siŋ maa Kristo nɨzi. Nwi kɔ viŋ nə Zwitə Ley ki, faŋ ŋwə nə kɔ̀ꞌnə maa məkɔ tɨ́ vɨɨ nə. Zwitə Ley Nwi kɔ́ lùu shwenə ki mbɨɨ ŋwaa viŋ,

Efesɔs 4:21

Viŋ nə kee zɔ̀ nu Kristo yimu? Maa vɨ nə dèesə viŋ nə nu kɔ́? Maa viŋ kɨɨ nə nu yinsəŋ Yeso,

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:27

Ŋkə nə bàw tɨ́ Nwi laa Nwi yɨsə laa vɨɨ vi kɨɨ faŋ yigi yɔ́ dùꞌ, baa kwàlə shɔ̀ɔ. Nyə kìi sey kwalə tɨ́ vɨɨ məshɨ məshɨ. Nu kwalə kɔ́ lùu laa Kristo shi taa fwisə viŋ. Nɨniŋ, viŋ kɨ nii tə̀ sɨ maa vəkeynə və Nwi faŋ mbə kwalə shɔ̀ɔ.

Kɔlɔsii 3:16

Viŋ duꞌ kɨ bɨꞌtə sheꞌ yigisə Kristo fɨ taa fwisə viŋ ghee nshə. Viŋ kɨ ndi yitɔfə maa mədeesə wə nə wə nə nu Nwi, tɨsə wə nə wə. Viŋ kɨ bəŋsə Nwi nə nyaysə taŋ taŋ, viŋ kɨ zwa nyaysə faŋ Zwitə Ley Nwi kɔ̀ tɨ́ viŋ. Bàw viŋ yɨ nɨniŋ, baa bwàŋ Nwi nə fwi yimuꞌ.

1 Tesalonika 2:13

Nɨniŋ, yia bwaŋ Nwi buꞌ viŋ ghee nshə. Yighee njyə faŋ yia nə jwì nə yigisə Nwi tɨ́ viŋ nə, viŋ zɔ, nùŋ fwi siŋ shɔ, kee ndì yigisə yɔ́ yaa yigisə wə mənsaw me, ndì lùu yaa yigisə Nwi, faŋ nyə lùu nɨniŋ yinsəŋ. Nə luu nɨniŋ buꞌ laa Nwi nə faꞌ taa ŋwaa viŋ, faŋ viŋ nə nùŋ fwi siŋ maa ŋwə nə.

2 Tesalonika 2:16

Nshɨ-tɔ tɨta ŋwaa-nsiŋ Yeso Kristo nə tɨta Nwi faŋ ŋwə nə kàw nsiŋ, kèe gəŋ saŋ-nsiŋ, bàwsə fwi saŋ-nsiŋ, nsə kuꞌnə yighee muꞌ nə, yɨsə nsiŋ kɨ kɨꞌ ŋkee nu jəə.

1 Timoti 1:15

Yigisə Nwi lùu nu jəə. Bàw vɨɨ vənshə biŋ laa Yeso Kristo nə fùu taa mbi maa məbweysə vɨɨ bwənə, faŋ mə luu nshɔɔ vɨsɨ vəŋ.

2 Timoti 4:8

Nu ŋkɨə faŋ ŋkə gòꞌ, lùu laa, mə ndɔ fi shwaŋ nu jəə ŋkɨə faŋ Nwi ndɔ kɔ tɨ́ vɨɨ mbɨə faŋ vənu vəvəŋ lùu vəloomə. Tɨta Nwi faŋ ŋwə ndɔ sɔꞌ nsɔꞌsə vɨɨ, sɔꞌ shìa nyə yiloomə. Ŋwə ndɔ kɔ nu jəə kɔ́ shee maa shi vəndwə, kee kɨ kɔ luu sheꞌ tɨ́ mə me, ŋwə kɔ luu tɨ́ vɨɨ vənshə faŋ vəŋ kɨꞌ ŋwə nə ŋkawnə, tə̀ sɨ maa məjwi wi faŋ ŋwə ndɔ baa jwi mbi nə.

Taytəs 1:2

Mə faꞌ faꞌ ghɔ́ buꞌ laa mə kɨꞌ məbwey vəlwaŋ faŋ ŋwə gòꞌsə yighee muꞌ. Nshɨ-tɔ Nwi faŋ ŋwə kee yaa kɨ sɨɨ ba me, nə kɔ̀ꞌnə shù fɨshi maa məndɔ kɔ məbwey vəlwaŋ ghɔ́ tɨ́ vɨɨ.

Hibru 7:19

Ntɨsə sɔ́ nə kɨ kaꞌ nsə kee yɨ̀sə wə lùu wuu jəə tɨ́ Nwi me. Nwi bee kii jwì nə nu faŋ ŋkə bàw, faŋ nsiŋ nùŋ fwi saŋ-nsiŋ shɔ, tɨ́ kaꞌ nsiŋ shəŋtə yɨ Nwi.

1 Pita 2:2

Viŋ lùu yaa vaŋ faŋ vɨ bɨ kɨ bɨbi vəŋ, faŋ vənshwi vəŋ yaa bɨ bɨbi vəŋ, vəŋ kɨ kəə yiməŋ ghee nshə. Bàw jɨŋ nu Nwi kɨ zasə viŋ sheꞌ yuu yiməŋ zasə vaŋ nə, buu viŋ taa kɨ ta taa nu Nwi, tɨ́ kɨ kaꞌ Nwi ndɔ bweysə viŋ.

1 Pita 3:15

Viŋ kɨ bəŋsə sheꞌ tɨta Kristo fɨ taa fwisə viŋ, nùŋ ŋwə laa lùu tɨɨ ŋii wiŋ. Viŋ jia fwi siŋ ghee nshə maa məbəŋsə nu faŋ vɨɨ bitə tɨ́ viŋ kɔ̀ŋ nu məkɨꞌ məbwey vəlwaŋ, faŋ viŋ nùŋ fwi siŋ shɔ nə.

2 Pita 1:12

Lùu nu ŋkɨə faŋ mə naysə tɨ́ viŋ ghee nshə, mə taa kɔꞌ kɨ lɨlumə vənu vɔ́ tɨ́ viŋ, faŋ viŋ kɔlə kɨ̀ɨ nə mbə, baa wèꞌ shɔ maa vənu və yinsəŋ vɔ́ faŋ viŋ kɨ̀ɨ nə mbə nə.

1 Jɔn 3:3

Wə ntɨə faŋ ŋwə jìa fwi yi, kɨ kɨꞌ nu kɔ́ fɨ ghɔ Nwi, yɨsə laa fwi yi ley sheꞌ faŋ njii lèy.